財記美食 (Closed)

我哋常常來這邊晚飯小聚，平時唔通冇留意到，有間財記美食。門口的餐牌，看了都幾好，朋友話轉吓，大家就入座。餐廳光猛，而且地方都好整潔。嘟嘟芥蘭煲，芥蘭柔嫩，爽口，配了蝦乾鹹魚肉碎，更加香口。菠蘿沙拉骨，似生炒骨加了沙律醬，排骨炸得好鬆脆，個汁煮得啱啱好，加上沙律醬，甜甜地好醒胃。豉椒炒大蜆，好大碟。蜆新鮮，好甜。如果再辣多啲，就啱哂我口味，朋友話啱，系我鐘意食勁辣，哈哈！黑椒牛仔骨，黑椒味重，牛仔骨件件都好軟身，容易食。