松記糖水店 (Moved) New Location

係『新興棧』食完碗粥後順路去『松記』試吓佢d出名糖水，當日3:00後人流少好容易有位，重好飽，祗叫招牌『六寶湯圓』！店比深水埗細很多，店內大概祗容30多人．亞姐睇來似老闆，好客氣問我係咪要薑汁？，幾分鍾後就送到，好靚平面湯碗，六粒不同湯圓，張單寫$16，都唔貴喎！，薑湯啱哂依家冰凍天氣啦！咬第一粒內有奶黃淊，好似食軟糖，第2粒淊係芝麻容，我最愛！第3種係花生容淊，都係好鍾意呢！ 唔駛幾分鍾就食完，真好想食多碗！但真係好飽了！，俾錢走人！下次會再來！ 食得一樣都祗能寫少少意見吧！暫時來講係我最滿意既湯圓啦！一次滿足六個願望呢！價錢實惠！

昨日和朋友晚上去了食宵夜..點了松記其中一個熱推介 (芝麻糊+豆腐花) , 點知食落之後真係想嘔 豆腐花淡而冇味,芝麻糊雖然滑,但係2樣 mix 埋真係好難食 ....總括來就非常失望

松記，在深水埗紮根多年，到今天不同地區也見到它的出現，而同儕間來此店，大多是為了summer 或幻彩明珠。吃煲仔飯後逛了一回，有兩人離隊，只有三人再戰，就來到佐敦分店的松記，人流十分強勁，門外大約有三十人左右，而等位期間人流沒有減退的跡象。 大約等了二十分鐘就有座位，三人點了四款甜的。我吃了Hello，不是喜歡它多料，吃這個就是因為名字夠「亂黎」，但就是人無我有，也滿有香港特色。自己在想，如果可以亂加配搭，會不會更過癮? 例如紅豆是「how are you?」，落單要一碗「hello, how are you?」；在halloween時南瓜=「喂」，加起來便是「哈咾喂」，再來下去就「hello kitty」「hello ring」...這樣會不會更好玩?其實hello 除了名字是「亂黎」，出品的也是亂搭亂配的，有椰汁糕、明列子、綠豆、腰豆、芒果汁、椰汁、涼粉、台式粉圓等等，什麼也有一點，口感是幾多元化，淋、軟、滑、實，什麼也有，味道方面就沒有什麼驚喜，大約就是特別加料版喳咋，就是夠大堆頭。 還點了一客SUMMER，其實就是兩球雪糕，兩支黑白配，也見有些生果和煙韌的粉圓等等，雪糕要了芒

跟住就落埋松記食糖水…我地去到岩岩要等位!!!不過都係好多等到位^^”又係坐番上次張台~近廁所廚房個張!!!!Order左個加薑味既湯丸同埋杏仁露食左第一啖覺得杏仁唔夠重…不過都好呀~我mama地杏仁..貪佢養顏ja!!!~~同埋佢都加左奶…所以比較滑~~不錯不錯而薑味既湯丸…叫佢加多左味..又真係幾重太凍天時食….真係好溫暖呢~~~Total 加埋24.蚊~服務員very nice*

打完邊爐去行街，順道食碗糖水，就行了入來松記。沒有特別想吃的甜品，都是進店內才看餐牌，選了它的看家甜品 - 六寶湯丸。雖說有六款不同的湯丸，但餡料只有四款(花生、芝麻、紅豆、奶皇)，有三粒係奶皇，但係有不同的皮。湯丸皮很幼滑，浸在充滿薑味的糖水中，很滋味！另外太座點了芒果清涼爽- 鮮芒果配上丸子，白涼粉之類，另加奶。白涼粉味道古怪，像藥水味，下次一定不會點這個。一好一壞，打個和，這次只能給個OK。

上星期日去了食糖水，味道依然，但人物多了。一行六人去到，見門口有成班人，幾驚要等好耐，好彩0岩0岩有一張大台走人，時間0岩0岩好。哈哈。平時成日食summer..我同mama今次要了一個傳統糖水- 芝麻糊(1熱&1凍)都ok喎! 估唔到凍都咁好味,朋友都話我果碗好食d 呀! 我地都食得好開心好滿足^^！！

係街外等位好彩有人傾下計, 都等左一排先有得坐SUMMER 老對手, 轉左碗裝易食好多, 今次食曲奇&芒果雪糕, 大西米都幾重手, 生果差不多, 芒果幾酸下, 同埋食正奇異果同密瓜頭 >.<

在油麻地返工到左last day...同同事食完lunch之後同事一向知我愛食甜品...於是帶左我黎松記佢地話見到magazine有講呢度出左個唔知咩酥...話要請我食~去到個女人話有ck酥..咁就order左啦~order完先發現店內有果篇野..原來想試的係黃金酥....不過叫左一個唔再叫了...怕食唔落呀下午~上枱好快~可能冇乜人既關係CK酥ck酥價錢20幾蚊左右..黃金酥就仲平,,好似12蚊以內其實所謂的ck酥是用一片片酥皮夾住d cream同生果呀大菜糕果d咁...上面就放左一個雪糕球見到賣相其實真係唔係好想食....酥皮根本就冇理由放個雪糕係面....雪糕一溶就淋嫁嘛....唉...酥皮勁淡色..因為冇咩味..好似食緊d糖衣咁..因為勁薄都算脆既而入面係我成世日至憎既cream....所以比我片走哂~~~至於d生果同果d類似椰果果d大菜糕....唔夠凍之餘真係唔係幾夾...算啦....早知都係入去隔離間綿綿冰算....

今日同朋友去,竟然直入,好彩過中六合彩!都係summer同幻彩明珠好曲奇同紅豆雪糕,非常好食付出$16同$19,就有一碗咁豐富多料又好好味道的甜品!不用等位+好食+抵食=只可說句:正!

星期六，行過廟街，一定要去松記糖水食幻彩明珠 。中學時，成日會同同學去長沙灣間松記食糖水,幻彩明珠是我最愛!! 鮮雜果+涼粉+黑珍珠+大粒西米!!仲有芒果汁!! $16(又平又正)!!!十年如一日,水準一流!! 不甜不"利"今次仲叫了芒果西米,不過就太一"pat pat".

今日公司P老板請食甜品,3點多左右,秘書收到電話,話d甜品送緊黎,由佐敦分店送到黎element圓方office,秘書+我+多1個職員落去扲糖水,點知落到去8/F大堂,望落去7/F完全唔見外賣職員扲住d外賣.....之後等左成5-6分鐘..原來個職員0係 9/F 的士站果邊等我地...因為佢入唔到黎office大堂...@_@ 3人夾埋扲住26碗糖水甜品,返上去office一齊開餐喇,我點左個 奇異果琉璃 $23因為未試過什麼是琉璃 ,所以試下,見到份外賣menu張圖,好似一粒粒西米咁樣~外賣碗都幾大個!個蓋係蓋得好實,唔怕會漏出來~而且見到其他同事的湯丸還是熱騰騰的! 我果份奇異果琉璃 ,total 8-9片奇異果,新鮮及鮮甜!另外配一小碗似椰汁的東東....倒左少少落去,之後椰汁凝固左,反而口感得到有d「杰」, 個碗底部才見到奇異果,,令到西米唔算太爽口,唔係好似甜品的感覺.... 真係幾多琉璃,即係西米,但整體黎講,覺得單調左少少,不過食完都幾飽!(由於呢次叫外賣,我未去過間甜品店,所以唔太知實際環境情況)

已經不知來第幾次了特別最近更比較來得密這間糖水店一向給人一種抵吃的感覺，長期永遠多人在門口等待亦有唔憂做的感覺，因為連星期日都不營業我就試過星期日一場來到碰釘了甜品很大碗之餘，價錢也算合理幻彩明珠及SUMMER，每次都是這兩款兩者相差在多兩球雪糕及多了涼粉，雪糕應該是維記的唯獨不太滿意SUMMER可以選擇的雪糕款式實在太少朋友總愛吃杯杯冰系列，不過奇怪的是每次都是配料多過冰 (例如吃雜果杯杯冰，冰只有10分之2-3的量，應該多一點冰會比較好吧，畢竟叫這個都是想吃刨冰)另外生果應該也是雪凍了的比較好，凍食甜品，如果配上冰凍生果，感覺相信會更好其實也想試試其他款式結帳那位阿姐真的看心情，有時黑面，有時有講有笑

襯還未夠鐘倒數，就例牌搵o的糖水o黎kill time好多人，等o左半粒鐘先有位，期間一邊上網睇o下有咩推介我要o左哈躍，甜味中挺，無咁o岩我呢個甜魔。pat 芒果汁可以，o的涼粉呀、糖水呀就味道欠奉但算清涼同事的六寶丸，唔知點解佢食極都好似食唔出係咩味！？食糖水都係舖內無咩人，慢慢歎會好好多

雖然已經六月,天氣有時涼有時熱但我個心已經當左summer 來松記當然食summer......因為真係又抵食又好味*有兩個雪糕球+兩枝朱古力棒+下面底底既水果perfect match唯一唔好就係人多....排隊-.-坐得唔耐,算侍應唔趕你走自己都唔好意思不過好食既野當然多人想食,地方細自然要排隊想食既就唯有等等或叫外賣侍應好好,算有幾多人依然面露笑容值得讚!!!

一行五人在北京酒樓食完飯後已肚滿腸肥，但愛吃甜品的春春提出要來松記食甜品，大家惟有捨命相陪，沿着吳淞街離遠已見松記門外的人龍，不過等了數分鐘，店員便指引到店中盡頭窄廊頭的四人枱，五個人坐實在太廹了，攪到一個人要用手捧着甜品來吃，在這樣擠迫的環境，外面又有大幫人在輪候，最好食完就走。 幻彩明珠 ($16)這是春春吃的，物如其名真的是顏色鮮艷，但淋上濃芒果汁後都變成黄色了；材料都算幾豐富，有新鮮芒果、西瓜、奇異果、蜜瓜、涼粉、黑珍珠、大粒西米、芒果漿和淡奶等等；生果從外表看來幾新鮮，這裹的客流量大，材料新鮮是理所當然吧! 十六蚊有咁大碗都算價錢合理。芒果水晶涼粉 ($19)其它人包括我都選擇了這個水晶涼粉，所謂水晶涼粉其實是透明的大菜糕，材料好像沒有幻彩明珠般豐富，在大菜糕下面有不少生果，而生果包括芒果、西瓜、奇異果、椰漿、芒果漿和淡奶等等，每碗都跟一小碟椰漿及芒果漿，可隨個人喜好酙量加入碗中，其實配料跟幻彩明珠是差來多，不過大菜糕相對生果份量偏多，還是幻彩明珠賣相較覩、較討好。相對新式甜品店，價錢不算好貴，但也不算好抵食。 個人對這類甜品店是較少幫襯，在夏日吃吃這類生果造的凍甜