財記美食 (Closed)

今日收工約左朋友去官觀，我地順便係附近晚餐，朋友介紹左一間平民又價錢合理嘅小菜餐館。我地一去到店員好有善咁招呼我地入座，之後我就點左椒鹽鮮魷，蠔仔餅，魚香茄子煲。好快食物就送到我地面前，椒鹽鮮魷味道好惹味，好有避風塘風味，而且魷魚都好新鮮，爽口彈牙。蠔仔餅炸得好香脆可口，而且一咬落去啖啖蠔仔嘅鮮甜充滿整個口腔。魚香茄子煲味道好有大排檔風味，茄子已經煲到好軟身，一食仲有魚香味，岩岩出爐嘅魚香茄子煲係最好味。呢間餐廳價錢真係好抵，而家份量都好多，我地叫左三個小菜已經食到好飽，而家環境都好乾淨，地段又方便，最鍾意係佢夠鑊氣，如果下次經過都會黎再試其他菜式。

今晚來到人來人往嘅觀塘駿業街， 滙合屋企人喺嗰邊放工兼買完嘢搵地方晚飯。看見地舖「財記美食」 有晚飯小菜，炒粉麵乜都有～ 唔使諗咁多一於快靚正茶記。一坐低就送上兩碗老火例湯～正啊！豉汁蒸白鱔$128好多豉汁鋪喺面賣相勁正， 白鱔唔算太大塊不過都幾新鮮， 肉質肥美夠實淨， 還用了豆卜墊底， 吸满鼓汁，整體惹味， 配白飯冇得頂！餐廳正做優惠，每款小菜送白飯👍， 我哋唔知所以之前點了「 蛋白海鮮炒飯」$63～炒飯超大碟 ，好多海鮮材料， 蟹柳，八爪魚 ，蝦仁， 蜆仔肉， 魚柳粒～ 蛋白炒出粒粒米香， 味道啱啱好！每款小菜， 炒粉麵飯都會送例湯及飲品， 做緊推廣凍飲都唔使加$。 凍奶茶正常發揮～ 凍檸樂仲有冰底，透心涼！金銀蛋浸時菜（芥蘭苗）$68依晚冇莧菜， 就揀咗芥蘭苗 。鹹蛋皮蛋浸過湯令芥菜苗更入味！豉汁炒涼瓜牛肉 $78這款小菜自己煮極都唔似樣， 一定要喺餐廳食！😋 涼瓜甘甘地又未去到苦 ， 用蒜蓉爆炒得好香！ 牛肉好入味，冇用梳打粉醃到過腍， 是我最欣賞的地方！店員親切有禮， 小炒都幾有鑊氣又大份， 今期仲送湯，飲品和白飯， OT 後快靚正醫肚好選擇！

朋友轉咗新工, 位於觀塘駿業街, 今晚放工專登過去搵佢傾下計，佢介紹就近的這間餐廳，係她經常去光顧午餐的，一句講哂平、靚、正, 兼夾上菜快 👍😄餐廳員工好熱情，一直迎接我們入內 , 雖然隔住口罩, 仍感覺到他們的笑容🤗🤗🤗 坐低周圍 look 下有乜嘢好嘢食, 放心 ，四周啲牆壁都貼滿美食介紹, 大大隻字，容易睇容易明😁豉椒蒸大鱔🐟🐟🐟呢排少煮飯，好想食魚🐟 😍朋友點呢款豉椒蒸大鱔, 熱辣辣放低, 陣陣豉椒香味, 主角大鱔夠新鮮, 魚肉好彈口, 而且好有質感, 加了些豆卜，索曬d豉椒汁，夠曬入味👍👍👍😄胡椒花膠豬肚煲🍲呢個係我叫嘅, 睇個賣相, 已經夠曬吸引, 🙆我鍾意胡椒嘅辣味, 啲花膠大大片, 好足料!😌除咗豬肚, 仲有好多好味豬粉腸, 另有芹菜和鹹酸菜, 成個湯酸酸辣辣，非常開胃口 😋😋😋金沙鮮魷🦑🦑嘻嘻 😆😆都係我要求吃呢個餸，好喜歡鹹蛋嘅金香，吾係好咸，我非常鍾意用嚟送啤酒🍻認真好啱好夾，一流搭配😝炸啲香口，堪稱外脆而內軟，甘香咸蛋包裹條條魷魚, 搭配啤酒 🍺🍺🥢成個口腔又涼有清新，美味🤩

本身自己都好鍾意叫餸食飯，今次呢間觀塘區黃店 財記美食 真係唔錯👍🏻👍🏻 一入去坐低就即刻有湯飲😋 仲有俾定熱水等你洗餐具，就算無加一服務費都提供好好既服務👍🏻我地叫左四個小菜😛😛 全部小菜上枱既時候都熱辣辣，食小菜最重要都係要鑊氣！金銀蛋浸時蔬，當日係白菜仔😛仲有白飯送～半隻薑蔥霸王雞雞肉一啲都唔老唔韌，搭埋啲蔥絲一齊食就更有鮮味😋椒鹽九肚魚九肚魚如果唔新鮮既話就會唔爽口同埋好淋，呢間九肚魚食落就知新鮮👍🏻👍🏻 仲有佢地既椒鹽唔會好咸，仲有碟醋俾定你😋豉汁蒸大鱔大膳配豆卜是常識吧，豆卜已經索曬豉汁，一食就爆汁😎 大鱔都無腥味，仲要無咩魚骨，食得安心👍🏻👍🏻仲有兩杯凍檸茶😎呢間算係食小菜既鋪頭中性價比高同埋服務好好！

陪老公去觀塘工業區拎交收，經過駿業街見到有間財記美食，比門口個菜牌吸引住，有老公最愛嘅金牌炸子雞食，重有小炒。我哋立刻入座試吓！入座立即送上例湯，老火湯濃郁美味！金牌脆皮炸子雞半隻，好開心呀！上檯見到係懷舊式炸子雞，炸子雞即叫即炸，上面放有彩色蝦片，而家好少餐廳有，炸子雞肉質肥美軟滑，經油炸後雞皮色澤金黃，鬆化薄脆。懷舊蝦片香脆可口。蝦仁炒滑蛋：滑蛋有嫩滑的口感，入口還有滿滿的鮮蝦味，蝦仁大隻好爽口！咕嚕斑腩：怕腥怕骨的人，這味啖啖肉又酸甜開胃的斑塊正好解決晒問題。吃起上來，也夠輕宜，魚塊係新鮮炸出嚟，咬落去仲有脆口感覺，酸甜汁亦調得好夠味！肉絲炒麵：雖名為炒麵，但麵條實際上是炸脆的，表面再澆上混有豬肉絲、韭黃及芽菜的芡汁。脆卜卜的炒麵伴上爽口嘅配料和惹味醬汁，美味可口！主食配飲品好抵架，熱飲係送嘅，凍飲都係加2蚊，凍咖啡、凍檸茶濃度和甜度適中。

實不相瞞, 今次絕對是因為椒鹽九肚魚而來, 聽同事講這裏做得非常出色, 而且感覺開始越來越少食肆有這道椒鹽菜式, 所以來一證虛偽。喜歡這種帶點大排檔味道的地道茶餐廳格局, 感覺自在,侍應看似粗魯但其實非常親切熱情。當然要叫椒鹽九肚魚啦, 另外再加蒜蓉粉絲蒸茄子和咕嚕雞球。椒鹽九肚魚嘴刁朋友介紹得當然例不虛發再加名不虛傳。 上枱憑金黃色的外表已經有看得出的香脆和惹味。 因為一上枱已經和朋友搶食的關係， 沒有影到太多相片， 炸漿炸得金黃之餘又非常薄身， 完全沒有因太厚而散開和影響口感， 相反為鮮嫩的九肚魚披上一層香口的外衣。 因為新鮮關係， 誇張的帶有一份微微鮮甜。 外面灑上令菜式錦上添花的炸脆蒜粒和辣椒粒， 絕對不枉我們專門來品嚐。蒜蓉粉絲蒸茄子一個字，好入味或者好好味! 三樣絕對稱得上簡單不過的材料, 但各自發揮優勢, 蒜蓉盡情釋放自己的香氣, 茄子炆得軟身而且盡吸收了蒜蓉香和味道， 而且提供了軟綿口感， 粉絲亦在底部吸收了兩者的精華， 包括蒜蓉微微帶辣的元素進一步刺激胃口。咕嚕雞球份量非常大， 有差不多十件雞件， 每件雞肉厚嫩滑多汁， 而且已經將雞皮炸得香脆乾身， 並且更加容易索上酸

觀塘工友介紹，所以沒有選擇大商場的餐廳，而是走到觀塘熟食街市場對面的茶餐廳試試，的確有別於一般的茶餐廳或冰室，他的小菜很出色，很夠鑊氣，大碟夾抵食，價錢大眾化。我和2位朋友叫了蜆蚧鯪魚球(炸到好大粒，外脆內軟，味道濃郁)，菜膽雞半隻(份量十足，超滑，滿滿的雞味)，豉汁蒸大鱔(勁鮮味，啖啖肉好正，肉好厚)，梅子蒸排骨(酸酸咸咸好送飯，又大碟)，每款小菜都包例湯和飲品，食到飽飽的，滿足的離開，下次順道可試試對面熟食市場。

下午茶時段黎到，比起上次旺左喎，卡位坐滿得返中間圓枱，好彩有人走，即刻霸張卡位先。睇下餐牌，想食份公司治就叫佢啦，再整杯凍飲降下溫。坐低後店員問飲唔飲湯，送左碗例湯，是日係紅青蘿蔔豬骨湯，好甜好好飲～餐茶要左凍檸水，多檸又夠凍，正。財記公司三文治配炸薯條，賣相幾靚，上枱時熱辣辣㗎。薯條係幼條，老麥個隻款，但新炸起就梗係好食過老麥好多啦，上面個灑左五香粉，鹹鹹地又香口。主角公司治好好食，三層包都有烘底，中間夾左好多料，第一層鹹牛肉蛋，跟住係午餐肉，煎得好香口，再黎係火腿同芝士片，下層係蕃茄同生菜，醬汁係千島醬，口感豐富味道有層次，係近期食過最好味嘅公司治。

有一日喺YouTube上面睇到有個頻道介紹亞洲美食，其中一間就係觀塘嘅財記美食，見到超有火喉嘅小炒，再加上又近自己，就搵埋屋企人去食返個晚餐，做好安心出行同埋量體溫就安排入座！椒鹽鮮魷，魷魚新鮮唔霉，面粉底唔厚，除咗脆口之外，魷魚嘅味道更加突出。仲有除咗有炸蒜之外，仲會有啲辣椒碎，辣味令到道菜更惹味，我哋都更加開胃！豉椒炒蜆，好大碟，真係好大碟！蜆既量多，蜆肉都好鮮甜，豉椒味道夠。所有蜆受熱都好平均，全部都開晒殼，而且冇沙冇泥，洗得好乾淨！西蘭花蜜椒腰果牛柳粒，腰果即炒好脆口，牛柳粒有些少煙韌但牛味夠重，最突出嘅係個蜜淑汁，蜜糖味濃，配埋甜椒做出嚟嘅汁醬同牛柳粒不謀而合，放底嘅西蘭花都吸晒所有味道既精華！菜遠斑腩炒麵，斑腩量多又大舊，咬落口啖啖肉。而最重要就係個面底，面底煎得夠香脆，多餘嘅油份都分隔咗出嚟，唔會令到碟底充滿油份，再者茨汁嘅份量都啱啱好，唔會令到個煎面底咁快變冧！

近呢5至8年嘅觀塘實在變咗好多，由工業區開始轉型為CBD2（第二核心商業區）。觀塘雖然多咗好多文青cafe同主題餐廳，但呢區其實仲有好多抵食嘅茶記，絕對係享受男人浪漫嘅集中地！今日我哋就去到觀塘嘅財記美食，享受放工後A姐M佬茶餐廳小炒嘅浪漫。椒鹽鮮魷一坐低就送上例湯，飲住湯再揀小菜，呢度嘅小菜配埋白飯同飲品，夠晒抵食。香口嘅嘢食，幾時都係最吸引，呢碟椒鹽鮮魷嘅炸粉夠晒薄，一啲都唔油膩，做得一讚！外皮非常香脆，椒鹽嘅鹹香夠晒惹味，而鮮魷非常爽口彈牙，必食推介。魚香茄子煲食煲仔菜最治癒就係上枱嘅滋滋聲。份量非常多，鹹魚味濃香勁開胃，茄子走油，所以食起上嚟夠軟腍，味道方面少少辣，用嚟送飯就啱晒啦！豉汁蒸倉魚平時A姐屋企煮飯好少整魚，因為佢話好怕腥，所以出街食小菜，我都好鍾意叫條魚。倉魚洗得非常乾淨，肉質嫩滑，最正當然係同倉魚最friend嘅鼓汁啦，相當惹味。梅子蒸排骨梅子蒸排骨係A姐最鍾意嘅小菜（沒有之一），但自從我哋一齊之後，佢知我唔鍾意食酸嘢，所以從來都無叫，所以呢碟梅子蒸排骨絕對係佢久違嘅幸福。呢碟梅子蒸排骨份量超多，排骨夠入味，酸酸哋夠晒開胃，同樣啱晒送飯。

🍴椒鹽牛仔骨 98 蚊🐂上面鋪滿炸蒜 同紅椒 上枱好香 牛仔骨整得外皮香脆 牛仔骨入面保留應有既水份 食落帶 d彈牙 juicy十分夠鑊氣 唔錯 🍴川味辣子雞 78 蚊🌶️🐥炸蒜 辣椒 洋葱 紅椒等等 連埋辣子雞一齊整 辣子雞夠咸香 而佢既辣味都好入味 要黎襯啤酒一流 🍴黃金叉燒粒炒飯 63 蚊🐷🔥🍚落足料既炒飯 飯粒分明 而且炒得好夠乾身 👍🏻 叉燒粒切成正方形 帶 d香口同甜 同煙韌 同乾身既白飯 加埋 香蛋絲配知得剛好 好夠口感 加埋 d葱花調味 十分唔錯👍🏻 🍴金銀蛋油麥菜 68 蚊🌿🥚大大碟油麥菜 菜夠新鮮 金銀蛋既皮蛋同咸蛋落足料 湯底幾香菜同蛋味 要黎撈飯唔錯#油麥菜 #金銀蛋 #炒飯 #叉燒 #咸蛋 #辣子雞 #雞肉 #牛仔骨 Score 平均分 <7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#財記美食觀塘駿業街60 號駿運工業大廈地下 a鋪~~~~~~

觀塘開源道駿業街這一帶我好經常到，財記美食餐廳很寬敞，裝修整潔，晚飯菜式都很多選擇。餐牌有很多套餐選擇，我要了個啫啫雞煲、西蘭花炒海斑球及豉汁蒸魚雲。啫啫雞煲裏面有很多洋蔥、蒜子、芫茜、蔥及秀珍菇……等，味道調較得咸甜適宜，汁液很豐富，雞肉切得較為大件，肉質嫩滑多汁，很美味！西蘭花炒海斑球，西蘭花炒得很爽口，吸收了海斑球的精華，很鮮甜。 海斑球切得一大件一大件，都很大片，龍躉皮比較厚，腍中帶煙韌，魚肉食落感覺新鮮又鮮味！豉汁蒸魚雲，魚頭份量很足，足有一至兩個魚頭份量，鼓味很重，鮮甜嫩滑，好味！配返個可樂，食得夠滿足！

這間位於觀塘的財記美食，位處工業區內，晚市主打小菜，而且價錢便宜，份量十足。店員先送上例湯，有肉鮮甜。涼瓜炆倉魚倉魚兩面略煎至金黃，魚肉雪白嫩滑，以涼瓜炆至入味，涼瓜完全不苦，反而帶點甘。椒鹽鮮魷魷魚炸至金黃香脆，魷魚比較腍身，加了些椒鹽更香口。蒜茸蒸元貝元貝很大隻，表面舖滿了蒜蓉及粉絲，元貝已處理乾淨，入口鮮甜，而且火喉控制剛好，元貝又腍且無渣。咕嚕肉咕嚕肉炸至表面香脆，即使加了醬汁都依然保持脆口，而且用了梅頭肉，肉質嫩腍，旁邊有有些菠蘿及青椒等配料，酸甜開胃。

觀塘俾我感覺係除了是購物天堂而且仲要是美食天堂添。今次去了一間平民價錢但有高質素的餐廳。例湯紅蘿蔔粟米豬骨湯，材料豐富不是味精湯嚟㗎！椒鹽九肚魚新鮮即叫即炸，薄薄炸漿唔會好厚粉，魚肉嫩滑鮮甜配合滿滿炸蒜很惹味。XO醬蝦乾小炒皇這款很有鑊氣，材料很多有韭菜花炸銀魚鮮魷魚蝦乾腰果等，食材新鮮好重要再加上廚師手勢盡顯功架。西蘭花炒牛肉非常足料大大塊牛肉炒得嫩身唔會韌，西蘭花夠爽脆。蠔仔肉碎湯飯這碗蠔仔肉碎湯飯也是抵食之選，大大碗很足料蠔仔蠻多的，而且很大隻肥美又脹卜卜，湯底濃郁不會過咸，兩人份量很足夠。

之前分別試過晚飯小菜同早餐，小菜係唔錯但早餐就反而麻麻(可能係唔同廚師嘅關係)，今次都係去食晚飯。分別點了西湖牛肉羮、酥炸鯪魚球同避風塘茄子。先講西湖牛肉羮，呢味餸喺茶餐廳好少見，上枱時見到我諗起碼夠七至八個人食。個羮好多芫荽，食落去好香，同埋都好多豆腐同牛肉，好足料。另外建議加落啲飯度食，好似食泡飯咁，係另一個食法，味道唔錯。至於酥炸鯪魚球，好大粒，同埋面層好脆，最緊要佢個蜆蚧醬，聞落去好香花雕酒味，而且都幾多粒蜆肉，粒鯪魚球點落去食簡直係一流。最後到避風塘茄子，炸蒜夠晒多，而且熱辣辣，個脆漿調得唔錯，食落去個皮唔厚同好脆，啲茄子又唔油，仲係軟軟哋身，外脆內軟，口感幾好。總括嚟講食咗兩次小菜，呢間真係唔錯，每次未點餸就俾碗例湯你先，而且佢啲炸嘢特別出色，值得推介。