79
3
4
Video
Telephone
38535503
Opening Hours
Today
07:00 - 22:00
Mon - Sun
07:00 - 22:00
Above information is for reference only. Please check details with the restaurant.
最近去咗屯門愛定商場H.A.N.D.S，經過見到門口光亮嘅小胖台灣麵，入去店內裝修以簡約木系風設計，感覺舒適。依度人氣湯麵嘅招牌三寶牛肉麵、半筋半肉紅燒牛肉麵、麻辣三寶牛肉麵、麻辣半筋半肉麵，以及其他多款湯麵、台式小食、手搖茶等等，款款吸引 ～餐廳設有小胖會員app，食得多奬品就越多，積分換領系統 ; 仲有折扣、優惠券、迎新優惠及升級優惠，增值越多回贈就越多嘅預付卡。招牌三寶牛肉麵 $82牛肉麵湯底濃香，用咗台灣傳統牛肉麵店常見調味料嘅黃牛油，係自家製，每一啖都係精華，散發濃郁牛香味 ; 牛肉比想像中厚，食起嚟口感十足，肉質嫩滑，牛味濃郁，牛筋和牛肚炆至軟身，有些少咬口，麵條爽滑彈牙，麵粉香散發出來，配合醃菜及蔬菜，美味嘅牛肉麵必食首選。半筋半肉紅燒牛肉麵 $78而另一碗都係人氣湯麵，有三條牛肉，炆至軟身，一咬即化，肉質細嫩，牛肉味特別濃厚 ; 牛筋Q彈爽口，口感帶少少黏，配上以多種天然食材熬製而成嘅湯底鮮香味美，曲麵條煙韌有彈性，蘿蔔吸入湯汁，清甜爽口，以及與翠綠蔬菜配搭，值得推薦給大家！甘梅地瓜 $28地瓜即係番薯，以粒粒形狀炸至金黃，外脆內軟，地瓜微甜，香脆可口，配合面層嘅話梅粉，食起嚟酸酸甜甜，好開胃。鴨屎香手打檸檬茶 (+$15)呢杯凍飲品真係係非一般嘅檸檬茶，微酸微甜，茶味特別香濃，口感好fresh。金橘檸檬 (+$13)金橘味濃郁，少少酸帶微甜，非常順口，味道唔錯，入口清爽，即時解膩。
continue reading
餐廳原來都有幾多選擇，早餐有蛋餅提供，又有下午茶，便當，湯麵等等。今次我們叫了自選湯麵，湯底有六款選擇。濃.純.香牛骨湯麵 轉新竹米粉牛骨湯底熬製得相當入味，讓每一口都充滿濃厚的肉香。搭配的配料有滷牛筋、海鮮蝦油條、滷水豬大腸、香菇貢丸，每樣都份量十足。海鮮蝦油條: 推薦!!油條在湯中略微浸泡後，外皮仍保持微脆，內裡則包裹著新鮮的蝦膠和蝦肉。滷水豬大腸：入分十足入味，卻依然保留了咬口的彈性，是喜愛豬大腸的朋友必試之選。滷牛筋: 質地柔軟，入口即化。香菇貢丸：濃郁的香菇香氣，質地彈牙。花蓮剝皮辣椒雞湯麵湯麵帶有微辣的口感，卻不會讓人覺得過於油膩，不嗜辣的朋友也十分適合。搭配了的台灣滷肉、竹笙、麻辣台灣鴨血和蛋餃。台灣滷肉：是單獨上菜的，不會影響湯頭的清澈，無論是配飯還是配麵都非常美味。竹笙：竹笙吸收了湯頭的精華，十分入味。麻辣台灣鴨血：鴨血份量十足有四大塊。-台灣蛋餃：是在火鍋時的必點之一，配撘湯麵也很好食。香辣炸雞排炸得香脆，撒上了辣粉，肉質嫩滑。凍珍珠冬瓜茶凍金橘檸檬冬瓜茶清新可口，珍珠有咬口，金橘檸檬則酸酸甜甜，十分解渴。餐廳還有會員制度，食得多獎得愈多的積分換領系統。新加入會員會送小食，十分優惠。小總結❤️❤️❤️❤️❤️📌多款湯底選擇📌海鮮蝦油條必點📌會員制度十分優惠
continue reading
大隻仔今次覓食嘅店舖就係💥 小胖台灣麵 💥大隻仔今次介紹呢間台灣餐廳，台灣麵可以自由自選不同湯底同配料，而且配料多達36款選擇，大部份都係台灣直送 ，充滿台灣風味。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️抵食 ⭐️⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️加一服務費 ❎⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 台灣自選湯麵系列 大隻仔今次就揀左「濃。純。香牛骨湯麵」 $40配6個餸，牛骨湯經過長時間熬製而成，牛味濃郁，再加入黃牛油，散發出濃郁牛香味，而且麵條選用手工台灣麵，口感煙靭，非常好食。夜市排骨酥 $12 金錢肚 $12滷牛筋 $12海鮮蝦油條 $10滷水豬大腸 $8芋頭貢丸 $6🔥 鴨屎香手打檸檬茶 $15可以半價升級手搖飲品，鴨屎香檸檬茶酸中帶甜，茶味香濃。🔥 台灣蒲燒魚腹便當 $65兩大片魚腩非常肥美嫩滑，充滿油香，用上蒲燒方法烹調，散發出蒲燒汁獨特香甜滋味。🔥 珍珠烏龍奶茶 $14可以半價升級手搖飲品，烏龍茶味香濃，奶香夠滑，珍珠口感非常Q彈。🔥 夜市鹽酥雞 $32鹽酥雞即叫即炸，外皮炸得酥脆，雞肉嫩滑多汁，熱辣辣，非常好食。溫馨提示：而家登記成為會員，除咗迎新優惠、升級優惠、生日優惠外，仲可以經積分換領系統用積分換領電子優惠券，每消費$5= 1分，食得越多獎越多。
continue reading
今日入到黎屯門安定既HANDS商場既小胖台灣麵食好西，呢間餐廳係食台灣菜，起HANDS商場既A區地下，坐輕鐵到安定站落車行5分鐘就到，位置都幾方便。餐廳仲好特別地有個會員app，透過呢個app既積分換領系統，食得愈多獎得愈多，而且仲有迎新優惠同升級優惠，真係又抵玩又抵食。-我地叫左眷村麻辣湯麵同小香腸豬肉便當。個麵仲有35款配料可以加配，有好多好似都好好食，例如有蚵仔肉卷、排骨酥、鴨血等等，最後我地揀左加配左金錢肚、封門柳同鴨血。麻辣湯麵個湯底好夠麻，又唔會太辣，食落非常舒服，麵條亦都好滑好多口感。配料方面都好唔錯，金錢肚同封門柳又有咬口，味道亦都好濃郁。而台灣直送既鴨血更加有驚喜，食落非常之滑，份量都唔少。而小香腸豬肉便當都唔錯，小香腸好彈牙，豬肉亦都焦香肉嫩，好有台灣特色。-我地另外仲叫左香香炸雞排小食，炸雞排好大份，成個手掌咁大，而且雞排炸得好酥脆，個炸粉又夠薄，真係外脆內軟。-除此之外，餐廳飲品都幾多選擇，花多眼亂每種好似都好唔錯，都唔知揀飲咩好。最後我地揀左珍珠烏龍奶茶同鴨屎香手打檸檬茶。特別鐘意鴨屎香手打檸檬茶，個茶底好香濃，檸檬亦都好夠味，飲落酸中帶甜。而珍珠烏龍奶茶都唔差，珍珠口感好Q彈。-
continue reading
上次叫keeta拌麵x2俾漏左醬x2當下有點愕然同少燥 因為拌麵無醬好難食😂即時打去鋪頭 店員係咁講唔好意思+幫我remark下次叫外賣補送返。今日再外賣落單，店員除補送拌麵外，仲跟多左盒雞扒俾我地🥹難得有心留住客人嘅小店 祝生意興隆~呢個處理問題方法香港後講好有心，我地會keep住幫襯的，多謝店員❤️
continue reading
You may be interested in
-
Hachinoheya Japanese Restaurant Tuen Mun
-
Ging Sun Ho King of Bun (Zone A, H.A.N.D.S) Tuen Mun
-
Enjoy a $50/$100 discount with a minimum spending of $300/$500 on A La Carte menu Pastaholic (Trend Plaza North Wing)
-
【Yuen Long and Tuen Mun】$100 cash vouchers for selected restaurants** AROI THAI (T Town North)