Chumchummi (Closed)

喜愛吃醬油蟹的我，見很多人介紹公司樓下的食物，也今晚跟朋友試試～不用訂位，也有比較好的位置 韓式小吃也很多選擇，在落單後送上，泡菜及小辣的涼吃，吃完能再點的。芽菜委布口感的～ 泡菜湯 湯比較辣，但岩口味，來碗白飯跟好友快快吃下～ 吃吧吃吧～ 一段時間沒有出去吃韓食～韓餐好吃，下餐飛去韓國吃也！ 吃韓國菜有醃菜是不錯的事情，泡菜、芽菜、店子食物之份量多，棒～ 傳統冷面 口感煙韌，以蕎麥作主要材料，湯底味道不錯，夾埋芽菜，棒。冷面是朝鮮族民間傳麵食。韓國感覺～佐以辣白菜、雞蛋、黃瓜絲、梨條，吃用時先在碗內放少量涼湯與適量面條，涼快感大～ 醬油蟹 朋友不愛吃蟹，帶著懷疑嚐一口，他也愛上～係幾鮮甜的，配埋碗白飯～正喔 我期待爆膏醤油蟹，碗上紫菜飯，好好，勁多蟹膏，又不會過鹹，甘香膏甜，咬一下，膏溶入口中，回想回味～紫菜飯加蟹肉，又有醤油汁，吃清 呑拿魚紫菜飯 紫菜新鮮，而青瓜，羅白絲亦紮實，呑拿魚多～ 泡菜蕎麥煎餅 韓國特色街頭小吃，店子做到很有當地感覺，要嘗！ 整體不錯，人流不多，醤油蟹亦新鮮，價錢合理，推介！

之前喺chumchummi尖沙咀店食過一次呢間🦀「醬油蟹」令我一試難忘🤤，今日接媽媽收工係葵涌，呢間分店係📍九龍貿易中心2樓，簡約文青風格，葉綠盆栽🌿裝飾，優雅氣派環境夠開陽服務很好一坐底店員奉送🥬4小碟前菜泡菜、芽菜、糖醃蓮藕、醃酸蘿蔔，味道爽脆可口，適中適合香港人口味😋手機📱落單💖必點醬油蟹🦀擺盤德體，眼見流口水😍，飽滿肥美，呈橙色糕，肉質醇郁滑嫩唔黐殼，將飯倒進蟹蓋連肉混合一齊食芳醇濃郁鮮甜🕧6點前仲提供午餐📔Menu價錢都幾底食👏🏻🧀芝士泡菜炒飯，炸紫菜卷內有韓國粉絲一啲都唔漏，有驚喜嘅泡菜飯裏頭有好多芝士，仲要係拉絲食落軟腍腍，超正🐮炒牛肉粉絲彈牙入味冇乜油，仲蓋住一個飯底，真係好飽肚

下晝去食飯。店內唔係好多人。坐低咗好耐都冇侍應理，等咗好耐終於見到一個侍應行返去門口收銀機，揮手都唔理，真係要叫幾聲先拎個餐牌過嚟。Scan code 落單，叫咗個韓式拌飯，好快嚟到。見到真係嚇親。配菜本應係泡菜、菠菜、同兩個幾靚仔嘅素食小食。跟住變咗泡菜、一片蓮藕、2個極求其嘅小食。個拌飯仲誇張，張相有6樣，其中一個係牛肉。嚟到冇牛肉，仲要有3樣係生椰菜、2個沙律生菜！大佬我食沙律呀？我叫個 waitress 嚟，同佢講，佢比少咗牛肉。同埋D配料同 Menu 差好遠。佢竟然話，圖片 for reference only, 佢哋嘅 bibimbap 係冇肉㗎。而且當日廚房有乜菜就放乜菜，同Menu 嗰張相係冇關係。講完就走咗，又匿埋傾偈。走去門口埋單，又係等勁耐都唔行出嚟。態度惡劣，食物難食，以後永遠都唔會去，點知佢廚房下次會唔會落菜心芥蘭。

📍 📍 📍 Chumchummi (葵涌)葵涌葵昌路51號九龍貿易中心2樓214號舖今次係第二次嚟葵興分店，呀媽話唔想煮飯，就帶佢黎就近既呢間我食過又唔錯既餐廳佢試💓前菜💰free😋😋😋😋/5今次既前菜有泡菜、醃青瓜、醃蘿蔔、葉、爽脆開胃！絕對係食韓國菜嘅精髓！✨✨👉 醬油蟹套餐💰240😋😋😋😋.5/5呢到既醬油蟹，真係必食！我每次都叫，絕對係韓國味道！而且蟹肉多之餘仲有膏！配埋紫菜飯，食極唔停口呀🤭👉辣豆腐湯套餐💰＄90😋😋😋😋.5/5辣豆腐湯好開胃，豆腐嫩滑，入面仲有好多菇同洋蔥，☺️配埋白飯浸落豆腐湯食，邊飲湯再嘆個飯，好溫暖好滿足呀。👉 蒜蓉調味炸雞(半份）💰100😋😋😋😋.5/5個炸雞又係必叫！雞肉好多汁，唔會乾，但外層又好香脆！香蒜味甜甜地😋😋😋食唔停！另外炸雞有配醃蘿蔔，好消滯🤤回頭: yesYesyes!!!店舖闊落，值得一提，完全冇加一！抵食！🇰🇷#kermit食在葵興#soysaucecrab #koreanrestaurant #hkkoreanfood #koreanrestaurant #delicious #chumchummi #kwaihing

九龍貿易中心2樓嘅一個望住正門的位置有呢一間好有文青風格嘅韓國餐廳，侍應都係韓國人，令到間餐廳更有韓國氛圍。正常來到都係為咗佢嘅醬油蟹而來，香港韓國餐廳都幾多下，但可以食到醬油蟹嘅餐廳並不是太多。“醬油蟹套餐”有成隻大大隻嘅蟹同埋一大碗紫菜飯，隻蟹肉厚多膏，見到黃色D膏已經流曬口水，柔軟入味的蟹肉，蟹膏撈埋紫菜飯，滋味無窮。“蔬菜紫菜飯卷+炸雞+調味炸雞”因為有蔬菜做飯卷令到呢餐炸雞有少少健康的味道，加廿蚊就有兩隻餃子令到成件事更加豐富，再來杯 喜歡的Pineapple juice成餐飯就非常之完美啦。

今日約左舊同事食飯，咁岩佢係葵涌附近返工，發現有間韓國嘢幾特別就去左試。餐廳店員都係唔識講廣東話嘅，所以溝通都係用英文，落單都係掃QR自己落嘅，所以問題唔大。醬油蟹套餐 $245其實平時我都好怕食醬油蟹，如果整得唔乾淨我食完就會肚痾，同埋食過有餐廳整得好鹹，但呢間完全唔會，覺得味道係足夠但唔會死鹹，反而醬油味帶出蟹嘅鮮味，蟹膏都好濃，送飯一流!個飯都係要讚，佢加左麻油、芝麻同紫菜，成件事勁香口，我同朋友都好中意!炸雞(半份) $90原本以為半份會好細份，結果黎到超大份，我地兩個女人仔已經share左一個飯拆完蟹其實都有6成飽，食埋份炸雞真係超級飽!但係炸雞整得好香脆，炸皮唔會好厚，雞肉都唔會因為炸過而變得好乾，重係好juicy嫩滑嘅。另外，味道都係唔會好鹹，雞肉都無雪藏味，值得一讚。菠蘿汁 & 蘋果汁不過不失嘅果汁，唔會因為加左冰而變淡，食炸雞配果汁真係一流!可惜我地唔飲得,唔係配支啤酒重正。

上次就去咗尖沙咀Chumchum味嘅分店。今次就去埋葵涌嘅分店再食多一次。同樣地點咗“”醬油蟹 “$245.。”一上碟嘅視覺已經非常震撼，原隻嘅醬油蟹，有好多膏，睇見就想即刻 將佢擺入口 。食物水準同尖沙咀睇齊，絕對冇令人失望。 用埋蟹蓋嘅蟹膏撈埋啲飯一齊食， 簡直就係絕配 。兩間Menu上有少少分別,尖沙咀就散叫為主，葵涌呢度就有好多套餐選擇 。我仲揀咗一個飯卷炸雞套餐$115。一次過滿足曬我兩個願望， 套餐加五蚊就有一杯凍飲。講返個餐先，飯卷有好多餡料，有肉之外仲有吞拿魚。炸雞就足足有六件，件件都肥大肉厚，好滿足。除此之外我仲見到佢哋有下午茶餐 ，主打一啲韓式嘅厚多，士價錢都係三四十蚊， 希望下次有機會再試埋佢啦。

好：味道好。份量可以。飯捲很好。壞：晚餐不行。套餐貴～30%，一半售罄，沒有飲品。韓餐多辣，免費熱水不足解決。冰飲最低$30，晚餐貴50%，不推薦。已試飯捲，牛小排，辣豬肉，辛辣麵，炸雞。重點如上，廢話如下。凍檸茶偏甜，凍奶茶還好。一律建議奶茶。場地廣闊8人以下可以到此食餐。中午美女多，晚上少，一律建議中午。如果想安安靜靜交智商稅，晚餐亦未嘗不可。店內全部東南亞員工，英文交流，具英語障礙者，敬請練好手語及「This That Thank」

我係醬酒蟹🦀同醬酒蝦🦐愛好者❤️ 每次去韓國都必食，配一碗大靚仔🍚 係一大享受😎呢間蟹油蟹勁大隻😍 啲蟹黃膏多到爆😛 剩係蟹膏撈飯都好幸福！蟹肉超甜🤍小菜四款都好好味😋 蓮藕片同蒜茸青瓜片🥒都好好餸飯～ 炆牛小排味道都唔錯，我鍾意配菜薯仔🥔同紅蘿蔔🥕💓環境方面，坐得好舒適，適合夜晚傾偈，佢嘅下午茶有韓式三文治，都係$3-40 ，搵日真係要試吓！#韓國菜 #醬油蟹 #醬油蟹膏 #大隻過手掌 #蟹膏撈飯 #韓國餐廳 #掛住韓國 #幾時飛首爾

新春期間少不免會多飯局，而唸食乜都有啲難度。由於食多左中餐，所以今晚就揀反我一向都中意嘅韓國餐。由多款式嘅餐前泡菜，小食至啤酒嘅最佳拍檔韓式炸雞，醬油蟹到年糕，煎餅。實在太多選擇。chumchummi係我家較近同有水準嘅韓餐，記得上次去食，啲侍應相當熱情有禮，上菜速度都快，所以我地就揀呢間。新春期間晚飯時段都唔算太多人。（唔駛排隊好）同上次一樣落單後，侍應馬上送上餐前泡菜，小食 有蓮藕，泡菜，醃青瓜，江魚仔。而我們就點左cp值高醬油蟹套餐同紅燒牛小排套餐。呢度嘅醬油蟹好新鮮，簡單嘅醬油味同鮮甜嘅蟹味蟹膏送飯真係一流，而牛肉口感都好嫩就連薯仔同蘿蔔都炆得好入味。另外點左份炸雞倆拼（原味，蒜蓉），炸得香脆，保留肉汁。而飯圈拼辣炒年糕都唔錯，年糕口感Q彈軟糯。而我個人都好中意鐵板芝士粟米粒，雖然簡單但亦另顯惹味。這餐韓菜為這個新春劃上一股叧類美味。

又去 chumchummi 止口癮😌對於我黎講實在太方便，葵興站一分鐘腳程，朋友都無值口唔過黎陪我呢個葵涌人食正野~店員先為我地送上前菜，有泡菜，江魚仔，蓮偶，翠玉瓜，作為開胃小食好不錯。仲有我至愛既既鐵板拉絲芝士粟米，非常邪惡！醬油蟹套餐 $220包含一隻醬油蟹同一碗芝麻炸紫菜碎飯，醬油蟹鮮甜，肉質有彈性，蟹膏又多又甜，沒有一點鯹味。將紫菜飯釀入蟹殼中，lo埋蟹膏同醬油一齊食更絕。雙拼炸雞(一份) $180選擇困難症就是喜歡一次試哂兩款味。我地揀左原味同蒜味，件件炸得金黃，令人很有食慾。一口咬下咔滋的香脆~肉嫩多汁。蒜味的比原味的更香更惹味，不過吃完小心咀臭🤣一邊配著旁邊的酸蘿蔔吃就是爽。紫菜飯卷+韓式粉絲+年糕魚餅好喜歡這個可以一次試三款美食~中意韓國飯卷同韓式粉絲充滿著好香既麻油味！年糕軟軟糯糯，很辣很過癮！又係大滿足既一晚🤰🏿

今日約左朋友放工去葵涌食我哋今年第一餐飯，仲要食我鐘意既韓食、yeah~先來一個醬油蟹套餐 個多膏肉滑，富有醬油既香味，令人好懷念既味道呀🥰加上紫菜飯，真係食唔停口😁辣炒年糕熱辣辣既年糕煙煙韌韌，辣中帶芝士味，好好味呀！仲有掛滿辣汁既魚糕超惹味😊原味炸雞即叫即炸即上枱，香酥既外層卜卜脆，裡面熱辣辣既嫰滑雞肉。每咬一口都chok chok 脆！而且調味岩岩好，不會太咸👍🏻食炸雞當然唔少得飲啤酒啦🍺佢依度既泡菜好新鮮，辣得黎食到菜既甜味！仲有酸青瓜和蘿蔔帶有獨特甜味，好好味！仲有個甜蓮藕都好好食～

葵興可以講係美食沙漠，平時係個頭返工都唔知食咩野好。好難得地開左一個地道嘅韓國餐廳，今次終於唔使煩無好野食啦！醬油蟹套餐（一隻蟹）套餐包咗前菜同埋醬油蟹。醬油蟹大大隻，爆曬膏，雖然見到有啲辣椒，但係其實唔算好辣。啲蟹膏攞嚟撈飯超級好食，蟹肉都好似啫喱咁，入口好清甜。部隊鍋部隊鍋嘅配料好豐富，有翠玉瓜、豆腐塊、洋蔥、蘿蔔、香菇、韭菜、蜆、當然唔少得仲有韓國拉麵！凍冰冰嘅天氣，色相熱辣辣嘅部隊鍋，真係好爽！芝士粟米芝士粟米真係要趁熱辣辣咁去食。芝士非常之拉絲，粟米粒都好清甜，兩者配合得天衣無縫。小食都咁好食，真係值得一讚！以佢嘅價錢黎講，喺葵興呢個地段唔算好平，但係都唔係貴。以佢嘅質素嚟講，呢個價錢絕對抵俾！

聽朋友講𝑪𝒉𝒖𝒎𝒄𝒉𝒖𝒎𝒎𝒊既醬油蟹幾好食 葵興KCC係佢既新分店 朋友係個頭返工 就同佢收工一齊食餐廳所提供既四小碟前菜 賣相已經幾吸引 泡菜蘿蔔絲番薯粒仲有芝士洋蔥粟米🌽食落甜甜地 芝士溶哂係粟米入面 洋蔥增加左爽口感🧅仲拉到絲der! 勁好食黎到食蟹既季節🦀 除咗大閘蟹 仲少不了有醬油蟹 雖然醬油蟹都令大家好擔心衛生問題 但係間餐廳由外到內都好乾淨 比到客人一種安心既感覺 🔺醬油蟹套餐 $245醬油蟹既味道濃郁🦀橙黃色既蟹膏 入口並唔腥唔會太咸 口感幾creamy 絕對係白飯小偷🔺辣炒豬肉紫菜飯捲 $77辣炒豬肉帶少辣 食落好惹味 飯捲包得好實淨配料豐富🔺大醬湯套餐 $90大醬湯飲落好暖胃 大大兜湯底大醬鹹鹹地 洋蔥大蔥同配料都好足配飯一流( ˘ ³˘)♥🍚

今日突登去咗位於📍葵涌葵昌路51號九龍貿易中心 嘅 Chumchummi 食醬油蟹首先一坐低就有店員比咗welcome snacks 我哋係鐵板粟米芝士🌽🧀熱辣辣 仲有少少甜甜哋嘅沙律醬味🔥另外有四碟小菜 ：辣泡菜、唔辣泡菜、菠菜、蓮藕-醬油蟹套餐 $245Ganjang Crab Rice Set (1 Whole Crab)醬油蟹套餐包括蟹腳4件 及 蟹蓋 1件蟹黃好正 撈紫菜飯一流🥳-炸蝦紫菜飯捲 $80Shrimp Gimbap炸蝦新鮮炸起🥰 飯嘅比例啱啱好 推介！-辣炒豬肉紫菜飯捲 $77Spicy Stir-fried Pork Gimbap辣炒豬肉真係幾辣吓🤣味道偏甜辣 不過好惹味 🐷