Video
2-min walk from Exit N3, Tsim Sha Tsui / East Tsim Sha Tsui MTR Station
continue reading
Introduction
It aims at serving original flavour of high quality Japanese Produced Safety Chicken with different rare parts. In addition, some special skewers are made with high quality ingredients imported from worldwide. Both dishes are good to pair with Japanese alcoholic beverages. It is a nice place for dating and gathering.
continue reading
Opening Hours
*星期一休息（公眾假期前夕除外）
Mon - Sun
18:00 - 23:00
Above information is for reference only. Please check details with the restaurant.
呢度主打燒鳥串燒，有雞的不同稀有部位，雞頸皮、雞冠、雞尾、雞掌肉、雞腳筋、提燈等每日限量供應😊 我地好好彩，今次食到幾款刁鑽部位，店長介紹師傅要好花心機處理，調味講究，火喉要控制得好，先可以保留到雞嘅原味道，依家終於明點解吾係度度有得食刁鑽部位😋 ❣️雞掌肉$58 / 串~一隻雞腳亦只有一塊小雞掌心肉燒至外層焦脆有嚼勁😋❣️提燈$88 / 串~為提升口感師傅加埋雞肝同雞肉，口感更加豐富😊❣️雞尾$38 / 串~一隻雞得一粒，燒到外脆，趁熱食，原來吾核突，仲好好味😋❣️雞心$38 / 串~經師傅細心處理過先燒，新鮮製作，食落仲唔會有腥味😋 ❣️雞頸皮$58 / 串~口感香脆，入口油香到位❣️燒手羽中$38 / 串~師傅將手羽先醃製過後烤制，焦香味十足，必食推介❣️燒日本螢光烏賊 $ 38/串~第一次試食燒做法，味道帶點鹹香😋
❣️燒味噌雞腿肉$ 48/串~師傅用上自家發酵的塩麴，雞腿肉嫩滑🥰 ❣️煙燻雞肉丸$ 68~打卡一流賣相滿分，一打開用櫻桃木煙燻過，香氣撲鼻，雞肉棒師傅用上秋田煙燻蘿蔔粒，雞肉爽彈配埋日本蛋黃一齊食，好滋味🥰
❣️一口串燒、一啖酒，呢度有各類型嘅日本酒，有專業唎酒師專業推介，我地試左三款清酒，大七箕輪門純米大吟釀較易入口，另外仲有奧能登之白菊x風之森純米大吟釀原創同奧能登之白菊x風之森純米大吟釀合作，女仔都啱飲🍶 ❤️除左串燒正，前菜同自家製甜品都出色🥰 ❣️藁燒鰹魚$88~以稻草和炭火慢慢炙烤出來，效果出色😋❣️半熟蛋伴薯仔沙律$68~薯仔蓉撈左明太子，配流心蛋，日式和風料理幾特別👍❣️慢煮山椒鶏胸肉 $ 88～肉質嫩滑，以山椒醬汁，伴上生洋蔥一齊食，充滿層次感😋 ❣️黑啤爆谷雪糕 $ 48~真係食到有啤酒味同爆谷香😊
❣️玫瑰柚子雪葩 $ 48~夠清新充滿柚子清香😋 ❤️餐廳主打日式串燒，響尖沙咀食飯去商場反而太多人又迫，呢度地點勝在旺中帶靜，入面好似居酒屋甘，地方吾算大但座位闊落仲有卡位，坐得舒適，串燒係即叫即燒，可以一邊飲酒傾計，店員態度有禮，服務態度同食物質素高。
continue reading
今日和友人去品嚐，位於尖沙咀赫德道一家高級日式燒鳥店「兆鳥 CHOU CHOU Yakitori」，店家主打燒鳥串燒，食材均使用日本直送送，調味非常講究，師傅致力保留日本雞的原汁原味🫶店家亦提供雞的不同稀有部位，例如：雞冠、雞頸皮、雞冠、雞尾、雞掌肉、雞腳筋等等，坊間少有，另外亦有多款創意前菜和主食👍
酒品有多款日本啤酒、燒酎、果酒、威士忌、氈酒等，兆鳥有專業「唎酒師」精選各款日本酒，配搭任何料理都咁適合😋▪️兵庫縣生蠔佐蕃茄柚子醋汁 $ 176 ｜生蠔飽滿蠔味濃郁，伴上醬汁一齊食，味道酸甜，更能帶出蠔的鮮味，令人食指大動▪️慢煮山椒鶏胸肉 $ 88｜肉質出奇地嫩滑，配合山椒醬汁，帶有獨特的香氣，伴上生洋蔥一齊食、味道清新帶辛▪️半熟味玉明太子伴日本薯仔沙律 $ 68 ｜雞蛋一打開呈完全流心狀態，而且充滿醬油香，薯仔口感軟腍充滿薯味，加上明太子的鹹香，就是在日本食到的美味▪️雞肝芝士拌醬多士 $ 98｜自家制用雞肝拌上忌廉芝士，香滑油潤肝味香濃，伴上即燒海苔多士，超級正▪️雞頸皮 $ 76 ｜口感比雞皮更香脆更富彈性▪️雞尾 $ 76｜入口外脆內裏充滿雞油嘅脂肪香，但絕不油膩，一試愛上▪️燒味噌雞腿肉 $ 96｜雞腿肉嫩滑有咬口，味道充滿味噌的甜香▪️燒日本螢光烏賊 $ 76 ｜第一次試燒的做法，味道鹹香口感煙靭▪️燒雞胸軟骨 $ 76 ｜雞軟骨拌著少少雞肉，超級香脆充滿鹽香，口感爽彈▪️雞掌肉 $ 116 ｜極難處理的部位，師傅要好花心機，燒至外層焦香，極有彈性，煙靭好味▪️雞冠 $ 96 ｜亦係刁鑽的部位，口感軟中帶脆，味道鹹香鹹香，原來幾好味▪️燒雞皮 $ 38 ｜雞皮自家穿製，比坊間厚身一點，外層香脆，中間部份仍帶有少許脂肪，香酥滿滿充滿雞油香▪️煙燻雞肉丸半日本蛋黃 $ 136｜賣相滿分，用櫻桃木煙燻過，香氣滿瀉，雞肉棒仍然食到粒粒爽脆嘅雞軟骨，加上日本蛋黃燒汁一齊食，好滋味▪️雞湯素麵 $ 88｜重點係香濃美味嘅雞湯，用上多隻雞殼熬製多個小時而成，入口鮮甜黏口，超多骨膠原，伴上香滑的素麵，雞胸肉和糖心蛋，必食推介▪️燒飯團配日本無菌蛋 $ 48｜米飯先放入醬油撈勻後再燒，令飯團燒得更加香口香脆和入味🍨黑啤爆谷雪糕 $ 48｜甜品也是自家製，好特別，味道先有啤酒的甘後續是爆谷的香甜🍨玫瑰柚子雪葩 $ 48柚子雪葩酸酸甜甜充滿柚子的清香，㗳真啲就食到玫瑰花的香氣，非常唔錯現場有專業唎酒師為你專業推介，啱晒我呢啲鍾意飲，但又不懂清酒嘅人，這三款配搭我今日的所有食材，都非常適合，有帶甘甜亦有帶辛口，配搭得非常唔錯🫶🍶釀人九平次雄町純米大吟釀 90ml $ 258 @2🍶喜樂長 純米大吟釀 「愛」 90ml $ 258 @2🍶二兔 雄町 四十八 純米大吟醸 90ml $ 158@2
continue reading
先講總結:消費HKD1200左右， 我同友人食完空虛感滿滿，所有菜色大小亦比普遍少，性價比只可以俾3/10，下次會選擇其他日式串燒店。 首先前菜嗌咗menu同special menu嘅2款生蠔，味道正常，算新鮮帶淡淡海水味之後嗌咗個牛肉煮豆腐，味道同吉野家牛肉汁有過之而無不及，冇特別串燒:腿肉香蔥卷(平平) 鹽麴腿肉(可以) 燒菇(唔夠乾身) 特別想講免治肉棒配日本蛋， 上菜時用木盒載住，並用煙燻方式製作，但打開盒時我同有人都比份量嚇親， 大概只有一隻手指公咁大，打下卡就ok，如果唔係唔建議嗌飲品:gratefruit high ball(唔篤下西柚根本冇味，但礙於只飲管，所以冇咩點篤到)
continue reading
平時雞胸、雞腿肉吃得多，雞冠、雞尾、提燈這些稀有部位你又試過嗎？位於尖沙咀的兆鳥主打鳥串燒，提供不同稀有部位，師傅跟日本師傅學師，從餐單至調味均講究保留日本雞原味，務求為客人提供傳統地道風味🇯🇵是次到訪有很多部位我都是第一次試的呢！特別推介大家試雞尾、雞掌肉及雞冠，雞尾味道香甜，雞掌肉頗爽口，而雞冠則是滿滿膠原感，各有特色！提燈我之前在其他居酒屋試過，但這裏的提燈真的是超驚艷！師傅把雞蛋黃、雞肝、雞肉串在一起，做到多層口感及味道✨除了鳥串燒，餐廳亦有多款日式料理，例如柚子味噌豆腐漬、燒日本兵庫縣蠔、燒螢光魷魚、赤雞刺身等等，配上sake認真暢快！除了在各款心機之作的串燒看到餐廳的誠意，他們連甜品也是自家製！微辛口的山薑柚子雪葩及滿滿麥香的黑啤爆谷雪糕為是晚畫上完美的句號🍨😚
continue reading
這間位於尖沙咀的燒鳥專門店，主打稀有部位的燒鳥串燒，配以自家製的雞骨醬汁，精準的火候控制，出色的燒烤技藝，巧手炮製出琳瑯滿目的串燒美饌，讓食客可以品嚐不同部位的珍罕滋味，帶來別具風格的地道東瀛串燒料理。酒餚🦋柚子昧噌漬豆腐 $68🦋酒盜芝士醬伴餅 $98🦋燒日本螢光烏賊 $38🦋藁燒鰹魚 $88🦋大閘蟹蟹粉玉子燒 $78店內菜單選擇豐富多樣，款款充滿特式，藁燒鰹魚以稻草燒手法大火炙燒鰹魚表面，去除魚的腥味同時鎖住肥美口感，稻燻香氣滲入魚肉，鮮香滋味。大閘蟹蟹粉玉子燒，以時令的大閘蟹元素注入日式玉子燒，蟹香濃郁，玉子香滑，完美配搭，嘴饞及飽腹都滿足。き鳥🦋塩麴雞腿 $48🦋煙燒雞肉丸 $68🦋雞頸皮 $38🦋雞尾 $38🦋雞掌肉 $58🦋提燈 $88🦋雞胸 $38所有燒鳥串燒全部皆選用日本雞，大部份串燒更是師傅拆肉起骨自己串，串串皆是師傅匠心傑作。燒鳥款式超多，更有不少刁鑽部位的串燒款式，包括雞頸皮、雞尾、雞掌肉、提燈等，火喉精準，調味合宜，串串驚喜。以塩麹調味令雞腿雞味突出，雞肉嫩滑；雞頸皮雞油超香；雞胸絕不乾柴；雞掌心是雞掌位凸起的小肉，一隻腳只有兩小件，口感軟嫩帶嚼勁。以木盒盛放的煙燻雞肉丸串，一打開陣陣的煙燻飄來，充滿儀式感，肉質扎實不鬆散，且帶煙燻香氣。黃澄澄的提燈由母雞的輸卵管、卵巢及未成熟未有殼的雞蛋黃所組成，穿在一支竹籤子上，看起來像一盞提著的燈籠，吃起來有著雞蛋的口感，還有肉質的香氣，令人垂涎三尺。甜品 🦋柚子玫瑰雪芭 $48🦋爆谷黑啤雪糕 $48兩款解膩的推介甜品，前者清新怡人，後者不含酒精卻帶微微酒香，混入粟米片，增添脆脆口感。日本酒🦋奧能登之白菊x風之森 $109純米大呤醸 原創 90mL 🦋奥能登之白菊x風之森 $109純米大吟醸 合作 90ml 這兩支由奧能登之白菊聯乘風之森的清酒，兩者皆屬純米大吟釀，採用超硬水精製，並進行火入處理，醇厚香平，散發獨特的風味與細膩的口感，配合味道濃厚的食物最佳。
continue reading