城大食坊

Open Now

Now Closed

九龍塘最平嘅小食!$10就有一大份燒賣，熱辣辣，不過售賣時間有限制，通常朝早返工前就係唔會賣嘅，可能怕太多人黎，handle 不及。但係大概朝早11會點前開始有得賣，最遲我試過黃昏大概6點半都仲有得賣。燒賣嘅味道其實一般，而且係最普通個隻魚肉燒賣材料 only , 但係勝在熱辣辣，非常之抵。 而且人流雖然多，但係服務速度都快，唔洗點等。學校 canteen 用餐環境一般，但係可以揀外賣加$1，或者就咁拎住邊走邊食都 ok 。

今日weekend 黎左九龍塘，小窮鬼最近唔係好夠錢，所以今日真係想求其搵d 胃野依下個肚，呢個城大Ac 1 canteen 黎講，其實我覺得燒味算唔錯，穩陣，我揀左三寶飯，19$，超級平，有叉燒、雞、半隻鹹蛋、同埋紅腸，味道都接受到嘅。另外，我自己都鍾意叫多薑蓉，可以送下飯食。 正餐的話，都有唔少人會揀兩餸、或者三餸飯，因為多野揀。除此之外，其實小食都唔錯，當中，一定唔少得呢個$10燒賣，滿滿的一盒碗燒賣(外賣另外加一)

回到大學時期，最鍾意最係黎呢度hea。返黎回憶下當年做學生既感覺。食堂好多人，都幾嘈下。但好有大學生既氣氛。都係咁平既燒味飯。叉雞飯仲可以叫佢俾多啲飯。味道同大學時期一樣。講真欣女覺得呢度燒味真心唔錯。之前食得好厭，因為成日食。但依家覺得特別好味，可能出到黎社會返工先知搵到價錢平味道ok既野食實在難得。呢度仲可以自己攞水飲，紙巾乜都齊。所以午餐時間見到好多打工仔同學生都坐滿成個食堂。食完一碟叉雞飯多飯，好大份。已經飽到食唔落tea。好抵食同味道好。

今天需要去城市大學一趟，一直知道城大食坊最近繼芝士撻之外，還推出了焗煙肉芝士牛角酥 ($22)。聞名不如見面，這一次終於有機會試一試。牛角酥本身頗大一個，內涵是芝士，煙肉，洋蔥和蘑菇。烤焗得有點焦香的，芝士也溶化了，跟其他材料融為一體，光看到已經食慾大增。吃起果然口感味道豐富，牛角酥脆脆的很有層次，不是那種平價的，很容易感受到咬下去酥皮的一層又一層的暢快感。內涵真的很多樣很足，可是主角仍然是芝士，其他的是芝士的配角。每一口都是滿滿的芝，其他材料是幫忙點綴，增加味覺的層次。我還點了雙份的expresso ($13)。喝著咖啡，吃著這牛角酥，真的好像在高級的cafe享受的感覺。大學食堂一般給人是平價低質的口味，只注重量和營養。這個牛角酥，很難想像是放在"頹飯"的同一家食堂售賣的食品。現在的大學食堂有平價的，有享受的，多種多樣。大學生有福了。

又到月尾, 荷包又無錢。今日約左人去歌和老街體育館做運動,未去之前當然要醫醫肚, 唔係會無力。但係又一城D 早餐, 除左老麥仲有2X幾蚊有找的早餐, 吉野家又裝修緊, 我都唔知可以揀咩。唯有入又一城市大學的Canteen 食早餐。呢到絕對係我長期糧尾的人優質之選。雞扒煎雙蛋多士, 再配多個粉, 16.5 + 6 蚊, 仲配埋熱奶茶, 夠晒營養。雞扒唔算好大件, 又夠食就得啦, 蛋又有2隻, 米粉係炸菜米, 大概係gam la,我除左用「性價比高早餐」黎形容我都唔知可以講咩好了~~

食學校Canteen 食物, 我從來唔會要求高,如果對食物要求高, 我就唔會去學校Canteen 醫肚。去得學校Canteen 醫肚, 我只要求抵食夾大份。今日番左City 食早餐, 十點半起身都仲趕得切11點前落Order 叫早餐, 扒類早餐都係我幾常叫的食物, 尤其係雞扒,雖然晨早食呢D好似肥左D, D汁又咸, 但$16.5有一件扒兩隻蛋一塊包同一杯茶仲想點姐,加多6蚊又有個炸菜肉絲米粉又可以頂耐少少,二十幾蚊夠填肚已很滿足,所以我對學校Canteen 食物真係無咩要求, 抵食已經夠了。

大學嘅canteen不嬲都係唔多好評但當呢個芝士撻出咗之後有改變左我對大學canteen嘅睇法呢個芝士撻性價比超級高係我每一次去親City都一定要食嘅每次買嘅時候都一定係暖暖地一咬落去嘅時候啲芝士流心即刻流晒落個兜度$10都食到個咁正嘅芝士撻 😋😋😋😋😋不過每一次淨係可以食到一個 因為之後就會好濟啦

一早同兩位朋友開個小會議，之後一個要去大圍一個要去港島，好自然約左九龍塘又一城見，其中一位帶左我哋上城大canteen ，佢話方便傾計，D食物平，質素都唔差，仲好多選擇添。上到canteen 光線充足，地方整潔，我叫左麥皮＋雜菜三文治，配咖啡或茶，我揀左低糖凍烏龍茶走冰，只係$17.5咋😱啲麥皮有疍白花，雜菜治好味道，白色醬汁味唔濃，輕輕帶出鮮菜味，件三文治好大件好夠飽，係杯低糖烏龍茶較甜，減返一半甜就更好喇。

本來對大學can的頹飯沒有期待，只係因為有事貪就腳貪平所以去左城大個canteen食個頹飯回味一下做學生既時光。本住個情意結去返「黑房」食飯，叫左個咖哩西冷排飯加個沙律，50蚊有找，抵到我感動流涕，做學生真好；-；味道唔係咁差咁頹，最抵係果碗沙律，大學canteen黎講算係咁了。

港式早餐: 脆魚柳、滑蛋、沙嗲牛肉面、熱檸茶脆魚柳、滑蛋: 快餐都是提早做好放在盤上溫熱, 再夾到盤上的. 所以食物都微熱沙嗲牛肉面的湯底微咸, 面因為都是提早燙了的, 面質一般不過價錢十分便宜, 整個套餐只是24元左右, 與外面基本30元的早餐來說,實在超值環境上是跟普通茶餐廳差不多, 還算乾淨, 也是十分快捷送達相較幾年前, CITY的食物來說, 感覺上質素也是差不多, 沒有多大進步, 也沒有退步一個字: 平!

下晝需要去九龍塘做d野，所以午餐都去左附近搵食，又見行開黎呢頭，就即刻諗起以前嘅飯堂，City can....睇餐牌發覺好多樣野都想食，而且價錢都仲係好相宜，最後就揀左燒味飯食，其實我以前都成日食呢度嘅燒味，認真係幾好食燒雞脾飯係我其中一款食開嘅燒味飯，原因係唔係度度都有燒雞脾飯，原隻雞脾即場斬，而且佢燒得幾好食，個汁又入味，價性價比高，岩哂d學生哥食。惟一唔好嘅就係比較多油，唔止係雞，就連個飯底下都多油，都唔知點解，不過食得燒味都有少少預左，一餐半餐就算啦所以即使而家城大開多左兩個canteen，我都中意係呢度食燒味飯👍🏻👍🏻

畢業多年，難得舊地重遊，發現AC1 can改變了不少，不只是莊玩，連食物的種類也變得更多了！身為愛辣之人，當然毫不猶豫地選擇了口水雞啦！想不到有意外驚喜，不只味道夠辣，而且價錢公道，又包餐湯，簡直是物超所值！值得推薦呀！

今日又去城大食lunch ,諗唔到食咩，又揀咗個焗豬扒飯食。咁抵食依家真係得大學入邊先可以食到$21嘅焗飯，唔包飲品。蕃茄焗豬扒飯個份量都幾大，豬扒有三塊，係薄切個種，今次嘅豬扒比想像中軟熟，上次都係食焗豬，但豬扒係堅硬兼且鞋口，雖然無乜豬扒味道，但係咁嘅價錢，都可以接受。飯底係炒飯，飯粒偏硬，分量真係唔少，起碼有成兩大碗飯，食到一半嘅時候都已經飽，番茄汁甜酸剛好，醬汁有蕃茄洋蔥同西芹，味道也可接受。

在九龍塘辦完事,走到了以前中學的飯堂沒錯,即使您不是城大學生也可光顧🙆🏻簡單地點了個薯仔沙律,炎炎夏日最好不過$14.5就不能要求太多,生菜墊底,薯仔份量不少,還有一雜果粒和青瓜粒🥒🥕🍎🥔多久沒享用過如此經濟的餐點如果您想在九龍糖找個地方坐坐,這絕是個好選擇,還有wifi喔🙈

Went here to avoid the Festival Walk crowd and I was in for a surprise.I ordered the luncheon ham laksa macaroni which turned out to be delicious.It was not an authentic laksa broth base because there was a strong tomato taste with hint of coconut but it was surprisingly addictive.The macaroni was decent as well, it was soft but still al dente with a good thickness.I was impressed with the ham as well because it was chopped up and not served as a slice.The beanshoots in it was weird though but i