蔡瀾越南粉 (Closed)

呢間越南粉個湯底都幾香濃!!! 自己本身好鍾意越南嘅食物香港冇乜幾間可以做到同越南差唔多嘅口味叫咗個雙拼$68🤍💭- 整體味道 😋😋😋😋/5 - 湯底 😋😋😋😋😋/5- 牛肉丸 😋😋😋/5- 生牛肉 😋😋😋/5我揀咗牛肉丸同埋生牛肉河粉以為佢好細碗點知原來食唔晒最重要一定係個湯底 😎佢個湯底真係好好味另外我哋叫咗個牛油雞翼同埋炒通菜牛油雞翼 $58- 雞翼本身 😋😋😋/5- 味道 😋😋😋😋/5通菜 $48- 蝦醬味都幾重 😋😋😋/5

蔡瀾先生識飲識食識玩，估唔到直到去年才終於開始自己的餐廳「蔡瀾越南粉」。在2018年中開業之後，初期經常大排長龍；直到今天，上班日子的午飯時間依然要排隊等位，週末週日假期人流才稍為減少。趁著今日去開中環，終於可以一探虛實。餐廳正門面向威靈頓街，佔地兩層；餐廳內靠右邊就是開放式廚房，客人可以清楚見到整個越南牛肉粉的炮制過程。室內裝修風格以木色為主，簡約、冇任何花巧。店舖盡頭有一條後勤通道，通往另一個同樣屬於「蔡瀾越南粉」的舖位。這間分割了出來的「蔡瀾越南粉」的裝修比較簡陋，與正舗格格不入，甚至有點似一間飯堂。圖文並茂的餐牌只張貼在餐廳門口，店內每張餐枱上就只有簡單的點餐紙。生牛肉湯河粉（$88）索價同另一間越南牛肉河粉專門店「Brass Spoon」不相伯仲，味道又如何呢？先講賣相，表面鋪滿牛肉，用料重手；湯底呈淺啡色，未算十分吸引，但勝在唔肥膩，廚師已經將多餘油份隔走。撥開鋪在表面的莞茜，將生牛肉攤開，才發現原來一片片牛肉曡在一起；攤開牛肉，部份是全生的，需要利用牛肉湯的熱力略為淥至半生熟。牛肉質素一般，部份有點零碎；欠缺脂肪，唔夠嫰滑，雖然未至於有渣，但味道一般而已。湯底標榜用大量牛

中環返工咁耐都仲未試過，好似有少少講唔過去咁lunchtime一早就出咗嚟，12點10分左右就嚟到，唔使等位之後就見到長長嘅人龍嚕主打越南河檬粉選擇唔多，撈檬同湯檬都係得一個選擇熱辣辣上到嚟當然要食返個撈檬涼一涼香茅烤豬頸肉春卷撈檬 $68賣相又幾吸引好鐘意佢啲花生🥜多得嚟又夠香豬頸肉好薄，但好淋又好香，厚返少少可以啖啖肉就更加好春卷好難食啲料奇奇怪怪又無乜味而個檬粉似米粉多啲不過作為撈檬既神髓既魚露就幾好味整體嚟講，未至於好食到嘩，不過都算可接受啦價錢係中環價錢，偏貴七十幾蚊一個粉無嘢飲唯一算好就係可以嗌河粉可以免費加河粉唔使等位既話都可以一試，要等位就真係不了🤫

我會直接說她的Pho十分一般, 無論是牛肉還是湯本身, 就是和其他店吃到沒什麼分別的感覺. 生牛肉肉質較韌, 湯頭夠清但牛味很淡. 牛柏葉和牛根也是不甚特別, 反而付有牛根的牛丸是眾多配料中, 最令人留下印象的. 除了可以無限添加的河粉外, 她和其他連鎖的越南餐廳, 吃到的Pho就沒太大分別就是.

交低太后比牙醫有一小時放飯時間湯頭夠熱好味但牛骨味唔夠出唔覺唔覺飲咗大半碗追加豬耳札肉個清湯几甜正宗順化豬手香軟鬆化但呢舊擺明係爽口白雲豬手春卷合格，越南就係呢啲細細條斑蘭香茅熱薑茶好飲魚露汁調得唔錯另外我唔知枱面兩支醬有咩功能起碼我屋企同越南親戚屋企重無見過

今晚放工落咗中環唔知食乜好，中環平日夜晚基本上好多餐廳都唔使排隊，不過見到呢間野又見未食過，所以試吓。叫咗一碗普通嘅牛肉粉，開頭諗住$128睇吓有啲咩咁好食啦，點知。。。個人來講覺得貴同埋都幾失望。唔知係天氣凍定咩呢，今晚係18度左右，我覺得碗粉唔係好夠熱，湯又唔係好特別，d餸都係一般😅扎肉蝦紙米卷，冇乜特別中規中矩，價錢亦都屬於正常。蒜蓉雞翼，香口價錢正常，三樣嘢我覺得蒜蓉雞翼整體來講係最好。

蔡瀾先生公認識食之人，去年開設越南餐廳名叫【蔡瀾越南粉】。初期經常大排長龍，到今日週日假期已經不用排隊。餐廳設有開放式廚房讓客人可以看到越南牛肉粉的制作過程。室內裝修風格以木色為主，配合越南的簡約自然風味。原以為只有門面的bar枱位置，原來店舖有一條走廊穿到後方的用餐區，不過這個用餐區比較簡陋，沒有窗戶一點也不舒服。見到有些貼心服務，有wifi 外，仲可以借叉電器及孕婦優先入座。沒有餐牌，只有一張紙……第一次食的話當然貪心些叫碗【特別牛肉湯河粉 $128】勝在配料種類齊全，有生牛肉、牛錢腱、牛丸、牛筋、牛腩及牛柏葉。當然再有杯香葉！點餐紙上註明「牛骨湯熬足整晚，售完即止」當然首先大啖一試！湯底呈淺啡色，可惜牛肉味不太濃香，比較平淡沒有驚喜，勝在唔肥膩。另外一個賣點就是河粉新鮮製作。最重要可以免費refill !！ 河粉幼身尚可滑溜，又做到了不會大量吸湯後發脹，又會一夾即散，不錯。生牛肉有點零碎，味道一般。牛錢腱切得太薄少了份口感。牛丸唔知道點解要切開一半……但勝在彈牙。牛筋切得細粒方便入口，入口軟腍。牛柏葉爽口但切到太幼細。

我個人認為價錢略為偏貴，但也不是貴得很離譜。 客觀地說，在香港島灣仔至中環一帶的越南餐廳，大部分水平呢其實大致上也不會差很遠很遠， 熱門菜式也是那幾樣， 價錢也是差不多。這次吃的越南河粉也是這個情況，久不久來一次也沒有大問題。

門口有句「一生難忘的越南粉」。。A~~ Gimmick嚟㗎啫 嚇我唔到嘅未到訪之前已經聽講過呢度啲河粉係現場新鮮做嘅先講湯底 - 越式雞絲河粉同越南牛肉粉 好清 (唔係淡嘅意思) 係清澈 清甜 有肉味之餘 唔油膩 唔濁 冇味精河粉 有米香 夠滑溜重口味嘅我覺得都ok嘅 咁當然有得揀 都會想食翻啲濃味嘅 所以較喜歡順化牛肉粉 辣之餘亦鹹鹹酸酸 麵底竟然係 俾米線粗少少的 好鍾意 超有口感!牛肉們都是嫩嫩的 有牛味的撈檬又係同出面嘅麵底唔同 粗過米粉的的 仲要滑口嘅! 豬頸肉super duper好食 肉質軟得泥有口感!蒜香牛油雞翼真係長氣都要講WOAH 真心有pat蒜喺面 好正好香 牛油就唔夠多 外皮脆到呱呱叫 肉質so嫩 保持雞汁 crazy好正!!!!!!!我只可以話 呢間係香港非一般嘅越南food 不能please晒所有人味道：8/10蔡瀾越南粉順化牛肉粉 $98越式雞絲河粉 $78越南牛肉粉 $68香茅烤豬頸肉春捲撈檬 $68蒜香牛油雞翼 $58越南滴漏熱咖啡 $34📍中環

真係只可以講句唔好食。生牛肉河本身係諗住佢用啲熱辣辣既湯去浸熟啲牛肉片，咁啲牛肉仲會好嫩。但伙記拎黎嗰陣，碗粉已經係暖暖地，仲啲牛肉有一部份已經熟晒，但另一邊係生咖。我相信碗野擺左響counter 好耐先拎過黎。當時已經冇乜客，但伙記依然好遲先拎碗野比我。因為已經唔熱，所以我快手搞翻啲牛肉落底，之後試淡湯同埋啲河粉。湯頭其實同滾水加味精冇乜分別，而且河粉好「鞋」，一啲都唔滑。總括黎講，佢個生牛河好難食。我仲叫多左個類似炸春卷既野，佢同超市即食嗰啲春卷係一樣，冇乜味。如果呢一餐係充飢既，應該就冇乜問題。好可惜，我係特登去試。唔記得埋單總數幾多，記憶中，大概120-140蚊。都唔好講錢，淨係行去食都覺得嘥左自己時間。

有一日我同朋友岀左中環附近行街，咁就打算搵間粉麵快食！ 朋友推介呢一間越南河話超正，揀咗呢間越南河！呢間越南河有上下兩層，裝修有啲文青、小清新嘅感覺！水泥牆，樓梯轉角位仲有啲盆栽綠葉！佢安排咗我哋坐2樓，位置都好闊落！一坐低就有杯水， 呢杯唔係普通嘅水，係甜甜地嘅，不過你問我係咩水我就唔知喇 ～ 不過都好有誠意啦！我嗌咗個牛展牛肉河、通菜同埋豬頸肉！個湯底好清澈，睇落淡淡地，以為冇乜味，但其實味道好濃沃！唔需要再加辣椒、檸檬或者其他調味都已經好夠！佢個河粉都好吸湯，好夾！生牛肉剛剛好，有牛味又唔會太老 ！仲有佢個通菜，價錢好合理，而且份量都好多！夠三個人食！好惹味，充滿鹹香帶點微辣！豬頸肉都好淋， 唔使加個醬都好好味！overall黎講都好好味！ 可以encore

記得剛開張時大排長龍的境況，幸好最近經過人龍已經成為歷史。儘管不用排隊，但餐廳位置狹小，座位偏窄，着重快食快走的流動性。是日點了生牛肉粉及雞絲粉每碗份量不多，但勝在可以免費加粉，無限添加，必定夠飽！越南粉粉條滑口，雪雪雪就一啖，讚👍🏻生牛肉片夠薄，口感輕盈，但牛肉味不濃雞絲粉，雞絲份量比較少雞絲不算太嚡唯有配料及加粉搭救當中很喜歡越南芽菜特別粗小，特別爽脆及有口感！性價比還可接受，途經都會再食，下次試下啲小食

做完運動剛好係呢頭，就試一試呢間蔡瀾以自己為名嘅越南粉。上網先見到係要排隊，好彩我地是平日晚上9時，故不用排隊。餐牌的選擇並唔多，我唔食得牛所以冇咩可以㨂。本想食清啲，點知雞絲河已經賣晒，只好焗住㨂撈檬。我點嘅豬頸肉撈賣相很不錯，擺盤靚之餘又色彩鮮艷，加上佢嘅撈汁酸味調較得幾適中，令人食慾大增。雖然望落去食材唔係貴料但以$68價錢嚟講係幾抵食。朋水嘅生牛肉湯河望落也相當吸引。朋友點左一杯梳打，賣相好靚！不過我嫌三十幾蚊一杯有啲貴冇叫到。以呢個價錢嚟講嘅越南菜都唔錯，值得一試！

星期日嘅中環係冇乜人，加上我十二點已經嚟到，所以就走咗去試下一間平時要排隊食嘅餐廳。呢間餐廳有蔡瀾個名加持， 所以平時晏晝都排曬長龍。今日唔使等位直接入去，仲可以揀位坐。第一次嚟，理所當然嗌咗生牛肉河粉，另外加多個炸蝦餅。越南粉唔洗幾分鐘就送到。飲飲個湯先，同平時食嘅冇太大分別，都算幾甜，再試下個牛肉 ，都唔會太靭，口感唔錯，食得出係靚牛。再試下個蝦餅，相對地就普通咗啲啦。講番個價錢，生牛肉河88蚊，炸蝦餅78蚊，中環嚟講算正常價錢。值得一提嘅係，佢個河粉係無限添加嘅，我都嗌多咗一份。對大食嘅人嚟講係一個唔錯嘅選擇。

在中環開了一段時間的蔡瀾越南粉，可能因為蔡瀾之名經常看到很多人排隊，但亦因為如此有很多試過的人都覺得很失望，身邊很多人都是差評較多。今天就去試試他們的生牛肉、牛丸越南粉，湯感覺較清淡，粉其實做得不錯，不過生牛肉就清淡無味，感覺像平價冇肉味的牛，牛丸還可以，沒有特別。反而蒜蓉牛油雞翼加分，不然整個食評我會給個差評，雞翼皮炸得很香脆，上面有一堆堆的生蒜蓉，蒜味十足，不過食完後真要食返粒香口膠，哈哈.....整體一般般，中環太多越南粉選擇，也不會特別想起要光顧。