城大食坊

Open Now

Now Closed

cheap and good as per my title, worth the value, clean and good taste. I supposed price for student can get bit more lower, especially for those who may be need help / assits / support for funding. maybe the school should consider this as well, more for those in need help? I notice there are lots of non students or outsiders dine in here too, meaning the value is there?

通常課室近邊個canteen就食邊間。AC1係最經濟實惠之選! 今日要講嘅係位於AC1 CANTEEN 最中心嘅CITY DINER.餐牌上主要都係西日款式。心大心細我最後都係選左A4, 日式咖喱豬柳漢堡配珍珠飯。 日式咖喱特色係濃味而不辣，滑蛋感覺伴入了奶炒，都幾滑嘅。豬柳漢堡超紮實口感，好幸福ar一啖豬柳一啖飯，滿足嘅唔單只係肚，仲有同學仔叫左個意式海鮮意粉，總共有3隻青口，可惜有一隻並沒開口。同學表示荷蘭豆邊邊沒有 清乾淨，蝦肉有點腥腥的，但意粉調味得還可以。

今日去九龍塘做野，做完一於要搵啲野食下！？尼個地方帶比我好多回憶！從會考備戰、大學時期做功課傾project、到宜家搵地方傾野，都係一個好好的選擇！位於香港城市大學裡面，但食坊的顧客不只有學生，還會有其他外人，而且鄰近港鐵站，所以非常熱鬧！今日唔算大肚餓，所以就叫左一個三餸車仔麵，話明係平民飯堂，價錢方面當然唔差啦成為$19.50，非常抵食！我揀左幼麵做麵底，份量唔少，感覺非常多！雖然所有有餸，除左麵底外，都一早煮好左！但.....魚彈大小適中，絕對唔會好細小，而且好彈牙！豬皮唔係淋既，唔會得幾塊，非常爽口！火雞腎份量好多，仲好夠味！所以話除左價錢抵諗，食物質素一樣唔差，仍然保持質素學生時期收入唔多黎食飯絕對係一流的選擇！利申：如果想搵個地方傾野，靜靜地，只要揀岩時間，一樣可以比到你但係要緊記，食完野要自動自覺，將托盤自行帶去回收站俾職員處理哦

今日又黎到城大，我覺得城大好多餐廳都經濟實惠。今次就試下城大食坊啦，我叫左咖哩漢堡飯同日式咖哩簿西冷。其實好多個餐都好吸引嘅，不過下次先再試城大食坊一路直入就會見到一間黑房，而今次，就係喺黑房入面食。咖哩漢堡飯嘅漢堡好厚好抵食，而蛋更係一絕！而日式西冷就好嫩、入口即融！飯同餸菜嘅比例剛剛好，唔會話太多汁或者太多飯。汁嘅濃度亦剛剛好，唔會話食完之後好口渴。城大黑房不單單食物素質好、環境優雅、而且佢嘅優質服務的確值得我一再支持嘅

2017.02.02年初六開學日📚真係唔明🙁點解咁快又開學小食部冇開 連最愛既GardenCafe都未開爐我唔想食Ac1啲頹癈飯呀😡咖喱汁漢堡扒蛋飯 連汽水 $28今次係我第一次係citydiner 用餐以平日城大飯堂 Ac1的質素黎講居然令我有小驚喜先講主角漢堡扒 感覺食起黎係豬排🤔但肉質酥軟 而且有煎過 頗為可口飯係挺有誠意地用左珍珠米外表亦相當吸引🍛咖喱汁配上些少忌廉汁拉花可惜咖喱汁食起來感覺更像燒汁不過整體黎講 係令人頗為滿意廿幾蚊餐 仲有職員送餐服務 仲想點啵城大食坊 💌 Cityexpress九龍塘城市大學康樂樓5樓citydiner位於Ac1 Canteen入面算係比較高級少少既飯堂提供著平價版既扒餐 鐵板餐雖然同Ac1飯堂比較係貴啲但平均黎講都只係$25-35就有一餐算係唔錯既選擇

咁啱有d 事要番Cityu，既然返到去母校，當然要試下而家Cityu canteen 既水準如何喇！平平地叫左個雙餸飯$24，識揀餸既話，都真係幾豐富架！筆者就揀左咕嚕肉同咖喱雞，一酸一辣，兩種餸味道都好惹味，即刻飯都爬多兩啖咕嚕肉好脆口，甜甜酸酸咁，咕嚕肉都唔少，大約有六七舊架…咖喱雞有d 辣，不過仲可以接受。咖喱味有d heavy，最好留d 飯黎balance下。過左一排，都總算keep 到個水準，不過不失

又一城餐廳一係好貴，一係好多人，一係就快餐food court。想試下新野？可以去城大carteen又一城出五分鐘就到，中西式都有。我就揀左口水雞飯連餐湯($26)呢個價錢唔會要求太多，整體都算合格之上。口水雞分量幾多，肉質幾滑，係多左d碎骨。個汁當然無川菜專門店做得咁好，不過都幾香，辣度同麻度就差少少。個飯就頹左d,好彩未至於煮到爛既。中湯比較清，無渣，飲落無咩味精味。carteen仲有好多選擇，想係九龍塘平平哋咁食個飯，呢度岩你！

我是城大的學生，眼見已到達午飯時間，當然首選又平又就腳的AC1 canteen.特別推介這個三寶飯 ($19)，為免浪費，我選了少飯，減$1 (即$18)師傅也十分友善，我要求的瘦叉、走汁也能做到，還細心地詢問是否要薑蓉。咸蛋也有大半隻，還有一隻斬了件的雞翼和紅腸。對我們窮苦學生來說，十分抵食。

又一城咩都貴，係得m記譚仔叫做可取d。但其實只要行遠多少少，入city canteen 都可以揾到好味又平價既飯！呢個四寶飯唔使$30就有交易！紅腸咸蛋就唔多講啦！叉燒唔算肥，幾好咬口。雞都好入味(鼔油味) 仲有唔少菜添(雖然唔多好食)！但有得多飯少飯，又有得自己but薑蓉，算係咁啦！

早上出奇地早起床，下午去九龍塘有事情要辦，就決定去城大canteen食個靚靚早餐，去到叫左個雞扒配炒蛋多士，加配五香肉丁公仔面。雞扒塊皮好脆口，肉d邊位唔會煎到硬曬。炒蛋暖暖地，明顯唔係用牛油炒，不過唔緊要，食落口都好滑，仲健康d添。至於塊多士就…腍ge...不好吃。麵呢，麵身唔會過熟，公仔麵最怕淥得太耐糊曬。整體黎講，以大學canteen的價錢來說，物超所值啦！

Ac 1 飯堂比起其他兩棟building，食物質素係差啲 款冇甘吸引，不過勝在價錢最平同菜式較多！ 今日見到有疑似pepper lunch 既鐵板飯食，價錢又唔貴（$38）一於就試下。 由於是大學飯堂，加上價錢低，本來真係冇咩太大期望，只希望唔好太伏就得！ 比錢後等左大約五分鐘，有專人幫我地拎，服務比pepper lunch好，話哂鐵板都好重下。 叫左牛肉雞扒鐵板飯（仲有煙三文魚同海鮮簡），飯量比pepper lunch 多，有粟米粒，有五片牛左右，雞扒兩三塊，呢個價錢來說，份量絕對合理！飯睇落好似好濕 等左一陣都冇咩飯焦，不過食落都係正常的。 汁就得一種，有少少黑椒同蒜既味道，偏甜。似pepper lunch既 蜜糖汁。 雞扒燒過，外皮香脆，食落冇咩雪藏味。 整體來說係似pepper lunch 既！ 唔係伏 係抵食，有下次！ 評分：6/10。  *順帶一提，呢度既人服務態度幾好，好過茶餐廳，又貴又唔係話好食。

畢業多時，偶爾還是會想念城大的日子。雖說城大生有又一城這高級飯堂，要經濟要方便還是這食堂為首選吧。公事關係路過此處，以訪客身份還是可光顧學生飯堂的。採全自助形底，選了黑椒雞扒香腸飯($25)，雖然今時今日已沒有十元頹飯選擇，可廿元的半頹扒餐還是抵得沒話說的。雖是飯堂水準，但黑椒汁夠辛又夠香，挺惹味。香煎雞扒嫩滑塊頭又大，配上香腸就是豐富的一頓。凍檸茶才加$5，抵! 茶底夠香， 水準如一。除了頹飯，牛筋河、燒味飯也是我的回憶，不知可時再可回味?

午飯時間，好多人, 只好等到 1點後先去食野。叫左個白汁魚柳飯，因為焗左一段時間，所以表面d 汁有d 乾。飯有d 濕濕地，唔知點解次次都係咁。但at least d 白汁其實撈一撈佢都幾ok，唔會乾哂冇汁咁。魚柳唔會好硬，mix 埋d 汁食落都幾ok。最緊要係只需要21蚊。本來仲有另一個焗飯係18蚊，不過去到已經比人掃哂。個人suggest 係11點啱啱轉lunch 之後就叫，咁d 飯一定係最新鮮最好味，就等同於新鮮出爐麵包一樣。

上堂前醫醫肚，我又黎食canteen三餸飯啦，首先，我覺得canteen雖然平，但質素的確唔錯，而且地方舒服，又多選擇，今次飯餸都不過不失，排骨炆蘿蔔入味，蘿蔔夠晒腍，索左d肉汁，排骨加上青菜，係健康既一餐。

今日去CityU, 順便食埋個靚飯先返，原本想食個健康沙律餐嘅，但今日由於太遲所以得返好少款，同埋諗到好似放左咁耐，就即時轉軑，脆脆地食返AC1算啦~一睇個menu board,好快諗到要食個龍蝦湯海鮮燴飯，因之前食過咩西班牙燴雞飯完全大伏，其他又唔想試，就叫D個好似安全D嘅。 龍蝦湯海鮮燴飯 ($28)賣相都唔錯，3款海鮮(魚柳，青口，蝦)加四季豆同香草點綴，以咁嘅價錢，有3款海鮮都不錯嫁啦~首先四季豆有D生，但係可以接受嘅程度；魚柳炸粉不太多，都可以食到啖啖肉，但炸得有D油，食完個嘴充斥油膩感；而青口同蝦完全只係白焯，完全冇味，冇應該要有嘅龍蝦湯味，所以龍蝦湯燴飯還龍蝦湯燴飯，海鮮就海鮮，兩者無交集。  只係蝦嘅質感都叫彈牙。而龍蝦湯海鮮燴飯嘅意大利飯就有驚喜，D飯索哂D龍蝦湯，好入味，加上有D忌廉煮過下嘅蘑菇，成個飯都好creamy，好香~~ 整體好appreciate個龍蝦飯，邊個話大學canteen飯一定難食，都有少少驚喜，整體可以接受。