Classy Le Carré

Open Now

Now Closed

前幾日去西環行街，行到攰，就打算喺附近搵晚餐食。啱啱好見到呢間意大利餐廳Classy Le Carré嘅餐牌唔錯，就決定去試吓我叫咗個豬肉闊條麵，味道好啱我口味。豬肉咬落唔會韌，仲帶出咗芝士嘅香味，配埋卡邦尼濃郁嘅味道，闊條麵即刻變得更加好食！而且豬肉好有彈性，同軟綿綿嘅闊條麵一齊食，口感好豐富！仲有去骨黃油雞，味道真係冇得頂！！雞肉滑滑嫩嫩，食落完全唔會鞋，食落翡翠鮮甜，加埋魔鬼醬嘅味道，雞肉本身鮮甜嘅味道更加突出，令人食到停唔到口！我自己仲叫咗杯我最愛嘅抹茶！呢度嘅抹茶同我之前飲過嘅完全唔同，好醇厚，仲回甘，好順滑入口！而且仲有濃郁嘅茶香味撲鼻而嚟，完全抗拒唔到！今晚嘅晚餐好豐富，真係一間值得一嚟再嚟嘅餐廳！下次一定再嚟！

我大學老師就快退休，就打算約佢一齊出嚟食晚餐慶祝吓。我哋揀咗呢間喺西環嘅Classy Le Carré，因為食物睇落好唔錯，環境都好靚。我哋兩個人單點咗幾道菜，味道都好獨特。魚肉好軟，基本上唔使咬，入口即化，香甜軟糯，加上香茅同忌廉獨有嘅香味，食落好惹味！而且仲有烤紫蘇籽做點綴，脆脆地，同魚肉有明顯嘅對比，口感更加豐富！鵝肝好肥厚，放喺牛油包上面，仲可以吸收牛油嘅香味，食落好香甜！而且仲有士多啤梨醬配無花果做配料，好爽口解膩，令人忍唔住一啖接一啖！帶子新鮮可口，仲帶有微微嘅海洋味，好彈牙。而且仲配咗橄欖油獨有嘅香味同辣油，香香辣辣，令人胃口大開！同冰菜一齊食，味道更加清甜。牛肉濃郁嘅香味撲鼻而嚟，食落鮮嫩多汁，好惹味！然後牛肉吸收咗酒汁之後，牛肉嘅味道更加鮮甜，加上芝士粟米糕做配菜，好解膩，老師好鍾意！我同老師傾咗好多偈，仲食咗好好味嘅美食！

【Classy Le Carré】位於西環堅尼地城海旁一帶，環境清幽舒服🌊白色小屋外形令人感到平靜安寧，喺到度過一個下午就最適合不過🌞【冰雪雜果乳酪】有不同莓果同穀物片，莓果帶酸配上甜絲絲嘅乳酪，係十分清新開胃嘅選擇🌿【小米鮮蝦羽衣甘藍沙拉】鮮蝦大大隻，肉質彈牙鮮甜，追求健康嘅朋友唔可以錯過依份沙律💪🏻【法式鄉村鐵鑊早餐】精緻地用鐵鑊呈上，甚本材料如炒滑蛋、大啡菇、炸薯餅都不錯，額外仲有1/4件窩夫，好豐盛🌟【牛角包窩夫配牛油果 明太子 蝦肉】牛角包窩夫上鋪滿配料，明太子同蝦肉增強咗窩夫嘅味道，估唔到鹹食牛角包窩夫都一樣好味👍🏻

自己俾錢架好好食的午餐，西餐真的十分豐富有十分多種類 份量十足仲有綠茶，十分純香的感覺同苦中樂，唔會油膩，好正！好甜，值得去飲，香氣環境十足，好靚，燈光好光，值得比人欣賞，去參觀，十分舒服啊！我鐘意意粉，又好吃，大份，又唔會太膩。價錢方面都叫做合理，唔會太貴，CP值都叫高，尚算合理！我同家人比錢食，過了一個開心的晚上。我地享受呢一間餐廳既氣氛，感到十分開心。我如果有機會一定會來吃，所以真的好開心啊！哈哈哈哈哈哈

今日係我同女朋友嘅一周年，就打算帶佢去西環嘅ClassyLe Carre食法國菜。呢度環境好好，以白色做主題，好浪漫，仲擺咗啲花，好啱嚟拍拖。女朋友叫咗個魔鬼醬黃雞，外皮香脆，肉質鮮甜滑嫩，唔會柴柴地，而且完全冇骨，食落好方便。配埋魔鬼醬獨特嘅風味一齊食，簡直係絕配！而且份量都好大，女朋友食到好滿足！我就叫咗和牛牛面頰，牛肉鮮嫩多汁，油花好細膩，口感好豐富！最特別係仲放咗芝士粟米糕，同牛肉一齊食，別有一番風味！同時，每一啖仲充滿住酒香味，整體味道好正！我哋仲叫咗一杯朱古力，好好飲！我哋揀咗100%厄瓜多爾純黑朱古力，濃郁嘅朱古力喺口腔散開，飲落好香！而且仲帶住朱古力獨特嘅味道，我同女朋友都好鍾意！我哋兩個人都好開心，下次仲要再嚟試更多美食！

堅尼地城呢間Cafe，身邊唔少朋友去完都話食物質素唔錯。我都趁放假去港島慢遊時黎呢度醫肚。🟣小米鮮蝦羽衣甘藍沙拉🟣先黎個沙律開胃，呢個羽衣甘藍配鮮蝦，健康爽脆又清新，加埋鮮甜彈牙大蝦，味道好夾。🟣櫻花蝦蒜香牛油蜆肉扁意粉🟣蜆肉算係幾大粒，蒜香牛油完全融入咗係蜆肉同意粉度，特別鮮甜😋份量多到每啖意粉都食到蜆肉，意粉好煙靭，唔會好淋。加埋鹹香嘅櫻花蝦，特別惹味。🟣黑松露迷你披薩🟣Pizza 賣相吸引，餅底是傳統手拉薄餅底，餅底烘得頗香脆，上面係滿滿黑松露，材料豐富，香味濃郁🥰呢度環境舒適，菜式選擇又多，下次去開港島又試吓先。

今日同朋友一齊去試一間食材豐富，環境靚，地點又就腳既cafe☕️ classy le carre，一入座望見隔籬枱食物已經相當吸引🗣️🌺 九州福岡縣明太子，三文魚籽，扁意粉-每一啖都令人回味🫦，明太子香辣好味，加上彈牙既三文魚籽，每粒都喺口裏面衝擊每一寸嘅味蕾，超回味呀。🌺 小米鮮蝦羽衣甘藍沙菜-好多沙律菜、羽衣甘藍。沙律醬酸酸甜甜好開胃，鮮蝦口感好彈牙，蝦肉汁流岀，強烈推薦🫴🏻🌺 阿里巴巴羅勒鮮茄醬，時令海鮮扁意粉-時令海鮮款式豐富，有青口、蜆肉、帶子、鮮蝦，海鮮肉質爽口，仲帶有濃濃嘅海洋鹹香味，越食越上癮，值得再試💋店員超好，而且食材豐富，地理位置方便👍🏻

呢間超 Igable 嘅 cafe 真係想試好耐喇！室內室外都佈置得勁靚，淺木色系加上乾花裝飾，食飽之後可以盡情打卡，真係點影都覺得好靚，Cafe主打多國菜，菜式都幾多選擇。 《法式鄉村鐵鑊早餐》色彩繽紛嘅全日早餐，有炒蛋、比利時華夫餅、港口蘑菇、法國麵包、香腸、蕃茄、炸馬鈴薯餅、烤日本南瓜同Yogurt，份量十足，炒蛋炒得好入味，最鍾意就係Yogurt，入口非常香甜，味道酸酸甜甜，令人十分開胃。 接着係主菜揀咗《黑松露雜菌忌廉扁意粉》配上各自菜作裝飾，仲刨咗啲飛達芝士，加上滿滿嘅黑松露香氣，睇落仲落咗啲松露油，實在誘人，而野菌嘅份量相當多，所以，菌香味突出，麵都煮得啱啱好，咬口而唔過硬，係一道上佳嘅意粉。《White Coffee》特意為咖啡中毒嘅朋友嚟一杯 White Coffee, 一日先當然更有勁道，蠻夠香濃嘅咖啡已經好討好，混和打得幼滑嘅奶泡更加可口，唔使加糖以免失真。

呢間餐廳我同朋友一直幫襯開，有高質素嘅意粉、各種經典嘅意大利佳餚，都食得出係主廚們用心烹調而成，每一款佳餚都可以令我地食得津津有味～和牛牛面頰、意式芝士玉米糕牛面頰經過慢活燉煮肉質已經非常鬆軟且多汁，食落去肉香味十足！配埋松露紅酒燒汁更加惹味。意式玉米糕外皮已經炸得香脆，鬆軟又帶住紮實口感嘅玉米糕同濃郁嘅芝士香氣融合埋一齊，好好食卡邦尼風乾豬面頰肉意大利闊麵最鍾意就係呢碟一份啦！風乾豬面頰肉帶來滿滿嘅油香味，再曬上巴馬臣芝士粉，餐廳仲用左意大利闊麵令到麵條可以好好感掛滿醬汁～食落去濃濃嘅芝士奶香味非常順化，creamy得來又唔會漏，係令人滿足嘅味道呀！縣之白抹茶好好飲！非常濃郁嘅抹茶味，而且回甘醇厚，苦味適中～甜味同苦味都調和得剛剛好，順滑又濃郁嘅口感真係令人驚艷！

咁啱之前同男朋友一齊試過覺得唔錯，於是今次再帶埋媽媽黎試下其他野食㊗️我幾鐘意個環境，以白色外牆為主，有啲復古風嘅相掛系牆上，好有感覺💭仲要好啱打卡🤤九州福岡縣明太子三文魚籽扁意粉推介指數✅✅✅✅✅以新鮮嘅明太子同三文魚籽搭配扁意粉，味道豐富而濃郁。櫻花蝦蒜香牛油蜆肉扁意粉推介指數✅✅✅✅✅賣相好靚，流晒口水，搭配蒜香牛油同新鮮嘅蜆肉，口感豐富又鮮美。手製比利時窩夫推介指數✅✅✅✅✅招牌甜點，超推❗️搭配鮮雜莓、蜜糖同忌廉雪糕，賣相精緻而且味道甜美。

呢間cafe同男友食完，立即要收藏同姊妹分享，必定要再黎食。首先，餐廳環境舒適乾淨，而且望出去嘅環境都非常清新。黑松露迷你披薩：🍕未上菜已經聞到香噴噴󰗀材料十足，有大量嘅黑松露同埋芝士，越食越多，最後自己食左三份二。食完好滿足🥰，男友話要encore！阿里巴巴羅勒鮮茄醬+時令海鮮扁意粉：🍀羅勒鮮茄醬濃郁，海鮮肉質鮮嫩，款色眾多，三者配搭令人回味無窮，男友都大讚好味。手製比利時窩夫經典牛油楓糖+忌廉：🧇比利時窩夫，口感鬆軟。牛油楓糖漿香甜好味。忌廉既口感定成個窩夫感覺更豐厚，正。我地食完見到門口排哂隊，建議大家嚟之前要book啊，人氣好高！

好耐無同呢個朋友見面今日lunch就book 左堅尼地城呢間簡約風餐廳超大地方 環境幾好 同埋可以俾我哋慢慢吹水吹水當然唔少得小食我地叫左傳統法式可麗餅（限量供應）佢用左自家特調嘅朱古力醬 香蕉同開心果碎 雪糕等等熱辣脆身 輕輕嘅香蕉香氣好想再encore牛角包窩夫都好正 牛油果好新鮮 明太子咸香蝦肉都好嫩滑彈牙 加埋唔同口味既配料 每一啖都酥香另外冰雪雜果乳酪都好開胃最後秘製慢煮手撕豬配着布列斯特煙肉醬加太陽蛋一個幾特別嘅fusion菜 份量又夠大

呢間位於西環既餐廳環境優美，裝修有特色，歐陸風情既白色小屋裝修！❤️黑松露迷你披薩❤️pizza酥皮鬆軟有嚼勁，好煙韌，好香麥味，上面撒滿香濃既黑松露同各種雜菌，口感豐富而且味道極為美味，又唔會太大個，小巧💛黑松露雜菌奶油菲達芝士扁意粉💛扁意粉煮得軟硬適中，味道濃郁香爽，精選佐新鮮既雜菌，並搭配濃郁既黑松露奶油醬汁同絲絲入味既菲達芝士，每一啖既扁意粉都散發著混合左黑松露同奶油既幽香🧡威士忌水牛城汁單骨雞翼🧡除佐黑松露嘅菜品出色，小食同樣唔錯，呢度既雞翼先炸香再用汁煮，外酥內嫩，搭配威士忌水牛城汁既獨特調味濃稠香辣既水牛城汁浸潤雞翼，令雞肉更加鮮嫩多汁💚小米鮮蝦羽衣甘藍沙律💚同時呢度既沙律都值得俾讚，新鮮既小米做基料，加上鮮蝦搭配清新爽口既羽衣甘藍，仲有其他新鮮蔬菜，配上特調醬汁既點綴，味道清新又有層次感！

去開西環開工，食晏時無意中搵到一間好靚嘅CAFE，呢間CAFE叫做「Classy le carre」。環境唔錯，而且CAFE裡面佈置左好多西洋畫，喺忙碌嘅生活裡面，能夠有個咁舒服嘅地方休息一下，確實唔錯❣️佢哋嘅Hot White coffee同Classy Blend Chocolate都呈現出高雅嘅外觀，帶有精緻嘅裝飾，俾人一種品味上嘅享受❣️黑松露、雜菌、忌廉、菲達芝士同扁意粉嘅搭配，唔單止賣相精美，仲展現了食材嘅高品質，品嚐時帶黎豐富嘅層次感同口感❣️冰雪雜果乳酪都是一款令人好sweet嘅甜點，水果嘅色彩鮮艷，乳酪嘅質地滑順，呈現出令人雙眼發光嘅賣相同口感❣️

估唔到西環有一間充滿意式風味嘅小餐館，裝修都係歐美小餐館嘅風格，入到去就有好舒服嘅感覺！🥗小米鮮蝦羽衣甘藍沙拉開胃菜當然要食一個沙律，鮮蝦好大隻，好鮮甜，好爽口，配上小米同埋新鮮嘅蔬菜，非常清新嘅感覺！🥣冰雪雜果乳酪減緊肥既我當然要食得健康啲，叫佐一個乳酪，滿滿嘅益生菌，乳酪係凍嘅，配上不同嘅新鮮生果，好似有士多啤梨藍莓，充滿生果嘅果香，好香甜，亦都有啲脆脆，口感更有層次，凍凍地嘅乳酪，好好味！🍳法式鄉村鐵鑊早餐朋友同時都叫咗一個早餐，係all day Breakfast，有唔同嘅食材，燒南瓜、乳酪、炒蛋、香煎大啡菇，仲有新鮮嘅車厘茄同埋即製嘅窩夫，兩個女仔share都啱啱好，夠晒豐富，好香！🧇牛角包窩夫為食嘅我哋都要再試真啲佢哋嘅窩夫，叫咗依個配料有牛油果，明太子，蝦肉。蝦肉係吉列蝦，炸得好香脆，牛油果亦都好香濃，再加埋明太子同焗到好脆嘅窩夫，好豐富嘅配搭！