松記糖水店 (Moved) New Location

離開堂口, 係離開堂記先啱, 師傅都唔算十分飽, 但又諗唔到食咩好? 於是繼續同師妹四圍遊, 遊下遊下師傅口痕痕彈左句, 『不如食甜品?』師妹個咀當堂 『O』晒, 皆因師傅一向對甜品都麻麻地, 竟然會爆出一句咁樣嘅說話! 喺冇異議下師傅就帶師妹黎左呢間甜品店!入到去都幾多人, 好彩有大把位, 坐底立即睇下有咩好食, 師傅見最近都幾開心就揀個貼切少少嘅開心世界, 而師妹諗左好耐, 好似樣樣都想食, 最後柯打左個琉璃之戀!等左一陣就有得食, 師傅先講下自己個開心世界, 開心世界係以雜果堆切而成嘅甜品, 面上佈滿鮮果, 有西瓜, 香蕉, 杧果, 西瓜同杧果都多汁鮮甜, 而香蕉師傅就略嫌乾身, 鮮果下全部係大西米同白色涼粉, 大西米超級煙煙韌韌, 口感絕對一流, 而白色涼粉冇咩特別, 係大菜糕, 味道清清甜甜, 都幾爽口, 感覺唔差, 係杧果汁底比較杰, 入口較黏, 但整體黎講都唔錯, 食完都真係幾開心架; 至於師傅嘅琉璃之戀師傅都有試過少少, 西米爽口配上杧果汁底就幾鮮, 十分舒服, 而配上另一個汁(唔記得咩汁) 味道反而一般, 整體而言師傅覺得一般!總括黎講甜品依然出色, 價錢經濟, 埋單

松記糖水 is one of the best 糖水 shop in HKThey only use very simple and cheap ingredients but the 糖水 is really fantasticthe fruit is fresh and when everything mixed together, the 糖水 is really deliciousSunday is the one I like mostthough the ice cream is from Daily farm onlybut when it is mixed with the fruit and mango juice, it gives a special tastebut I was disappointed by the 咖啡木槺布甸coz it is 木槺 + 咖啡布甸not real 木槺布甸!!!

松記實是由細食到大, 中學放學成日去長沙灣食近排係尖沙咀食完晚餐, 口痕就去左佐敦食 好掛住既 幻彩明珠排隊就一定要, 但係番台番得好快,等10位都係唔駛半個中, 太好。幻彩明珠 唔駛5分中上台, 生果新鮮同多, 冇叫多芒果汁都非常之多, 樣樣野都好平均好消暑既感覺最緊要係 唔會食完覺得成肚水, 果然出色!!!環境就唔係好逼,有私人空間影下相都好服務態度好似好過長沙灣tim, 唔會點吹你走...

好鐘意去lee間食糖水*因為佢好多款色^^"最重要唔會因為太多花臣而搞到放唔到落口來親都係食佢個summer....因為唔洗20蚊...又有雪糕波又有朱古力nice~~~係就係逼d...係就係多人左d...不過食到好味既野...排隊排幾耐咩都抵番晒service又好好wo....唔會因為人多唔理你~盡量理晒個個客^^"nice~~佢地外賣都做得幾快.....order 完左無幾耐就出~~~外賣仲快過堂食~~~想快d有既就外賣啦^^

好鐘意食呢間糖水店,係之前做 summer internship 個時成日買外賣返黎食既,雖然銅鑼灣個間係近我多左,但都係佐敦呢間好味d,唔知係咪 d 水果來貨唔同呢..次次都話要試新野,但總係抗拒唔到楊枝甘露,我鐘意少少奶, 多多芒果汁,個種味係第二度食唔返~~等天氣再熱多少少,我會去食 "Summer"

次次出到嚟廟街食飯，飯後都一定會去松記食甜品，個人認為此店的甜品是平、靚、正~吃過晚餐後，當然要食返d甜品平衡一下~芒果明珠: 平時食開"開心世界"，今次試吓哩個，又係掂喎!Base係涼粉、"蝌蚪"及大西米，再配以西瓜、芒果等什果同埋芒果蓉，味道very good! Sunday: 女友揀咗哩個，因為佢為食想食雪糕~哩個Base係大西米同什果，另外仲有兩條黑白配再加兩球雪糕，揀咗朱古力碎曲奇及芒果味雪糕~芒果味雪糕真係超芒果，好正!

睇完璀燦煙花後，跟住同女友行番去廟街嗰邊嘅松記食糖水，好彩早到一步，到的時候沒有人排隊，唔使點等位綿綿冰近期大行其道，女友也愛上了它~估不到松記也緊貼這個"冰潮"，推出綿綿冰，女友話試過糖百府嘅好好味，所以佢係都要試吓喎~女友叫咗朱古力味綿綿冰，配朱古力醬加花心碎，佢話味道ok，唔會太甜，雖然刨出來的冰也是一瓣瓣的，不過唔夠糖百府嘅咁好味，d冰唔夠綿wor~ 而我就叫返個好好味嘅"開心世界"，有煙煙韌韌的大粒西米，配以甜滑的椰汁，再放上了新鮮的芒果肉及西瓜，淋上好smooth的芒果醬，味道層次感強。哩個甜品有生果又有多種材料，好飽好滿足~走嗰時店外好多人排隊呀~好誇張!連舖頭外面都開埋枱~今次真係好彩早到一步jar!!~

是日幫朋友慶祝生日後，大家專程由觀塘 APM 搭車出佐敦一嘗聞名已久既松記糖水~大約 9 點幾左右到達，已經見門口有十幾人排隊等候入坐。拎完飛仔後，我地等左約 15mins 就有位，之後就入去坐低揀野食~朋友講不如叫最出名的「幻彩明珠」，之後就隨便再點「琉璃之戀」同埋「哈囉」，等黎到時大家一齊 share 食~令我最印象深刻的係佢果個「琉璃之戀」，因為真係好大碗，應該係正常糖水既雙倍，所以價錢都賣得貴 d ( $30.00 )，而另外 2 個只係 $16 咋！如果想用黎做正餐都可以飽肚架，哈哈.......至於味道方面，「琉璃之戀」都係個人覺得最好食的，細細粒的珠好爽口，加上芒果醬同淡奶，真係講句︰「感覺好 fresh！」 同埋佢係 3 個入面最夠凍既~而「幻彩明珠」，就因為個人不太喜歡有0趙口的珍珠，所以唔太愛好。而今日 d 芒果同奇異果都比較酸，所以就要再扣少少分，涼粉味道又唔太夾到，所以整體上呢個我覺得味道只係一般~另外果個「哈囉」，朋友話入面既椰汁糕好好食，開始食果陣見到入面有紅豆食都幾開心，但之後到中段，可能因為已經飽既關係，見到 d 豆都感覺飽飽滯滯，好辛苦先至清碗~ 大

初會八王子後轉戰松記一如既往要等位，都好剛剛食飽咗我地叫咗（三色涼粉．幻彩明珠．麥米粥）三色涼粉﹣我好鍾意食涼粉，有新食法一定試試，個隻白色涼粉有Ｄ椰汗味，好好食好特別幻彩明珠﹣賣相好似芒果西米撈咁，不過最特別係有Ｄ硫璃珠，有咬口好特別麥米粥﹣份量唔小最特別加好多粟米，幾好食始終冇令我哋三劍俠失望好快番學喇

都唔知點解無黎食過!?可能呢個位咁岩好少到啦...聽講好多人,不過我地星期五7點幾,黎到又好彩無太多人都好多空位一行三人都叫Summer hahahaaa我就加紅豆.用料好,新式糖水最主要係d生果.只要有新鮮生果唔會差得去邊.呢度d生果就可以做到.個芒果汁底都做得幾好;好在有叫原粒紅豆(日本紅豆'大大粒'日本超市有)加左真係好食d. 個價錢好底. Summer 有2個雪糕球都係$19 good!!!!不過如果大家好似我咁鍾意食紅豆可以走芒汁底咁應該好好多.

依家愈o黎愈多分店啦~所以老鋪已經唔係太多人今次o向附近搵啖食之後就去一試...........單單望住個menu真係唔知食咩好因為的確幾多選擇, 但當然多款式係因為多配料配搭夏天我就必食冰類, 冬天其實比較喜歡滋潤一d o既甜品啊~今次order: summer, 自選2款雪糕球, 但點解冇雪呢拿味o既........男友最愛~~~哈哈.............夏天食真係一流~ 最鍾意上面o既脆脆 一啖脆脆+一啖雪糕, 透心涼啊~ 就好似食薯條點雪糕咁幻彩珍珠, lee個都唔錯, 入面有涼粉, 生果, 大西米小西米.............加d芒果汁o向面同花奶, 如果d汁多d會更好, 因為食到最後有d乾身啊~~~不過賣相的確幾靚幾討好 而且份量都唔少tim不過lee度坐得有d迫, 細細張table要迫成4個人, 好彩咁o岩坐到張2人table, 可以舒舒服服食個甜品咋.........lee度o既人手都幾多, 而且速度快, 抵讚後記: 又試左銅鑼灣新分店, 環境比較舒適,光鮮 但服務冇lee度咁好, 速度慢而且唔識變通o既...........

今日食左好多野,最後從MK走來松記,食個甜品,真係晝上完美既句號!!!等位等左差唔多半小時啦,無所謂,因為好野梗係多人識欣賞!!!!2位朋友點左芒果冰,分別配芒果同朱古力槳....唔掂當呀D冰,唐伯虎好好多....佢D冰已經無MUD配料,總要漿都係得勁少,得3行仔....叫佢加D,都話要加錢,問另外一個,先勉強加多2行,D槳真係咁貴嗎???而我就點左個幻彩明珠配COOKIE雪糕,超正,入面每一樣野都好好!!!!雪糕一球加$5,都好抵呀,都幾好味,幾香....而生果,最好係芒果,超甜呀.........D大粒西米就有幾粒好硬,好似煮唔透咁....不過$16既著明幻彩明珠實在正,比起$28既綿綿冰好好多!!!!!!!其實我覺得有少少坐到迫....

昨晚同朋友食完煲仔飯,就嚟左呢度食糖水,都成11點幾啦,都好多人等位,我們三個人等左唔算耐就有位,其中一個朋友已太飽所以冇叫,我叫左一碗薑汁撞奶,另一個朋友叫左六色湯丸,另外又叫左一個榴槤pancake一齊食.榴槤pancake先嚟,切開左三份,其實我係唔食榴槤的,但佢地話想食就焗住食左一件,但將入面d榴槤俾晒我朋友,好濃的味道,我唔識欣賞,朋友話d榴槤唔靚,有好多渣.我的薑汁撞奶先嚟,熱辣辣,好香薑味,仕應說要一層層食,唔可以攪,會變水,好暖胃呀,d奶都好香好滑,好味呀.朋友的六寶湯丸都嚟左,有六種味道,其實佢次次嚟幾乎都係食湯丸,之前未有六寶的,有三種味,現在就多左三種味,佢話好好味呀.

第一次嚟呢間松記食, 到達時約九點, 冇深水埗嗰間咁墟冚揀咗食開的Summer ($1x), 有我鍾意食的紅豆&曲奇雪糕, 生果又鮮甜, 正另外叫咗個咩K酥(我淨係記得好似有個K字)($2x), 好特別喎, 一層層的酥皮, 加埋cream, 中間夾咗啲透明的涼粉&啫喱, 個酥皮好好味, 不過個甜品有啲難'handle', 一叉落去就好易散下次嚟又多一個選擇了p.s. 呢度都有綿花冰了

係佐敦0個邊食完野..諗住食埋個飯後甜品先走啦~咁個fd 就帶左我地黎lee 度食啦!!離遠睇都已經幾多人等緊啦!! 但好彩我地等位都唔算等得好耐0者~我食左佢地0個個招牌甜品...唔記得左叫咩名tim...大家睇相就會認得佢0家啦!!講真都幾大兜...幾好味...同埋好抵囉!!所以我最後都係食唔晒0家~唔係因為佢唔好味..而係真係太飽又太大兜啦!!唔怪得佢d 食評咁多笑笑啦~係值既~不過服務麻麻地...