都會坊餐廳

Open Now

Now Closed

呢間餐廳外面望落去唔差，但實際樣樣唔掂，呃人錢：1.員工態度惡劣 一入去，高級呀姐睇落殷勤又醒目，但我地點餐飲時只係猶豫左一兩秒，原本温柔得有點假的聲音突然兇我地，瞪大眼"我而家問你飲咩丫"，我們嚇到隨便叫左就算。最攞命呀姐下一秒轉身笑哂口又用番温柔聲同後面果枱落單，變臉之快令人側目，我地心都寒一寒。另外，呀姐應承我地卡位走左可安排我地坐果邊，但後來卡位枱客走左，個呀姐就立即安排另一班客坐，完全忘記應承我地先。至於其他伙計比較遲鈍，叫極都唔應，仲要落錯單。   2. 衛生差，環境差 經過廚房，裡面居然傳出令人反胃的酸臭味。餐具方面，把把刀既刀柄都是爛既， 刀上面仲有一點點啡黑色的污積，即使換左新既都依然係甘。仲有塊鐵板係裂開左既。環境方面，張枱非常高，張椅又非常矮，枱椅距離太窄，坐得唔舒服。   3. 牛扒肉質差及極咸 如果態度差環境差而食物好都可以過得去，但呢間餐廳既食物係難食！我們叫左鐵板牛柳及鐵板t骨牛扒，先講牛柳，似煲過湯的豬展再攞去煎，一切成塊散哂變左一條條肉絲。至於t骨牛扒，冇肉味，超薄，一d都唔似牛扒。最後個黑椒汁非常咸，冇黑椒味，食完要飲好多水。加8蚊的餐湯都係得

晚上旺角的街道很多人來呢間都會坊其實今次第三次自己一條友晚餐最愛他的長通粉很味美 比之前有進步，更入味的其實他的白汁海鮮長通粉仲好味芝士香濃而不漏可能個場爆滿等了45分鐘才有得食幸好服務員都好好人好nice 都會同客人交流會繼續幫襯

人有時候，有些莫名的執著。某天中午，人在太子，只想簡簡單單、便便宜宜吃個普普通通的西餐。但求醫肚而已。不過，一路上都遇不到想試的餐廳，走下走下走到近油麻地。我都不知自己，為何會走到這兒，總之，今次重臨「都會坊」。都會坊是一間須小的餐廳，環境幽暗，從外面看起來像酒吧。其實不是第一次來。從前在附近上班，曾試過幾次，總體印象還好，最大的賣點就是夠平。三十零蚊食一個 Set Lunch，每天提供七款選擇，加錢叫凍飲仲有錢找。在旺角區，十分便宜。　　今次叫了焗鴛鴦意粉。行到熱，例牌整返杯凍奶茶。凍奶茶還可以，中規中矩的水準。少少澀，但至少不會甜到漏，或者淡如水。　　焗鴛鴦意粉有哪兩種配搭？焗雞扒、白汁魚柳是也。份量足，而且材料也不少，三十零蚊絕對夠我食飽。意粉是普通貨色，當然不會吃到索索聲那麼爽。不過兩款汁料都交到功課，味道和濃度都合格。至於雞扒，煮得不夠軟嫩，但亦在預期及可以接受的範圍之內。魚柳比想像中多，水準尚可吧。　　在這類小餐廳，吃一個三十零元的 Set Lunch，應該抱著甚麼心態去分享呢？或許，毋須仔細地去吹毛求疵。無意中路過，進去吃一頓簡單平實的西式午餐，我相信它已經能滿足我的需要

今日tea time去左呢間餐廳食野，食左個鐵版豬排烏冬，味道都ok，但都幾咸。問題就出現喇，叫左杯餐飲凍奶茶，但杯凍奶茶係我生平飲過最難飲嘅！唔知道仲以為飲緊凍水，無茶味無奶味，於是我同個侍應講話杯野無味，要換杯凍華田，結果佢換左杯「糖水」俾我，我飲左一啖，已經不能再飲，實在甜到無朋友。

簡單的一頓午餐，就在這間普通不過，門面似是酒吧，但又不是酒吧的港式西餐廳解決。吃的是天天供應，每天各有七款選擇，盛惠三十一元的午市西式套餐（不過加餐湯要加兩元，餐飲轉凍飲又有加兩元，所以最後埋單結帳應是$35才對）。不過這天我吃的不是西餐，而是日式的「日式野菜照燒炒雞柳飯」。這天喝的餐湯是「菠菜忌廉湯」，是一般港式西餐廳或茶餐廳的正常發揮，味道帶甜，不難喝，稀稠度還及格，不會太稠或太稀，加了菠菜蓉在湯裡也使這普通的忌廉湯顯得特別些。雖然「日式野菜照燒炒雞柳飯」的雞柳是少的，只得那麼五六件，幸好什菜甚多，簡直多得令自己有點意外。雖然所謂的什菜大部分都只是椰菜，但蔬菜多些對健康總是好的，總不成餐餐都是大魚大肉吧！普通的飯，普通的湯，加杯凍飲，一頓簡單的午餐是這樣吃過了。原來這間餐廳自己之前曾寫過食評，當時吃的是早餐，給的是一張哭臉。事隔年多，原來自己已記不起自己曾經來過了，這次就碰巧地又來到吃了一頓午餐，幸好這次午餐的水準比前次早餐的水準略高一二，服務也沒有上次那麼差，就給它一個OK吧！

路過買lunch諗住試下, 真係唔有下一次食物質素已經唔好,服務更加係差差差.......先講服務,有個似係較"高級"既阿姐態度惡劣,粗聲粗氣無禮貌,比錯單客人重要鬧返客人,呢種員工真係早炒早著,如果評分可以有0,我一定比0分佢.再講食物,食左個雞脾飯,雞脾"鞋"口,飯又太乾,食左幾啖就唔想食想多d人幫襯呢間鋪真係祝佢好運啦

都會坊!!無下次！鋪頭門面好暗，似係間bar多過据扒，係門口見到一個雜扒餐六十幾蚊幾抵咁咪入去食囉。入到去好多人諗信點差都有個譜，個度都幾嘈下，聽唔到個女侍應講咩，就咁望埋去應該就無位，於是個女侍應好大聲咁話:樓上丫！好啦上樓上，上到去仲似間bar。坐底對住部電視但無字幕既，個度又嘈…點睇？！抹台又係要叫，連拎餐牌都係要叫。仲要有蚊咬！好啦叫左兩個，一個雜扒餐同芝士焗蘑菇肉醬長通粉，啤酒加凍檸水小冰。係個扒上先，雜扒係有:奄過龍既豬扒，無味既雞扒，一塊火腿，一條腸，幾粒粟米加幾條紅羅白仔。我真係未食過黑椒汁係有紅辣椒！啤酒嗌左四次先黎！凍檸水小冰變走冰！同埋個芝士焗蘑菇肉醬長通粉係甜既！！！有無搞錯！！各位如果要行入去食唔好俾佢好多人食呃左！呢餐都要百6蚊！我以後唔會黎！芝士焗蘑菇肉醬長通粉雜扒餐

這夜與男友往旺角逛街，路經此餐廳，便試試吧!看見一個二人餐，所包的食物頗多，我們便選了這套餐。先來酥皮湯，賣相都算ok! 但吃了一啖，真的超鹹呢! 前菜的帶子與煙三文魚沙律，我忘了拍照，而帶子也是很鹹呢! 再到吉列班塊長通粉，唉.........只可說難吃! 肉眼牛扒又是很鹹，味道當然不好，一點都感覺不到所謂的黑松露紅酒汁。最嚇我一跳，一定是這杯凍奶茶，雖然顏色與一般奶茶無異，但完全沒茶味，男友說像奶水。 這杯奶茶還值$23，以這個價錢，可以往台式茶店買好味很多的台式奶茶呢! 所有食物都超多味精又超鹹，用味精都不需要那麼重手吧!很多茶餐廳的水準也比這間所謂餐廳優勝呢! 雖然這個套餐的份量頗大，但以這個水準來說，真的太貴了!

同老公既一個好得意既約定系,每個禮拜3都要周圍食食食~今次揀左旺角呢間都會坊~行街行到肚仔餓,老公問食乜?我求其揀左呢一間!平時成日唔見到影相今次我老公提我SCAN左啦!!見個餐牌158元2人餐,都預期個SET唔大份!仲有D好得意既告示~刀叉,枱墊都好整齊!上菜先上左沙律...個沙律都唔錯!最起碼令我個唔食生冷野既老公系咁食~之後再黎左個扇貝~得1隻GA炸!系AH!您無睇錯~2人餐系得1隻囉~老公見我鍾意食海鮮,比左我...不過我真系唔知自己食緊D乜>___<D蒜泥太多啦~搶左貝既鮮同甜!唔掂!到上酥皮湯啦,原本以為同Menu圖一樣漲卜卜~點知....系平ga!>_____<好明顯系佢地整熱左個湯,再焗起酥皮放上面!囉!不過入面系菠菜白菌湯,都幾好味既!到主菜啦!!!由於我唔食牛..所以無試到!不過老公一向食7成..今次幫佢叫7成既結果系...老公話唔好食囉!@/\@7成有血水好正常!不過塊肉凍凍地~老公話比盡得5-6成! 到老公幫我order既吉烈石班柳長通粉!呢個就真系okay la!!!! 外皮好脆,一咬暖立立!個長通粉都岩岩好,軟硬適中!值得一試

其實這間我留意了好久,但每次行過都是吃飽後,今天真的是機緣下的一次機會本來是想去廟街吃煲仔飯,但因為有位朋友不想再行,而覺得食物名稱都幾吸引,就進去了,進去暗暗的,應該是製造氣氛吧,我們3人坐到一個卡位,看餐牌時有人要回收一個餐牌說不夠用(我們拿了2個,那麼旺場?),只好3個人看著同一個餐牌啦..................我好想吃魚扒就選擇了鐵板優質紐西蘭龍脷柳42蚊朋友們就叫了鐵板精選美式雜扒52蚊配長通粉和日本磯燒元貝伴鮮茄豬扒長通粉48蚊,加5蚊可以多餐湯和麵包,咁我地都加啦,我就飲羅宋湯,落單後都幾快就有得食,麵包像是嘉頓餐包,裡面都幫你搽晒牛油,對我地來說係方便的,我的羅宋湯有點微辣,係我成日飲開果隻味(小酸微辣),好開胃食完不久就來主菜了,我的主菜賣相都不錯,可惜唔夠汁,幸好叫左侍應比都d汁我,等到黎打算撈意粉,發現個底有生菜塾住,無烘燶d魚同意粉!(有分加)味道都算唔錯,份量又夠,10分比7分友人A的雜扒,有腸有雞有牛有火腿仲有好難得配長通粉,而友人B就係日本磯燒元貝伴鮮茄豬扒長通粉,個樣幾華麗,粒元貝睇落好大,但原來包住左條裙邊同春子,因為友人B太細食,所以我有幸

做完運動，自然要吃點東西補充體力，跟波友到鄰近café下午茶去。原來砵蘭街那邊都有不少Café仔，但有些就被包場，輾轉下來到了一間叫都會坊的小Café。各要一份飛碟多士，我的是吞拿魚，波友的是蘑菇粟米。先試對方的那件，夠晒香口，餡料都是罐頭的蘑菇片及粟米粒，稍嫌太乾；吞拿魚飛碟要好一些，同樣夠香之餘，亦起碼有沙律醬，沒有乾巴巴的。凍檸茶欠缺茶味，麻麻，我喝了半杯便棄權。

24-5-2011(Tue)晚,等到男友放工,可以走人食晚飯lu.男友諗到呢間好想試,就同佢試啦.行到門口,嘩!似色情場所多啲喎.但男友真係想食就入去啦.睇o左menu好耐,男友要$48.00o既炭燒德國鹹牛脷石頭鍋飯,加$2.00要凍檸茶,再加$18.00要綠茶雪花冰.我要$48.00o既法色藍帶芝心魚柳餐配薯菜,飲熱檸水.order完後,兩杯o野飲好快到o黎,我o地邊飲邊等,等呀等,等呀等,等o左好耐,10分鐘喇,一啲o野食都未有.再等呀等,15分鐘,終於有樣o野到o黎,係我o既法色藍帶芝心魚柳配薯菜,呢個都幾大件,炸得靚,金黃色,冇過火,有好多薯條,汁係忌廉汁,魚柳熱辣辣,中間夾有芝士,火腿同蕃茄片,食落,魚柳夠脆,忌廉汁淡淡地.男友o既炭燒德國鹹牛脷石頭鍋飯都到o黎,有隻生蛋o係面,我試一件牛脷,邊都好脆,但覺得過o左龍,有啲乾硬,汁料有喼汁,但唔太鹹,適中.男友話飯只有幾粒飯焦,但太大碗喇,食唔晒啲飯.最後係綠茶雪花冰,我o地叫侍應上,o黎到睇睇,唔係好多,有兩撮仔甜甜o既.綠茶味有啲苦,有啲唔夠甜.食到最後我o地至知原來呢o度有三層,唔怪得要等咁耐啦.

可怒耶!!! 激到我要特登要上openrice 搵佢個電話鬧佢同申請openrice會員寫我第一個食評!!!! 我之前都有食開佢的外賣飯盒,$16 幾抵幾好食 呢排想save $ 就幫襯番 雖然+左價但麵都抵,而家通脹丫ma 當我滿心歡喜開始食的時候竟然聞到怪味...食落去..好酸!!!!得酸味!!!!仲要係`酸宿味~~!!!!! 我已經懷疑係宿食多幾啖試真d,叫d朋友聞下食下,,,,,佢地都話有問題!!!! 我5敢食落去,又肚餓,唯有衝落去買細蓉頂肚,就快完lunch la 出面仲要落雨~~!! 好激氣~~5好食同5抵食都5係問題因為冇人迫你賣~ 但比d唔食得的野比人食就好過份~ 打電話比佢鬧佢仲同我講今日賣左5x份都冇問題,唔信我~~!!!人地話有問題你仲會賣???!!! 話搵人上黎同我換? 我仲敢食你d野,而且我已經食緊云吞麵LA佢D語氣澈死我~~!!!!! 早知叫佢搵過人上黎同我食曬盒野佢~~!!!!!夜晚肚痛呵左一次..................我以後唔會再幫襯~~~5係又要俾$買藥食~~!!!

我食左個下午茶餐，吞拿魚焗意粉都仲可以，但如果可以焗得乾d 就好啦！我老細就食油髀米，隻髀都ok , 但個米粉好硬，另外就係杯飲品真係超唔掂，沖阿華田都已經冇技術可言ga la , 佢竟然可以1唔甜，2冇阿華田味，3唔熱！所以我有大半杯冇飲

這天早上要到旺角辦點事，在工作前，先在附近隨便找一間從沒幫襯過的茶餐廳吃早餐，結果來到這裡。這裡的環境似乎想營造較好的情調，所以燈光比一般的茶餐廳為暗，不過我就覺得效果不大好了。始終，一間餐廳是否有情調並非單靠昏暗的燈光，而是要看其整體的陳設佈置、附近環境的配合和食物質素等，可惜在這幾方面都未能令人滿意，陳設佈置欠特色、附近環境欠佳、食物質素也甚為一般。雖然，這裡的早餐價錢比起附近大部分的餐廳都要便宜，多款不同款式的早餐都只是賣$18，價錢是相宜的，可惜早餐的質素只是一般，「燒汁豬扒」的豬扒雖然不算很差，但肉質太鬆，淋在豬扒上的燒汁下得太多，喧賓奪主，使味道變得太濃。煎蛋煎得太熟，不是自己杯茶。原來叫的方包，來時更變了多士，相信是落單的一位身穿阿根廷球衣的年輕女侍應寫錯造成的問題。為什麼自己會認定是那位女侍應的問題？是因為這位女侍應拿餐具給自己的時候，已經拿漏了餐刀給自己，試問只是得一隻叉又如何能夠把整件豬扒切開來吃呢？相信也是拿漏了吧！所以我有絕對充分的理由相信，這位女侍應不單拿漏了餐刀給自己，還連方包也寫錯成多士呢！除了服務質素欠佳，有待改善之外，這餐廳在最基本的方面也做得不好，桌