春田冰室

Open Now

Now Closed

呢間食過好多次，特別係呢排病咗冇煮飯，就貪方便求其食。仲記得呢間店一開，都食咗2次沙嗲牛肉麵，覺得麻麻地，跟住就有一大段時間冇俾機會佢。不過最近試返，覺得味道進步咗好多！可能唔係沙嗲牛肉麵啦 其他野食都唔錯喎！最近3日食咗4餐，琴日我自己一個食，午餐、晚餐都落去呢間食！今日放假，有老公一齊撐枱腳！平時唔鍾意食包嘅佢，居然會想試三文治不過又係嘅，呢個「勁量三文治」有別於一般三文治🥪 見到佢咁厚、勁量，餡料流晒出來咁，我老公就被咁多料吸引了！+$1就有烘底，梗係要埋啦，卜卜脆，好食啲！勁量三文治都好多選擇，我遊說佢揀咗「咸牛芝士」 感覺滋味又飽肚！仲有配菜：沙律、沙律菜飲品豐富又抵食呀！我就encore返最近都食過嘅餐原先想食早餐，有火腿通但11:45am先到餐廳，早餐到11:30am架咋，下次要早啲因為非早餐呢，我覺得heavy啲，好多雞/豬排我得呢個餐稍微食到，但都食剩咗啲牛肉同滑蛋厚多士就好味呀之前食過奶醬多都好味

第三次嚟食，前兩次食，一次午餐、一次早餐都覺得好麻麻。因為自己住附近，諗住近近地俾多次機會，食下午茶珍寶肉醬熱狗。首先坐低舉手勁耐冇人理你，啲侍應好怪，見到扮見唔到。另外，最失望係熱狗個飽係冇烘過，凍冰冰！仲有啲肉醬都係凍，得條腸係微熱，真係堅失望。仲有杯凍奶茶係冇茶味我唔係咩專業foodie 鐘意寫食評，但真人貼地食評全冇做假！呢間嘢第三次食都係覺得無論服務同食物水準都要大大改善，話好食個啲我認真好質疑係咪廣告囉

又到三點三…唔知食乜好…之前見到網上有介紹過呢間下午茶… 見冇乜人就入去試下啦…因為太肚餓關係…一坐低睇完餐牌就已經決定好食乜…但係叫人叫咗幾分鐘都冇人得閒理過我😑好啦…之後終於點好就等食啦…發現水同埋紙巾都要自己出去自助區拎…😅😅(好彩呢間餐廳唔收服務費…條氣都順啲…)叫咗嘅tea set係✅ 豬扒煎蛋蔥油撈麵！份量真係少咗啲啲囉😅不過味道係唔錯嘅！豬扒冇煎得過嚡…煎蛋又仲太陽…葱油撈埋個公仔麵係夾嘅😉😉同埋餐飲杯✅茶走都ok！！

Happy Friday 諗住食個靚早餐， 搵左OpenRice 一陣見到呢間野d 相幾靚喎！ 過黎試下先 😌 點左早餐B , 雪菜肉絲米粉+ 煎蛋+多士+ 凍鴛鴦少甜 。 可能係少甜呢個特別要求， 水吧handle 唔到 ？ 佢黎左杯 凍檸鴛鴦走甜， 我飲左一啖再攪下杯野先見到有檸檬0係入面， 好啦叫個呀姐過黎佢仲好似唔想理我咁 🙂🙃終於都換到杯凍鴛鴦， 但好甜 😅 咩料 ？！ 順便講埋食物 ， 味道其實不過不失正常水準，唯一奇怪係點煎蛋就黎左隻全熟蛋， 如果有下次的話應該要嗌‘太陽蛋半生熟’？ 🤔食物外觀方面， 哈哈⋯ 同其他post 差咁遠0既？ ！ 十

環境裝修都比較年輕 坐得舒服✨推薦俾附近既上班族同學生💗性價比超高 份量好大碟啊(⁎⁍̴̛ᴗ⁍̴̛⁎)蟲草花椰子雞米線🍜 HKD55濃郁既椰子湯🥥 雞好嫩滑👍🏻大家有無食過農米莊呢？估唔到冰室都可以媲美一間食雞米既專門店🤘🏻鮮茄吉列豬扒意粉🍝 HKD60唔係普通冰室果啲比一碟白烚意粉你食🤣蕃茄味濃 吉列豬扒炸得脆🥢意粉入邊竟然有芝士🧀勁量沙嗲牛肉滑蛋三文治配雜果沙律🥪 HKD55依個係我既最愛💗一上碟嚇親 心諗係咪二人份黎🤣包皮都係厚切 材料比得好足 啖啖肉✨最正係沙律菜🥗俾好多 芝麻醬夠撈曬啲菜可以解一解食三文治既膩感🤰🏻椰汁紅豆冰套餐特飲+HKD8華田脆脆 套餐特飲+HKD9

每次行過都想試，加上見到open rice食評同Ig foodie 都高評分推薦！ 所以今日暴風雨前就心血來潮想去試下，天陰陰一定要食高脂肪食物先開心兩個女仔咩都好想試，最後揀左三文治同特別d的米線湯一齊開心share落單無耐就先上 蟲草椰子雞米線 （無轉到加$8要雞髀） 先講湯底，湯底真係幾好飲，有香濃的椰子味，飲完都唔會覺得好重味精雞肉方面，因為我無加錢轉雞髀，而五件雞的部位竟然係不同可以話怪怪地，一件雞胸、兩件雞髀、兩件無咩肉的組合配成！雞肉係普通白切雞，無椰香味，都唔夠滑！米線份量偏少，兩個女仔每人兩到三啖就食完男士我估未必夠。但佢米線係滑身都爽口的！成碗野最出色係個湯底其他都一般其次我地叫左一份沙嗲牛肉滑蛋三文治落單小姐推薦我地加一蚊烘底話好食d沙嗲味唔夠，偏咸牛肉夠滑同淋滑蛋都好食但烘底後都唔脆🤔唔知因為我走牛油定因為厚身麵包加上沙嗲牛多汁關係，搞到無脆感薯條炸得好乾身好脆整體黎講味道算ok，新式茶記都多一種新鮮感。但就未去到令我要高八度音講《嘩，好好食呀》因為近返工所以都會再試，再戰一次三文治睇下烘底後有無脆d

小編係朋友屋企hea完落街醫肚經過一間好光猛新派冰室😍 價錢親民❗️入到去就有卡位坐 好新淨👍🏻食物款式非常多😝 樣樣都好想食✨大家都即刻bookmark去試試💨📍 香脆魚柳芝士炒蛋三文治 ($55）呢個簡直係巨量三文治🥪炒蛋睇相都見到好厚 又滑又嫩🤤魚柳雖然比較薄身 但外皮堅脆好香配埋剛烘好既麵包一齊食💋 有口感又豐富三文治仲跟薯條🍟沙律🥗所以一個人真係食唔哂🤣 重點個餐只係五十幾蚊認真抵食又飽肚❗️📍 招牌咖喱豬扒 ($54）吉列豬扒同咖喱係分開上～塊豬扒係大到cover到成個飯🤣🤣🤣就咁睇落去可能有少少燶 但食落還好好香好脆肉質又唔算太乾😝飯量係多到男大都食唔哂… 咖喱黎講唔算辣👌🏻 入面仲有薯仔🥔撈飯真係一流💞PS 可以揀飯or意粉～📍華田脆脆雪山西多士 ($58）呢到西多係一粒粒上😎 唔使自己切仲加埋華田脆脆+朱古力醬+牛油🧈十級邪惡🤩🤩🤩🤩外表炸到金黃色💛 外脆內軟最驚喜係咬左啖發現係一半麵包一半蛋漿原來係麵包浸左蛋漿先拎去炸🤣所以食落好重蛋香味 甜甜的💋入口唔太油膩 勁推呢個西多🥰必試 📍華田脆脆 ($26）呢杯既優點一定係唔甜！！！！以為佢以華田做底 再加華田脆脆會甜死唔

超鍾意食西多士嘅我 竟然比我喺呢一間搵到超級邪惡嘅華田脆脆雪山西多士 當然要嚟試吓！西多士沾滿晒蛋漿 蛋香十足 炸到外脆內鬆軟 食落唔會好油膩 再配埋面頭嘅華田脆脆同蜜糖 夠晒甜好好食😋

入去攞飛仔，夠大夠空間佢啲三文治嘅款式好有誠意！只可惜返工日日都食包所以見到三文治都唔敢嗌啦佢竟然話可以飽到三點決定下次如果再有機會佢本身想食老闆娘米線，但係真係迫爆所以唯有叫呢個止下癮嚟到嘅時候，個湯底唔熱嘅！啲雞尚算嫩但係完全冇味，仲要附送小烏蠅一隻明顯個紅棗係臨時先落去，因為完全唔淋同極都唔出味。不過算啦，裝飾嚟嘅啫，嚇我唔到嘅個湯底係好飲嘅，椰子味足，鮮甜想要但係個肚冇位老母大人的焗咖喱牛肉飯！老母大人讚佢有炒底因為出邊一般茶餐廳要炒底要加錢但呢一間唔使但伯母彈佢哋點解一舊薯仔都冇嘅？點解一啲洋蔥都冇嘅sorry我都唔知點答佢好凍奶茶，大佬，冇茶味，唔係我鍾意飲嘅凍奶茶，伯母杯凍檸茶佢話合格但係其實伯母嘅準則係一時一樣所以大家可以聽完就算呢碗價錢嘅米線，我出去可以食得更好

今次來到一間位於土瓜灣新盤「啟岸」的茶餐廳，以價位來講，可說是相當高質！食得出餐廳落足心機去做，仲有慢煮霸王雞 😳！多種類供顧客選擇，大家去開都可以試下！🌸🌸🌸🌸🌸🌸🌸🌸🌸🌸🌸🌸🌸🍀二人套餐$198（兩款小菜、兩杯飲品、甜品兩客加配 西蘭花+$38）-招牌霸王雞👍好嫩滑 ！好似咬棉花一樣！店員話原來使用慢煮方式烹調而成！雞皮更是軟滑，雞味相對清新～面頭有蔥絲、紅椒絲、薑絲 ，好colorful 鍾意五青人士好開心！呢款真係超有驚喜！令人口水直流-京都豬排👍頗為入味，腍身，肉質嫩，火喉剛好，亦炒得幾香，面頭微微焦脆，豬排份量不少！入面更有大量桃肉，切得很大片，仲有洋蔥調味，加埋甜酸汁好開胃！+$48 西蘭花口感爽脆，微鹹帶淡淡蒜味，健康不油膩！-阿華田脆脆+$9即使加上了冰塊，味道仍濃郁！沒有偷工減料，面頭加上脆脆！令賣相以及味道不會單調呢-杏仁霜濃郁且澀身，鍾意杏仁霜不能錯過！—————————————————————另外我哋仲叫多咗個甜品，-華田脆脆雪山西多士$38西多士外脆內軟，灑上阿華田粉，亦澆上煉奶，賣相仿似次一個雪山，如果更邪惡的食法，是待牛油融化後，再伴多士吃！內裡都幾柔軟

今日去咗位於在紅磡鶴園街新開冇幾耐嘅春田冰室食Lunch ，冰室裝修型格新穎，有別於一般冰室，而且好多介紹話佢哋嘅招牌炸豬扒非常好食，趁着假期就嚟試吓餐牌好多選擇，冰室推介就係焗飯/焗意粉系列，而家好流行既勁量厚厚三文治，仲有必食推介蟲草花椰子雞米線，食物質素真係非常有驚喜我地點既每樣都好好食，其實仲有一個阿華田西多士都好想食，不過今次唔係太飽食唔到，下次一定會再回訪試吓其他食物👍🏻🍲▪️蟲草花椰子雞米線轉雞髀 $ 63 湯頭鮮甜，淡淡椰香，好好飲，雞我改咗雞髀，雞髀非常入味，鹹鹹香香，啖啖肉好嫩滑，配菜有蟲草，雲耳，紅棗，蔬菜，非常養生，米缐係我最鍾意嘅，粗幼適中，好滑溜，整碗米線非常高質素👍🏻🐽▪️鮮茄吉列豬扒焗飯 $ 60不愧餐廳嘅王牌產品，豬扒仲大過我塊面，吉列啱啱好，好鬆脆唔會過厚，豬扒肉質鬆軟淋滑，而且好入味，讃👍🏻👍🏻，更加出色係佢哋嘅飯底，炒飯底加咗香菇，洋蔥，鮮茄，大量嘅芝士，鮮茄醬汁味道帶濃嘅茄味，絕對可以媲美好多高級餐廳，真係必食推介😋😋🥪▪️勁量三文治沙嗲牛肉蛋配薯條 $ 56依家好流行嘅厚厚餡料三文治，呢度都有得食而且仲有好多花款可以揀，我今日就試咗沙嗲牛肉，多士烘

正所謂十年人事幾番新，紅磡呢十年簡直脫胎換骨😳近年多個重建項目於紅磡進行，由過往唐樓密集變成新樓新街道，差啲唔認得😂位於紅磡廣場附近更開咗間新式冰室，食物保留傳統茶餐廳🇭🇰特色之餘，又增添潮流元素🤓完全展現不一樣的紅磡✌🏻.🍴蔥花滑蛋厚切三文治🥪💰$53目測成兩寸厚嘅巨型三文治😆蔥花蛋炒得好滑身，蛋香四溢🍳午餐肉成1cm厚，口感實在🤓加上脆邊嘅烘底麵包(+$1)，做到外脆內軟👍🏻跟餐仲有麻醬沙津🥗、薯條🍟，即使午餐都好夠飽😚.🍴咖喱吉列豬扒焗飯💰$60即叫即焗，用黃色陶瓷烤盤熱辣辣呈上🔥盤上係勁大塊吉列豬扒，差唔多佔咗成個盤嘅4/5🤪豬扒切落去超脆身，啖啖肉😎咖喱散發濃郁香料味，滲出微微辣度，撈埋底下炒飯食勁正😋炒飯底有洋蔥蘑菇，配咖喱一流😍.🥤咖啡紅豆又想飲紅豆冰，又想飲咖啡，所以就叫😂出奇地幾🤪紅豆份量都幾多又大粒🫘.🥤蜂蜜百香果茶好香百香果味，亦帶蜂蜜嘅滋潤💕整體感覺幾fresh，啱哂配咖喱焗飯👍🏻.不一樣的紅磡下，搵到不一樣的冰室，但仍能保留茶餐廳嘅風味🤟🏻冰室亦有另一道招牌華田脆脆西多士，超想試但夜晚食大餐關係忍咗手🥹下次有機會再去品嚐🤤

復活節一連四天假期，四周街道都好多人，正在是下午3點幾時份，在土瓜灣舊區開了不少餐廳，剛看到一間新開的茶餐廳，從外面看起來都幾企理，所以吸引了我們排隊試食下這間「春田冰室」，門外有5、6個人等緊位，我們等了10分鐘才入座，店中都有常餐、三文治、茶餐、焗飯、咖喱、粉麵等......價錢都合理，食物上枱都不算太慢，以下是我們點了的食物......🥪🍳蔥花滑蛋厚餐肉三文治套餐($53)本身有雜菜沙律配胡麻醬～另外可以選擇薯條或雜果沙律，夠晒勁量，餐肉微微脆口，蔥花炒蛋勁厚又多蔥，而雜果沙律加了粟米粒及紅腰豆，沙律都好新鮮。🐽🥗吉列豬扒配沙律($38)(下午茶)~雖然看起來好大塊，未見過塊豬扒那麼薄身，同時炸得個火喉猛太燶，口感較實又乾柴，而且好多油，切了一件來食已經想放棄，那麼大塊豬扒但碟邊的沙律醬少得真是好可憐，最後都要問服務員拎多少少，不過那位男服務員都好效率給我們一碟沙律醬。🧈🧇花生醬西多士($34)(下午茶)~看起來食炸野真是好晤穩陣，個塊牛油先係焦點，半塊三角形的牛油真是細片仲要超薄,感覺好吝嗇，塊西多士炸得好燶。餐飲點杯熱奶茶都夠熱有茶味，不過服務就真是晤多友善，見有些客舉手好耐

「鵝悶是快烙滴好耳痛　鵝悶天天一起個窗」呢間春田唔係幼稚園，而係土瓜灣與紅磡之間的一間「春田冰室」✨唔係賣豬腩肉，但焗飯、三文治、西多士樣樣都有🤤仲好吸引🤫實物賣相比餐牌上的圖片還要更加吸引🥪 勁量咸牛肉芝士滑蛋三文治（$53）賣相勁吸引，超過成吋厚的滑蛋，與咸牛肉的味道配合得剛剛好，蛋內還夾雜著芝士，配上已烘底的麵包(+$1) 讚 👍🏻 而粗薯炸得夠脆而不油🍴 咖喱吉列豬扒焗飯（$60）吉列豬扒極脆，外皮炸粉夠薄🤤咖喱香辣，炒飯底加入了洋蔥及菇，整體亦不油膩🍞 粒粒華田脆脆雪山西多士（$32）呢個太吸引，食飽麵仲想叫一份試下🤩見到真係嚇一跳，真係成坐山咁高😂西多粒粒飽滿，外脆內軟，用了法式製法，先用麵包浸滿蛋液，然後再炸，最後再灑上阿華田及牛油🧈極之邪惡😈一淡入口充滿蛋香，媲美大澳餅店的炸沙翁😙麵包只吸滿蛋漿而不吸油，整體亦只是微甜💕🍹 椰汁紅豆冰（焗飯+$11）椰味重，紅豆夠淋夠甜🍹 蜂蜜百香果茶（三文治+$9）百香果好香，蜂蜜個人覺得多左少少，所以問侍應拎左杯水加落去就岩岩好❥ 炸物出色

#港式eatcovery #紅磡eatcovery💡有驚喜的冰室🥰早前有朋友介紹過呢間新開冰室，所以特登走過去紅磡食，裝修都比較新同空間感舒適，而且用上落地玻璃，所以太陽自然光可以穿入黎，令到店舖好光猛🌞🍽蟲草花椰子雞米線🐔一放上枱，已經聞到好香椰子味🥥，湯底非常清甜，濃郁得嚟唔會油淋淋，好香奶香味。雞肉夠哂嫰滑，仲加錢轉左雞脾🍗啖啖肉，份量都幾多，而米線係比較腍身，加埋蟲草花同黑木耳，感覺上更健康😍👍🏻推介！🍽咖喱炸豬扒飯🐖吉列豬扒係呢度嘅招牌，豬扒真係大過塊面既，好震撼。豬扒炸得好出色，用上了好薄麵包糠，好香脆😋完全無油膩感覺。而馬來咖哩又係另一賣點，好香咖哩味，又帶點辣，咖哩汁入面放左炸薯角同青椒及洋蔥，吸曬咖喱汁，好惹味😋🍽粒粒華田脆脆雪山🏔️西多士呢個真係好吸引，西多士除咗有牛油同煉奶外，表層仲加左好多阿華田粉，當牛油融左之後，完全滲入左西多士，令到感層感即刻昇華左。西多士口感比較鬆軟，邪惡得黎又好食❤️🍽紅豆奶茶☕️奶茶茶味香濃，飲落夠順滑，紅豆多得黎非常綿，正!🍽薑蜜飲落夠曬暖胃，又唔會太辣，岩岩好👍🏻