松記糖水店 (Closed)

今天下午買糖水外賣，個收錢既阿姊極冇禮貌，我因為雙手攞住好多袋野，所以我上左車坐低先發現俾錯左糖水我，真係一肚氣！食完又唔好食，今次真係對呢間松記失望透，我唔會再幫襯亦唔會推介朋友

2個黑珍珠正常，不過不失西瓜滑冰，果然係糖水鋪，d糖水味非常濃郁。。。個燉花膠。。堅伏。。。除咗個甜字，一丁點薑味都無都算，仲要有陣陣腥味😱d所謂花膠。。。賣相嘔心，又有腥味，最後係完全無食過。。。收$48無心做就無謂做咁多款，好好地做返d正正常常甜品就算啦！

食飽飽之後當然又係甜品時間！是晚同朋友們又來到松記，離遠已經見到好多人等位，即時行快兩步去拎飛，好彩都唔係等左好耐就有位喇！本黎我想叫番薯湯圓糖水，點知賣完！之後再叫芒果班戟，又賣完！估唔到平日都咁好賣😅😅最後揀左芝麻紅豆湯圓芝麻糊跟紅豆沙各半，唔太甜，不錯👍🏻湯圓冇得選擇，但正正係我最愛的芝麻湯圓👍🏻👍🏻 湯圓雖然唔叫「皮薄」但亦唔會勁厚皮，還不錯！是晚糖水店仲送出糖不甩俾我地，正好亦係我既至愛🤭❤️❤️

飯後甜品，選了松記糖水，看餐牌時覺得和以前在大埔吃時不太一樣，主打好像不再是幻彩明珠， summer之類。很多甜品也加入了芋圓/湯丸/紫薯。於是叫了雞蛋腐竹薏米芋圓湯丸（冷），朋友則叫了雜果芋圓仙草，前者糖水真的如‘糖水’，沒有甚麼腐竹的味道，薏米也少了一點，就是死甜的感覺。朋友叫的仙草則味道一般，沒驚喜。生果也算是新鮮，仙草尚可。這次唯一喜歡的，竟然是免費送上的糖不甩呢。下次應該選擇其他甜品鋪了。

今日同班fd食完飯，班fd話唔飽想食糖水，見好少食糖水又未出過食評就陪吓班fd尋食吓，好食就出吓食評，一舉兩得朋友話呢間好食，我未食過唔知，但見店舖多客到食完即刻要客走，好彩剛剛有位，望返舖外遲一步已冇位，有好多人在等位，我哋即刻睇吓有乜食，我兩個fd一個選芒果芋圓仙草凍、一個選雜果芋圓仙草凍，而我就選榴槤雪山坐左一陣店員就送上一碟家鄉糖不甩，問店員佢哋話現在謂顧堂食就送，食落暖暖地，好香花生味，煙煙韌韌榴槤雪山，榴槤雪糕好香滑，好香榴槤味，西米煙煙韌韌，杏汁豆腐好嫩滑，加埋個奶一齊食囗感滑溜食完待應即刻收嘢，我哋唯有即刻走最後都每人$39出到門見好多人排隊等位和叫外賣

平時我最喜愛的是甜品，無論中式糖水或西式甜品，我都很想吃，在銅鑼灣因為去買餸經過這個糖水店，有點餓便入去叫碗糖水食，堂食仲送糖不甩，真好。糖水未到糖不甩先到，都算不錯的，熱熱的，煙煙un un的，喜歡煙un的我糖水叫了個芋圓椰汁紫米露（大概是這個名字），點知真係超失望，真心不好吃，明明叫熱的，點知係唔凍唔熱的，味道就更是一般，芋圓好似煮唔熟，一舊粉咁，我食左半碗都冇已放棄。可能叫返d普通d大路點的糖水會好吃點，佢實在太多選擇，品質唔係咁一致。。

〈松記糖水〉算係近期比較多人幫襯的新式糖水鋪之一。今日同朋友喺銅鑼灣食完飯之後意猶未盡想搵笪地方繼續吹吹水食糖水。當然就直接去〈松記糖水〉繼續啦。除咗有一大本menu外，最近見佢擺咗個〈簡潔版〉出嚟。幾好啊簡簡單單又清清楚楚，其實見到個名都大約估到係乜糖水架啦。結果我揀咗〈雪糕幻彩明珠〉。冰涼的曲奇味雪糕下有甜甜的椰汁和各種新鮮的雜果，仲有近期大熱嘅奇亞籽，爆爆珠，涼粉同芒果汁，非常豐富。其實雜果只要夠新鮮多汁，加埋椰汁同芒果汁真係唔會有得輸。

係銅鑼灣食完晚飯，當然要食翻個甜品先至滿足。到9點幾，松記甜品太多人，所以排左15分鐘先入到去。不過吾緊要，正好可以比我地消化上一餐。哈哈！本身以為芒果雪糕配檸檬味木糠布甸會好好味，點知個陣檸檬味好酸，同時又冇甜味，又有苦澀味，確實不宜推介。但栗米片放一邊，令賣相加分。好彩芒果雪糕配楊枝甘露比較正常，可能因為屬於大眾甜品，多人叫，所以整得好d。三款甜品黎講，我最鐘意綠茶雪糕配涼粉，可能因為我係綠茶控。

冬天係食芋圓gei季節,所以連松記都要緊貼潮流.出一系列芋圓系列.其實我最想食芋圓豆腐花,但佢搭配gei第二食材我唔鐘意食,所以最後就係點了芋圓西米露~~~一開始見到佢咁gei樣仲以為係佢上錯,因為完全睇唔到芋圓,得芋頭...原來搞到底就會見到都有幾粒芋圓,味道不過不失.椰汁可以再濃D,西米煮得剛剛好~~不過我覺得整體略淡,再甜DD都得~至於朋友叫左個雪梨水飲,都係普普通通,唔算突出.平時我一定叫summer,今次挑機可以話算失敗,下次都係叫返summer開心D

松記一直好出名，次次經過見到條人龍就放棄去食，終於有一晚係食完晚飯時間尚早，松記又無人排隊，一於試下佢一坐低堂食就會送一碟糖不甩上來，有咬口，熱辣辣，唔錯。雜果芋圓仙草凍： 用料豐富，哈密瓜甜度足夠，芋圓有嚼勁，略嫌粉味多過芋頭味。芒果益力多冰：芒果味道唔太似化學芒果味，益力多同芒果味好夾，係食得最快嘅一個甜品🤤蛋花馬蹄露： 普普通通嘅馬蹄露，馬蹄有咬口三重心太軟： 朱古力味超級爆濃，唔係好甜，有朱古力嘅苦，雪糕可以自己揀味，可以選擇d清新嘅味配心太軟，cookies and cream配落有少少膩松記甜品水準頗高，堂食要每人點一樣，味道上食到佢用料幾新鮮，份量都幾多，可以同朋友一齊share 😋

平時見咁多人一路都無試食開綠林,今日倒數完無左條人龍即係試味叫左喳喳水汪汪,材料唔夠林雖然都算豐富,椰汁落得夠重手三重心太軟,心太較火候教得好好,面夠脆有一半流心,味道唔會太甜帶苦仲有小小咸味吊起甜味總結-味道唔算太特別好，如果要再排隊咁耐一定唔揀佢，坐位編得太埋傳菜是好危險

雪糕咖啡木糠布甸.HK $39.雪糕口味揀左綠茶味，綠茶味濃，不過雪糕嘅質感並五滑，而且食有少少碎冰。木糠布甸咖啡味濃，不過布甸嘅硬度都幾實。.Summer.HK $39.Summer 其實係兩球雪糕同雜錦水果。.紫薯芋圓仙草凍.HK $34.味道一般，只係將紫薯、芋圓、仙草同紅豆放埋一齊。.糖不甩.堂食會贈送糖不甩

上星期食完松記糖水，好想再食多一次椰皇鮮奶燉桃膠，點知原來銅鑼灣分店係冇供應椰皇嘅。即刻覺得好失望！不過見到餐牌介紹呢度有鮮奶燉花膠$59，即刻立刻開心晒。店員話要等10分鐘先至有呢一款甜品，唔緊要好想滋潤一下，我等！唔使唔分鐘甜品就黎到啦，心入邊就覺得好奇怪，又話要等10分鐘嘅。食第一啖嘅時候就覺得唔對路啦，又話去係鮮奶燉花膠，黎到嘅時候，一啲都唔熱，只可以講係溫暖，個感覺就好似係溫暖左嘅奶水，完全唔似燉，花膠只係得五小粒，然後詢問店員，店員回覆話花膠已經溶在鮮奶中，但係食落一啲都感覺唔到。鮮奶非常之稀，成個甜品都好失望，仲要價錢唔算平！松記有咁多間分店，間間嘅水準都不一，希望能做好水準，先至能夠留住客人。

我十分喜歡食芋圓, 所以因上星期去了松記糖水叫左個凍既水果芋圓食. 但食既時侯發現芋圓是硬的,一點也不QQ,所以心想可能是因為自己叫的是凍的甜品,所以芋圓凍硬了(松記在Openrice口睥很好所以覺得是自己問題). 因為食不到QQ的芋圓很不心息,所以昨天又去了.今次很聰明的叫了個熱的綠豆鮮草芋圓,原來水準差就是水準差,不是的我問題. 綠豆鮮草芋圓是綠豆是僅僅暖而已,鮮草是冰的而芋圓仍然是硬的. 太太太失望了.  

説到銅鑼灣的甜品店，確實多不勝數。西式、中式、日式、韓式應有盡有。但最近花了太多錢在食物上，晚飯後甜品癮又起了，最後就當然去松記吧！一坐下就看看枱上的餐牌。咦？沒有便宜的糖水？全部都是什麼什麼又加雪糕又加湯丸的花巧甜品。一問之下才知道原來店員收起了整個 外賣 Menu 紙，刻意的只把貴糖水印在餐牌上，古惑十足。平價的在此！原來堂食贈送糖不甩，十分驚喜！煙煙韌韌的超好吃唷！寶寶的花生湯丸 ($22) 共有五粒。我總覺得花生湯丸和糖不甩很相似，只是一個花生在外，另一個花生在內。薑糖水是我的最愛，又熱又辣又甜，喝起來很暖胃。我的腐竹雞蛋 ($22) 也不過不失。味道不算太甜，腐竹只有小量，而薏米和白果卻有很多，很有咬口。