彩龍茶樓

Open Now

Now Closed

因8號風球俾個風整醒咗，就諗住去飲茶。就去咗多過十年無去過嘅舊式酒樓.環境自助式， 自己攞餐具，開茶. 我覺得咁樣仲好，可解決人手不足的問題. 雖然8號風球,但姐姐仍然好好人， 唔單止冇黑面,仲好好笑容。 另外一個姐姐 就不斷推介店內必食點心，又系咁同我地傾計，好親切。食品最除咗蝦餃個皮厚咗D之外，其他點心都好唔錯，好有風味。春捲係即叫即炸的,非常脆口,用料十足,冇媽虎. 鯪魚球都系即炸熱辣辣食落又彈牙，好開心.西洋菜份量非常大，見每枱都有點，飽住都要試，亦無叫錯。菜好嫩口，好爽脆，好甜. 馬拉糕有舊式風味，但未夠鬆軟彈性，不過都唔錯。 沙翁外脆內軟，味道適中，出面酒樓已食唔到這個味及質素。最好味係山水豆腐花,姐姐話 一定要是食熱的。果然冇介紹錯。豆腐好滑，再點多個帶走。姐姐亦介紹我地必食大包，糯米雞，煎堆，等等等.可惜個胃真的放唔落.其實見佢地真的有唔少吸眼傳統點心，可惜我地今次太少人，食唔到太多種類。多D人應該會再開心D.

此處係遠足人仕又愛又恨之茶居，每次行山出一身大汗，女仕們滿足於消脂xxx卡路里之際，行到呢度必定食到反超標。小弟有見及此，今日決定把心一橫，同女人揸車過黎食餐勁，一於邪惡便邪惡到底。閒日無乜人，泊左個全日亂泊車位後(記得泊好少少並且同店員講聲，村屋地方大家明啦)，就坐左上樓上窗邊位置，自己開左壺壽味(小弟酒樓碌大，慣左)，行番落去樓下就叫左幾個點心加一碟飯蝦餃，金錢肚，奶皇飽，魚香茄子飯蝦餃，皮薄夠熱，但蝦肉唔靚，通常蝦肉唔靚都會加D薑粒黎醃，掩飾D雪/死蝦肉味，難得佢貫徹如一，薑都無落，真係寫個服字。金錢肚，同小弟細個酒樓食果隻橙色汁金錢肚味道一樣(其實有無高人可指出呢隻係咩汁)，味道唔錯，夠爽口，係隻汁既顏色鮮色左少少。奶皇飽，蒸過龍，中間奶皇變左固體(亦可能係小弟近年食慣左流沙飽)，飽夠鬆軟，有機會再食可以試下趁佢一出爐就叫，應該就會有番DD流沙既感覺(應該得掛)。魚香茄子飯，呢碟飯小弟係見到食客亞叔叫先跟住叫，因為係set ，$41有出面食兩倍既份量，碟飯無魚香味但特多茄子同豬肉碎，呢碟飯味道正常，但食份量食茄子都已經值回票價(set餐日日唔同，唔需要太刻意黎試呢樣)。埋單$1

星期日天文台明明話打風🌪，咁當然就咩outdoor活動都無plan啦🤷🏻‍♀️ 點知起身又無落雨，雖然天氣唔是話十分好陽光普照個隻，都想趁無雨去搵下野食既🤗 由於我既兩隻小毛孩兩星期無去過街，我地就決定搵間餐廳可以收容佢地，當同佢地去埋街🐶🐶 一家大細星期日最岩就係飲茶，我地於是就決定去彩龍茶樓，一嚐傳統正宗港式飲茶風味🤣彩龍茶想位置偏僻，撘地鐵係去唔到既，只有轉巴士或者揸車去。由於唔太方便，唔會太排長龍要等位，去到都即刻有枱，佢有室內室外同樓上areas，都幾多位。有別於一般酒樓，佢係無人serve你既，沖茶打水拎點心你都要一手包辦💪🏻佢有個area比你沖茶既，媽媽話佢d茶葉都幾靚。至於拎點心為左分散人流等大家唔使排隊，分左蒸點心、煎炸點心、即叫即拉腸粉corner🤞🏻有師傅會現場即拉腸粉😍 好多枱都叫左蝦腸🦐煎炸點心部都好吸引☺️ 可能無外面酒樓咁多款式，但貴精不貴多👍🏻三個人去飲茶第一輪我地羅左五個點心一碟菜，西洋菜超級大碟😍 不過盛謂$38，菜好新鮮無淋渣配上腐乳吊味正！ 我既至愛鮮竹卷係蠔油汁，味道都唔錯。蝦腸真材實料有好多蝦係入面🤤 一d都無偷工減料，咁當然佢既蝦唔係好大隻個d

雖然唔係去行山，但都想去撞下發哥。揸車上去，荃灣上，去錯左端X個間，去到泊車，要過左茶樓再上。一落車 就有個人會“招”黎埋去，因為要比$50泊車，不過佢會比返張泊車飛你飲茶用返。坐樓上，因為樓下實在熱囉，查實樓上對正個冷氣都唔凍嫁。全自助，自己洗杯，開茶。跟住落樓下攞嘢食。嘢食黎講睇圖解。嘢食以為係晒到一目了然?又唔係喎因為芝蔴卷佢一定蓋住話凍左會硬喎。西洋菜因為唔算當造，所以。。。一般啦！雞球大包，唔得囉，包身唔夠soft，餡料唔多，整體味道一般，可以不吃。鵪鶉蛋燒賣，應該算最好味，同埋唔多地方有得食。整體，我覺得上得山，志在舊式茶樓風味，唔好有期望，就唔會失望。睍食評話阿姐無禮貌，但去時又覺得ok啦，仲教我邊個方位影相好境最慘因為唔食得豆腐花，我見好多人食，應該值得試，可惜，可惜，可惜！

去得川龍，就係想呼吸下新鮮空氣，享受下新鮮食物。係的懷舊茶樓，亦當然享受下自助服務。今次要左幾個點心都有驚喜，係水準之上，下次泥都要再试。春卷係即點即炸，好脆口。豆腐花剛剛整好，rest 左一陣，好滑好滑。芝麻卷已經好耐没見過酒樓賣，芝麻味再重的重正。

慕名而來，睇下您有咩特別先。遲來的早茶，未夠十點就清晒場喇，晨運既走晒，行早山既已出發，二樓包場坐晒！全自助沖茶、攞餐具、攞點心，所以係完全無招呼既。我地要快快嘆幾個點心就立刻出發，再晏一點實比太陽曬死！內籠古色古香，鄉村懷舊茶樓，晒太陽無冷氣有風扇。雖然樓上無招呼，而且一個侍應都無，但落到樓下攞點心時各姐姐嬸嬸們都非常好客有禮，笑容可加，溫暖的。點心 display 琳羅滿目，氣勢磅礴又壯觀，想食咩就攞咩，好有自助餐 feel，十分有趣！行上行落走兩轉已經滿檯點心，見到都勁興奮，開動！水晶蝦餃，餃皮蒸到溶晒，濕滴滴腍劈劈，no good！外觀就非常吸引，白裡透紅，半透明若隱若現，蝦仁大大粒夠爽口，味道不錯。干蒸燒賣，同蝦餃一樣蒸到過晒火，過濕過腍。味道好似蝦米，非常特別，肥豬肉蠻多的，食落有點油有點散，強差人意。紙包雞翼併紙包豬扒，其實豬扒好好味，香口入味，肉質彈而有咬口，但黏實晒啲紙，經常連紙一齊食，要不時吐紙呢。雞全翼醃味濃，好食喎。不過一樣黏實啲紙，仲幾油膩下。四寶雞紮，芋頭、雞柳、魚肚、火腿，我唔食芋頭的，但一啖過四味齊吃還可以。夠粉夠泥的芋頭添著彈滑甜美雞柳及咸香火腿好正喎

基本上每二個星期都會揸車上川龍飲茶，好唔好食就見人見智喇～但氣氛好好，見到其他行山友一家大細帶埋狗狗、鸚鵡等寵物一齊飲茶，大家有講有笑，得閒摸下隻狗狗同個主人傾下計咁，又休閒又舒服，同酒樓嘅感覺完全唔同。但都有見到有啲香港人上到去投訴多多，又話價錢唔係特別平又要自己服侍自己，只能夠講下下要人服侍周到同埋食豪華環境裝修嘅就川龍飲茶就唔多啱你喇～有時會見到貓貓，記得唔好追住佢哋嚇親貓貓阿！

對於飲茶雖然並不太熱衷，但是總會喜歡去嘆番一盅兩件的。一兩個人就可以去點心專門店，多人去的，當然上茶樓吧。我倆會去飲茶，但選擇食店就多數在茶樓，皆因可坐得久一點。是日假期，其中一項節目當然可以去郊遊一下，或者到新界逛逛，今次選址，則在荃灣大冒山的川龍村，除了行山外，當然是在這裡的茶樓食個點心，這茶樓便是彩龍。每次到川龍飲茶，多在另一間，今次選擇彩龍，還是第一次。彩龍與另一間都是採用自助形式，由斟蘑遞水拿點心，都是食客一腳踢的，不過最重要的是小心地面滑。閒話休說，開完茶後，食咗先講。燒賣雖然是普普通通的一籠點心，但是都是由豬肉做成的點兒，內有少許肥肉，不算太多，煙靱有咬口，還好的點心。上次去上環的老字號茶樓吃過的雞扎，是用淮山扎著，今次的雞扎用上了腐皮，而且食材中有火腿、芋頭、雞肉及魚肚，亦如上次所說，魚肚是吸收了精華，故味道濃郁，雞肉也算滑的。而尖個點心份量是頗大的，較出面略大的。也許幾乎都會點來豉汁鳳爪，可以啜下骨頭，又可以嚐一下濃厚的豉椒味道。當中雞腳皮和腳掌是吸收豉汁的所在位置，而且全是燈紅色，縱使另一半不喜愛這點心，在下亦可把這碟點心完全吃掉。我倆飲茶甚少點來蝦餃，但是今次卻破

在一個週末我到]彩龍飲茶，一黎到就先找位子，雖然.茶樓地方頗大但連一個招呼拿碗筷的服務員也沒有，所有餐具也要自己拿。可"主菜"還沒到，正當我拿完點心後，突然有個目光兇惡嘅阿姐同我講我為何吾拿點心卡，······無言。佢話我拿點心時會比卡我，但我拿點心個陣無人招呼我，😡😡。之後我就開始食野，碟春卷硬到好始石頭，碟菜好青。最後埋單個陣要成295,omg 真係好離普lor

細過去嘅時候， 水滾茶靚， 食物尚算ok，環境清靜， 附近仲有得行吓山， 所以細個好鍾意一家人一齊去飲茶， 但最近呢兩次去， 係極度失望嘅， 首先人多擠迫， 好多人都慕名而來 ， 人多車多 ， 枱與枱之間非常狹窄 ， 要企喺隔離等位 ，坐到落去 因為太好生意要等好耐先至有人幫我哋執枱，啲杯同碗都唔乾淨， 油淋淋，仲有啲茶一啲都唔熱， 攞嘢食嘅地方個地下係好跣， 要好小心， 仲要價錢一啲都唔平， 甚至貴過出面啲酒樓， 完全冇服務， 同以前相差太遠 ，絕對唔會再去

Dec 2016彩龍茶樓☆自助形式的茶樓同朋友喺大帽山露完營， 走嗰陣時就去咗呢度食飯，貪就腳西洋菜（$42）算新鮮的鵪鶉蛋燒賣（大點）皮薄，呢個比較少吃，都唔錯嘅蝦餃（大點）皮有點厚和硬，蝦足料炸豆腐（特點）👎不新鮮，唔熱，唔脆 .兩個人4樣野總共＄12X零服務，又態度差阿姐放左自己d野係我地枱面，又無出聲，我地咪以為係上手d垃圾清左去，點知原來係個阿姐嘅，跟住就喺度話我哋搞佢啲嘢 咁好心佢自己就放埋一邊，邊有會放低喺客人枱面既呢？？！取點心十分混亂，食物一般下次試端記算

前幾日聽同事講，先知道有間咁得意既茶樓。今日星期日，去到差不多12點，都遇咗無位。泊低架車，收咗50元抵押飲茶錢，見有一張枱堆滿其他枱清枱的碗碟，有位無人坐，馬上決定自己清理！10分鐘後，就舒舒服服了。茶要自已裝茶葉，好得意。幾樣點心都算好食，有質素炸的都很正，因為新鮮。雲吞好食到食咗先影甜品就一定要試豆腐花，本人覺得雖然不算滑但豆味好香，食完再開豆腐車上山，感覺一流！

大早跑來，主力當然不是吃味，而是吃風味啦大半年前光顧另一間，今趟試彩龍...幾乎全自助⋯⋯⋯搵位、洗杯碟筷子、沖茶、拿食物⋯⋯⋯要人照顧的就不要來啦可能流量足，籠籠碟碟，都是熱辣辣的！在微風吹拂，藍天白雲，清翠山林間，一盎兩件，快意✌🏻️✌🏻️都說是吃風味了！食味跟市區的差不多啦，不過，多了懷舊食品，試試囉！記得要吃「豆腐花」呀btw，我覺得這間比另一間好吃！

今日去左睇芒草梗係去飲番個靚茶，一入到去見到成枱炸物，好吸引第一次去飲茶要自己搵位，自己開茶位因為第一次黎好在有靚女姐姐教我點開茶經過我地幾個大食怪狂食一輪之後勁飽最中意食芝麻卷

今日同fd行大帽山前一齊先去川龍飲茶大約10點鐘時搭枱成功果度係舊式茶樓由拎點心和茶壺開始都係全自助食完要執乾淨張枱比下一手講番食過既野大部份都係大路野包括牛肉球，腐乳生菜(內有西洋菜)，鳳爪排骨和蝦腸蘿蔔糕用鐵碗蒸賣相幾特別不過味道同普通茶樓差唔多唯獨是鵪鶉蛋燒賣比較少見亦是唯一有驚喜的食物叉燒包和馬拉糕都係fd食不作評論茶就一般般啦衛生情況不佳起初我和fd慕名而來事後發現現實無想像中美好