忠記咖啡屋‧私房菜 (Moved) New Location

私房菜給人的感覺好像很高級很講究，但原來是家家不同。這裡的菜就有些失望😞。頭盆的兩小碟還不錯，最後的甜品和水果盆也很漂亮，但中間的主菜是強差人意，特別是火燄豬扒。

一年一度和幾個好友聚舊，選了這個套餐，最低消費是六位，每位$388，但我們一行五人，都是計六位價錢！盤滿砵滿南非鮑魚撈起宴🍡砵滿五小碟－鴨舌、菠蘿子薑、酒漬番茄、大豆芽和香酥雞粒🍯和風芝麻醬雞絲黑豆腐🍴原隻南非鮑魚長腳蟹柳齊撈起🍵猴頭菇花膠燉老雞🌮宮廷香煎素燒鵝🍤蒜蓉牛油大虎蝦🍗大漠風沙乳鴿皇🥗黑蒜子松花皮蛋浸時蔬🍥生拆蟹肉金銀泡飯🍰義大利芝士餅🍮芒果凍布甸菜式豐富，手工精緻，賣相一流，我們被安排在廂房內，私隱度高，高談闊論都不影響他人，侍應還不時入內服務我們，講解食物的做法，可算賓至如歸。因為這個餐的份量是六人份，我們基本上是吃不完的，所以選擇了打包剩下的食物回家去

上次在銅鑼灣食早餐食到一肚氣，経友人介紹，今天摸上此店嘗嘗！地方不算太，但頗光潔明亮的，亦有多部電視播放新聞，坐得亦舒適！早餐點選了蕃茄湯底通粉，可以，自由點配其他餸菜，揀左沙嗲牛肉，及煎疍！熱奶茶！蕃茄湯夠濃郁，鮮味，沒有味精，通粉索飽湯汁，超好味！牛肉也很不錯，夠嫩，煎蛋恰到好處，無過火，無老！奶茶size剛好，茶味夠，滑，熱度夠，正！係非常滿意的早餐！物有所值的！另外，招呼好！

過去曾去過西灣河忠記， 食物質素不錯。 於銅鑼灣行街發現開了一間分店， 決定上去醫肚。11:30左右上到去人不算太， 點了炸雞髀沙律, 特餐(類似All day breakfast)及通粉餐， 炸雞髀質素不俗， all day breakfast 的份量也足夠， 質素可以。 惟獨通粉遲遲未到， 12:30還未有， 向伙計查詢。 10分鐘後未見再向另一伙計追， 換來的卻是極其惡劣的回應。又說人少， 又說我們叫的要時間( 不知為何通粉要1小時)， 結果我們說不要了，埋單走人。(p.s. 同時間另一枱客問個位態度惡劣嘅阿姐， 大概要等幾耐， 阿姐說保證唔到幾耐， 仲說廚房第一日返工， 食物質素都無保證， 結果個枱客即走)

放左工，行到銅鑼灣搵朋友。夜晚無嘢做朋友就講不如就去忠記食飯。我地叫左個2人套餐。三餸一湯。呢度給我感覺就係樸實味道的家常菜。食物味道及火後都拿捏得好好！回味蜜桃咕嚕肉估唔到鳳梨轉左蜜桃都配搭得好好。咕嚕肉食落啖啖肉，外層脆口，內裡肉質夠嫩，酸甜適中，十分開胃。椒絲腐乳通菜通菜保持爽脆的口感和青綠的色澤，腐乳調味恰到好處，又夠鑊氣！豉汁蒸盲鰽盲曹鱼少刺，肉嫩滑清甜又鲜美无比！蒸嘅時間火候控制得啱啱好！

我哋呢班銅鑼灣金融業打工仔，午餐時間只係得一個鐘，所以茶餐廳基本上是我們的唯一選擇！忠記係我喺銅鑼灣眾多茶餐廳裏面最喜愛的一間， 感覺員工人情味濃夠親切, 食物味道亦非常不錯,最愛飲每日例湯!今日同兄弟撐枱腳,一人叫一個午餐,佢叫個摩羅炒飯，我叫左個豬頸肉炒公仔麵！ 份量幾大碟, 炒粉麵飯鑊氣亦夠, 味道夠香夠濃口感非常唔錯！ 埋單六十蚊唔使一般茶餐廳價錢算係咁啦！餐廳內貼有私房菜餐牌， 菜色非常吸引 ，下次希望約多D朋友提早book位可以一試他們私房菜菜式!

中午吃得比較随便，就来個餐肉煎蛋飯。来了，伙記：吾系我叫喎？原来不是碟上，是煲上。蛋香撲鼻，鱼籽蓋面，煎香的厚切午餐肉，加上豉油和熱辣辣嘅白飯；就演奏出不一样的交嚮樂。再来一个九層塔干炒牛河，從傳统走出特色，讚👍。

大部分茶餐厅都有咖哩系列：豬、牛、雞。一般都是肉汁分开。上菜時才把汁淋上。所以汁冇肉味，肉冇汁味。今天看看这碟咖哩牛腩又如何？上台：颜色豐富，汁成金黄色。用的是牛筋條，带点肥，夠口感又入味。應是跟咖哩一起煮了多个小時。配菜：厚肉燈籠椒，大大舊薯仔，肯落本。但應該是為了保持不太淋，所以落單才下鑊跟咖哩煮，不能溶入咖哩中。最後咖哩汁：香料和辣味不夠，可能是迎合香港人奇突口味“吃辣要少辣，吃甜要少甜”。总体还是令人满意。

幫襯多年，一路貫切自己風格的餐牌。例如：大碗飯，指天椒炒飯/干炒牛河，自家芝士蛋糕，....今天午膳就叫咗个上海云吞和冬陰功海鲜炒米。大大粒云吞，皮薄，略廉味道淡了点。取名冬陰公只是標榜辣味，原全没有任何冬陰公影子。米粉炒得乾爽不油膩, 海鲜有鱼塊，蝦，鱿鱼和蟹柳。但蝦和鱿鱼没有味道，要扣分。最后来杯即磨咖啡，光睇隻杯就知老闆有個性！

上到嚟，嚇一嚇😅 乜啲檯咁逼，啲櫈爛嘅，個廚房喺正張檯隔離嘅？呢幢大廈入面嗰啲餐廳唔係呢種類型㗎喎！不過算啦，3點幾都可以坐滿人，今日又得一個人食，試吓囉海南雞飯 ($66)好快就有得食了。得4件雞，不過係雞脾肉，雞味冇乜，但都算滑溜；食得海南雞飯預咗肥，呢個雞飯雖然粒粒分明，但就完全冇味喎，唔多掂噃；例湯係好typical茶餐廳嗰種例湯嘅味道，偏鹹但好在唔油膩呢度嘅環境已經唔係最驚喜，最驚喜嘅係食食吓飯期間，聽到有個人講咗幾次“你XX”，擰轉面望一望，係店員嚟㗎喎！老實講如果呢度唔係喺渣甸中心入面嘅話，我會話環境、服務及食物質素唔算太差；但我行得入呢幢大廈搵嘢食，我嘅要求自然會高咗，咁其實下次我去地舖啲茶餐廳食都可以，唔洗專登上嚟了

Local dishes with nice environment and very good bargain Pan fried pork-cake - very juicy and crispy Stir fried beef and shrimp - the first time having this combination, the beef is tender like sirloin but the shrimp isn't too fresh Vegetable meat soup - sweet and with lots of carrotsSpicy Hainan chicken - love the mala sauce and the boneless chicken is very meaty and smooth Ox tongue - the portion is pretty generous as an appetiserSticky rice - it's stirred fry from raw, so it's very chewy !! S

收工遲咗，去到銅鑼灣已經9點幾，唔想在外流連，搵間餐廳外賣飯盒，呢間之前食過，後來搬咗來而家嘅位置，都係第一次上來，𨋢口好窄， 入內中菜廳格局，店內只有半滿，自己行去收銀落單，叔叔收咗錢叫我坐低等，好快包好比我，仲好好咁叫我下次打定電話落單先，到時可以唔使等！ 回家打開，膠盒可以入微波爐，方便加熱，每款食物分開盒，唔會撈汁！海南雞飯套餐（$60） 海南雞：切件雞肉大份量，雖然雞胸唔太嫩，不過味道幾好，三款醬汁（黑醬油、酸汁、薑茸）最喜歡黑醬油撈飯，酸汁點雞開胃，薑茸太少蔥唔鍾意！伴碟嘅酸菜（紅/白蘿蔔絲）好開胃，墊底嘅椰菜太硬 雞油飯：飯索晒雞湯，雖然略濕，不過煙韌，有啲似糯米！好味 中湯：老火湯煲得濃，奶黃色，香甜好味！外賣一個好選擇！放耐都可以食！

忠記食午飯一黎近，二黎好味，三黎大碟同朋友去左食，叫左兩個餸，有湯同飯免費的，熱飲加$3，好抵食叫左個蓮藕食，朋友介紹，炒到出黎好香，食落去第一啖好有獲氣好有咬感好翠，但食到最後我覺得油太多第二碟係比較清嘅娃娃菜㷛，我自已好鐘意食，因為比較清，面頭有啲冬菇，啲冬菇先炒過後放上去，好正