松記燒鵝飯店

Open Now

Now Closed

同事收到風話元朗有間食燒鵝好得，難得大家平日又夾到時間，決定會一會松記，試下有冇外間吹到咁好食雞腳👉🏻勁入味，好好食，個個”噒”到唔停口🤤生炒骨👉🏻沾滿糖醋汁依然脆口，唔錯💜椒鹽牛仔骨👉🏻帶點辣，個人認為個牛羶咗D🤏🏻椒鹽鮮魷拼九肚魚👉🏻勁香口，不過唔敢食太多，怕熱氣🔥燒鵝👉🏻真係冇老點，確實好食，皮脆肉嫩🏆海鮮小炒皇👉🏻炒得夠鑊氣又惹味，送酒一流💚尖椒回鍋肉👉🏻幾辣又香口，搞到我扒多幾啖飯都不自知🩵椒絲腐乳通👉🏻夠鑊氣加上通菜夠嫩🧡豉汁蒸白鱔(原條)👉🏻豉汁調得好，點知條鱔淋身嘅，唔爽口，把L，扣哂分🙅🏻‍♀️墨魚餅👉🏻正當大家飽到上心口🥴，呢碟餸先上，都唔差記得嗌咗，講真我夾硬食㗎咋，估唔到咁好食，彈牙又鮮味，最後隊咗兩件作結尾😆🔴裝潢格局有d似長沙灣大x華，食物水準比我預期好，人多一齊食係唔錯嘅選擇

攪呢攪路，三點先去到松記，當時除咗我，只有一枱客人，廚房已經收咗爐，好彩仲有燒味飯，咁梗係揀佢最出名嘅燒鵝飯啦。唔使等太耐就有得食。燒鵝係好食嘅，但唔知係咪我太遲去到，骨多過肉，基本上啲肉唔夠我餸晒啲飯，呢度扣晒分。

今次我地揀既左個中盆菜($1288) 有勁多配料, 原隻生扣鮑魚, 椒鹽海蝦, 龍江雞, 馳名燒鵝, 秘製炆豬肉, 土魷魚, 炆靚冬菇, 特製魚蛋, 蠔油枝竹, 蠔油豬皮, 清甜蘿蔔😍 另外仲有個好濃郁得黎又唔會太鹹既盆菜汁完全有為盆菜畫龍點睛既效果🤩 材料全部食落都係靚料, 肉類好滑身, 豬皮蘿蔔索曬啲汁入味, 魚蛋超巨型好彈牙🤤 食到最尾我地加左兩個公仔麵落去湯度煮超級好食😍我地呢款盆菜有分大中細(4人-12人) 價錢由$768-$1488, 大家可以上佢地個社交平台度睇下😎

就係為咗隻燒鵝所以專登黎，雖然只得5大1細，其中兩個大人仲要係老人家，不過訂位時已留定一隻燒鵝，因為一場黎到就梗係去盡啦。一坐低老闆就問齊人未，齊人就斬燒鵝，隻燒鵝黎到嘅時候竟然係熱辣辣，味道即刻加晒分。隻燒鵝都幾大隻，又唔算好肥，D皮燒得又香又脆，點埋酸梅醬食真係好好味。因為想食晒隻燒鵝唔打包返屋企，所以我地另外只叫了兩個餸，一個係佢地廚師推介的脆炸牛筋腩，另外一碟就係薑汁炒芥蘭。脆炸牛筋腩其實就係牛筋腩佔上薄薄一層粉漿再落鑊炸，味道同口感還可以啦。薑汁炒芥蘭嘅芥蘭雖然好粗，但係又好淋，兩個老人家都食到。

入到元朗緊係想食啲特色小菜，本身抱住少少希望去試，叫左一個例牌燒鵝，食落口感唔錯，啲肉又唔會太硬。炒飯乾食，不過不失。相反椒鹽九肚魚皮薄香脆，如果鐘意食魚啲人都會覺得好食，但相對多⻣。個菜煲好足料，菜唔太老。

又到食羊腩煲季節，元朗老店松記羊腩煲真不錯，燒鵝都好出名，於是約埋朋友食番餐。羊腩煲：叫咗個細煲，羊腩口感軟稔，枝竹吸盡精華，好入味！ 燒鵝例牌：新鮮燒，皮脆肉嫩，大大件，唔算肥，啱啱好。沙薑雞腳：雞腳爽口，鐘意沙薑味！分量唔少，但因為比較惹味，每人一兩隻，唔夠食。啫啫芥蘭：用肉碎、洋蔥、蒜頭炒，惹味！冰梅一字骨：排骨炸得透，外皮脆，保持到肉質鮮嫩，不過骨多過肉足，味道甜酸，好開胃。海鮮小炒王：送酒一流。整體上幾好味，不過地方就嘈啲 ，好難傾倒計。😅

元朗有幾間出名嘅燒鵝，而松記就係其中一間。記得打嚟留定燒鵝啊，仲有燒腩仔，如果唔係到夜晚食飯時先order就冇得食㗎啦。松記類似室內嘅大排檔，座位相對擠迫。可以選擇坐室外，但係天氣咁熱就唔考慮。首先叫左炸墨魚餅，香脆彈牙，超級好食， 十分推薦。仲有粟米魚蓉羹，份量十足。燒鵝叫咗例牌，四個人食，都啱啱好，不過今日嘅燒鵝就好似冇乜肉啦，有少少失望嘅。朋友點名要求要食油浸筍殼魚，即係炸魚，魚肉好滑啊，又唔腥一流啊！再點左個白菜煲。食到飽一飽。再點左d野飲，每人$200 埋單。抵食

話說有同事推薦黎呢間松記食午飯，都聽話呢度係元朗都略有點名氣既燒味菜館，個人本身都幾鍾意食燒鵝就黎一試啦，中午時間黎都好多人差唔多坐滿晒，主要都係附近做野既工人，門口都有幾張枱有特別需要既朋友可以選擇坐出面，由於人太多就無影場內環境啦。咁除左燒味以外晚市都有做小菜的，午市都有中式碟頭飯套餐，唔想食燒味既朋友都可以選擇，價錢$42-50左右，唔算貴，燒味黎講食燒鵝就略貴d，其他燒味雙拼就$43，四寶飯就抵食d$45。食飯前可以自己去拎碗例湯，例湯飲落無乜味精，仲加左d鴨頭鴨頸去煲，有d頭頸食下都幾好。燒鵝飯，今次分到既係翼位，燒鵝賣相係幾靚，皮光肉滑，不過食落皮唔夠脆，有dd韌，肉質係幾滑幾鬆化，肉既顏色都偏白，係有d位偏肥，比較好就係鵝油夠香，跟個梅子醬就好正，似係自己調，不過$62有好多做得比佢更好既選擇。另一位同事就唔食燒味食左個午市套餐，就薯仔炆豬軟骨，佢就話一般般，不過夠大碟同價錢平，跟埋凍飲都係$44，ok啦。四寶飯，再另一同事選擇四寶飯，有半隻咸蛋，燒腩仔燒鴨同叉燒，加埋飲品都係$47定48，相對黎講抵食d，件頭夠大。整體而言食普通燒味同碟頭飯套餐係幾抵食，但最出名既燒鵝反

琴日去開元朗唸住行去試松記點知星期日/公眾假期休息😐就行去天鴻見脾飯索價140, 仲要系無堂食得外賣🤷‍♂無理由,百幾蚊買個飯大熱天時要踎係公園度食😑唔化算! 過唔到自己果關❗😁😁就行左去深記叫雞食海南粉。04/04今日嚟開元朗搵判頭終於有機會試到松記😋 今次叫左個雙脾飯燒鵝脾併油雞脾連凍檸茶$158（鵝脾皮脆有鵝香少膏, 肉質又幾好，雞脾肉質滑有玫瑰露酒香 又夠味😋）,凍飲+3, 距個酸梅醬幾好味！呢間松記一定有下次（會試鵝脾鴨脾）！食飽搞到個腦爆發珠三角既靚燒鵝😁😁積距個福幾時先通關呢❗正評負評要合情合理！有圖有食物口感味道等等評語有真相❗

難得又放寬防疫措施，梗係約夠人碼一齊食個晚飯先啦！😜在元朗經過呢間大排檔晚上7:30左右去到，已經坐到滿滿，好在都未洗等位😏呢度最出名嘅菜就係燒鵝啖啖肉的例牌燒鵝$148份量都唔少，晚晚新鮮燒，真係脆皮，肥美！❤️椒鹽茄子$88外脆內軟的茄子，味道尚可，椒鹽可以重手啲，有少少腰果做點綴，都係脆嘅！金銀蛋浸時疏$88呢個大大碗，好足料，仲有草菇，入面嘅係白菜，好味到連湯都飲埋🫣楊洲炒飯$88都炒得有鑊氣，乾身，不錯！

之前見fb”食在元朗”有谷友推介松記燒鵝飯店，一直期待有一天可以試到，佢位置係雞地，近Yoho Mall 1期附近，離Yoho Mall五分鐘路程左右今日終於過嚟元朗，係大概晏晝五點諗住買半隻外賣拎返屋企黎試吓，叫咗下莊+一個白飯一共係$184，等咗十五分鐘左右，佢俾左兩盒燒鵝+一盒白飯我拎走返到屋企，一打開，兩盒都係絕大部份得皮加骨，食完等於冇食過，感覺俾人呃咗完全係失望，就算唔係燒鵝專門店都唔會有咁差

今天到元朗覓食，原居民朋友推介這家老店，從店名就知道主打燒鵝，午餐時間就點了燒鵝瀨粉。$60的價錢竟然有脾位確實很抵，而且瀨粉很大碗，與燒鵝分開上，不怕瀨粉的湯令鵝肉變淋。燒鵝整體味道只屬一般水平，幸好隻鵝不太肥，不過肉質有點鬆散，可能不是新鮮剛出爐的燒鵝。其實很明白，尤其是$60的價錢，唔比D頭頭尾尾你已經偷笑啦。

友人知我是愛吃之人，特地推薦我要試一試這家以燒鵝聞名於元朗的菜館。燒鵝例牌$148下莊$168，為了要吃燒鵝脾，於是點了下莊。鵝味很香，肉質鮮嫩，份量也很足，味道不錯，唯一的缺點是有點肥，雖說脂肪特別香，不過我還是喜歡瘦一點的鵝。除了燒鵝之外，我還試了他的白切雞和叉燒。白切雞做得很好，肉質真的做到又嫩又滑，雞皮薄，脂肪少，美味。叉燒燒得乾濕度適中，加強少少的燒焦邊，份外香口。整體不錯，名不虛傳，下次要再來試其他菜式。

因為最近係冬天啦好想食羊腩煲 又唔知邊間好食就上網搵吓 之後發覺好多人推薦呢一間嘅羊腩煲🤩🤩🤩 雖然佢個名係賣燒鵝 但係入到去都見到有一半人叫羊腩煲嚟食🤣🤣🤣佢嘅羊腩煲有分中$318 大$438🤔因為我哋只係得兩個人食就叫咗中size🤭我哋仲另外叫咗一碗白飯 一支酒 送咗個生菜羊腩嘅份量好多 俾我哋想像中多🤣 仲有啲馬蹄枝竹冬菇🙈 因為佢個羊腩汁嘅味道已經好足夠 我哋都好少點佢個腐乳醬🙈最後根本食唔晒 拎左一半返屋企🤣

抓緊好天氣，一行十二人去錦田八鄉白泥部落Glamping。首先，我們去元朗集合，先吃午飯。契爺提議去松記燒鵝飯店用餐。我們點了八道菜 - 燒鵝一隻、蜜桃骨、炒鵝腸、水煮牛肉、楊州炒飯、椒鹽白飯魚、細羊腩煲和椒鹽魷魚。燒鵝的皮，沒有想像中的香脆可口，鵝肉也稍嫌過鹹了，肥膏也較多。炒鵝腸入口爽脆富嚼勁；楊州炒飯量多，味道一般。蜜桃骨、椒鹽白飯魚和椒鹽魷魚絲，或酸香有致，或香脆惹味。水魚魚和羊腩煲，小妹沒有吃。只見眾人對羊腩煲讚不絕口，羊腩量足入味且咬口甚，蓮藕和枝竹也盡吸醬汁精華！