春水堂人文茶館 (創紀之城五期(apm))

Open Now

Now Closed

真心，春水堂食過幾次，唔係唔好味，只不過冇驚喜，正常貨，如果要排隊，真係唔會入去食，每次都因為唔使排隊，同埋同事話一定要去食，先會選擇最出名嘅牛肉麵，啲牛肉同埋個面係OK嘅，咁啱我我碗，啲牛肉鬆軟蛋呀，但係我同事我們就唔得啦，一啲都唔諗，外面因為我同佢講要晏啲，所以好啱我嘅口味，但係啲湯就真係一般，我寧願食小食炸番薯條，感覺仲好，熱辣辣，外脆內軟，同埋個鹽酥雞，外面炸到脆卜卜，好味，麻辣滷味，味道係正常貨色，珍珠奶茶，有茶味，珍珠同冰玉都OK

見到堂食條隊排長龍，咁就叫杯嘢飲外帶試試先。下次再嚟排隊堂食。既然要試梗係要試最傳統嘅，珍珠奶茶，咁我就叫咗少冰少糖。落完單都要等20分鐘，不過都應該算快，因為堂食同外賣都係同一個水吧，同一時間做晒啲單，所以基本上係同堂食嘅人一齊排隊等嘢飲。第一啖飲，覺得有啲淡，奶味較重，茶味唔夠。雖然飲落口嘅茶味唔夠，但係聞到好香嘅烏龍味，加上少甜，味道還可以接受。珍珠奶茶用嘅係細珍珠，口感方面就唔夠滿足，不過個比例上珍珠係都多嘅，唔會啜兩啖就冇晒。

同老婆剛經過觀塘，便順道來試下春水堂，開頭出面排晒隊，等了約30分鐘便入得。我地好肚餓，所以叫多左野：滷香拼盤：幾入味，屬於濃味個種，但份量偏小。茶香娃娃菜：淡而無味，無茶香，純粹係普通菜一碟御品三寶牛肉麵：有牛腩、牛根和牛肚，最好食嘅一味菜式。魯肉飯(小)：不過不失，同台灣個d真係無得比茉香珍珠奶茶：幾好飲，珍珠唔同其他！Q彈總結各方面，算係中規中矩的台式餐廳，但味道偏濃味，食完要多飲水，台式飲品同牛肉類最值得一試，但價錢就略貴，CP值一般。試過一次便算🤭

今晚突然想飲珍珠奶茶，近近地就揀咗去春水堂食晚飯，叫左一碗麻辣牛肉麵，一碟XO醬辣伴麵，一碟麻辣涼拌牛肚絲，一碟黃金香酥雞，一杯珍珠茉香奶茶，一杯珍珠鐵觀音奶茶。麻辣牛肉麵D牛筋爽，牛腩夠軟，麻辣牛肚絲個味都非常開胃唔會太咸，黃金香酥雞D雞肉肉汁夠鮮美好juicy，外脆內嫰。珍珠奶茶D珍珠都夠軟，每粒細細粒好有咬口，鐵觀音珍珠奶茶就不嬲係必點首選嫁喇，但今次試埋茉香奶茶都非常香滑，成餐晚餐我地都好滿意。

聽左呢間好耐，經過見到無人排隊，即刻入去食個tea 😜環境：空間感足夠，木色設計，台式和風，普通便食店來說我覺得好滿意服務：店員們平均有禮貌、工作勤快食物：首先交代下，由於我初嚐台菜在加國讀書年代，我係見證由無到有台菜發生（出賣年齡系列🤷🏻‍♀️），當然只有專才先可以到那裏，所以食嘅都係台灣本土味道。我對香港嘅台式食店都會用呢把尺去度🤓凍胚芽奶茶：絕對飲返我小時候9成嘅味道，茶味足不苦澀、茶葉味道是傳統台式珍珠奶茶味（香港已少見）、奶及茶比例平衡、胚芽是碎碎的flakes，邊飲邊會心微笑烏龍豆干米血糕：豆干是像蜂巢豆腐與版豆腐之間，加上很多小洞，吸收醬汁後好濕潤，但完全食唔出烏龍茶味。米糕質地軟糯，但沒有血/肝醬味，所以明白點解佢哋用一個近乎沙茶醬嘅汁去配搭。如果你鐘意沙茶醬菜色，呢個必吃，個汁除咗似沙茶醬，佢加上木魚乾同另一種海鮮乾烹調，食落有層次、鹹鮮十足。總結，我會下次試吓其他食物

同朋友飯聚一致決定試大家未試過嘅春水堂。餐廳環境唔錯，寬躺整潔，雖然無得訂枱，但平日六點半前人唔多可以輕輕鬆鬆入座唔洗等，仲要無限時可以慢慢吹水慢慢食，非常好！因為我無做定功課所以嚟之前我並唔知道原來係台式餐廳，仲要係自私食即係一人一個餐無得share！我點咗個紅燒牛肉麵，雖然有幾款唔同嘅麵款，但由於係預設餐單麵款配搭無得隨意轉換，我碗麵淋到連無牙婆都食到，無口感又無質感，基本上唔係麵而係麵狀嘅糊仔先啱。而件牛腩雖然煮到好淋但一啲都唔入味，如果唔話我知我仲以為係湯渣。記得menu上碗麵係有辣椒示意，但湯底卻完全唔辣又唔香濃，整體來講就係難食！至於飲品我點咗珍珠綠茶少甜，珍珠都幾多而且偏細粒幾煙韌，而綠茶都唔錯算幾清香，即使少甜都唔覺茶底苦澀！最後我哋八點幾左右走門口已經大排長龍，今餐每人百四蚊左右，睌餐來講價錢算合理，但可惜食物唔得，但飲品同環境是可以的，我諗下次可能嚟tea會適合啲！

呢間長期要排長龍既春水堂，我終於的起心肝去排隊，有朋友一齊排，時間都快過啲，排左around 30mins 左右,終於見到我Number 叫咗個番茄半斤半腩牛肉麵，佢哋嘅蕃茄湯底超濃郁，而且唔係用蕃茄膏，直接飲都好好味，同埋佢哋用扁麵，口感十足，半斤半腩嘅牛肉，分量剛剛好，嘢食質素真係相當不錯，難怪每一次都要排隊，今次睇落咁小人都要排半個鐘睇來平時最少都要排一個鐘如果下次人少啲都可以再黎，快啲開多幾間啦

聽網民個個都話好食心血來潮就算排隊都願意等一等，當晚人龍都比較長好彩等候嘅時間都唔算好耐。鴨舌略嫌鹹咗啲而且味精好重😟要不停嗌嘢飲而且份量比較少滷肉飯就算撈左都唔夠入味好似飯有飯未滷肉有滷味我比較鍾意飲珍珠奶茶而且對珍珠奶茶好有要求😋😋呢度嘅珍珠奶茶完全符合我嘅要求牛肚我預期太高期望，太油而且我冇整到好彩我食兩舊就好濟最後叫咗個鹽酥雞翼其實係似天婦羅雞翼🤪🤪🤪，因為佢完全冇鹽酥味😕😕😕總括依然我好鍾意嗰邊嘅待應因為全部都好有禮貌同做嘢好快手但食物方面有待改善

去左幾次春水堂 都係純飲茶 已經講佢全部茶試過曬 我覺得全部都係值得推薦 值得飲下感覺幾好又養生又健康又有一個地方可以慢慢吹水傾計重點佢嘅茶葉真係沖好多次都仲係濃味 相對來講都係抵飲

作為鍾意食甜品既人當然會周圍搵下有咩好食既甜品啦，今次就黎到觀塘既春水堂，又係唔洗等位，就入去試下佢地既台式甜品。環境都算大，夠光又夠乾淨，所以都坐得好舒服。睇完menu，最終決定食珍珠鐵觀音雪糕吐司，黎到既時候賣相係唔錯既，多士一睇就知係岩岩整既，唔係放左好耐淋哂個Ｄ。珍珠數目都夠，唔會太over或者太少，所以睇到都覺得唔錯。之後就當然係放入口試下啦。一入口，多士既脆吸收左雲尼那雪糕既甜，再加埋珍珠既咬口，同時加插左鐵觀音既香，再係會好想想完一啖再食一啖。份量就唔算少既，但真係太好味，搞到我想叫多份！但為左唔好食唔落晚餐，所以都係食一份就算。

春水堂今日同朋友去食下午茶，唔係好肚餓所以叫咗一碗滷肉飯同一杯珍珠奶茶就夠啦！☺☺而且佢呢間自稱係茶飲界嘅始祖！✨✨✨雖然唔知係咪真但都應該會幾好飲！🤣🤣.❤細碗滷肉飯$28雖然唔算好大但係好足料😍😍，仲有啲蘑菇同肉鬆👍🏻👍🏻！好好味！😋😋.❤珍珠奶茶$32珍珠奶茶個杯好靚而且好大杯😍！珍珠份量都好多！而且甜度啱啱好😍， 茶味好香好濃郁😋😋😋！.整體來講，服務態度幾好嘅👍🏻，雖然要排少少隊不過都值得😝！ 而且食物質素都幾高又唔算貴，😝😝可以坐喺度做朋友吹吓水！都係一個好選擇！✨✨👍🏻‼️‼️非常推薦大家經過試吓！.溫馨提示✨如果食夜晚就要早啲嚟啦因為冇得book位一定要排隊！😭😭😭.📍 春水堂人文茶館 ❤❤❤觀塘觀塘道418號創紀之城五期apm一樓L1-1號舖

疫情依舊未受控，今年內到外地旅遊簡直是痴人說夢，只好繼續在香港覓食，暫時安撫經常冒出來的旅行魂。這一天筆者跟友人相約到APM春水堂飯聚。人不算多，只消5分鐘便成功入座。6月的天氣已炎熱至極，先來兩杯凍飲降降溫。茉香奶茶 ($31) 甜度適中，但茶主體較為淡薄，略嫌韻味香氣欠奉；胚芽奶茶 ($32) 亦如是。烏龍豆干 ($33) 適合不能食辣的人，豆干口感像板豆腐，有點嚼勁，滷得入味，每一塊都吸飽醬汁，就是有點過咸。黃金香酥雞 ($48) 都很不錯，雞肉軟嫩，不油膩，帶點微辣，惟份量較少。滷香牛肚 ($48) 滷的入味，口感軟Q適中，作為下酒菜應該很不錯（可惜春水堂不賣酒精飲品......）半筋半肉蕃茄牛肉麵 ($92) 不太理想，湯汁稀薄，沒有番茄味，只有四五塊零碎、細小的牛肉，實在有待改善。珍珠熔岩蛋糕 ($58) 稍有驚喜，濕潤的戚風蛋糕面層加上忌廉及黑糖醬，並以珍珠作點綴，配搭新鮮，不難吃，賣相特別。總括而言，春水堂的食物質素整體不算差，但份量不算多，性價比不算高。

春水堂今日行咗好多APM，好肚餓，見到呢間好多人排隊嘅春水堂決定都排下🤣🤣留意佢係冇得book位一定要你排隊🤣🤣.❣鹽酥雞翼滷肉飯便當$92我見佢個樣好多餸，好吸引！😍黎到嘅時候嘆咗一聲！🤣好多種類，而且個鹽酥雞翼係勁大隻！炸到好脆又香！而且滷肉飯份量好多，最後食唔晒！因為實在太多配菜！🤣🤣有我最鍾意嘅西蘭花同埋雜菌菇！加左椒鹽粉係面！😭❤超surprise!!!!!!仲有一碗貢丸紫菜湯！(上菜先知原來包碗湯).📍 春水堂人文茶館 觀塘觀塘道418號創紀之城五期apm一樓L1-1號舖

今日試左呢台灣過江龍 通常過江龍既話都要排隊 而呢一間都唔例外 我今次大約等左30分鐘左右先入到😣1. 魯肉飯$28有肉鬆同餣蘿蔔係面頭 呢度既魯肉 鹹度適中瘦肉既比例較多而肥肉較少 唔會太膩 而且仲有冬菇粒增加啲口感😋2. 功夫麵$53 個肉同準係同魯肉飯好相似 一樣都有冬菇粒 而呢個拌麵仲有芽菜 口感就更加豐富啦 麵係幾彈牙😀3. 鹽酥雞翼魯肉便當🍱$92個便當望落都幾精緻 有肉有菜🥦🥚🥬🍖幾豐富 菜調味好淡 配返個飯都ok 而鹽酥雞翼炸得幾酥脆 但就唔夠熱 另外仲配堆個貢丸湯添 4. 鐵觀音珍珠奶茶🥤$34我本身係比較少飲手搖既 但係呢杯的確幾好飲 我點左半糖少冰 半糖令到鐵觀音既味道更加出 成杯飲落好順口 珍珠較細粒 幾煙韌😋

來自台中嘅珍珠奶茶！過江龍到香港開分店！都開咗幾耐等熱潮過咗先食😆當日下午5時多到不用等位🤗·其實我記得8年前係台中旅行飲過春水堂杯珍珠奶茶，話係珍奶始祖，但個個都話始祖唔通個個都係始祖咩！係咪始祖我就無從稽考，但佢啲食物嘢飲都幾唔錯喎！☺️🤤·✨珍珠奶茶 $32 / 鐵觀音珍珠奶茶 $34當然要試試珍珠奶茶！個人幾鍾意鐵觀音嘅茶味濃啲🤤珍珠都軟糯呀，有咬口👌🏻·✨半筋半肉蕃茄牛肉麵 $92問過店員，得呢款先係刀削麵，就咁紅燒牛肉麵唔可以配刀削麵，我唔係好明呢個邏輯🤔但我唔想食陽春麵，唯有叫蕃茄呢款😂😂我平時唔食牛筋，但呢個牛筋好軟Q，我又幾鍾意喎！牛腩都夠腍！同埋出奇地又幾鍾意佢個湯，濃濃蕃茄味🍅，刀削麵都唔錯嘅·✨鹽酥杏鮑菇$38呢個好正呀😆❤️熱辣辣又酥又脆，仲好有菇味😂😂😂😂·✨滷香大腸$48最近愛上豬大腸，附近冇炸大腸就滷水都唔放過，味道唔差可以一試🤤·✨紅燒牛肉麵（半筋半肉）$82家人叫嘅，話麵太少，肉太多，湯ok😂🤣·✨慢煮豬手便當$82試咗舊豬手，好腍好入味👌🏻