松記糖水店 (Closed)

Fat Brown 細細個已經開始幫襯松記咖喇，記得以前同幾個同學仔放學後去食糖水的場面真系好懷念是日系銅記食完晚餐，想食個糖水做個完美的ending 搵吓又黎返兒時嘅回憶-松記裝修依舊，最愛嘅甜品都仲喺度咁多年來咁Menu都冇乜變，只系多左新嘅甜品Fatbrown 系芋圓控，一見到呢個雪糕芋圓仙草凍就俾佢吸引左松記嘅價錢咁多年來都依然係經濟實惠，都係有20幾蚊去到40幾蚊不等好似呢個先儲到都係36蚊咋<雪糕芋圓仙草凍$36> (好味:3.5/5) (抵食:4/5)睇下實物先，同圖都似嘅八粒芋圓每一粒都浸過蜜糖，甜甜地、幾好食架但略嫌有啲硬，食完有啲un胃仙草凍份量都幾多，同出邊食嘅差唔多至於紅豆就差啲，得好明顯係未煮熟嘅粒粒都好硬，麻麻地<雪耳津梨海底椰$35> (好味:2/5) (抵食:2.5/5)看似養生，實質係大伏嘅一個甜品朋友近排養生，點知就中曬伏海底椰白雪雪冇味，雪梨都係冇味嘅，糖水就真係糖加水，總之味道就係同圖一樣咁伏喇下次黎松記都系嗌返啲正常甜品喇

以前讀中學果陣成日去，果陣質素幾好，價錢又ok。但呢幾年發覺無以前咁好食，但還是會繼續去。上星期試左芋圓，因為上大陸食鮮芋仙好遠，諗住試下本地作品，我覺得還可以啦，但無乜咬口架咋，for過下癮only

松記糖水店 (銅鑼灣)銅鑼灣堅拿道西15號永德大廈地下G13號地舖銅鑼灣同朋友飯聚過後，想揾甜品糖水食，經過呢間松記，一於試吓😂-🔸心太軟配朱古力雪糕球自己叫咗心太軟配軟雪糕🍦雪糕有唔同口味可以揀 今次就揀咗朱古力味一於朱古力到底😛呢度甜品製作需時心太軟啱啱焗起仲有啲温度♨️一切落去流心😋濃郁嘅朱古力醬配上朱古力蛋糕呢個組合實在太正啦 再加上朱古力雪糕球三倍朱古力嘅誘惑真係抵抗唔到🥰推薦！店裏仲有其他唔同嘅港式甜品 中式同西式都有價錢尚算貼地 質素不過不失 可以話係大眾嘅甜品店😁

不過不失既一間糖水店，本身去到已經好多人排隊，要等左大約15分鐘先有位入。味道唔錯，正常水準，不過勝在款式夠多，可以揀。但環境逼左少少，坐得不太舒服，食完也好快離開。

通常去親銅鑼灣聚會 除咗食晚飯都一定會食糖水做個happy ending 位置喺銅鑼灣街市附近，已經係一個地標食完晚飯一定會見到人龍喺度排隊環境👌🏻店舖呈長條型，位都幾多下但略迫人多嘅時候會有啲嘈食物傳統糖水好似中式糖水、燉品同埋新派甜品好似雪花冰、雜果涼粉佢都有朋友叫左陽枝金露, 都幾足料, 我就叫左鮮奶燉花膠+芋圓芋圓好煙un, 鮮奶味都好濃不過花膠有d小...糖不甩係送架!花生味超香正啊!

喺銅鑼灣同朋友食完飯 ,雖然都已經成10:30,但一定要續攤啦! 喺附近其實都有幾間糖水舖 ,喺銅鑼灣松記算係幾抵食 !外面排隊都好多人,但我哋等咗一陣就入得去喇 !家鄉糖不甩 $20評分4/5好耐冇食咁中式嘅甜品 ,都算幾抵食,又唔係太甜 !紫薯芋圓仙草凍 $34評分:3.7/5原來中式甜品嘅仙草係涼粉 , 應該係我太天真。涼粉我真係一般啦 ,而且佢個汁偏小 ,唔夠囉買涼粉一齊食,有d苦。芋圓幾煙韌但冇乜味。呢紫薯蓉就唔錯 ,少少甜 ,幾香。

我常去佐敦的分店，始終覺得此分店是眾分店中最好水準的今天，去銅鑼灣分店，地方頗舒適點選： 芝麻杏仁糊湯圓 $36芝麻糊，杏仁糊各一半，兩者味道出奇地配合，互不搶味。芝麻及杏仁夠香滑可口！加上湯圓軟棉棉，好好味！原來此分店，全日送糖不甩2粒，不錯！

我今晚決定比多一次機會比佢,點知結果都係失望，上次吃紅豆沙已經覺得係紅豆水，今次order 紫米豆腐花從末試過吃甜品是無味，係無味呀豆腐花好水再加上無味的紫米露，我絶對覺得不用浪費時間同金錢已經比了兩次機會。香港越來越少好的糖水店

#松記糖水店 (銅鑼灣)銅鑼灣堅拿道西15號永德大廈地下G13號地舖-----生磨芝麻糊加芝麻湯丸（$31）-😝個名叫生磨芝麻糊 點知個質感真係好生磨😂無論係芝麻糊 定係芝麻湯丸ge芝麻餡都有種類似好沙ge西瓜個種沙沙地ge質感 中意ge人 會覺得好有口感😂唔係特別中意ge人 會覺得根本就係未磨夠 😂質地唔夠幼滑 而b仔就係後者啦～我都係中意軟綿綿 滑溜溜ge芝麻糊多d🤷🏻‍♀️除左質感之外 芝麻味亦未算濃郁 無咩事應該夠都唔想食多次-----👶🏻B仔整體評價：4/10個👍🏻👶🏻B仔抵食程度：4/10個👍🏻👶🏻B仔環境評分：4/10個👍🏻👶🏻B仔味道評分：4/10個👍🏻👶🏻B仔回頭機會：2/10個👍🏻-----#IG：swallowhongkong跟住我一齊吞食香港啦！#swallowcwb

食完正餐想食下糖水 一出時代行幾段路就見到呢間糖水鋪 等左一陣就入座 點左三款甜品 好快上到枱 個人鍾意食綿花冰 推薦芒果綿花冰 可以自選配料 口感唔錯因為太多人既關係 食完就要讓位比其他人 如果想坐下吹下水就唔得了

食完晚飯之後見時間尚早，於是轉戰到糖水舖食埋甜品先返屋企。叫左鮮芒雪糕黃金酥，等左大約十幾分鐘先到，店員解釋因爲係即叫即焗，而上菜既時候的確係好熱，熱到附近既雪糕都融融地。食個黃金酥果時一切就碎，好脆，見到無層皮都好薄，配埋雪糕一齊食一熱一凍好特別。雪糕方面係我鐘意既曲奇味，食到一細粒粒既曲奇添，而芒果好甜，唔太酸原來夜晚去食仲送糖不甩，煙煙銀銀好好食，旁邊仲有花生粒可以點，有多一個唔同嘅口感

松記甜品我相信大家都聽過 佢哋嘅分店基本上到到都有 今次同朋友去完銅鑼灣玩夜左諗住喺附近搵間甜品舖食就嚟咗呢度啦同其他地方嘅分店比呢間鋪頭價錢比其他松記貴好多可能係因為地點問題啦！ 個人每次去松記都一定會叫佢嘅紫薯乜乜芋圓乜乜 今次去到亦都唔例外啦 叫咗一個紫薯芋圓仙草 食落去芋圓其實都幾好食 唔係淨係得個甜味佢嘅紫薯同埋仙草亦都可以接受 因為比較唔係太鍾意食非常甜嘅嘢所以覺得佢紫薯同仙草嘅甜度啱啱好 整體來講松記都係一個幾出色性價比幾高嘅甜品店 不過銅鑼灣呢間鋪頭價錢就真係比較貴左少少了

I love this dessert shop! The place is not fancy but who needs decorations when the menu at this place is as extensive as this. Even the walls are covered by the photos of the dessert dishes. Though the place is crowded, the turnover rate is fast so even with a queue, you won’t have to wait for long. They offer a series of sweet soups and HK style desserts, ranging from traditional kinds such as sesame soup or sweet dumplings to ones with jelly, icre-cream and fresh fruits. A lot of the dishes

冬日裏，總係要覺得食中式糖水暖胃。人總係貪心嘅得一想二，呢間糖水鋪識做生意，首先送你兩粒糖不甩，免費嘅嘢質素都可以係唔錯嘅，糖不甩煙靭大粒，糖同花生說九度，口感一流。紅豆沙配椰汁香滑，紅豆甜味冇被掩蓋，咁難得係有芋圓在裡頭，食過煙靱糖不甩，芋圓就相對地無咁彈牙，有點比下去了。

昨晚係銅鑼湾希雲街食完晚飯，見時間尚早，而且又不是太飽，朋友提議食糖水。我話我想食傳統糖水，於是醒起去銅鑼湾近鹅頸橋松記食碗糖水。食完飯當散步行左十五分鐘先到松記。當時係晚上八點，可能時間尚早，好多人仲食緊晚飯，整間舖祇有二枱客，真係冷清清。我哋叫左二碗糖水，合桃糊芝麻糊及紅綠豆沙湯圓。未到糖水就免費送碟糖不甩。糖不甩每人一粒，好大粒好軟滑，配上花生碎食，好正。杏仁芝麻糊好有杏仁芝麻香味，甜度適中。紅綠豆湯水甜度亦適中，芝麻湯圓好香滑。