周明園潮州粉麵餐廳

Open Now

Now Closed

天氣好熱，2個人想簡單食，也唔想食飯，就去左周明園食晚飯。呢間都真係由細食到大，而且幾好食，質素亦都好穩定。要左2個粉，加一個油菜，但就無另外加飲品。(1) 牛腩米線今晚啲牛腩好好食，啖啖肉，亦炆浸得好淋，唔鞋口，好好食，湯底有少少覺得油，所以個人好鍾意加醋，可以減去一些肥膩感。(2) 魚皮鮫墨魚丸河粉2個餸都好食，魚皮鮫唔係四海個隻，皮厚身過四海，但唔會過厚，亦得包得散過四海，但係可以接受的程度，裡面的肉夠紮實，幾好食。墨魚丸就幾大粒，幾彈牙，好好食。(3)腐乳通菜味道正常，啲菜唔會太老，無渣，唯一覺得腐乳落得太多，所以覺得有啲鹽同埋油左少少。食菜個時，都會放係湯度浸走少少腐乳。由入到間舖，叫野食，到食完野，比錢走人都唔駛半小時，真係簡單方便的一餐。

依家每逢星期日間間食肆都多人到爆，見呢間粉麵店重有位唔洗排隊就入咗去幫襯，侍應姨姨安排咗我坐係勁近門口既位。款式中規中矩，魚蛋河都要 $31 蚊，咁梗係食牛腩、牛什果啲啦。牛腩河 ($32) : 牛腩好整齊咁排列係一邊，而且份量都唔少，未食就已經聞到陣陣嘅香味 🤤 牛腩肥瘦適中，食落唔韌又無渣 👍🏻 不過河粉就較為失色咗啲，唔夠薄身之餘食落重有啲實，做唔到爽軟韌筋嘅感覺，同埋杯凍檸茶只有微甜，茶味同檸檬味都欠奉。

I was having a very lazy Saturday morning and I decided to have something light for my brunch. Therefore, i went to this traditional Chinese noddles restaurant and ordered a bowl of fish ball, beef ball rice noodles. The fish ball is very delicious which is very bouncy in texture and it was not fishy at all. The shape of the fish ball was not regular yet it had the perfect taste. While for the beef ball, it was so-so. The beef ball was not springy but it was not too salty. Overall, the noodles w

垃圾港鐵您估罷工我就驚您呀！仲有小巴、巴士、的士、單車，最多落大埔再轉車返屋企，仲可以嘆碗麵添呀！操完拳即食補充，白操仲要唔好食，浪費我寶貴限額。早午晚一剔過，方便快捷慳時間慳錢！本計劃秘密送隻 8 兩大閘蟹給美女驚喜，誰知皮膚敏感要戒口發脾氣！唯有突返娘家轉贈細妹當預祝生日吧！放低就向酒吧出發，路經周明園就決定嘆碗麵打打底，已經多年無幫襯，看看現時出品如何。步入麵檔氣氛怪異，死氣沉沉靜蠅蠅的，食客職員們都毫無生氣沒精打采少少活力也沒有，發生過什麼大事呢？氣氛異常的老麵店，死氣沉沉，愁雲慘霧，寂靜無聲，了無生氣。座位已滿，洗碗婆婆一桶接一桶埋頭苦幹，樓面阿嬸們依舊目無表情斯斯然地落單出貨，鬍鬚師師傅一臉愁容鬱鬱寡歡，到底周明苑發生什麼事呢？見婆婆被困洗碗地獄非常忙碌辛勞，搵食艱難見者心酸，真係唔想睇落去！依個垃圾政權，腐敗政府為真正香港小市民做過什麼？全場麻甩淨蠅蠅，阿叔阿伯集中地，耆英匯聚，老字號街坊麵檔。食飽飽埋單時才有對年青情侶幫襯，真的萬綠叢中一點紅！癢眼美少女，精神為之一振。凍檸樂，冰涼解渴解辣。凍檸茶走甜，淡淡茶味帶著檸檬酸澀。腐乳通菜，以幼身水貢來講有質素夠爽脆，少少菜甜

早一輪經常在家休息或上班，因此對附近的餐廳都吃厭了🤷🏾‍♂️結果想到沒有什麼新意，就終於第一次來了周明園。看看店內的環境以及餐牌的設計，其實有點兒像元朗的所謂名店嘉麗園。也點了一個牛腩的，原來這兒的牛腩也相當不錯，肥瘦均勻，有點筋、有點肥膏、有點瘦肉，但又不會受到癡牙，份量不算太少，但 與其他類似的店舖比較，這兒的可能比較肥膩。而麵條，亦都比其他店舖應該較為多，質素就普普通通這兒唯一的批評就是它的湯底比較油膩，像我這個牛腩或是友人的牛雜，看上去湯底的色澤也偏向油膩，油光泛面。

幾乎每次都係隻身幫襯嘅我，已經認定了呢間粉麵店為自己飯堂之一，其實之前已經好想上嚟比個好評佢地，不過自私嘅我又唔想「飯堂」出咗名之後變質，所以遲遲都無作評價。因為屋企人近年都唔用牛肉入饌，所以唯有係出街食飯嘅時候先會食到牛肉。係某一次心血來潮嘅情況之下，就走入咗 周明園 叫咗碗牛腩雲吞麵，一試就愛上咗呢間小店！雖然我期間都試過「花心」去咗同區另一間標籤自己牛腩專家云云⋯⋯但無論價錢、份量、環境而及服務都不如周明園，更令我對其死心塌地🥰今日未食午餐又順路經過嘅我又去幫襯佢嘅牛腩牛筋麵，落單後不出五分鐘就奉上係你眼前～細心位係就算你一時唔記得要走蔥都唔緊要，皆因師傅只會將蔥花放係湯匙之上，要減要捨適隨尊便；罩眼睇今次明顯牛筋多於牛腩，鬱悶咁乾扒2啖麵入口⋯⋯之後⋯筷子先發現有幾舊牛腩原來只係跌咗係湯碗深處（心情馬上開朗返哂🤡）；牛腩仍然係昔日食到嘅又腍又軟嘅坑腩位，牛筋亦保持軟硬適中又充滿膠質嘅口感，水準依然。能夠做到一啖麵送到一啖配料，係香港地真係賣少見少，再以平民價位提供咁高質素嘅潮州麵食，周明園真係卻之不恭。生活從來都唔係一件容易嘅事，一個小小嘅 鼓勵 / 支持 可能就係其他人每日嘅

中學時期食完之後出咗嚟做嘢咁多年就冇再食過啦15年之後再返嚟試下一碗牛雜麵$28，芥蘭$15比附近幾間面舖都要平不過一分錢一分貨因為啲牛雜質素同x記完全冇得比牛肚係草肚呢個質地太淋，自己鍾意食金錢肚多啲牛膀切得太厚，而且好粉牛腸唔夠肥全部牛雜亦都鹵得唔夠入味雖然麵都煮得OK爽既芥蘭冇渣又大碟不過牛雜唔係靚貨附近都已經有兩間好食過佢都未必會再返嚟食

唔想食飯， 想快快趣趣食完個晏， 嚟呢度都唔錯。 一貫粉麵舖格局 ，圓枱圓櫈，無卡位無椅，你食完都唔會留多一陣嗰隻 。通常會嗌牛腩河 ，牛腩夠多又夠淋， 湯底加上腩汁， 但唔會太鹹。 河粉夠滑又唔會有旱味 ，仲有自家製嘅辣椒醬，唔會過辣， 唔係食得咁辣嘅我都要食返少少先滿足。

每年新年到大埔拜年, 我們一家五口都會到周明園午餐以前就是貪平, 十幾蚊已經有交易, 就算新年要加二加三亦比其他餐廳個平久而久之, 現在加到$27一碗, 新年初一加三, 我們都是貪方便, 不作他選今日來到, 過了食晏時間容易搵位, 如果有帶狗隻的話也可坐外面的枱我依舊叫了一碗牛腩河湯底較清, 牛腩非常入味, 每咬一口都有肉汁湧出近筋皮位置的牛味特別重, 油份甘香, 肉質鬆軟另外我會加醋加辣椒油為河粉調味, 這家的辣椒油很香很好味啊

又係食晏時間，今日好想食雲吞面，唔想行咁遠就去左附近周明園，呢度大埔好多年啦，最出名應該係清湯腩，但係食得多都有Ｄ厭，今次就叫左細蓉啦。由於午市太多人，就叫左外賣番公司食，作為老字號當然維持到質素，今次有問佢拎辣椒油，自家辣油夠辣夠香每次都會落，雲吞方面好好食，食得出係傳統海蝦、淡水蝦、大地魚粉製成，夠味好好食，面方面岩岩好，爽口彈牙，值得推介。

今日我放假可以陪女友食早餐，本想去試新開既澳門茶餐廳，點知爆場仲要排隊，有無咁好食呀？都係新屎坑架喇，趕時間唯有求其食，周明園唔洗等 ﹗澳門茶餐廳個招牌勁刺眼呀，極度討壓依家大陸 LED 燈燦到眼痛，眼都睜唔開點望到您個舖頭名呀？﹗都痴筋架 ﹗剛才去沙隴爆鬼晒，高朋滿座，女友又趕返工，唯有求其食個周明園河粉啦，我河佢都河。牛腩河走蔥，相隔半年都係牛腩河。依度既湯特別小架，不過好采佢地都願意免費為您加湯啫 ﹗周明園質量同味道一直下滑，到今日只可以免免強強接受。牛腩味道還可以，口感有點硬，保持水準，炆得入味又鬆化，今次係肥左啲囉，肥膏一舊舊 。湯底香甜，而河粉粗左少少，我都係比較鍾意食幼河粉，師傅可否切幼一點呢？掛湯都多啲，又好食啲啦，多謝。河粉又爛又碎，要用羹食，唉 ﹗

蠔油菜芯走油，菜葉有點韌有點老，唔夠鮮嫩，仲有點苦澀添，係咪唔啱季節呀？蠔油芥蘭走油，好老帶澀又粗糙，麻麻地。淨魚蛋牛丸走蔥，好采都有生菜底啫，淨係得丸點夠飽喎。次次都係食牛腩或牛什，今次可以試下佢地既魚蛋先。嘩﹗好味過富園好多多聲，手打魚蛋魚味濃而爽口。手打牛丸味道香濃又結實彈牙，同樣好食過富園，最衰要行遠 10 分鐘買外賣囉。淨紫菜四寶走蔥，又試新野 ﹗紫菜少得緊要噃，好貴咩？機乎夾唔到，味道香甜又爽脆。最唔鍾意有魚紮，食落硬係覺得鞋烚烚咁，好采周明園只卷紅蘿蔔，無芹菜啫，免強食得到。墨魚丸好好食喎，味香肉彈。豬肉丸都好好味，魚皮餃亦都超水準。滿意。

淨魚蛋雲吞走蔥，魚蛋質數穩定，香濃鮮彈，比佢地既牛什牛腩更好味。雲吞夠大路，蝦鮮爽、豬肉香甜、皮薄滑溜，好食。淨魚蛋墨丸走蔥，將周明園兩樣最好食既併埋一齊，非常美味 ﹗墨魚丸味道香濃，結實又彈牙。魚蛋唔洗講當然好味啦，彈彈的，魚味又香濃，正 ﹗淨水餃雲吞走蔥，都話走蔥咯，強調左幾次都係落左，阿姐您有無心聽我 order 架？返到屋企浸到出晒味，成碗湯同水餃雲吞都係蔥味，頂 ﹗又要勁落辣椒油遮左去。水餃包得結實又飽滿，餡料香口入味，好好食。雲吞都唔差，蝦仁爽口、豬肉香濃，Good ﹗淨牛腩跟清湯走蔥，排得好靚喎，顏色、賣相同香味都非常吸引。試舊先，味道不過不失，合格既。口感夠腍又入味，都算滿意。專登要求跟碗清湯走蔥，收我 HKD1 都好合理，只係比發泡膠碗錢啫，一向外賣都要加 HKD1 架啦，無問題。見阿姐又想落蔥，都話左走蔥又寫左單，係要我大聲喝住唔要蔥呀 ﹗成日都懵吓懵吓咁呀，激鬼死。

趕住落大埔買餸，怱忙食個晚餐先，左諗右諗，咖哩王？家鄉雞？沙龍？苑記？學利？太興？是鬼但，最緊要快，周明園啦 ﹗又滿座，好采有個獨獨位啫。魚蛋牛肚麵走蔥，好貴喎，咁就 HKD31 蚊喇？ 點解周明園會無伊麵食架？算數，食普通麵囉。鹼水麵質地微爽又無鹼水壓味，掛湯力幾好，配上辣椒油幾好食，合格。毛肚勁棉滑彈牙呢，炆得十分香甜入味，高質 ﹗大大粒魚蛋鮮味濃郁，咬落彈彈的，好味噃。魚蛋只得兩粒，好明顯魚蛋貴過牛肚好多啦。

7點度去夜晚..平日..坐左無5成人..叫左牛腩河巳而..7-8mins先來..湯底比較濁.唔緊要..試啖湯..無乜野..唔覺有香濃腩味..到牛腩..不過不失..如果話清湯腩同普通呢d腩都各有各好的話..呢個我一定比下去..唔會係出眾牛腩..所以寧願求其一間清湯腩好過..最奇怪事發生了..有新客入來叫我同一樣野..佢就兩分鐘唔洗就到..但唔係漏單..睇得出係廚房準備唔夠..咁又係人流反映一切..大家自行選擇啦.