Chop Chop 食神叉燒 (新城市廣場) (Closed)

又到半年一度既一田shopping week 😍 逼人逼左三個鐘😢好鬼肚餓要即刻搵野食 話說新城市呢個商場平時都好少黎食野 原來開左間新野「食神叉燒」，主打食叉燒同燒味 亦有小菜等套餐。.▪️正宗暗然銷魂飯$79話明食叉燒 無理由唔叫叉燒呱🤪 濃邊煎蛋 仲有秘製拌飯醬油 個飯底老闆話用黑龍江五常米 比較淋身同埋飯香味重 👍🏻 重點既「叉燒 」真係幾掂👍🏻 同一般市面叉燒味道好唔同 叉燒部位好靚 半肥瘦 睇相都見到一層層 加埋個汁 撈飯 真係掂😍.▪️食神炒飯$75朋友就叫左個炒飯 炒飯炒到粒粒分明 配料有：叉燒粒 蝦 青豆 蛋碎 香蔥 櫻花蝦 ... 醬汁方面落左秘製醬汁炒 👍🏻 適合重口味既我😛😛.▪️開胃咕嚕肉$78正路既（菠蘿青椒紅椒）配咕嚕肉 但原來呢間除左叉燒出色 真心要讚個咕嚕肉 應該係佢地黎貨既豬肉好正 所以要黎做小菜一樣咁正 舊舊肉都啖啖肉之餘 仲要肥瘦分明 外脆內滑 好正😍 可能係我人生食過最好食嘅咕嚕肉

我地一般食叉燒， 通常都會聯想起茶記/燒味店等。 我同皇上都係BBQ lover and killer 😂. 所以就被食神叉燒吸引左。 流著口水甘入左去試食。 🤣雖然只得我同皇上， 但都想試多幾款食物， 所以叫左一個二人餐。其實， 都好多食物可以選擇， 我地選擇了油雞同义燒， 火腩豆腐及蒜茸炒生菜， 一份飯， 一份瀨粉， 仲有兩碗湯， 不過我覺得整體都偏向咸。 所以口味清淡既朋友， 可以早啲講少咸/少鹽， 價錢方面， 我覺得份量同價錢都比茶記貴左少少， 但位置於新城市廣場內， 這個價錢算平

係附近超市行完街，食埋飯先返屋企既然餐廳名叫食神叉燒第一件事就揀左食神黯然銷魂飯有隻靚靚太陽蛋半肥瘦叉燒，真係一層肥一層瘦間住架！米飯相當有特色，有健康藜麥最好味係個秘制叉燒汁，香蔥加醬油撈飯的美味例湯亦好有誠意，足料，有好味既豬軟骨咖喱菠蘿牛肉有清新的紫洋蔥，三色椒咖喱汁濃包著一片片牛肉食神干炒牛河中日合璧特別之選點解咁講呢，因為炒牛河面有好多木魚乾大大提升牛河的鹹鮮香味河粉都特別d，碎d但粗身d飲品有鹹檸雪碧原粒鹹檸檬，清新又解渴仲有檸檬利賓納，滿足

呢排多咗喺沙田出沒 想試多啲新餐廳 於是就入咗嚟呢間食神叉燒食個晏晝😺聽個名就知呢間餐廳主打叉燒啦 咁友人就喺午市套餐入面揀咗叉燒炒蛋飯 而我就食男人的浪漫 豆腐火腩飯🐷叉燒炒蛋飯一上檯 梗係即刻食嚿叉燒先啦 食咗一嚿 即刻再食多嚿 原因唔係太好食 而係我唔敢相信自己嘅味蕾😕 一間以叉燒作為招徠嘅餐廳 啲叉燒竟然係咁嘅味 完全冇特色 又冇嗰種少少燶嘅香口 肉質又唔夠半肥瘦 都可以入口嘅 但係個期望落差太大 炒蛋都幾好 係略嫌多油咗啲豆腐火腩飯 火腩唔算太多 火腩係半肥瘦嘅三層肉 味道食落好食過叉燒 可惜芡汁比較鹹 送飯食嘅話都可以接受😆可能係我要求太高啦 但係如果係普通一間餐廳賣嘅叉燒 我會冇咁失望 所以如果你係因為叉燒而嚟 我完全唔推薦😟

Chop Chop 食神叉燒成日在新城市經過，都見到呢家幾特別非一般的燒味店，今日就趁機同朋友來試下先見到呢到有唔同的招牌菜，就一於每樣都點下試試先~門面好企理，環境光猛清潔，店內坐位都闊落，坐得舒服!店員都好好態度，知我第一次來食，都有D心機介紹我知有咩招牌介紹，所以我就點左D佢話必食既試下。食神黯然銷魂飯$79 呢個真係主打菜式，叉燒唔係一般既貨色，而係用豬腩肉整架~咁大個人真係第一次食，OH真係好正。入口好軟，又有叉燒甜甜的味，太正~加埋有一隻荷包蛋，又紅又黃的賣相十分之好。 食神乾炒牛河$75 牛肉都幾多下，河粉炒得夠乾身。仲有我最LIKE既芽菜，WOO好地道既呢~燒味雙併$109 燒鵝+油雞 油雞好香，燒鵝就更加唔駛講，又滑個皮又脆，真係人間美食。疫情關係，佢每人都俾各自的醬料，好衛生。咸檸七$25 食燒味比較濃味, 所以都要叫番杯野飲先得。個咸檸好入味，超爽~~最後，大家可自備餐具，為地球岀一分的力

Chop Chop食神叉燒開到去新城市廣場喇！主打燒味，仲有炒飯、乾炒牛河呢！鹹檸七/鹹檸樂（$25）燒味雙拼（$109）油雞拼燒鴨，份量都幾大架！食神黯然銷魂飯（$79）相信香港人對「食神」電影一定唔會陌生，電影裡面的名物，竟然可以喺現實食到！半肥瘦腩叉，加煎蛋，雞蛋汁加叉燒汁融入白飯內，精華儘在白飯裡面！食神乾炒牛河（$75）有鑊氣的乾炒牛河，加日式木魚碎，好有趣的crossover! 一試無妨！

沙田新城市最近做緊好多購物優惠, 小妹就約埋朋友一齊去血拼血拼🤣行到咁上下就係附近搵野食, 見到E間食神叉燒好似幾吸引咁就入左去試下!餐廳環境開揚, 而且幾乾淨企理! 餐廳除左提供最馳名嘅燒味之外, 仲有其他特色小菜🥘, 炒飯河粉🍛🍜比你選擇! 小妹同朋友叫左E到最出名嘅正宗黯然銷魂飯, 招牌乾炒牛河同一個燒味雙拼試下😋凍檸賓🍹咸檸7🍹叫得食神叉燒就緊係要配番個專屬公雞碗!公雞碗相信好多香港人都唔會陌生, 因為係香港一件好有傳統特色嘅餐瓷嚟, 雖然E到嘅公雞碗係紙造的, 但小妹依然覺得幾有親切感!粉葛湯🥣味道正常, 不過不失!正宗黯然銷魂飯一上枱已經比8件厚厚嘅叉燒吸引住, 外層油潤亮澤, 帶有微微麥芽糖香🍯, 邊邊位焦焦脆脆, 叉燒層肥層瘦, 脂肪比例相對多少少, 咬落去口感軟腍, 油脂甘香, 配埋秘製醬油增添一點咸味, 令整體無咁容易有膩感, 白飯🍚口感煙韌, 粒粒都帶有少少麥芽糖嘅甜味, 加埋一隻半熟煎蛋🍳, 簡單又好味!燒味雙拼小妹點左燒鵝同燒雞雙拼, 燒鵝皮脆肉汁多, 油香重, 梅子醬味道同平時食開嘅果種有d唔同, E個會偏酸酸咸咸多D, 食落會有另一番風味!燒雞肉質鮮

食神叉燒,唔一定要去名牌酒店中菜餐廳先食到好叉燒食過1次唔錯,所以最近係附近都黎食多次今次食左炒飯,叉燒飯,燒味雙拼雞肥皮薄肉嫩有肉汁,燒鵝就皮脆,肉偏瘦身,各有各好,香港燒味千百味油雞真心好出色,啖啖肉,淡淡甜香味,肉質夠肥美嫩滑例湯超足料,濃郁之餘有家的味道叉燒肥瘦層層分明,肥瘦分明,肉質細緻,叉燒微微帶焦帶肥夠甘香食落又唔油膩,仲有特製既叉燒醬配搭一齊食,味道更為豐富突出招牌食神叉燒飯,加上一隻煎得好靚既太陽蛋每片叉燒厚度都大致相同,目測大約都有十片厚叉燒焦邊叉燒加蛋汁撈飯 #黯然銷魂叉燒 #黯然銷魂飯 #食神叉燒 用上本地豬製作,多汁鬆化,吃完好有滿足之餘又有飽足感 米飯食起來粒粒爽身分明 食神炒飯 食到有叉燒粒,蝦仁,櫻花蝦,青豆,蟹籽,食材豐富唔係大雜燴,你仍然食到每種食材既味道,爽身分明,入口味道鮮明香味,鮮味,食完真係有驚喜感覺,會想再次食呢款炒飯 #戴龍 #CHOPCHOP #港式燒味 #叉燒飯 #沙田美食 #北角美食 #食神 推介大家試下叉燒飯! 平時有優惠 叉燒咸蛋飯只要$40 (外賣) 

環境開陽 燈光光猛😙 燒味雙拼 $109今次叫左燒鵝同油雞，師傅好好 比左個脾位我地🥰🥰燒鵝皮充溝鵝油既香味🤪 油雞正常😋 脾位都無乜野可以挑剔🤣🤣正宗黯然銷魂飯 $79叉燒幾好食～ 肥瘦適中！ 又唔會太韌👍🏻🙈 反而個汁我地覺得一般 感覺個汁有非常多既香料味 我地覺得唔點個汁都已經好味😙 食神炒飯 $75非常多料係裏面 口感亦同樣豐富😍 仲有蟹籽令食個時更加新奇👍🏻 凍檸賓 $25唔算好濃利賓納既味道 🤔凍檸蜜 $25

除咗叉燒燒味亦都相當不錯。嚟到呢度當然要食返個暗然銷魂飯！▶️ 暗然銷魂飯$79呢度嘅叉燒半肥瘦，而且非常惹味，想再濃味啲，仲有醬汁俾你點。飯份量幾多，而且仲帶啲藜麥，感覺健康啲。▶️燒味雙拼$108揀咗燒鵝及油雞，估唔到呢度嘅燒鵝都幾好食，好香！燒鵝個皮嗰種油亦都好食!油雞夠滑夠入味，啖啖肉。▶️乾炒牛河$75比較泰式風味，係粗河粉。佢炒得唔會太油，而且有好多牛肉。牛肉夠林，相當足料。▶️飲品熱檸蜜及熱檸賓兩個人食超級豐富～🥰

呢排戴龍師傅好紅，Youtube度成日見到佢，『無綫』啱重播嘅『食神』又見佢，見到周星馳食『黯然銷魂飯』個表情都好好笑。而聽聞呢間『食神叉燒』係戴師傅做顧問，點都要來幫襯吓，見到師傅張相，遠咗D，唔係影得咁清晰，因為費事影嚮D人食飯。『黯然銷魂飯』上枱，賣相唔錯，蛋係流心嘅，叉燒就肥瘦相間，但瘦嘅多啲，啱哂我，亦相信啱女仔多D，因女仔不會喜歡太油膩感覺。『招牌干炒牛河』亦唔錯，上面有飛舞的『柴魚片』，感覺有日式feel。『燒味雙拼』點咗雞脾，鵝脾，係朋友至愛，佢食得開心。而飲品凍檸檳，凍奶茶都有水準，甜度適中，好啱飲。

正宗黯然銷魂飯冇錯，同經典電影裡面一樣，即係叉燒煎蛋飯，不過就冇洋蔥，因為我冇流眼淚嘅感覺。叉燒同我哋平時食開嘅蜜糖燒嘅叉燒唔同，似係煙薰多啲，但就冇咁乾。肉質半肥瘦，爽口唔油膩。蘸特製嘅醬汁，味道似客家風味嘅梅菜豬肉，負責人話醬汁只係用紅蔥頭嚟整。飯係特登整到比較乾同硬，等撈咗啲汁後會煙韌有嚼口啲。加埋一隻滑滑嘅太陽蛋咁就perfect了。招牌乾炒牛河。一上枱已經聞到一陣焦香味，係木魚碎。河粉炒得比較乾身，唔會食到成口油，加埋芽菜、洋蔥、蔥等嘅配料，令到口感更爽口唔油膩。美中不足係牛肉炒得老身咗啲，食落有啲乾同硬。燒味雙拼(油雞拼燒鵝)。油雞皮爽滑唔肥膩，雞肉嫩滑，就咁食已經好味，蘸薑蔥汁食直情係絕配。燒鵝皮香脆，肉質爽口，帶小小脂肪滲出嘅油有一種獨特嘅香味，嫌肥膩可以蘸酸梅醬食。食完飲番杯鹹檸樂，鹹鹹甜甜又有汽，解膩就最啱。

來到Chop Chop 食神叉燒晚餐，叫了二個主菜，一個燒味和兩杯野飲。食神暗然銷魂飯：概然是招牌菜，又豈有不點的理由。叉燒肥瘦剛好，入口鬆化。太陽蛋煎得有少許膿邊，外圍香脆，內裡流心，撈飯一流。秘製醬汁有香蔥的味道，十分惹味。食神干炒牛河：有驚喜！第一次食有木魚碎的干炒牛河，想不到味道和牛河十分㚒，牛河一般會比較油膩，木魚碎有助減少油膩感，亦令到牛河更有鮮味。牛河亦加入炒蛋，令整道菜味道昇華，更有層次。燒味雙餅叫了燒鵝和油雞。燒鵝燒得十分香，油雞十分嫩滑，不錯。餐飲叫了鹹檸七和鹹檸樂，用上原粒鹹檸，抵讚。一向都叫鹹檸七居多，友人點了鹹檸樂，鹹檸中和了可樂的甜味，有意想不到的驚喜。總括來說，食神叉燒作為一間以燒味為主打的餐廳，燒味固然之好味，但想不到除了燒味，牛河亦是水準之上，以後到沙田晚餐又一個好去處！

自己睇咗好多食評，寫得好嘅可以寫到好誇張，寫得唔好嘅亦都寫得好誇張😂😂，自己行開沙田，真係順路就試一試。同大家一樣，我都叫咗個暗然銷魂叉燒飯，叉燒切得比較薄，但佢上面就有一層蜜汁，而且特別鍾意嘅係佢個秘製醬料，佢個醬料應該唔淨只係豉油，裏面應該仲落咗姜戎，同埋其他唔同嘅嘢，惹味，亦都幾甜。個飯就都幾好食，傳聞呢度用咗黑龍江嘅米。之後就係呢度嘅湯，個湯都好夠味，我飲嘅係七小豆煲粉葛，同我屋企比，呢度稍為有少少鹹，但整體來講都好夠味。之後就食呢度嘅小菜，咕嚕肉，咕嚕肉佢都真係好不計成本，我叫一碟小菜，佢俾咗10舊肉我，幾好。食神炒飯亦都唔差，有蟹子喺上面，就住創意來講，都值得欣賞。但如果個飯可以更加熱的話，就更好。飲品方面我叫咗個鹹檸七，不過不失。

住沙田好友話Chop Chop食神叉燒平靚正，沙田正街18號新城市廣場三期3樓A325號舖，餐廳用即棄餐具，夠衛生。我們點左最出名的食神黯然銷魂飯，叉燒肥瘦均勻，味道甘香，餐廳選用初生蛋煎流心荷包蛋，味道鮮美，蛋黃味濃，營養價值高，黑龍江五常米煮的飯，香滑軟撈秘製醬油 ，真一流。更可免費加添白飯。燒味雙拼，燒鵝脾肉質腍滑、皮薄又不會太多脂肪，很美味，豉油雞肉嫩滑，夠味道，很入味。干炒牛河很大碟，材料十足並有日式木魚絲，多重口感，增加味覺，很好吃。餐湯是粉葛、紅蘿蔔🥕南北杏、排骨，味道清甜，夠滋潤。凍咸檸七、凍🍋檸檬賓。