周記油渣麵 (Closed)

這家周記油渣麵，可算是老店，本人廿年前每次到黃金商場都常來光顧，店面雖然不是最乾淨、食物不是最衛生，但卻是最有港式人情味，而且幾乎您能想到的中式飯麵類，他們都能煮到！由於最近要跟父母去附近的黃金商場及玩具街，於是再次到來，點了招牌油渣麵、七味叉燒炒飯及豆腐火腩飯。一如以往，油渣麵水準仍在，但由於主要是油渣本人不推薦長者來食。而七味叉燒炒飯有傳統大鑊才能炒出的香氣，但個人推薦不要點七味，換以其他口味如咖哩炒的應該會更佳。至於豆腐火腩飯，基本上是不會輸的「男人的浪漫」，喜歡食老店的朋友實是非常推介大家來光顧！

前幾日諗住去深水埗搵吓嘢食，因為太晏先去到，有啲鋪頭都預備關門，而好出名嘅車仔麵檔仍然係大排長龍，所以就去咗隔離嘅周記試吓呢度嘅油渣麵。以前一直識開係大角咀嘅某一間油渣麵店，對呢度嘅期望唔算好大，因為見店入邊有部份人都唔係食佢哋招牌嘅油渣麵。由於太肚餓嘅關係，同朋友一人叫咗一碗大嘅油渣麵嚟食，頭兩啖覺得都唔錯架，但食下食下就發覺啲麵唔好食，油渣麵都一般，我知道有啲人鍾意食肥嘅油炸，但係我間唔時都想食下有啲肉地嘅，但係有肉嘅真係得un到咬唔落..而且呢度加一杯飲品都唔平，我諗我都冇下次㗎啦

今日想食粥，見到間餐廳叫「周記油渣麵粥粉茶餐廳」，覺得一定有粥食啦，就入咗去。一望個餐牌，好有多麵呀，但我的粥粥呢？見菜單無，就間店員「請問有無粥呀」。佢好surprise 咁，話無。吓？「粥」粉茶餐廳無粥食？少少伏... 如果可以改一改招牌名會好啲。

其實以我呢一輩來講，小弟都幾鍾意食豬油渣麵😂 仲記得細細個嘅時候老竇帶我去食大埔群記豬油渣麵（唔係剩係得清湯腩）。到大個咗就食油麻地通達，之前返工食晏晝會去下大家食😝 呢幾間我都係必點豬油渣麵👅 話時話真係未試過深水埗嘅豬油渣麵🤭今日經過深水埗就試一試這一間被譽為係港九五大油渣麵之一嘅周記😎根據OpenRice其中一篇「港九五大油渣麵」中嘅介紹，周記嘅油渣同麵條都係自製，五花腩用滾油烤得透徹，成品較乾身，因此減去油膩感並食落爽口；而湯底亦用上豬骨同大地魚熬製！當日所見的確有好多街坊同埋遊客幫襯。睇佢餐牌其實唔係剩係得豬油渣麵其實仲有其他嘅款式例如豬潤麵和各式各樣嘅粉面🤣望吓隔離枱其實細嘅豬油渣麵都幾大碗！所以我心水都係叫碗細就夠食🤭 女朋友就叫左手打魚肉面（加紫菜）🆗招牌油渣麵：豬油渣炸到太過乾身，真係同open rice所講沒有油膩感😰 所以硬骨骨完全沒有口感可言。麵條比一般嘅粗麵彈牙👍🏽✅新鮮手打魚肉面加紫菜：係我最鍾意嘅魚肉味道，少魚多粉😏 不過又唔會太粉果隻🤣至於蔥同埋冬菜就自己加，但我覺得冬菜太鹹啦😢整體而言我覺得大家食/新之食係好味過佢😂😂 而且價錢係平好多😉 ——————

一行兩人年三十下午本來打算去食維記 點知收左爐見到對面間豬油渣面就諗住入去試下 叫左一碗油渣面一碗豬潤牛肉米線 黎到油渣面個面咩味道都無 油渣乾爭爭 湯又唔香又淡 豬潤面仲衰 d豬潤痴堆一疊又唔爽又粉又嚡 有d直頭未咬就碎 口感勁核突勁難食 個湯又係淡而無味 米線正常 我地食左一半都無就走人 鋪頭又污漕 超級失望 一定唔會再有下一次

今日不算太多人，一接近門口就有位置坐。店內環境也算乾淨。有喜歡的煲仔飯。同行朋友喜歡食油渣麵，另一個就中意豬潤牛肉麵，不過好似餐牌有豬肉牛肉米線。也不錯。(如圖)。湯都幾好飲。

以圖表示，呢間周記油渣麵並不是只有油渣可以選擇,還可以考慮簡單不需要想太多選擇困難症的煲仔飯。今次揀左鳳爪排骨飯，新鮮熱辣上台意猶未盡。再試一試豬潤牛肉米線，真的是晚餐豐富

朋友有次帶完我黎飲兩溝 (熟客先識叫），就間唔中為左杯嘢飲而黎。馬蹄露溝淡椰汁，兩個加埋都幾配合同互補，同有馬蹄露粒咬下👍 ($10）平時黎親都食餃麵，好有咬口。可能有人覺得佢好厚皮，但其實得頂位先係禁，之後皮薄同料多。今次呢個鴛鴦餃麵有韮菜餃同北京餃 (入面用皮片鴨食開嘅大蒜），大隻同好飽。($34)我見隔離枱啲飯都大碟多餸多汁，都幾抵食。呢度除左唔同碟頭飯，都做埋小菜，多選擇～但飲品都力推兩溝👍👍

星期日同阿菇再戰深水埗。買到兩手都係戰利品，先發覺有些口渴，阿菇話唔想飲台式飲品。又有點肚餓，所以去左周記油渣麵，不過唔係食油渣麵，而叫佢的手打魚肉麵，加兩杯野飲。手打魚肉麵都算多，魚肉混合不少香菜，麵底是上海麵，價錢不算貴，但沒有套餐，飲料要另外散叫。結賬後一致讚成下次都係叫麵食算了。

聽人講哩間係出名食油渣麵，去開哩區順便幫襯下先，外賣都ok，食落油渣好腍身好香，仲可以任添菜甫好爽口惹味，馳名即係馳名，除左油渣麵，見佢仲有個鰻魚炒飯，下次試下先。

這間都算係區內數一數二好食既餐廳，佢最出名係油渣麵，細個時成日食，依家因為返工時間關係都好少食，難得有時間去幫襯食返碗，真係好有兒時回憶，豬油渣好淋，加埋辣菜甫味道更正

聽說哩間油渣麵好出名，其實我從來未聽過咩係油渣麵，食完亦都唔知用豬既邊個部位，但真係幾好味，油渣好腍好易咬，咬落會有少少肥豬油，好香，仲有要加辣菜莆一齊食先至更若味。

自從多年前媽媽帶我黎過之後就一試愛上...何謂豬油渣？其實只係豬既脂肪經過烹調同油炸出黎既平民小食難得今日去完深水埗電腦節，當然要黎會一會佢，鋪頭裝修依舊但就人面全非油渣麵有細有大，亦可以按個人喜好要求多渣或瘦渣，正如你去粉麵店一樣可以要求牛腩瘦定肥基本上每次黎到櫈都未坐低，D姐姐就會行埋黎問你食咩？多渣加大係基本...曾經試過一個人食兩碗🙈不消一分鐘，一碗熱辣辣既豬油渣麵就出現左一大碗上海麵上面鋪滿一層油渣麵唔會煮到好沒淋，每條麵都好有口感主角更加唔駛講，香口惹味，好食到唔識形容P.S. 每檯上面都有一兜調味，個人大推辣菜莆不過千祈唔好貪心，因為佢個菜莆非常之辣，唔小心落多左既話包你食完好似焗完Susana 咁，濕住咁行出門口

要說到吃油渣麵，一定要去到深水埗食這間周記油渣麵，這間數年前朋友帶我來吃，記得當年還不清楚什麼是油渣，後來從朋友口中才得知油渣即是豬皮炸後製成，本人向來很少吃動物皮，覺得很油，不健康，但這些豬皮都是經過高溫油炸，油脂已降至很低，所以間中都會來光顧。今天是電腦節，跟朋友買完電腦產品後，就到周記吃碗油渣麵，我朋友就點了晚餐肥牛粉絲煲，我點了一碗油渣麵多渣。每枱都會放上一大盤調味料，主要是供招牌菜油渣麵的我朋友點了肥牛粉絲煲，粉絲多過肥牛，肥牛太厚，有如豬肉片，無牛味，需改善招牌油渣麵仍然保持一向水準，再加上調味配菜一流 總結：始終招牌菜是主打，其它菜式一般，衛生環境有待改善

之前介紹過油渣麵，今次食下其他，叫左個鰻魚飯試下，鰻魚切到一塊塊狀，因為唔係一片片狀或者一粒粒狀，咬落去有口感，而且鰻魚好好食，再加杯馬蹄露一樣唔錯，有馬蹄在入面，有咬口，好味。