聰嫂私房甜品 (Closed)

話說以前好鍾意食聰嫂個龍眼冰，好耐冇食過啦喺灣仔食開飯，朋友話原來附近有間聰嫂，行過見冇乜人排隊，就入咗去食<龍眼冰$49>望下個餐牌，原來而家龍眼冰加價都加到成差唔多$50，講真真係幾貴，以前食嘅時候都仲係$30左右，難得黎到貴貴地都要食下嘅龍眼冰味道依然清新，口感係綿滑刨冰，不過真係貴咗啲<紅豆冰$35>以前無嘅紅豆冰系列，同龍眼冰一樣都系刨冰系列，不過口感好似鞋少少紅豆味濃，感覺上就好似食緊紅豆冰咁，幾好食

第一次食聰嫂甜品，因為有個外國朋友好鍾意食西米露，所以喺灣仔經過呢間糖水舖，見到咁多人排隊，又有唔同種類嘅甜品揀，所以就入咗去試一試。朋友好鍾意食西米露之外，仲想食埋芝麻湯圓，於是我哋叫咗芋頭西米露然後加咗四粒芝麻湯圓。西米露比我想像中好食，比一般嘅糖水鋪頭質素高啲，芝麻湯圓都係正正常常幾好食。餐廳方面都幾大但由於好多人排隊，所以長期都好忙，員工服務態度一般但尚可接受。見到好多人都叫咗燉奶或者燉糖水，我個朋友表示好想一試，所以都期待下次再去試吓佢其他嘅產品。

點了以前來燥訪時都會點的南北杏燉木瓜雪耳，雪耳竟然只有一片。問了店員，只得到回答說都是這樣。態度跟品質大退步. 名店感覺輸給不知名的店，餐點也不值這個價，非常失望

好耐之前喺聰嫂食過呢款榴槤甜品之後念念不忘， 呢晚經過，忍唔住想入嚟食多次回味下成個鋪頭好多人，要排隊，坐得好迫，環境麻麻朋友叫咗個杏仁糊，正常OK我呢個上場啦^_^最上面嗰球係榴槤蓉隔離有啲爆爆珠一咬就爆好得意，下面就係濃濃嘅榴槤冰，上面嗰舊榴槤蓉係最濃味，全部野夾埋一齊食好正，一份其實份量都算多，同埋好凍，兩份share嚟食會比較好如果好似我咁係榴槤控嘅話，真係要試吓呢款甜品，唔識榴槤嘅話，我見隔離枱好多人食龍眼冰，睇落都好吸引，聽到評語都唔錯不過，個人認為佢加價太利害，呢款甜品定價太高，好耐食一次就夠

呢間甜品店系呢度真系幾聞名噶了，幾乎一講起個個都知。好耐某來過咯，今日過來食個糖水，因為岩食完晚飯唔耐，所以只系點左份薑汁黑芝麻湯圓，之前見過呢個湯圓好多次了，但系因為覺得湯圓會好滯，所以一直某點過，今日決定試一試。薑汁味好濃，幾乎滲入左湯圓入邊，一咬落去，感覺好似薑汁系從湯圓入邊流出來噶。黑芝麻都好香口，入口好似成口都系芝麻咁，超級滿足。

個fd問呢碗外賣係咪就咁食？覺得乾左啲喎，大家都第一次食，唔知係咪送貨嗰陣漏左野。所以就打落分店問，但嗰位店員超無禮貌！！「碗野就咁筆黎食」Ok。你話就咁食，食落口，得啖冰，都無味嘅，直頭想落超市買花奶。蜜瓜碎上，椰果份量又唔係多，賣$50真係賺到笑，老板真係識做生意喇～嗰張單我叫左成千蚊外賣，menu平均每碗都賣$40-50，一D都唔平，比少少服務都無，又唔係話好好食，比錢買難受，一定無下次！！

偶像劉德華都推薦的甜品店，點都要試下! 其實香港有好多 出名甜品店，聰嫂甜品能夠喺近呢幾年開多間分店，發展成連鎖經營，確實唔簡單💪🏻！這家店裝修以綠色為主給人 精神健康、清新活力的感覺！一進來就可以看到華仔的題字😁 甜品項目選擇超多，我們點了薑汁鮮奶燉蛋白和芒果布甸鮮奶燉蛋白薑汁奶 裏面有舊膏狀嘅蛋白 味道亦都係蛋白還蛋白,奶還奶，味道ok但係又唔會特別驚喜芒果布甸反而個芒果布甸唔錯，cc好鍾意食, 芒果味好濃有果肉，加咗花奶仲好食

同大少食完飯，散步之際，想去食甜品。咁啱有間聰嫂響附近。大少因為感冒，冇得食凍野，只係簡單地叫咗一個薑汁黑芝麻湯圓。佢就只可以睇住我食榴槤水晶珠。個榴槤水晶珠個底應該係好似冰沙咁嘅嘢，有啲榴槤肉喺裏面，上面再加左一小球榴槤肉，同埋水晶珠。味道唔係太甜，亦都唔係太假，好真材實料。大熱天時，飯後有一個美味甜品，簡直ichiban.

今天中午經過灣仔，想歇一歇腳，由莊士敦道走入了一條橫街，見到聰嫂私房甜品長長的直幡招牌，於是便走進去吃甜品。中午時份人客不多，枱與枱很密，但當時舖內只有另一名人客，因此沒有擠迫感。餐牌上有頗多選擇，但吸引我的是「生磨」二字，於是雖然天氣熱也要了個生磨合桃露。碗子不大，合桃露和䁔不太熱，沒有合桃香味，也感受不到生磨的口感，味道稍甜。$28一碗普通的合桃露吧。

星期三我地一行5人晚上9點左右去到食糖水, 入去到分別叫左3碗木瓜糖水同另外2款糖水9其中一款係用椰青上的). 等左大約10分鐘, 我的木瓜糖水到左, 試左一口之後我就同另外2個朋友講點解我碗糖水咩味都冇既? 佢地就用好疑惑的目光望住我話唔係丫, 我地果碗木瓜糖水好正常喎, 之後我地就互相試下大家既木瓜糖水, 簡直唔相信係出自同一間鋪頭既. 好明顯我果碗加左滾水落去, 一d味都冇, 36蚊一碗滾水會唔會太貴丫. ..P.S. 另外2款糖水質數一般, 座位好迫, 後邊既人背隻一直碰到我的背.

星期日11點幾，朋友想食糖水，一行5人由會展行去聰嫂，都幾遠下。。不過我都未試過食聰嫂，所以行遠少少都可以的。去到門口，唔使等即有位。Lucky ✌🏻✌🏻✌🏻 一拎起個餐牌，覺得有啲貴，不過而家食糖水分分鐘貴過食個正餐，所以都接受到。5個人分別叫左士多啤梨涼粉，士多啤梨豆腐花，蜜瓜涼粉，鮮雜果水晶珠，同唔知咩蛋茶 （唔好意思，唔記得左。🙇🏻‍♀️🙇🏻‍♀️🙇🏻‍♀️)我食既係鮮雜果水晶珠，雜果仲加上芒果沙冰，我覺得係幾好食，但個水晶珠係乾既，無汁無水，問可唔可以加花奶，多謝$5，我最後無加到，不過間珠真係好難食，好在份量唔多。🤦🏼‍♀️🤦🏼‍♀️🤦🏼‍♀️之後我偷食左朋友既蜜瓜涼粉上的沙冰，我覺後幾清新，唔錯，不過朋友就覺得佢所俾既蜜瓜肉少得可憐。😂😂😂最後又偷食埋士多啤梨涼粉上的沙冰，好難食，好人工陣味，如果差唔多$40既糖水俾啲咁既質素，我覺得真係唔okay。我覺得可以唔使幫襯lu, 試過就算。

本身同朋友晏晝行緊街，但係因為天氣太熱想搵個地方坐下，知道附近有間聰嫂就入去食，當係下午茶...之前都想試銅鑼灣聰嫂，但一直都大排長龍，一直都知道佢嘅蜜瓜椰果冰係好出名，今次一試，果然名不虛傳！首先佢上邊嘅椰果同蜜瓜份量好多，蜜瓜夠甜，椰果就夠彈牙，而下邊嘅沙冰唔似得出邊嘅糖水舖淨係得椰汁味，佢反而有好香嘅牛奶味，分量又大，食完真係成個人都透心涼！

同個friend嚟， 以為聰嫂係連鎖店應該唔會伏，叫咗碗芒果涼粉同埋熱薑汁燉奶， 個涼粉ok ， 但係嗰燉奶是碗液體（如圖)， 問個侍應佢話啲燉奶係底， 我用匙羹搞一搞碗嘢， 但整碗只是稀稀的白色薑汁水 ， 嘥咗我38蚊。

由於天氣真係太熱，所以行街行到頂唔順，見到間聰嫂就走入去食，點左個蜜瓜椰果冰 ，食完真係非常透心涼！雖然佢嘅價錢唔算平，一碗大概四十幾蚊，但係份量十足，上面好多蜜瓜，亦夠甜，椰果就夠彈口， 至於密瓜冰就有陣淡淡嘅奶味，覺得好香，配合埋西米露，口感就更加正！

由大學食到依家嘅聰嫂都係我嘅飯後甜品首選💗龍眼椰果冰真係無得輸‼️龍眼同冰混合埋一齊，有濃濃嘅龍眼味之餘唔會食到一舊舊冰，仲有啖啖嘅龍眼肉添😍再加埋粒粒椰果同水晶珠珠，食落充滿口感！而且唔會太甜，食飽飯都仲食得落🤤.👍🏻推介：龍眼椰果冰 ($49)😋指數：8/10