彩龍茶樓

Open Now

Now Closed

今日同fd行大帽山前一齊先去川龍飲茶大約10點鐘時搭枱成功果度係舊式茶樓由拎點心和茶壺開始都係全自助食完要執乾淨張枱比下一手講番食過既野大部份都係大路野包括牛肉球，腐乳生菜(內有西洋菜)，鳳爪排骨和蝦腸蘿蔔糕用鐵碗蒸賣相幾特別不過味道同普通茶樓差唔多唯獨是鵪鶉蛋燒賣比較少見亦是唯一有驚喜的食物叉燒包和馬拉糕都係fd食不作評論茶就一般般啦衛生情況不佳起初我和fd慕名而來事後發現現實無想像中美好

我都唔知點解我朋友如此喜歡食西洋菜，行山行到中途她已經不停說要吃當造西洋菜！我地－出到川龍，就立刻到酒樓揾位飲茶！1pm極多人，看來都有許多行山客，終於揾倒張枱，我們就衝去拿碗筷茶杯茶壼和自己冲茶！我地２個女仔食左好多(蝦餃，菜苗餃，叉燒包，西洋菜，牛拍葉，鳳爪，桂花糕，鷄扎)，好飽，蝦餃ok，但菜苗餃d皮厚到好難食，其他都唔錯,西洋菜真係ok的。整體都好吃的，可惜大包賣曬，下次再試！

服務態度令人咋舌！馬拉糕畸形成舊扭埋一團，一大pat不明污跡黏住，要求更換另一舊，老店員完全不理長達2,3分鐘！朋友見狀上前要求取消，兩名店員像有默契地視而不見、聽而不聞、不瞅不睬長達六、七分鐘，服務態度令人髮指！或許老闆唔洗交租又有幾大笪空地任擺、錢財收入多到唔休做，但如果服務態度衰到這個惡劣質素，倒不如結業關閉比較好！以免食到一肚氣！眼見已有顧客因服務態度惡劣差勁而離開！還有，食物質素亦唔係好食，差評，總括是劣評，絶無下次！

由荃灣坐80號小巴20分鐘到終點站，一落車就係彩龍茶樓，地點都算方便。茶樓點心款式都幾多，大大件抵食呀。而且仲食到最愛既酥炸鯪魚球! 唔錯! 果度既職員都好隨和，好肯幫客人，唔似有d傳統茶樓持住薄有名氣就零服務比面色客人睇。去大帽山效遊順便黎飲個茶係唔錯既選擇!

有車梗係要上大山飲下茶, 呢度全自助式, 中意食咩就拎咩。UM 春蛋燒賣: 我中意懷舊點心啊, 大大舊燒賣, 有蝦有豬肉, 不過略縑粉多左D,不過不失吧雞包仔: 本來想食大包, 但真是太大, 雞包仔細細個易入口, 味道正常鮮竹卷: 正常質素, 幾足料, 但個獻太勁, 好漿腐乳西洋菜: 通菜腐乳試得多, 西洋菜就特別D炸九菜餃: 油左DD, 入面有菜有肉,不過九菜味唔太突出。

約了友人行山，出發前當然先吃點東西。茶樓在川龍村裡頭，但其實在荃灣搭小巴，約15分鐘就到村口，茶樓就正正在村口。聽說早幾年茶樓易手(還是傳給後生一輩經營?)，改革了一次。但大抵上還是自己開茶，自己攞點心。先要了一個懷舊糯米雞，比起美心的老點可能還要老點。超大隻的糯米雞在一般酒樓已經搵唔返，裡面仲要係肉碎+雞肉+金華火腿。肉汁已經完全滲透糯米，糯米香又粘。或者很多人覺得這個點心有點heavy，又確又是一個十分吸引人的點心。炸豆腐，炸得香脆又入味。一口一粒，而且蒜味濃郁。芝麻豆沙餅，芝麻皮煙靭，內裡的紅豆豆沙爆出來了。想不到在這麼中式的茶樓裡竟然有這一道炸點。蝦餃是這兒出名的點心。比起其他茶樓，蝦餃較大隻，沒有露荀，餃皮薄而晶凝。鮮蝦菜苗餃，與蝦餃的製作好像很似，但因為材料不同，吃下去又別有一番風味。沒有燒賣，友人就選了這個。蝦腸亦是浪子推介之一，材料充足，淡淡蝦肉。鼓油十分容易上色，不算太咸，加點芝麻，遠勝很多出名的茶樓了。農村炒菜。這是友人推介的，通菜是川龍村出產，保證新鮮，十分爽脆。價錢方面，$204，算是一頓風味宴。農村茶樓，不要期望有甚麼服務和裝修，衛生一般，餐具都係靠自己清潔的

跟朋友行山, 川龍村位置偏遠, 到荃灣後還要轉VAN仔坐20分鐘先到達。是日行山路線為:川龍 > 響石墳場 > 相思林徑 > 龍門郊遊徑 > 城門道, 沿途無補給位, 終點亦無野食, 成班為食鬼決定先飲個靚茶再出發!川龍村有2間出名既酒樓, 今次揀左近馬路的。假日當然全場爆滿, 要自行搵位, 分散搵都等左半個鐘先有枱坐得哂咁多人。點心野食都係自行出去拎, 入門口時已睇中唔少野食, 好多出面酒樓已無賣既點心。排點心既心龍去到外面, 需耐心等候, 埋到去可能有好多點心已經賣完, 想食又要再出去等, 好多人直接唔返入去就企係大堂等到有新鮮出爐先走。情況都幾混亂。而且地面非常濕滑, 因為茶都係半自助。感覺幾似街市。搏鬥一輪後拎到成枱都係野食。講真又唔覺係咁好食, 味道普通, 可能只係外面食唔到有懷舊味而加分吧。因為唔覺邊樣特別出色, 都無謂每一樣介紹了, 揀入面最好食既, 應該係鯪魚球同馬拉糕。食完個下係有點失望的, 整體不算差, 但又未去到會成日想再去食。還好最後出現左山水豆腐花, 即點即撞, 因為用山水做, 好甜豆味又濃, 無加化學野原來係咁既味道。可能會為

俾朋友一大朝早拉咗去荃灣行山因為實在太早起身關係早餐都未食已經坐小巴去到川龍了 一落車見到有點心早點食二話不說梗係醫肚先行山啦我叫咗蝦餃 奶皇包 同埋燒賣款款點心都好新鮮因為見佢哋蒸完一籠好快就會俾人食晒所以啲點心唔會蒸得過火先至比客人蝦餃裏便果然有大大粒蝦蝦肉爽口而蝦餃皮亦十分之薄奶黃包唔會過甜而且內裏十分之香燒賣的豬肉亦都好好食而香下次再行山可以再試多幾款點心

話說2016 年之始，我跟兩個朋友上了大帽山看日出，天氣十分凍，日出亦被大帽濃罩。看不到最美日出，我們收拾心情，去搵好東西醫肚。幸好友人駕車，我地落山去川龍搵茶樓話咁快就到，避開了落山想飲茶既人群，早一步到達。之前去過另一間同樣位於川龍既茶樓，今次就試彩龍。友人泊車在茶樓泊車場，要付$50，但可作茶樓消費用，抵讚！真正懷舊的茶樓，標明山水沖靚茶，山水豆腐花採用自助式：自己等位，拎餐具，沖茶，加水，開位，排隊拎點心，埋單。雖然如此，食客行山客亦冒名而來 一嚐山水茶茗 懷舊點心。西洋菜：菜非常新鮮爽脆，必食既！聽講係每日新鮮農場入貨！賣完就無。不過落腐乳醬落多了，食時太多變咸了，下次加醬要叫分開上。燒賣：豬肉餡料夠多，仲有冬菇，蝦，新鮮。咸水角：比較油，餡料軟少，同個皮已經腍左。沙爹金錢肚：幾好食，唔太un，加埋醬汁好入味。鵪春蛋燒賣：好味，個人喜愛懷舊點心之一，鵪春蛋仲大大粒！排骨：味道一般，肥肉比瘦肉多。懷舊大包：年紀細有可能未食過。成隻碟咁大架，而且好足料！有豬肉，义燒，蝦，菜，鵪春蛋。可是包皮比較厚及硬。牛肉腸粉：粉皮都一樣比較厚，較失色。山水豆腐花：標明用山水來做，豆味一般，感覺

趁著週末天氣不錯決定挑戰大帽山，出發前在起點川龍村的一間古式古香的茶樓嘆一盅兩件再出發。知道川龍村大約是有兩間是較有名，因為肚子餓，便直接到近小巴站下車處的彩龍茶樓，下一次再試試另一間。.彩龍茶樓室內的部分有兩層，但因為當天天氣清涼，便選擇坐在室外的位子，也挺涼快。.到了古式古香的茶樓都是要靠自己找位子，再自己去拿碗筷、茶、點心等等。因為以前常到西環的新興，對於這種形式已很熟悉。.而茶樓拿食物的地方也算是挺大的，分開了蒸的點心及煎炸的點心。幸好當日來的人不多，我洗好碗筷的時候，他便拿了食物回來了。.馬拉糕很喜歡吃馬拉糕的我第一時間拜託他記得拿它，馬拉糕很鬆軟，味道不錯。.鵪鶉蛋燒賣來到舊式茶樓點鵪鶉蛋燒賣這種舊式點心是常識吧！燒賣皮薄，清楚看到豬肉跟鵪鶉蛋，而驚喜的是燒賣下仍有一隻蝦。.沙嗲金錢肚味道濃郁，金錢肚有咬口。.鮮蝦菜苗餃鮮蝦跟菜苗的比例大約是一比一，味道不錯但沒有特別次處。.白妁西洋菜特別地分開腐乳，方便可以喜歡點著吃才蘸腐乳，這樣就可以自己控制腐乳的份量，也可以吃到西洋菜最天然的味道。不過其實我倆覺得其實是普遍的炒菜，沒有在網上看到的厲害，但份量真的很多，適合多點人一起分

其實我很喜歡「飲茶」，現在傳統的茶樓已買少見少，為了飲茶可以去到幾盡？我嚷著去大帽山行山，其實就是想嘆一盎兩件。 找座位、餐具、沖茶、拿點心等全部自助形式。好不容易等到2樓座位，望出去景觀開揚，心情自然好。 排點心的人龍頗長，其實多人去可以分工找位子、洗杯、拿點心。先來肥美的鳯爪、彈牙入味的魷魚、香脆的炸雲吞、牛柏葉等等。 終於等到用料十足的蝦餃，又大隻又多蝦肉，至於其他的味道就不過不失，我記得金錢肚有點鹹。 因為看到其他人飲可樂又想飲，第一次品嚐大支玻璃瓶可樂，感覺很新鮮。點心的價錢屬於中等，不算平但真材實料，相對地算抵食。 只打算在附近「偽行山」約是一個多小時後就回來，再品嚐出名山水豆腐花，幾滑值得一試。而後面的檸檬柑吉太酸了。

上次在這里飲茶已是香港回歸之前，所以今天有㸃興奮和期望。抵達時的第一個感覺是地方較前乾淨和有顧客停車場。㸃心種類亦比前多，所以多叫了幾款品嘗，懷舊一下。蝦餃皮軟滑，蝦肉爽甜; 燒賣豬肉切粗粒，有口感; 鳳爪調味較濃和甜，好腍，入口又軟滑又香; 牛肉球没有混入肥豬肉，有香牛肉味; 紙包鳯翼，雞翼煎得香，打開后熱烘烘的，很好味; 糖沙翁有蛋味，又鬆化，入口熔化; 牛肉腸粉皮厚和牛肉少，無乜味道; 排骨盅頭飯用的是泰國香米，排骨帶肥膏，渗入粒粒飯，好香好食; 大包的餡好多，有豬肉蝦和鵪春蛋，但無乜味味和包皮好粗好散; 白灼西洋菜，菜是當地川龍村菜地出產，我間中都有在市區街市買得到，非常新鮮，又嫰又爽甜，可用付乳醬調味，但我覺得唔需要，因會蓋過菜的鮮味; 銀芽肉𢇁炒麵, 用的是幼蛋麵，煎得好香好脆，肉𢇁有鮮肉味又多，蓋满全碟麵，食落口感十足; 最后忍不住叫了即冲豆腐化，用發泡膠碗上，好大碗，好香豆味，雖然唔夠滑，但仍然好好食。

2016年的第一天, 我們選擇在大帽山看日出, 看日出不算成功, 但落山期間也影到不錯的相, 總算有交待了, 大家心情好起來, 落山飲茶去。今天很多人上山看日出, 想必川龍村的茶樓都會很多人, 不過我們有車, 應比其他人較早去到, 剛好有位不用等, 之前和友人行山試過端記, 今次就試彩龍吧。彩龍亦是很有舊式風味的茶樓在室外的座位自行搵位見到懶洋洋的小黃, 總覺得這種狗就是應該叫小黃, 哈。朋友泊下了車, 付了$50, 可以用作抵消彩龍的消費。和端記一樣, 這裡都是自助式, 自己拿茶壺, 沖茶, 拿碗筷。拿點心就要排隊, 朋友說隊很長, 都等了不少時間呢。傳聞中很好吃的西洋菜, 腐乳太多了, 完全吃不出菜是什麼味。吃到最後才慢慢吃到西洋菜的甜和嫩, 強烈建議少或走腐乳。牛肚, 比較實淨有咬口。咸水角, 皮不算很厚, 表現正常。蒸排骨, 肥的比較多, 不過是好味的。鵪春蛋燒賣, 較特別的款式, 豬肉鮮美。燒賣, 肉質鬆化, 有冬菇和蝦做餡料。好大個大包成隻手咁大, 未食過這樣的大包。皮層都幾厚...不過餡料都有不少, 有叉燒、蝦、豬肉、鵪春蛋等...很豐富。牛肉腸粉...比較失望, 腸粉皮

是日，與小姐倆人，踏上荃灣趴趴走，首站乃到川龍村的彩龍茶樓呷茶去。適時，不過是早上八點半左右，一大班大叔大嬸們早已晨運完畢，大伙兒聚在茶樓品茶也。我們走上樓上坐下，小姐先下樓取點心，繼而到小妹。餐具茶水均自助，一側放有各式蒸籠點心、一側有炸物炒麵等，另一側有腸粉和粥品。小姐取回了蝦餃和鳳爪，前者餃皮未算煙韌，蝦饀則尚算鮮爽彈牙，正常之作；後者味道過於濃鹹了，受不了。小妹取回的鵪鶉蛋燒賣，乃四款點心中，最為好吃的。燒賣內，除了有鵪鶉蛋外，還有爽彈多汁蝦肉和豬肉饀，口感和食味均甚佳，值得一試。另一款炸粟米鯪魚肉，饀料粟米鯪魚肉著實不錯，Q彈富鯪魚味，惜炸皮不香不脆且韌，絕非新鮮即炸也﹗埋單時，連茶錢，共九十五大元。與端記茶樓相比，彩龍茶樓的性價比較低。小妹一月份獨個兒往端記茶樓嘆茶，一人吃了三碟點心，埋單才四十大元。論衛生情況，彩龍卻比端記略勝一籌。吃罷早點，隨意四圍逛，欣賞山上綠油油的一片田地……

每個星期日我都會約屋企人去附近飲茶，今次我哋揸車去咗大帽山村龍飲茶，川龍總共有兩間就茶樓，而我哋今次去嘅係近住巴士站嘅彩龍茶樓，入到入邊充滿着丁屋嘅設計，完全唔似一般嘅茶樓，古色古香。我哋上咗去樓上揾位，途經一個茶水間，所有嘢都係自助式，我哋總共叫咗三個點心，一碟菜。食物方面，D牛丸幾新鮮，又彈牙，食落好有口感，而唔會太硬咬唔入。至於個燒賣真心爽口，食落香甜，入面D豬肉都非常新鮮，帶住鮮香味，咬落啖啖肉汁，非常爽口。個蛋餃，我就覺得同出面嘅酒樓差唔多，菜既味道好鮮甜，如果一定要講出不同之處嘅話，依度會多左農村既風景同懷舊嘅風格。整體上，食物水平都係可以，行完山或者睇完日出去食下，淨係食個感覺都正。