華星冰室 (信德中心)

Open Now

Now Closed

好多人鍾意茶餐廳好多時都因為佢快靚正，我就怪既或者奄尖，我追求的是一種感覺 — 例如叫個常餐咁，落單後先上奶茶同份火腿蛋，尾隨整碟湯通粉，如果間野幫襯開，侍應/老闆會同你吹兩水咁。所以就算而家大個驚肥，都會想食返次茶餐廳回味下當年今日。今日去了間一直常去的茶餐廳，一直覺得佢好味不在講，佢的「伙記」先好笑，我意思是非常風趣，記得前幾年讀書，幾乎隔日食，佢地每次落單送餐都會搞下Gag咁。所以今日同朋友順便重溫舊夢。時至今日，呢間野都發展到港九新界都有分店（五、六間店？），今日就去「新」分店，叫返「舊」餐 — 常餐同營養餐，大致只是相差一碟通粉咁，雖然貴過以前，但味道仍舊。金黃色的厚多，滑炒蛋，簡單又好味！味道仍舊但是相比以前卻失色了。伙記們都冷漠了，甚至不禮貌了，當同朋友準備離座結帳時，因為站起來可能擋了「伙記A」他的路，他非常不客氣地說「行！開！啦！」，Emmm，其實起得身都準備好埋單，可以唔洗咁態度。除了有美味的常餐，仲有親切貼地的態度，令童年變得嚐回味。話說當年呢間只在灣仔時，都曾給過我讀書時期的美好光景，而家咁有點失去了當年的味道。

由中環步行大概十分鐘的路程、往順德中心食午餐。中上環一到午飯時間，四周圍都是人龍，華星冰室也不例外。可是，華星冰室的人龍去得很快，大概五至十分鐘就能入座。據華星網站顯示，華星是指華語樂壇熣燦的閃星星，故些餐廳的裝潢，貼有明星的poster、舞台的設計，以光亮的色調為主。華星冰室有很多不同的選擇，例如係鬼佬的All Day Breakfast、雞翼撈出前一丁等等，要數最抵食的，我會推薦常餐。一個常餐大概$45蚊，包一個叉燒意粉 / 通粉、烘多士（不需另外加錢）、火腿、蛋及一杯熱飲（涷飲加$2），免加一。圖下：叉燒意粉，可轉通粉。叉燒浸在碟底，叉燒肥瘦適中。我朋友則選擇通粉烘多士烘得很脆、很香。顧客可以根據自己的喜好，選擇炒蛋（圖中）、熟蛋、太陽蛋。包飲品，我選擇了熱菜蜜，感覺略甜。如想選擇涷飲，則加$2餐廳傳菜的速度很快，下單後五分鐘內，所以東西都上齊，若是午飯時間、budget有限，華星亦是不俗的選擇。唯獨不太喜歡，中午人太多的時候，座位空間太過逼狹。

一坐低就發覺自己好似去左蘭芳園咁，入面有好多譚校長既相......鋪頭位置好「格攝」，上左順德中心要再入一個叫澳門廣場尾，爭d搵唔到，但平日都幾多人幫襯。多士 - 烘得剛好的厚白麵包，個人最鍾意呢款配炒蛋。炒蛋 - 食落淡左dd但賣相同蛋漿份量都控制得好。火腿通 - 火腿太少，應該得半片，唔夠送通粉。奶茶 - 偏澀，不夠厚滑但合格既。呢個地段、份量同質素既常餐都仲賣緊$3x唔過4字頭算難得，唯一挑剔係食物上枱有少少唔夠熱。

華星冰室嘅常餐喺上環算係價廉物美嘅午飯點，但食得多都要轉下口味。今日一於試下佢啲包點水準如何。一個人人隨便搭枱都得，所以唔駛點排隊。伙記手腳快，講嘢直接（但唔係無禮），都係呢度嘅一貫風格。首先係花名『校長多士』嘅黑松露芝士多士。一塊厚多士開四，抹上濃厚的黑松露醬同埋芝士，再擺落焗爐烘至金黃焦脆。單係呢浸功夫都明佢點解不設套餐。味道當然係熱辣辣，香噴噴，芝士同松露喺西餐向來係天作之合，呢度都唔例外。其次係『軟硬沙爹牛肉包』。撇除明星嘅因素，個包烘到外脆內軟，配上厚厚嘅沙嗲牛肉，係幾好食的。最後係『牛肉批』，由於老細係清真主義，呢隻批係冇落豬油的，但淨係牛油都足以令到個皮鬆化。個餡有牛肉同洋蔥，係飽肚之選。埋單雖然貴過常餐，又唔包嘢飲，但啲包點又的確幾特別。鍾意中式包嘅可以一試。

前幾天和朋友去觀塘的party room玩通宵了，六點多在觀塘離開，決定在家附近解決了早餐再回家睡覺！清晨開的店不多，華星是其中一家，當然他們的早餐也是出了名的好吃～火腿通粉、牛油多士、炒蛋、熱檸茶（$34）先不說味道，這個價格，有那麼多吃的也是值了。火腿通粉味道是有保證的，不會難吃到哪裡去。可能因為我們來的早，多士都是即烤的，塗上了奶油好吃到不要不要的。炒蛋也很滑，還有蛋汁掛在上面檸茶我還是覺得凍的比較好喝，但是大清早的，喝冰的也不太好，所以就這樣咯！

常餐最抵食 乜都有啲 呢度既炒滑蛋唔會太濕唔會太乾 可以一試再試 我平時lunchtime都係為左佢個滑蛋而尼 雖然好多人排但係其實唔洗等好耐 校長多士都好出名 下次尼會試下

今星期因客戶都在上環信德中心活動，所以早餐仍然要吃的，今次系第二日，不如試下另一間，不用甘悶。華星冰室，看門已經被吸引了，因為太紅了。餐牌好簡潔，不複雜，方便那些趕時間上班的OL。越簡單食物，越是考廚師功夫是否了得。今次點了火腿通粉，煎雙蛋，熱檸茶。不要看輕這個通粉，雖然好似平平無奇，但湯底好香濃，不會只有咸味，通粉軟綿綿，質感厚身，配以火腿，再加上少少胡椒粉吃，就最好味了。煎雙蛋也煎得好靚，好白雪雪，沒有好多燶邊。牛油多士好新鮮，外脆內軟綿綿，很好吃。眼見有很多客人來吃早餐，可想而知是好有水準的。

好耐冇食過華星啦，小妹住係九龍區，偏偏今次因為探朋友個B仔，黎左上環食個quick lunch黎得華星，基本上人人都會嗌個常餐黎食，所以師傅出餐都好快手，我同男朋友岩岩坐低叫左唔夠5分鐘，我最掛住既叉燒通粉同煎蛋多就送到啦！個多士烘到岩岩好，外脆內軟，個煎蛋仲要係我中意既微微地燶邊啊 ^^ 我同男朋友都習慣加埋塊多士係通粉度食，通粉煮到岩岩好，唔會太軟爛，加埋杯熱奶茶，正！ 奶茶仲要係用經典黑白淡奶杯，個感覺真係唔同D架，真係好似滑D好飲D咁架 我地兩個點解嗌得一個常餐？梗係要留肚食其他正野啦！我同男朋友都係面包控，所以每次黎就算食完常餐兩塊多士之外，都一定會食埋佢地既校長多，呢個黑松露芝士多望落好似黑忟忟咁，一開始我男朋友介紹既時候我都嚇左嚇架，但依落就發現原來好正架，黑松露味都好出，加埋帶咸香既芝士 Oh-em-gee！但衰就衰左一定要即刻食，因為一定要趁佢熱辣辣D芝士溶溶地咁食係最正架！！！食到一半我地見到牆上面餐牌有個魔鬼潛艇，好似好得意咁所以就嗌左個黎share食原來係熱狗，個包就中規中矩咁啦，伴碟D青瓜同蕃茄我冇食到，玻璃肚唔敢食生野XD 其實成個熱狗都係正常質素，＄23

响中環返工，搵地方食lunch，度度都勁難搵位。今日就選了呢間，好多明星夾份開的茶餐廳，華星冰室。聽個名都知同華星有dd關係啦。呢度午市有幾個推介，如果要有包飲料，就只有一個常餐。其他4款都係唔包飲品的。平時我同d同事黎食，個個都叫常餐，今日自己一個黎，就試下散叫。由於我唔係太喜歡食鴨 (除左片皮鴨) ，所以就叫了雞翼撈丁，但又怕唔飽，所以都加點一份奶醬多士 (煉奶加花生醬) ，再加杯熱華田。由於係散叫的關係，所以價錢都貴d。雞翼撈丁，d雞翼無乜雪味，都煮得幾腍，但就有d味粉直接灑左响雞翼上面，我個人就覺得麻麻地，而且d麵都係一般。奶醬多士，花生醬好多，煉奶剛剛好，但多士唔夠脆，如果焗多一會，會好食d。好正常的熱華田埋單$70，只係食呢幾樣，算係有d貴。

今天和出版社談大計，就來了這間華星冰室。華星冰室有多間分店，我以前去過灣仔及最近也去過九展那間，感覺不錯。這間店開業已有一段時間，但我完全沒有來過；今天是出版社提議來這裏吹吹水，我跟著他搵食交上了好運。來到的時候已經是三點鐘，剛好是下午茶時間，我就叫了菠蘿飽炒蛋及熱奶茶。環境很懷舊，花了心思，讚！這裏的服務員很好人，我常說，來到茶餐廳，我要的不是五星級酒店招呼，只要是有笑容及有禮貎，有一點點同理心就可以了，她們絕對有，由落單，到埋單，全部人都是很有禮貎。菠蘿飽來了，很有感覺：大大個，皮脆，真是讓我很感動。我在想，如果有客人從海外過來，問我有甚麼好吃，我必定會推介她來這裏，最能代表香港。內裏的炒蛋，一百分，不會熟，半生熟，再加上那個菠蘿飽，真是一絕。奶茶也絕對是高水準之作，我的朋友說不慣飲奶茶，他飲奶茶胃會不舒服，但在這裏喝絕對不會，我想是他們的茶有特別 formula，而且很滑，很香。下次經過信德，一定要到這裏，我知道這裏會是我以後吃下午茶的最好地方；改天有機會就吃他們的早餐，再為大家報導。

華星冰室成日都去食，上環果間最舒服😌可能夠大，次次去都係叫例牌常餐 最愛常餐 有熱騰騰既通粉 口感好好 唔會好似其他餐廳咁淋身 湯底好正唔係用好多味精 我覺得一碗麵通粉最緊要係用心整 唔係亂俾一碗你收你錢就得 呢一間我有信心😋因爲係成日食 個滑雞蛋好多奶食得出同埋牛油 好正 多士賣點要夠厚 做得到啦！最好飲既係熱奶茶同凍檸茶 好香茶味🍵抵佢開咁多分店

湾仔的华星冰室印象一直很好，算是很喜欢的一家茶餐厅，上环信德中心的这家尝试过后感觉就差点意思了，印象很不好。早上用餐的人比较多，点的早餐通粉，炒蛋牛油多士配咖啡。服务员很不积极，叫了很久才理，用餐环境也不太好，拼桌特别拥挤，吃饭的时候总怕弄脏衣服。华星冰室招牌的炒蛋也做的不好吃，其他的也只能说不过不失吧，跟普通茶餐厅没有什么差别。总的来说人不太多的时候解决常餐还是可以的，用餐高峰期不推荐来这家店。

搭11 點船去澳門玩兩日一夜，出發前緊係去華星食個正早餐先啦，個位置有啲偏僻，要啲時間先搵到，十點鐘到都唔係好多人，叫左兩個早餐，火腿通粉，厚多士，炒滑蛋，飲杯熱巧克力，厚多士外脆內軟，牛油都好香，高質素；火腿通粉正常啦，冇特別；滑蛋一向都好好，火喉夠，唔會太老，有蛋香，一個字 正！ 杯熱巧克力同普通茶餐廳唔同，唔會好甜，味道幾好飲嘅，係稀左小小，如果有啲奶就好喇。一個早餐$36 蚊，小小貴啦，不過質素高嘅😊

今日去長洲，去了信德中心的華星冰室，先食個靚早餐，選擇就一款，落單後好快來呀，火腿絲通粉，也是好大碟的，火腿絲夠晒多，通粉也好多，通粉好味，唔會好淋，湯底好夠甜。餐廳是電影院佈置，也好特別的，有些海報介紹最近活動。早餐仲跟煎雙蛋配牛油厚多士，多士煎到金黄色，好香脆，好好味，煎蛋入面的蛋黃流出來的，好正呀。又好味！！也可以選擇炒蛋或全熟蛋。菠蘿包好香又夠大隻，好香脆又好味，好正放隻蛋上多士上面，好好味又夾熱華田也好夠熱，正呀奶茶也好香又夠滑，好好味的好光猛仲有新鮮出爐的蛋撻，雞仔餅等等

同同事來華星，瞇埋眼都識叫常餐... 但次次嚟華星都叫常餐，食厭咗火腿通粉多士煎蛋，究竟仲有咩選擇呢... 第一次真正認真望下個餐牌👀... (其實只係望過一格)原來呢度有雞翼撈丁㗎... 雞翼撈丁加咗好多香草，有食西餐意粉嘅感覺，全份撈丁即刻升華咗～😋平時食常餐一定要跟餐飲，亦係選擇困難症嘅我，最頭痛嘅時候，冇乜嘢特別想飲，但係一定要揀一樣飲品... 🙆🏻今次唔同呀雞翼撈丁，係冇飲品跟架，咁我就唔使煩惱啦... 侍應聽見我揀唔到飲品，仲同我講，"揀唔到就送你一杯水啦"... 說時遲、那時快，杯暖水已經到咗枱面喇... 太體貼咯～