眾志堂

Open Now

Now Closed

第一次食眾志堂樓上嘅食物，上面主要買日式嘅午餐同埋台式嘅飲品，但多數人都會喺樓下食飯，因為下面嘅飯嘅款式比較多亦都比較平。之前有提到好多男士都好鍾意食特價飯，所以樓下午飯嘅時間係長期爆滿嘅。今次我哋嚟到樓上，除咗霸位易啲，午飯嘅質素亦都好啲份量亦都多啲。例如我哋叫咗個日式咖哩吉列豬扒飯，佢啲飯係珍珠米，飯嘅份量亦都比樓下多啲，除咗吉列豬扒外，佢都俾咗半塊豬柳我哋，由於份量都算大，所以我同朋友share左一碟嚟食。另外，亦都叫咗碟豆花鮮奶。從來都未試過飲呢一款飲品，佢隻藍色真係好靚，叫咗3分甜但係飲出嚟嘅感覺好似半糖咁。

去到大學飯堂餐廳，這裡的名菜是頹飯，最近流行叉雞飯和凍檸茶，一定要大聲叫。電子餐牌，收銀八達通找數，燒味食品先去一號櫃位 ，然後要去另一個三號位攞凍檸茶。叉燒有點硬，大學飯堂來說，不完美；切雞是雞髀，多骨，有誠意，可以接受；白飯加太多油和太多豉油，有改善空間。$29一個飯，要求不能太高。

如果上堂時間得一個鐘嘅話，好多中大嘅同學都會揀去眾志堂食飯，餐廳入面亦都坐咗好多做地盤嘅男士同埋外國人。佢唔止地下果層有嘢食，去到樓上嘅話仲有日式飯同埋珍珠奶茶等等各式各樣嘅台式飲品賣。我哋試咗個特價飯，可以配搭好多唔同款嘅食物，例如午餐肉、煎蛋、火腿、腸仔等等，其實撈白汁食都唔錯㗎。除咗白汁之外，仲有蒜蓉汁同埋黑椒汁揀，之前試過食黑椒汁，不過就非常辣，辣到完全遮蓋左黑椒味。我諗緊返白汁同蒜蓉汁就最安全啦。

難得有舊同學係澳洲返香港渡假我地約左返去中文大學重遊舊地畢左業咁耐 原來起左好多新書院聽聞新canteen 都有返咁上下水準但係老人家總係鍾意懷緬過去一下所以我地返左去位於山腳既眾志堂我地兩個都係叫返以前最常食既野我就叫左眾志堂出名招牌菜- -頹飯以為頹飯真係頹？咁你就太天真啦頹飯之所以叫頹飯 其實只因為好平想當年我地成班同學落堂去食飯十個有七八個都會叫頹飯--窮人恩物除左價錢外 其實食法都係超級頹廢用一支叉 配合一隻手已經可以食曬餐廳因應時代既進步 都裝修左潮左但室外位置冇變 照舊欣賞到未圓湖不變既仲有頹飯既風味 係青春味道火腿 午餐肉 腸仔 雞蛋 可任選其二配以粟米汁 黑椒汁 茄汁或洋蔥汁今次我叫左黑椒午餐肉煎蛋多飯各位千其唔好睇少多飯呢兩個字筆者年少時曾是大學運動校隊隊員每次訓練完 隊員們男男女女一齊食飯男隊員正值第四期發肉時期 尤其大食叫多飯 姐姐都會豪不寒辜咁加飯大家食完飯都會能量滿滿練習去開心到唔記得影相講返個飯 午餐肉依舊厚切 口感札實而雞蛋就煎到有溏心既感覺 不得了雖然黑椒汁成日都食到 但其實好考功架呢道既黑椒汁絕對唔係得個辣字而係一入口就會感覺到果陣濃郁既黑椒香味有去

在上個月2019年4月19日星期五📅的復活節長假🐰🐣。午飯時間來到香港中文大學📖💜💛的眾志堂，這里雖然是一座大學禮堂，但是同時是一所飯堂為同學提供膳食。當天和自己的什工姐姐👷👩一同來到這里午飯。自己order一份冬陰功火車頭🚂河粉以及熱菜蜜，當天謝謝姐姐請我吃午飯。🙇冬陰功火車頭河粉，一份售價大約二十七元。而且非常超值，湯底太油膩，但是扎肉及牛丸🐮非常彈牙和爽口，湯底用上泰國🇹🇭及越南🇻🇳的配料製作，河粉用上幼身的河粉，而且非常爽滑。

回來中大食飯，食的不是食物，而是回憶。 因為食的是回憶，所以即使到今時今日已經工作，沒有如學生時拮据，我還是叫了最便宜的頹飯。我那個時候，一碟頹飯十元港幣，就白飯，午餐肉，廚師腸，雞蛋。要飲料是要加錢的，所以我一般都不要。身邊的同事說，現在頹飯賣十二元五毛。我笑了，這好幾年變遷，人情變了，工作變了，社會也都很不一樣，這小小食堂就加了二元五毛。社會這幾年去了一趟地獄，就都沒有回來過。中大的朋友好多都已經移民，不移民的，沒有不被磨掉心志的。我不敢說人生其實就是如此，畢竟我還是年輕的。只能嘆物極哀，不論是生活還是生活其實都很困難。以前是不明白的。現在明白了，但不願意相信。我希望中大的食堂永遠不變，就是這樣。

餐廳：眾志堂 (沙田)地址：沙田香港中文大學崇基眾志堂係香港中文大學食飯，除咗善衡書院餐廳外，令一間比較常去嘅係眾志堂，眾志堂位於中大嘅山腳位置，係未園湖旁邊，坐係室外仲可以欣賞埋未園湖嘅美景，欣賞中大自然之美。下午一點幾，係餐廳嘅繁忙時份，一個人食飯嘅好處就係唔使咁難搵位，以往食開雙餸飯，今日見到有個平平地嘅葡汁魚柳飯($23)所以就諗住試吓。一貫我嘅作風，午餐當然要叫多飯啦，不過呢個飯就唔包任何嘅嘢飲或者湯喇，所以亦都係點解我鍾意善衡書院餐廳多啲，因為基本上佢都會包埋湯或者飲品。呢個葡汁魚柳飯極其量得五舊細嘅魚柳，其他都係汁同雜菜為主，簡單啲來講就好似汁撈飯咁，味道就唔差嘅，不過我覺得呢個飯連$23都唔值囉🤔如果可以多番幾舊魚柳都話好呀🥺不可一不可再，唔會再叫呢個飯食🙈

下午先係山腳上堂，早早返到中大，決定去CC Can嘆個早餐先。十點半左右，Canteen都仲係好空，平日鍾意食麵既我，叫左個自選粉麵餐，但雪菜肉絲同米粉都無曬，於是叫左個沙爹牛肉腸粉通粉，加杯奶茶，都係十八蚊！真係抵到爛！可能真係最近校園都太多遊客啦，所以係收銀要出示學生證。碗通粉大碗得很，牛肉腸仔都好足，牛肉都好鬆軟，幾好味，整體黎講都正正常常。但環境方面，CC CAN既衛生不嬲都一般般，枱面都幾污糟幾油，同埋又無開風扇，都好局下，建議坐出去食，可以吹吹風，嘆下個景。

CU既飯堂食得最多既就係頹飯。(喇沙干炒雞柳河粉$34，蝶豆花鮮奶-半糖少冰$18)喇沙干炒雞柳河粉：河粉入口非常夠鑊氣，而且河粉本身加入左喇沙去炒，所以入口都辣辣地咁，非常惹味。另外，河粉入口既質感亦都唔算太油膩，而且河粉本身加入左蔥同芽菜去炒，所以亦有助消除油膩感。雞柳雖然就無乜喇沙味，但都算醃得夠鹹夠入味！加上雞柳口感又爽口又滑，只可惜雞柳既份量實在唔多。整體來講呢一碟河粉真係性價比極高，依家諗返起都垂涎三尺。蝶豆花鮮奶：呢杯茶飲顧名思義就係加入左蝶豆花汁同鮮奶去製作。蝶豆花本身冇味就係人都知，所以其實佢只係得個顏色出咗黎。加入鮮奶就變咗顏色夢幻既Tiffany Blue。飲品入口有好重既奶味，比十字奶更香。真係完全估唔到店舖用咗邊隻奶去沖。再者，飲品每一啖入口之後都會有一浸怪味，正正就係大快活D飲水杯果隻味。整體來講接受唔到果隻怪味，所以飲品真係非常一般，可能下次真係要試吓其他茶飲。

係香港食個有包有粉面既早餐最少都三十蚊，但係眾志堂，只需要二十蚊就可以食到一份份量十足既早餐，絕對係學生既福音！番茄通粉 ＋ 火腿蘑菇奄列 ＋ 方包 ＋熱飲 ＄20  呢款早餐係我既至愛，大大碗既番茄湯通粉，仲有火腿絲係上面，誠意十足！（雖然佢話係鮮茄，但唔見得有幾新鮮，但係成個餐＄20，你想佢比到鮮茄你，你都應該唔敢食。）至於奄列，同樣係大大份，有火腿同埋蘑菇，絕對落足料！每一次食完呢個早餐，都一定飽到下午茶，絕對係價廉物美之選！

眾志堂一向都係中大學生嘅食嘢好地方， 下午茶有珍珠奶茶又有各式多士可以任君選擇， 不過我最鍾意嘅都係午飯時候嘅燒味飯， 燒腩飯嘅燒肉好好食， 皮非常鬆脆， 叉燒亦都有足夠嘅脂肪唔會太瘦太硬， 係喺中大食嘢嘅好選擇

兩點半緊係要食番個下午茶！黎到cc can，叫左個吉列魚薯條，加左杯凍朱古力，都只係二十鬆d，比出面平好多。吉列魚炸得幾好，唔會太多炸粉搞到口感差左，薯條就普普通通，但整體好抵食！

CC can 非常抵食仲要好好味 特別係佢嘅奶醬多好脆口仲要係一分唔係半分都只係$6 另外呢度嘅燒味飯平時午餐都唔錯 不過一定會大排長龍 所以建議早少少11點幾就可以過去排隊

幫朋友去圖書館還書, 順便O係附近覓食!圖書館行前少少見到眾志堂, O係menu度見到D比較新穎既野食, 亦有珍珠奶茶飲, 所以就上左樓上O個層.好彩過左lunch time, 唔算太旺.不過就有好多人買野飲.我就叫左個雞肉烏冬.雞扒係炸既, 如果另上會比較好..味道OK, 不過如果係男仔食既話, 未必太夠飽.再加左一杯珍珠雲霧黑糖鮮奶, D珍珠口感唔錯, 黑糖味唔算太出, 撈勻之後, 只係飲到好淡既黑糖味.不過都叫過下口癮~

油雞不錯！ 肉質都夠滑，而且師傅仲好好俾左成隻雞脾給我！ 但味道就淡左小小，慣左重口味的朋友就要叫師傅俾多d 薑蔥啦！ 次次都要負皮個飯，又唔熱 又乾 一舊舊咁！ 不過$26蚊，所以就冇咩要求！ 另外就是所有食物都不包飲品，要另外加錢的！ 算是眾志最不伏的選擇了😂😂😂