全記海鮮菜館

Open Now

Now Closed

放假當然要入一入離島，今次係西貢一日遊，西貢出名食海鮮，依間米芝蓮餐廳，有很多套餐可以選擇，明碼實價，不用排隊可以直接坐低。

溫馨二人世界 $268 /1位 +$20茶介
椒鹽瀨尿蝦 或 特濃芝士焗龍蝦 伊麵底以上 2選1古法椒鹽鮑魚 （位上）星級椒鹽豆腐香蒜椒鹽墨魚豉椒炒蜆秘製鹽水雞腳奇脆菠羅咕嚕肉蒜茸粉絲蒸元貝清蒸海上鮮白灼海生蝦 或 碧綠泡蝦球薑䓤炒蟹 或 花彫蛋白蒸蟹以上自選3款
另外跟餐奉送郊外油菜一碟+精美果盆 或 家鄉糖水（紅豆沙），就正正常常。


西貢全記海鮮酒家這次我來到西貢的一家海鮮餐廳，幸運地安排了我們到二樓的海景區，坐在兩人位，讓我們可以欣賞到美麗的海景。沒想到，享用中餐的同時還能感受到舒適的海景，讓整個用餐更浪漫。作為一個喜歡吃海鮮的人來說，我對這家餐廳的海鮮菜品很滿意。海鮮的水準在我眼中是不錯的，給人一種新鮮和美味的感覺。其中，芝士龍蝦是我們點的菜品之一，每人半隻。這道菜以鮮嫩的龍蝦搭配濃郁的芝士，味道豐富而且口感十分滑嫩。椒鹽南非鮑魚，搭配椒鹽的調味，口感鮮嫩，鮮味十足。白灼蝦是另一道我們品嚐的海鮮菜品，蝦肉鮮嫩多汁，雖然細隻咗少少，但是保留了蝦子的原汁原味。蒜蓉粉絲蒸扇貝，口感鮮嫩，蒜蓉的香氣與扇貝的鮮甜相互襯托，味道非常美味。整體而言，這家海鮮餐廳提供了優質的食物和愉快的用餐環境。對於喜歡海鮮的人來說，這裡是一個值得品嚐的地方。而且，價格也在我們的預算範圍內。如果你也想品嚐美味的海鮮，不妨來這家餐廳一試。

西貢海鮮街 必食餐廳天氣清涼坐在一樓露台非常舒服兩個人坐喺露台恍似全世界只有我兩龍蝦加咗$40每人有半隻 非常新鮮美味椒鹽南非鮑魚 香口鮮嫩 喂白灼九節 非常鮮甜 雖然真係好細隻仲有油菜同埋糖水 份量非常足夠

重陽節當天，我們一行三十多人在西貢行完山就來了這間全記海鮮菜館食午餐。我們下午二時左右來到，全場差不多爆滿，幸好我們之前已預留了三圍枱。蒜蓉粉絲蒸扇貝味道很鮮甜，佈滿大量粉絲和蒜蓉！😋😋椒鹽鮮魷彈牙，很新鮮！炒飯即叫即炒、熱熱的、非常喛胃！不過雞就肥了少少！🙈🙈

襯天氣好，開始有秋意，想去西貢邊吹吓海風，邊食海鮮。每次都會選擇呢間全記，我覺得佢地服務不錯，海鮮又新鮮，最重要，價錢合理。好喇，出去揀海鮮喇先揀左海中蝦，白勺，冇得輸，次次都食。呢日番左蝴蝶蚌，正呀～煮法：鹽油蚌肉肥美鮮甜，又冇沙。呢隻蚌只係秋季出現，亦只得2-3個月有得食，所以一見到就即刻order啦。然後揀左隻象拔蚌做刺身，價錢好合理架，師父抓上手後，會先推走d水（合理啦…用重量計算費用嘛）。個胆仲可以用黎煲粥或椒鹽，但我選擇帶走開始熱食了，揀左d花螺，烏冬辣酒煮啦，夠辣呀，又野味，但覺得烏冬太少了，可能佢唔係主角呱，若果多少少就好了。黎喇黎喇，叫左隻大奄仔，師父話保證多膏。果然冇食言，鹽油焗出黎，一打開，爆膏啦！蟹膏鮮甜甘香，肉質嫩滑。最後加多碟薑汁介蘭，隨後餐廳送上免費紅豆沙，唔太甜，有沙有果皮味，好味呀。

來西貢食海鮮去全記係基本，唔同套餐任君選擇唔使自己買入去，十分方便我哋叫個套餐包括咗龍蝦伊麵，每個人有半隻龍蝦，仲有粉絲蒸扇貝，一人一隻，味道十分鮮甜，size亦都唔會特別細，上面鋪滿粉絲仲有好多嘅蒜蓉 ，啱晒重口味嘅我，另外仲有椒鹽瀨尿蝦，十分厚肉鮮甜，夠火氣，我最鍾意食呢度嘅椒鹽鮮魷，魷魚彈牙新鮮，最後仲有個白灼蝦。五款海鮮，仲有伊麵食，夠晒飽，我同朋友成日都嚟，套餐都有300至五百幾蚊嘅選擇豐儉由人，下次放假再嚟先。

好多人都話入西貢食海鮮就俾人劏，不過講真香港地有邊度食海鮮係唔會俾人劏㗎🥲點都好，入西貢冇理由唔食海鮮㗎嘛🥹⠀我哋嗌咗二人套餐，包4款自選海鮮，選擇都有唔少，我哋就揀咗鮑魚、瀨尿蝦、元貝同埋䱽魚。話晒都係兩人套餐，所以以為佢個份量應該都會夠兩個人食，但點知我哋太天真🥲原本以為佢元貝嗰啲可能都會比兩隻(見到出面船家賣20蚊隻)，點知係一人一隻，仲要粉絲都唔多條🥲出到嚟見到個份量就知一定要再叫多個炒飯先夠飽😵‍💫😵‍💫⠀⠀二人海鮮套餐 蒜蓉粉絲蒸扇貝👩‍👦（真帶子）⠀海鮮食得出新鮮嘅，蒜蓉粉絲蒸扇貝個火候啱啱好，豉油汁調味都啱啱好，不過如果粉絲多啲會滿足好多🥲⠀⠀椒鹽鮑魚🍞🐟⠀椒鹽鮑魚就真係呢度嘅招牌菜，完全冇諗過椒鹽同鮑魚係咁夾，而且個鮑魚有少少甜味應該係炸嗰陣時耍咗少少糖，同埋因為鮑魚有鎅花嘅關係，食落完全唔韌🤤⠀⠀椒鹽賴尿蝦🦐⠀味道偏鹹，有啲太重味，但蝦肉都係新鮮嘅！⠀⠀豉汁蒸䱽魚🐟⠀呢度嘅蒸魚真係好唔ok🥲，老到好似食緊香口膠咁🫠⠀全記鮮蝦炒飯🍚⠀最後講吓個炒飯，雖然今日嘅主角係海鮮，但餐廳嘅海鮮單點真係太貴啦，所以再三考慮之後就決定食個飯充一充飢。個炒飯出乎意料地好食，炒得好乾身

同家人去食海鮮，嗌咗jolly shandy飲，飲咗第一啖發現唔對路冇乜氣，睇吓到期日已經過咗期一年，然後叫人換啦，第二罐係有蟲喺面嘅，再叫人換，唔知係咪經理嘅行過嚟搭住我哋張凳，又唔出聲，我哋就再覆述多一次呢罐嘢有蟲啦，之後佢就唔耐煩：咁你哋想點？家母就話我哋想換過一罐乾淨冇過期嘅，然後條友完全唔應機又走咗。最後係冇晒倉底貨，換咗樽都係冇乜氣嘅可樂俾我🙃以後都唔會嚟呢間店貼錢買難受！！！！！！！

#食到去西貢 🥢好多人都話嚟西貢食海鮮唔扺👩🏻👧🏻我哋就覺得睇下自己點睇，嚟到西貢心思思都想食下海鮮🐟基本上見出名嗰啲都係名碼實價，又可以問職員👩🏻‍💼👨🏻‍💼今次我哋揀咗其中一間出名嘅海鮮酒家，而且有室外內比你揀，因為太熱，所以坐咗室內舒服啲☺️ 🎠 全記海鮮📍 西貢萬年街87-89號地下==============================👭🏻👭 開心四人共聚 💲268 (每人) 餐牌上任選四款，送油菜、果盤或糖水1. 特濃芝士焗龍蝦(伊麵底)🦞 芝士汁又多又香，龍蝦肉質正常 2. 古法椒鹽鮑魚椒鹽味唔太重，鮑魚肉質彈牙，帶有少少脆口，令人食過返尋味😋 3. 蒜蓉粉絲蒸元貝元貝大大粒，蒜蓉味香濃， 粉絲已經吸收哂蒜蓉嘅香味，而且又多汁，正呀❤ 4. 椒鹽瀨尿蝦瀨尿蝦大大隻，鹹味適中，肉質正質 🙌歡迎大家介紹不同香港好食好玩好地方#foodiesklgirls #foodies #cafe #hkfood #food #hkig #香港 #香港美食 #香港好去處 #香港打卡  #美食 #打卡 #美食打卡 #吃貨 #吃貨女孩 #西貢 #西貢食店 #海鮮 #西貢必食 #西貢海鮮 #

What a dreadful restaurant, I'd advise anyone to steer clear. The waitstaff treat you with nothing but contempt. When I tried to order, I called over a woman who seemed to be the manager. When She saw us hesitated for a moment, then she was unpatient and told us to "make sure of what you want before you call me," and then she just walked off, nose in the air. The thing is, it was 5 pm and the place was practically empty, and then she was nowhere to be found. I asked for a napkin three times and

香港人好鍾意食海鮮！但很多酒樓嘅海鮮價錢都好貴！如果大家想食又便宜又好吃的海鮮！我會推薦西貢這間酒樓！晚上海鮮既抵食又便宜！每次我同朋友出完海，或者行完山，經過西貢必定會食這間酒樓！

有朋自遠方來，不亦樂乎🥳當然要帶佢哋去享負盛名的西貢海鮮街，並一嚐衆所皆知嘅香港名物🦞🦪🐙🐚🍤🥬🫖餐牌中英日對照，省卻翻譯煩惱😉芝士醬汁美味，清盤不留痕😋😋😋

今天一早來到西貢，做完第一件事後，當然是吃早餐。我不會花三個位去吃鬼子老嘅全日早餐，我平時在家裡天天都在吃類似的。我選擇吃點心。好懷念以前買一份報紙，嘆茶，吃點心。現在報紙沒了！早上點心有孖寶搭配，我選擇了蝦餃+菜苗餃、牛肉球+鯪魚球。請耐心等候，即叫即蒸。伙計人手永遠不足，要自己有技巧地跟阿姐溝通，讓她們看見你。食物質素及格的，我不強求米芝蓮級別的水平。炎炎夏日，我坐室內嘆冷氣；坐室外，有機會吸二手菸的！如果時間配合，記得10點前去櫃檯埋單。埋咗單，未吃完，可以繼續吃的。這個價錢，是非假日，遊客不要搞錯。

終於有時間補寫食評🥺由25號開始至29號西貢舉行天后誕市集，星期日就相約屋企人入去行下，果日天氣好熱，人流唔算多，行到咁上下就去食海鮮餐😋西貢有好多間食海鮮嘅餐館今次就揀左全記，本身諗住叫佢地嘅四人餐＆288位好抵，但我地唔識剝瀨尿蝦最後決定自己出去揀海鮮。叫左個芝士焗龍蝦伊麵底，龍蝦肉質爽口彈牙，每條芝士都掛滿濃濃嘅芝士汁，好邪惡呀🤭 豉椒炒蜆鑊氣好夠 ，蜆肉粒粒都好大，脹卜卜好飽滿；刺身象拔蚌好爽口，切得好薄好通透，點埋wasabi豉油，正呀喂！

下午茶時段，經過西貢全記 聲稱米芝蓮餐廳見到東風螺就好想食問姐姐幾錢，我地4大1細份量姐姐話80-90蚊就得(最後$115)價錢都算平但就忘記問佢有冇其他收費全程佢哋都冇講過話要其他收費叫多兩個餸之後另一個姐姐行埋嚟，就話三個餸總共$550仲問我哋有冇問題，我話五百幾蚊梗係冇問題啦都係冇講過有其他收費嚟咗個白灼東風螺先冇豉油俾我哋，我哋梗係問佢攞原來嗰度又要$20我覺得係專登唔俾，等我哋有拎嘅記憶一杯凍檸茶要$39最後埋單三個餸，三杯飲品先至講話要$1000但食物質素只是一般東風螺白灼 就係東風螺嘅味道，冇特別！豉椒炒蜆，啲殼多個肉，個汁唔算好食！蒜蓉粉絲蒸扇貝，我覺得我屋企姐姐仲煮得好食過佢地！最好係個免費嘅紅豆沙同39蚊既特色飲品-凍檸茶!我提議佢哋做返糖水舖會出色啲！究竟呢個世界點解會變成咁？其實一早講明個價錢咪得！個海鮮牌要$500就一直都唔講！不過只可以怪自己蠢！無問清楚就坐低！