聰嫂私房甜品 (Closed)

第一次食聰嫂甜品，因為有個外國朋友好鍾意食西米露，所以喺灣仔經過呢間糖水舖，見到咁多人排隊，又有唔同種類嘅甜品揀，所以就入咗去試一試。朋友好鍾意食西米露之外，仲想食埋芝麻湯圓，於是我哋叫咗芋頭西米露然後加咗四粒芝麻湯圓。西米露比我想像中好食，比一般嘅糖水鋪頭質素高啲，芝麻湯圓都係正正常常幾好食。餐廳方面都幾大但由於好多人排隊，所以長期都好忙，員工服務態度一般但尚可接受。見到好多人都叫咗燉奶或者燉糖水，我個朋友表示好想一試，所以都期待下次再去試吓佢其他嘅產品。