財記美食 (Closed)

今晚在APM買完東西，順便在附近吃晚餐，發現這家財記美食，突然想吃小炒，就來一試水準。餐牌選擇多，各式港式小炒應有盡有，價位適中不收加一，難怪平日夜晚亦相當旺場。晚餐小炒送例湯、白飯及飲品，性價比極高。椒鹽九肚魚先來一客小炒吃飯必叫的椒鹽九肚魚，外層裹一層薄薄的粉下油鍋一炸，頓然色香味都更上一層樓，外皮香脆，鹹香惹味，而內裡的九肚魚滑膩柔美，一咬透發出椒鹽奇香和非凡惹味。咕嚕肉芡汁比一般的咕嚕肉薄一點，所以比較不膩口，味道融和，酸、甜、鹹味平衡，而且稀稠寬緊合度，豬肉肥瘦適中，入口咬嚼有外層焦香酥脆而內裡嫩滑的滋味。咸魚雞粒豆腐煲咸魚粒特別甘香醇厚，味道滲透豆腐，口感軟嫩，而雞粒份外酥軟香滑，吃來有齒頰留香之妙，每一啖都滋味豐美，也有口感與味道變化不一的驚喜。啫啫芥蘭煲因為怕熱氣改了碟上，但絲毫無減鑊氣風味，重本加入蝦乾和肉碎，而芥蘭清香脆嫩，熱力透發出的奇香，味重香濃，嫩滑可口。

今日同朋友去左官塘碼頭果頭行左一陣，行完過來食晚餐，我地去左財記美食有快餐和小菜選擇。一坐低先俾例湯我地，老火湯煲到好濃厚又鮮甜。豉椒炒蜆，蜆肉肥美又大隻又新鮮，蜆仔又冇沙又炒到好香。椒鹽九肚魚，九肚魚肉質肥美炸到外脆內，嫩，椒鹽又好香又野味。西蘭花炒牛肉，西蘭花炒到好碧綠，牛肉又炒到好嫩滑又夠入味，牛肉又大大片又厚好好味。姜蒐桶蠔煲，桶蠔煲先炸到好香，粉又唔會太厚蠔又大隻又新鮮，桶蠔煲煮到好入味又香噴噴

番工好激氣，同同事搵地方食飯呻下，周圍餐廳/樓上cafe都好多限時，想傾耐D，唯有麻甩D食茶記....我地想叫蒸魚，但唔識D魚名即係會係咩味道，樓面就算好忙 (見佢地不停聽電話接外賣) 都慢慢解答揀邊條啱我地食，好親切又好有禮貌，又問我地飲唔飲湯，好有家嘅感覺😂 即刻番工嘅悶氣都消左D 😂😂呢度叫小菜仲送飲品！！我地叫咗4個小菜：酥炸鯪魚球 ($58)唔油身，鯪魚味重，連埋蜆芥醬汁點，啖啖肉好襯，我覺得呢個係呢度必點嘅薑蔥清蒸三點魚 ($98)有唔同嘅魚可以揀， 我哋揀咗三點魚，無乜細骨又好新鮮，睇魚鮨就知，都厚肉金沙鮮魷 ($98)鹹蛋味重， 鮮魷都大塊馬拉盞炒通菜 ($68)馬拉盞辣味重， 通菜爽口茶記黎講，呢度算多款式同有特別D嘅菜式，坐都坐得幾舒服，每枱仲有消毒搓手液，員工都好乖無戴口罩戴到一半半咁，加分！呢度要變成我地放工聚腳地了

之前見到新開張，但未試過，所以就入去試試。夜晚入去點了兩款小菜，分別係西檸雞同榨菜蒸牛肉。先講過西檸雞，啲汁較稀，好似水咁(同平時其他地方食到嘅唔同)，而且啲雞亦唔脆，個炸皮都淋晒，呢款菜唔係好得。另外到榨菜蒸牛肉，食落去啲牛肉幾濃味，吸咗啲榨菜味，幾香。見到佢餐牌都仲有其他小菜，可以考慮再幫襯。至於到早餐，都係平時嗰啲沙嗲牛肉麵，但啲牛肉反而無味，而且個麵較淋，同埋啲湯好似熱水咁無味，再加上沙嗲牛肉啲汁又唔多，變得成碗麵都好淡。整體嚟講晚餐小菜都可以再試，而早餐就麻麻地。

與兩位同事去觀塘辦點事，臨走經過駿業街，有間茶餐廳叫財記美食，好像是最近新開的，大家見到門口餐牌都有興趣入去試吓，店員見到我們亦有禮招呼我們入座。餐廳有點像以前的大排檔，我們隱約聽到廚房在炒餸傳出her her聲，聽落好有鑊氣。薑蔥霸王雞半隻，霸王雞皮爽肉嫩，雞味濃郁，醬油調得夠味，夾埋薑蔥食更好味！薑蔥魚腩煲，先將魚腩煎香，再爆香蔥和薑再落調味料煮。啖啖魚肉和爆香過的蔥及薑，香噴噴真的吃不停口。咕嚕肉用咗梅頭豬肉做，肉質較嫩滑，啖啖肉又冇骨，外脆肉嫩味道甜甜酸酸越食越開胃。豉椒斑腩炒河，炒得都夠鑊氣，斑腩嫩滑，河粉份量不少，豉椒醬汁撈勻河粉食，又滑又惹味！所有主食配飲品都有優惠價，凍檸茶和凍咖啡夠凍又夠濃，汽水重有冰底，真的涼透心！

我哋常常來這邊晚飯小聚，平時唔通冇留意到，有間財記美食。門口的餐牌，看了都幾好，朋友話轉吓，大家就入座。餐廳光猛，而且地方都好整潔。嘟嘟芥蘭煲，芥蘭柔嫩，爽口，配了蝦乾鹹魚肉碎，更加香口。菠蘿沙拉骨，似生炒骨加了沙律醬，排骨炸得好鬆脆，個汁煮得啱啱好，加上沙律醬，甜甜地好醒胃。豉椒炒大蜆，好大碟。蜆新鮮，好甜。如果再辣多啲，就啱哂我口味，朋友話啱，系我鐘意食勁辣，哈哈！黑椒牛仔骨，黑椒味重，牛仔骨件件都好軟身，容易食。

其實呢間野轉左手之後都無入過黎，前身真係好麻麻啦。是晚好齊人想食餐飯，因為限聚令真係好耐無一班人一齊食飯啦，終於入左黎財記試下，我地都好守規矩分兩枱㗎，叫左啲餸就唯有夾開一半分去另一張枱啦。我都唔知叫左幾多個餸了，好似都有八、九個，仲加左個湯，又送白飯又送野飲咁，八個人埋單都係七百九十幾蚊，居然一人唔使一百蚊認真超值。因為好多餸都唔係我呢邊上枱，未影就夾左，所以呢只影啲完整版啦。魚香茄子煲好大兜下，鹹魚味香口，茄子走油好味噃，辣辣地送飯勁正囉。鹹魚蒸肉餅賣相一般啦，但個鹹魚靚野黎喎，超正，睇得出我地好鐘意點鹹魚嘅餸～薑蔥魚雲魚腩煲又係大大煲，勁入味，自己去街市買魚頭都唔平，抵食呀。最後呢兜係芫茜皮蛋魚頭湯，勁濃好好飲，飲完無口渴唔係師傅湯。仲左椒鹽九肚魚，黃金鮮魷，菠蘿生炒骨，腐乳蒸滑雞，馬拉盞通菜，八珍豆腐煲㗎，但無影相了。真心抵食喎，仲要個場好勁冷氣，夠涼真係好重要，尤其係夏天嘛～

觀塘商貿區本來就唔期望會好好食但午飯時間附近間間餐廳都好多人等位呢間前身係6號冰室 可能轉左手 行過幾次都覺得似係大陸人/藍絲開不過諗住茶餐廳又唔使等就算啦 試吓啦坐低店員上咗個例湯 服務態度都算OK叫咗個常餐 沙嗲牛肉麵 火腿奄列凍檸茶沙嗲牛肉麵最出事 沙嗲汁少 湯底好似水咁淡 牛肉無味 好啦試埋個奄列 諗住都唔會差得去邊 點知個蛋一啲都唔滑 好失望其實一般茶餐廳整個常餐 呢啲都好基本 唔知點解可以整到咁難食下面有圖有真相以後唔會再幫襯 垃圾！

觀塘工業區食肆林立，幾乎每條街也有餐廳。今次經過駿業街，見到財記美食，入去食個下午茶。下午茶選擇多，但最終我還是情歸常餐。常餐必備牛油多士及火腿奄列，牛油多士烘得香脆，牛油份量也足，灑上砂糖，口感更佳。火腿奄列略多油，而且都把火腿集中在很中間的部份，這方面有少許扣分。共有九款肉類可供選擇，包括豬柳漢堡、香煎豬扒、雪菜肉絲、香煎雞扒、脆脆雞翼、榨菜肉絲、沙嗲牛肉、五香肉丁和腸仔，食黑海任選一款。如果這些都不喜歡的話，可以加$10轉吉列豬扒、吉列雞扒、香煎牛扒、吉列魚柳或雞髀。以上肉類可以配公仔麵或米粉或湯通粉，或者加$5轉出前一丁或辛辣麵。今天的選擇是脆脆雞翼出前一丁。雞翼新鮮炸起，名副其實非常香脆，肉質多汁嫩滑，食過返尋味。配出前一丁最容易辨認的，應該是那一包麻油，可以說是出前一丁畫龍點睛之處。棉質煮得恰到好處，時間控制得非常不錯。飲品選配了凍檸賓，酸酸甜甜的味道，非常開胃，很適合在這炎炎夏日飲用。

普遍去茶記 都會覺得係食快餐/頹飯 但係而家唔同啦😌隨住香港人要求越嚟越高 連茶記都精益求精🔝好似呢間財記美食 喺新蒲崗本身有間店 最近喺觀塘再新開咗 格局望落係寬敞舒適嘅茶記 但係呢度嘅小炒小菜 一啲都唔頹👍🏻◾椒鹽九肚魚椒鹽上枱嗰陣香味 聞到已經流口水 食慾大增🤤要做到肚魚夠稔但係表面脆脆 其實一啲都唔簡單 呢度控制得好好 好惹味啊❤️◽咕嚕肉菠蘿好新鮮 咬落啖啖肉🐷食得出啲豬肉唔係垃圾肉 咕嚕醬汁調味啱啱好🌺最震驚嘅係師傅好有心思用蕃茄整咗朵花做伴碟 見到嗰刻我都嘩咗出嚟 因為無suppose小店都會有呢種心意😍◾魚香茄子煲色香味俱全👃🏻唔止香氣十足 連份量都十足 茄子煮到入晒味又夠稔 咸魚肉碎送飯一流啊◽豆豉鯪魚炒菜芯平時豆豉鯪魚多數炒油麥菜 呢度可以比你揀炒乜菜 我哋就揀咗平時都好鐘意食嘅菜芯😛其實都好夾架 而且豆豉鯪魚多得嚟又唔會太油太醎 菜芯仲好新鮮tim坦白講呢度嘅質素真心偏高 但係價錢無偏高 坐得仲幾舒服 值得再去💛

同同事lunch hour見有位就入去試下，本身有卡位覺得呢間都幾舒服抵食。嗌左個出前一丁常餐。同事d餐到哂，我就等好耐都未上。到左之後，隻隻雞翼都有d血水，一丁麵仲未熟，成餐飯得塊煎蛋食得落。以後唔會再幫襯。

早2日經過見到呢間餐廳又轉左手！之前食過上手嘅泰國菜，味道一般般！但見到有新餐廳，今日就決定嚟食下先有小炒小菜喎哇有酥炸鯪魚球，即刻要叫黎食下先酥炸鯪魚球粒粒都好大粒，炸到好金黃鯪魚味夠濃蔥香十足，一啲都唔腥，食落口感好爽口彈牙啫啫芥蘭煲呢個黎到時仲有好多zi zi聲！食煲仔菜最鍾意就係聽到依啲聲音芥蘭菜仍然好翠綠，炒得好靚口感夠脆爽！仲加左肉碎&蝦米，超香佐飯一流茶走茶底好香濃，而且完全唔會澀煉奶份量好好，唔會過甜好岩我口味！

真係諗住求其入去食行過撻地跣到返鄉下但係服務好好 阿哥好健談而且好均真兩個人嗌三個餸都真係畀三個飯同埋三杯嘢飲因為佢要寫200字 吹多左主要係好想講過九肚魚真係超級無敵好食即炸超熱不特止仲要好鬆化我哋仲叫咗咕嚕肉同南乳齋強烈推介叫咕嚕肉同埋九肚魚九肚魚點古嚕肉啲汁好食到喊咕嚕肉嘅質素都唔錯而且超大份同九肚魚都係88蚊覺得抵到喊南乳齋偏淡味我諗點得南乳齋嘅人都係食啲淡嘅嘢所以我諗個廚係細心都有諗過雖然係偏淡但都唔錯好大推 覺得好好食尋日食完今日已經想食九肚魚不過怕嚇親人所以冇去了😆

財記一向係飯堂，自從唔喺新蒲崗返工就少左去食，點知財記開左分店喺觀塘，都幾近我即刻黎試下先。同朋友夜晚黎，晚市唔算多人仲有卡位坐，點左幾個小菜，原來新張期內有九折，仲送例湯，餐飲同白飯，好抵食呀！是日例湯係合掌瓜豬骨湯，好鮮甜濃郁，飲完無口渴喎。先黎個香口野椒鹽九肚魚，即刻炸起熱辣辣，未埋到枱已經聞到香味。椒鹽啱啱好夠惹味，九肚魚外脆內嫩滑，大大碟勁正呀！整返個蔬菜蒜蓉粉絲蒸勝瓜，勁香蒜味呀。勝瓜爽口好多汁，滿滿的蒜香超正，下層啲粉絲吸飽了醬汁都好正，攞黎撈飯都好啱。最後仲有豉椒炒蜆，嘩，好大碟！隻隻都有蜆肉唔係得個殼㗎，啲蜆幾大隻。啲蜆炒得有鑊氣夠惹味，蜆肉大隻肥美，完全無砂，又係好正。凍飲加兩蚊，點左凍檸茶同凍檸水，夠晒凍，夏天飲透心涼。食咁多野都係205蚊，真心好抵食！