川一派

Open Now

Now Closed

和同事經過見到門口餐牌很吸引，覺得味道應該唔錯就想去試下，點知係伏。。。首先d亞姐態度好差，可能只有佢一個人係度點單，但客人都唔係好多，最多只有3台客人啦，嗌佢過來點單好唔情願，每次都係等陣，嗌佐幾次先過來，之後同廚房D人講野都好大聲，同埋好大聲係度抱怨，全部客人都可以聽到，真係很影響用餐心情。。。最後食物味道真係麻麻，第一次光顧體驗感好差，不會再來第二次！！其實周圍咁多好食餐廳，唔好來呢間受氣啦。。。

收工附近間間都收，經過呢間仲未last order就入去試一試，叫左青江魚，朋友唔食得辣叫左bb辣，但因為我鍾意辣，佢地好細心另外附上辣椒俾我，酸麻辣好開胃，魚炸得好香口又滑，賣相都唔錯，睇落都覺得好好味，試左一啖，我同朋友一齊忍唔住都話好好味喔😯覺得好驚喜，飲埋啖湯不得了，湯唔油酸酸辣辣又濃味，酸度岩岩好，好岩我口味🤤🤤🤤之後叫做燒蜜糖粟米同燒扇貝，扇貝$58兩隻勁厚肉又抵食，燒得都好好味，有碳香味😋😋😋😋所有野都岩我口味，加上夜晚呢個阿姐服務態度好好，全程服務周到～最後仲有甜品，朋友都忍唔住俾tips～下次一定會再黎食，同一定介紹俾朋友

嚟過幾次，之前啲食物唔錯加上本人好喜歡食辣，所以有回頭再幫襯。 但今次應該係我最後一次嚟啦。 個乾鍋好濕，感覺係翻煮過既。 好失望。阿姐服務態度好差又冇記性。只係識得好好禮貌咁叫人入去試吓。 眼見D人越叫越走。 😅 唔好叫人入嚟試好過啦。

冇睇到OpenRice 就入咗去食，入到去先知原來有2⃣️個喊. 同個姐姐傾計，原來係個夥計鬧人，而家好似已經俾人炒左. 其實食飯質素，價錢，環境，服務，我覺得真係唔差. D食物好夠味，可以值得一試.

佐敦食肆競爭激烈，一個係間新開四川菜。酸菜魚入邊有幾片魚，想像中少。蔬菜好多，仲有啲係蟹柳粒，蟹柳粒比魚仲多，同想像之中有出入。不過蔬菜好新鮮，改咗個名叫蟹柳魚片蔬菜煲會比較適合。去隔籬舖頭同價錢，應該有更多選擇。

食物OK嘅!本人於非繁忙時間來吃，但員工態度奇差！可能人手不足，作為客人的我，有被嫌棄的感覺！員工態度負氣，工作時發脾氣！嘭唥嘭唥發出巨響！吃得非常不安！不會再來！

😤😤😤😡😡😡😡餐牌成日都轉！月頭已經轉過一次新餐牌，未到月尾又已經再轉餐牌！仲要係cut餐牌，但網路上又無update 勤力啲！😡😡😡😤😤😤令想打電話叫外賣嘅人都係打去先知改哂餐牌😡😡😡😤😤😤食飯時間打去先發現又轉餐牌，要匆忙轉過第2間，真心覺得非常失望，同埋好嬲！！！😤😤😤😤😤😤😤😠😤😤😤😤😤😤😤😤😞😔😔😔😔😔😔😔😔

見新開張試吓，睇得出老闆非常之用心，無論裝修，食物，擺盤，連個碟都有花心思設計過。但我成個過程都食得好辛苦，入鋪頭坐左冇幾耐，已經聽到位姐姐大聲鬧另一位同事一個人看鋪三枱客都收拾唔好，話忙既時候做野甘慢個翻桌率好低，仲要自己都未夠鐘翻工已經要幫手收拾。一鬧就起碼5分鐘，仲要再同其他同事重複講發生左咩事。鬧完一樣野到另一樣野繼續鬧。其實姐姐都知而家得三枱客，甘大聲講嘢真係全世界都知，d飯餸幾好食都破壞個好心情。知你好叻喇，未夠鐘翻工已經要幫手收拾，驚死冇人唔知甘，唔講以為系老細，鬧成咁，真係鬧得太耐又大聲仲要一直重複。始終尼餐飯都要一百蚊一位甘制，老闆既用心真係可以感受到，但位員工就真係好有問題，上一秒鬧同事，下一秒笑笑口對客人熱情招待，我見到都覺得尷尬，餐飯真係再好食都冇用。就係話緊7月22號，1點鐘翻工位姐姐，希望你對客人既態度可以放d落每日都會見到既同事到。

白加士街開左間新嘅川菜館主打川菜同重慶小麵，工作關係喺大陸做咗幾年都有食重慶小麵，7月見到試業馬上試下。兩個人叫左兩碗麵一碗牛腩，一碗豬腸，面份量唔大，除了主要叫的牛腩和豬腸，其他材輔料基本沒有，但正宗的重慶小麵材料比較常見嘅豌豆，肉沫，榨菜和花生粒，芝麻都唔見有，都幾失望。味道不過不失，點了一碗小辣一碗中辣，辣度正常。但沒有重慶小面的豐富感，份量和味道，更像大陸所謂的澆頭面。其他菜系未試，因為最主要想食小面，總括來說不會再去，希望正式開業有所改善，包括份量同材料，須要更豐富。

同朋友們咁啱係附近搵地方食飯行過見到依間正在試業中，老細非常熱情，話係正中重慶口味。自己都比較喜歡食辣🤤咁就入去.叫左涼菜-皮蛋(金黃色個款）我就可以再辣啲🤭酸菜魚(鱸魚片入面重有萵筍片，紅薯粉，芽菜）辣度可以按自己要求,我地個份係小辣。口水雞辣油非常香，老細話係自己抄的。麻辣係用自己磨的青花椒粉。非常有誠意手撕雞酸辣米線豬大腸酸辣米線(豬腸係滷水的）牛腩乾撈麵，個麵口感非常好，服務員話係廚房自己做的。牛腩都係帶辣唔係港色牛腩，都好香好特別。老細見到我哋食到面紅紅，仲請我哋飲汽水鍾意重口味就真係好值得一試會再去唔係打手