Video
Read full review
2022-11-07
275 views
喺油麻地攞完貨，就見到地鐵站附近有間好耀眼嘅小店「春禧堂台灣料理餐廳PLUS」。佢簡直係漆黑中嘅螢火蟲💡，因為喺鬧市中心無啦啦有個半開放式嘅打卡位置。餐廳主力做外賣生意🥡，不過同時喺隔離舖設有一個堂食區。呢度裝修非常有心思，有一大幅花花牆🌸同埋大大個月亮座地燈🌙。除咗環境靚之外，外賣餐盒更加係令人眼前一亮，🌈色彩繽紛嘅圖案畫上台灣地標同美食，真心靚到唔捨得扔。食物即叫即整，菜式選擇都唔少，價錢合理。紅燒腱心牛肉麵($48)，唔好睇個碗好似唔大，但其實份量都幾多。🍖牛肉麵湯底係純牛骨湯，味道濃郁，唔太鹹，帶少少藥材味，而且仲有酸菜作伴。🐮牛腱肉有三大嚿，筋肉比例得宜，食落有彈性。雖然湯麵無分湯上，但台灣麵麵質有一定韌度，拎到返去都無發脹🍜。鹽酥雞粒滷肉飯($45)，呢個飯可以一次過滿足兩個願望，試晒鹽酥雞同滷肉飯。🐔鹽酥雞炸得幾香口，但細粒咗啲；滷肉飯好邪惡，肥膏炆至入口即溶，配飯食啱啱好🍚。滷水雞翼($30/5隻)，🍗雞翼滷得好入味，唔係得表面層皮上咗色。滷水汁鹹香味濃，雞翼肉質軟嫩，而且無諗過連墊喺底嘅椰菜，索咗滷水汁都幾好食。經典蚵仔煎($38)，🦪蚵仔煎大大份，用料唔孤寒，有好多
喺油麻地攞完貨，就見到地鐵站附近有間好耀眼嘅小店「春禧堂台灣料理餐廳PLUS」。佢簡直係漆黑中嘅螢火蟲💡，因為喺鬧市中心無啦啦有個半開放式嘅打卡位置。
餐廳主力做外賣生意🥡，不過同時喺隔離舖設有一個堂食區。呢度裝修非常有心思，有一大幅花花牆🌸同埋大大個月亮座地燈🌙。
除咗環境靚之外，外賣餐盒更加係令人眼前一亮，🌈色彩繽紛嘅圖案畫上台灣地標同美食，真心靚到唔捨得扔。食物即叫即整，菜式選擇都唔少，價錢合理。
紅燒腱心牛肉麵
$48
12 views
0 likes
0 comments
鹽酥雞粒滷肉飯($45)，呢個飯可以一次過滿足兩個願望，試晒鹽酥雞同滷肉飯。🐔鹽酥雞炸得幾香口，但細粒咗啲；滷肉飯好邪惡，肥膏炆至入口即溶，配飯食啱啱好🍚。
滷水雞翼
$30
5 views
0 likes
0 comments
經典蚵仔煎($38)，🦪蚵仔煎大大份，用料唔孤寒，有好多隻蠔，而且亦唔腥，配上海山甜辣醬食，口味正宗。但呢客蚵仔煎木薯粉比例高，食落比較黏身，略嫌唔夠香脆。
飲品方面🥤，我哋要咗芝士奶蓋火龍果茶($38)同黑糖珍珠鮮奶($32)，兩杯各有特色，口味大不同。紫紅色嘅火龍果茶用上新鮮果肉攪拌而成，無落太多糖，較清淡，健康之選💜。黑糖珍珠鮮奶固定甜度，甜得嚟令人好上癮，而且奶香細滑，珍珠Q彈🥛。
總括嚟講，呢間台式小店各方面都OK啵👌，食物水準平均，菜式全部都係台式嘢，再加埋整個店舖設計，真係令人好想去台灣旅行呀🇹🇼。
Post
