Chop Chop 食神叉燒 (新城市廣場) (Closed)

你仲記唔記得📽電影《食神》入面既黯然銷魂飯🍚 戲精既你一定會好想試一試佢哩個黯然銷魂飯已經殺入左沙田😻 依家除左喺戲入面，你都可以隨時食得到啦🤗·▪正宗黯然銷魂飯 HKD$79顧名思義，黯然銷魂飯就係叉燒、蛋同米飯三樣嘢結合埋一齊🤤 叉燒米飯及雞蛋用料非常講究😻叉燒特別用上梅頭肉🐖 並加入🌹玫瑰露酒醃製，以醬料和焦糖上色烤至焦香，過程入面完全冇加入色素👍白飯特別選用粒粒分明既五常米，再混入少量北美野米， 煲出嚟既飯粒有咬口又軟熟😚 雞蛋則用上初生蛋🍳特別一提嘅係👉拌飯醬汁，以天然發酵兩年既豉油加以紅蔥頭煮成~·▪燒味雙拼 HKD$109🐓貴妃雞 x 油雞，雞…全部都係雞😆 因為當日其他燒味實在太好賣，老土都要講句真係雞有雞味😋 又唔會好油膩，啖啖肉用嚟送飯一流!!·▪招牌干炒牛河 HKD$75哩款乾炒牛河同平時食到嘅有啲唔同，佢俾我既感覺好似大阪燒既乾炒牛河，幾特別😙醬汁甜甜地，面頭仲加左柴魚乾，真係有少少似食緊大阪燒既感覺😄

同男朋友路過，見個名咁串就試下佢，點知...我地食咗暗然銷魂飯同叉燒飯叉燒 4/10 表面有蜜汁，但個叉燒無特別，裏面唔入味又唔淋，普通硬有點乾咁飯 2/10去食飯最緊要係咩？飯我去食飯最怕就係飯差，佢真係令我好失望...無米香，唔軟熟就算啦...乾硬到我真係食唔落囉...好失望湯 6/10 ok 但有啲鹹，有細細粒嘅切件栗米同蘿蔔可以食返，已經係最值得讚嘅一味仲有個另點嘅醬，好似完全唔關事，唔知用黎做咩？最後用嚟撈飯食，但最後都食唔落，個飯乾爭爭到一個點...結論：我一定唔會再去食...而且分量又小得可憐...我地食咗幾啖就走咗

電影「食神」大家一定睇過，當中印象最深一定係黯然叉燒飯。原來電影入面係人都想食一啖嘅叉燒飯，就系戴龍師傅整。今次終於可以一嘗。黯然叉燒飯必點，叉燒賣相同我哋平時幾食開一啲都唔同，叉燒用上五花腩部位肥瘦分明，所以可以食到油脂係口中溶化。而且佢秘製拌飯醬汁一流。食神炒飯最值得一試，絕對有驚喜，唔會炒到乾晒，有濕潤嘅感覺，但仍然粒粒分明。燒味雙拼油雞配燒鵝，鵝香味濃郁，油雞夠滑嫩口，估唔到除咗叉燒其他燒味都好食。沙田分店地方唔算大，但位置都方便，行完街去食，又唔洗排隊。

而家晚餐都係外賣，咁啱經過見到有黯然銷魂飯就試下啦，打開有點失望，份量小，見到碗底還有空位的⋯⋯味道方面還可以，有個沾叉燒嘅醬好喊，有兩塊叉燒仲有騷味⋯⋯應該唔會有下次。

燒味就成日食，高級既燒味你又食過未？😎一般燒味店都係俾人比較平民嘅感覺，依間食神叉燒就係行高檔路線嘅，食材高級加上師傅手藝，直情係另一種享受🥰🥰黎食神叉燒一定要食嘅就梗係黯然銷魂飯🤣🤣黯然銷魂飯同一般叉燒唔同係用豬腩肉整嘅🐷🐷🐷依舊叉燒顛覆咗我對叉燒嘅印象軟滑嘅豬腩肉配上香濃嘅叉燒醬，入口即溶，好好味呀。呢度出色嘅燒味又點只得叉燒，油雞同埋燒鵝都非常好味🐤🐔油雞雞肉嫩滑，燒鵝肉質結實得黎唔會韌，配埋酸梅醬一流。除咗燒味，依度嘅炒飯都好出色🍚🍚🍚食神炒飯飯粒粒分明，再加上大量櫻花蝦乾🦐🦐香氣十足😋最後配埋杯港式熱奶茶，就完成咗呢餐充滿香港風味勁午餐啦。☺️☺️☺️

今日落左沙田食lunch，行左陣新城市廣場，見到呢間Chop Chop 食神叉燒，午市時段好多人幫襯，一於試下。餐廳光線充足，環境乾淨企理，卡位闊落坐得舒適，店員熱情好客~午市套餐價錢相宜，仲有多款食神推介，樣樣都好吸引!正宗黯然銷魂飯豬腩肉叉燒肉質軟稔帶油脂，賣相吸引，食落鬆軟香甜又多汁，叉燒帶少許燶邊，勁惹味。米飯用黑龍江五常米，煙韌分明。配以半熟流心蛋，好出色!食神炒飯 食材勁豐富~面層有大量蟹籽，勁足料，仲有唔少蝦米、蝦仁、叉燒粒、青豆等等，炒飯口感乾爽，飯粒分明，好香口。開胃咕嚕肉酸酸甜甜，醒神又開胃，火侯控制得剛好，外酥內嫩。最後叫左兩杯野飲~咸檸七酸爽清甜，解渴一流。熱咖啡濃香醇厚，正~

「叉燒啊～好好味嘅叉燒啊」呢句經典對白耳熟能詳，食神叉燒夠膽用食神之名去開舖，就吸引咗我去食。位置係新城市廣場三期、一田樓上。店舖面積都唔算細，容納到20幾人，枱與枱中間空間都算闊。不過唔知點解，店內所有餐具都係即棄，有少少唔環保。食神黯然銷魂飯 $79店員話叉燒每日分五段時間出爐，撞正新鮮出爐嘅叉燒真係正！叉燒肥瘦適中，燒得外脆內淋，入口有口感但唔會太軔。煎蛋整得好靚，好似假嘅一樣。一篤開中間蛋黃流晒出嚟，撈埋個黯然銷魂汁食，餸飯一流。食神乾炒牛河 $75同一般茶記乾炒牛河好唔同，上面鋪咗日式木魚好香。炒河非常足料，牛肉仲多過河粉。牛肉質地夠淋，醃得入味。河粉除咗比較碎，調味都OK，唔會過份油膩。雙併燒味 $109 （切雞、燒鵝）切雞好滑溜，肥瘦適中，雞味濃郁，調味剛好唔會過份鹹，就咁食唔洗配飯都得！燒鵝烤得香脆，油香味十足，有淡淡煙薰味，正宗港式燒鵝味道。

每次黎沙田都必食·食神叉燒🍽！ 仲要係愈早時間去，先食到我最愛gei腩叉!今次黎到，見有新款煲仔飯，冬天都應下節氣，就叫左個 北菇雞臘腸煲仔飯$80，煲仔飯size唔算大，但響商場餐廳難得有，不得不讚揚！ 雞肉大大件，臘腸肉質肥瘦適中！仲有飯焦食，正！另外，必食本人最愛-黯然銷魂飯，半生煎蛋，配上半肥瘦叉燒，送飯一流！咕嚕肉亦都係我地例點菜之一，因為肉身夠肥，有咬口！仲配有好多菠蘿、紅&青椒，足料！奉有清甜例湯特飲-咸檸7 & 檸樂

沙田新城市三樓不來除左最大既餐廳集中地之外仲有啲位開左唔少隱世餐廳，今次就決定試下呢間用叉燒做招牌既餐廳。門面唔算大，加上係個走廊入面，唔係當眼位，但作為一間主打燒味做主食既餐廳黎講，地方都屬企理。各款既燒味都有，亦有唔同組合既套餐，選擇唔少。當然首先叫左個黯然銷魂飯（$79），材料好簡單就係叉燒，蛋同飯，不過個叉燒又真係幾好吃，五花腩肥瘦啱啱好，有陣微微既焦香，咬落去都仲出到肉汁，雖然每塊唔算大舊，但勝在個味道好。配埋個叉燒醬拌蛋同飯，都十分開胃。另外仲有食神炒飯（$75），炒飯屬大碟，上面舖左蟹籽，配料都多，有唔少蝦仁蛋角，唔會話炒得太干，幾香口。黎得呢度食當然要食返佢既淨燒味，於是都叫左個燒味雙拼（$109）試，油雞配燒鵝，鵝皮香口，鵝肉都唔算老，入口仲係有肉汁，要黎送飯都一流。油雞都唔錯。當然燒味配醬都一樣不少。總括嚟講呢間既燒味都的確唔錯，可以一試！

星期五晚，放工後嚟新城市行街，又係時候搵好嘢食，經過呢間食神叉燒，見到Menu幾吸引，一於試吓。店內最熱門嘅招牌菜就係呢款黯然銷魂飯，其實即係「叉燒煎蛋飯」，但整得好食的話真係人間美味！正宗黯然銷魂飯 $79隻荷包蛋做到蛋白熟、蛋黃生，超正！叉燒亦係水準之上，由香港四大名廚之一 戴龍師傅擔任顧問，燒味的品質果然有保證。半肥瘦叉燒燒得焦香，肉質鬆軟不韌，醬汁微甜不會過鹹，非常好送飯。仲附送例湯一碗。天氣凍，煲仔飯都係唔錯嘅選擇，店員就推介呢一款日本肥牛鍋蛋煲仔飯，話係新出品，採用日本雞蛋。時令煲仔飯：日本肥牛鍋蛋 $120上桌後，店員會幫手淋上醬汁，然後冚蓋焗上2分鐘，打開蓋撈勻就食得。煲仔飯仲有我最喜歡嘅飯焦，非常美味！凍奶茶 $20罐裝可樂飲埋飲品真係飽到行唔郁，下次再嚟沙田行街，一定會再試其他食物！

男同事快要離職了，疫情關係，就來個簡單的二人聚會吧。男同事是肉肉獸，於是我便選了他喜歡的Chop Chop 食神叉燒，讓他開心一下：）食神黯然銷魂飯早早已吃過Chop Chop 食神叉燒，之所以難忘，是因為叉燒分為腩肉叉燒和普通叉燒，腩肉叉燒真係勁正，一層肉，一層肥膏，非常滑溜。最滋味是還有蜜糖掛汁🤤,吃叉燒唔肥點得呢，哈哈。配上煎蛋，再淋上豉油汁，大愛。食神炒飯材料豐富，有櫻花蝦、蟹子、青豆、叉燒粒和蝦仁，飯底炒得乾身，吃下時口感豐富！燒味雙拼我們選了燒鵝和油雞，燒鵝皮脆，而且啖啖肉；油雞點上薑蓉，也很喜歡😌保持水準的一道菜。

午餐嘅時候同同事嚟咗呢度食，兩個人食，叫咗兩個飯同埋一個小菜，仲有湯送。我叫咗嘅呢個係正宗暗然銷魂飯，其實係用咗特級嘅雞蛋同埋呢度最出名嘅叉燒整成嘅，我自己食落嘅時候，最鍾意嘅係戳穿隻蛋，見住啲蛋汁慢慢咁樣流出來，，撈埋啲飯食，真係幾唔錯。我另外亦都鍾意佢呢度嘅叉燒，叉燒嘅外皮有少少硬，亦都少少脆，叉燒嘅上層係肥膏，下層係肉，很分明，而且每一舊叉燒嘅比例分布都好平均，水準都好Standard。佢呢度亦都有自己特色嘅醬汁，係豉油再加埋姜戎嘅混合，成個叉燒點落去，幾香幾好食。呢度嘅小菜：咖喱雞都唔錯，佢嘅咖喱雞唔係好辣，亦都唔會係好多椰奶好多分嗰種，反而嗰種感覺似係茶餐廳大排檔小菜煲果種，炒得幾香，雞肉亦都幾好食。最鍾意佢呢度係白飯任裝，👍👍最後用一杯凍檸賓埋尾。

除咗食好嘢，其實我都有麻甩嘅一面，今日同朋友仔去咗沙田搵食，結果係食叉燒飯。好，坐低睇吓有咩好食先。正宗黯然銷魂飯，先飲下個例湯，味道唔錯。銷魂飯大大隻太陽蛋，主角當然係叉燒，呢個係腩叉燒，真係入口溶化，嗰種脂肪嘅口感滑得來唔漏。我兩個食肉獸，叫多半隻例牌燒鵝同豉油雞，燒鵝個皮好脆，豉油雞好有肉地，食落啖啖肉。食神炒飯，炒飯好足料，上面仲有粒粒蟹子，食落口感好多層次，而且飯粒粒粒分明。最後飲品叫咗熱柚子。

放工唔想煮飯, 就係屋企附近搵食見呢間餐廳有D新既套餐, 好似幾抵食, 就入左去食呢間餐廳係食燒味既, 同傳統既燒味店好唔同, 佢既格局好乾淨, 坐得都好舒服食物方面: 佢有一般既燒味, 仲有一D小菜, 仲有套餐我同朋友就叫左:食神黯然銷魂飯: 叫得做食神叉燒, 梗係要食佢既叉燒煎蛋飯! 佢既叉燒真係好出色, 肥瘦分明, 叉燒夠厚身, 加埋佢既秘制叉燒醬同埋隻太陽蛋, 撈飯食一流!干炒牛河: 呢個都好好味, 牛河炒得夠乾身, 仲要唔油, 入面既牛肉都好足料! 沾埋辣椒醬, 好滿足!燒味雙拼: 揀左燒鵝同雞, 食得出佢既燒味好有功架, 無鵝同雞既肉都做到皮香肉嫩!想食燒味既話, 呢間餐廳一定唔會令你失望

叉燒太肥，雖然已指明要瘦叉，但仍然有一半係肥叉。味道又太甜，失望！哎，求其食完之後即刻過檔第二間再食啲其他嘢補返。順便講多句，點解堂食都係用紙碗？老細，你太唔環保啦！👎🏼