Video
Above information is for reference only. Please check details with the restaurant.
第一次去濕地公園食午飯。點咗個$59東坡肉飯。加$18換多個movenpick雪糕。飯品係熱奶茶。個東坡肉好美味，汁多肥肉少。混入白飯一齊食，好美味。出面食唔到咁靚既東坡肉。杯熱奶茶好重港式茶餐廳風味。另外個movenpick雪糕係士多啤梨味。微甜，入口香滑。間餐廳最好既賣點係可以對住個濕地公園。全景好正。
continue reading
那天聖誕節，跟兩位好姊妹在酒店 check out 及食完早餐之後，我們3人便行過去濕地公園！在濕地公園，這裡有不少餐廳，我們經過看似美食廣場格局的 <Spot Cafe 會所1號 紅樹林岸>，便走入去看看 menu，價錢合理，就決定這裡食 lunch 吧！賞紅樹林Menu由於，早上的沙嗲王早餐令我未飽完，所以點一份小食餐已足夠！小食餐 雞脾配雜果沙律 $35雞脾不算細隻，熱辣辣多汁又入味！雜果沙律包括：最多是粟米、菠蘿、蜜桃肉、車厘子...等！熱好立克 (熱飲+$5)中規中矩，沒有什麼特別！
continue reading
12月底又到濕地紅葉🍁見頃日子，第一次來濕地公園參觀。一直知道入面有間餐廳，座位很多，比較密集，餐廳感覺似茶餐廳，但其實種類豐富，有健康的沙律餐，聖誕限定的燒雞餐，連酸辣米線都有😍，加15蚊仲有movenpick 雪糕食！總之，實搵到岩食既野！我地叫左⭐️鹵水雞翼蛋撈丁同⭐️酸辣米線。⭐️雞翼非常大隻入味！⭐️酸辣米線夠酸！肉碎多，米線份量足！盲點兩樣都好食，下次參觀會再光顧！可能本身對餐廳冇咩期望，所以食完真係有驚喜。其實濕地公園近年周圍多左好多新餐廳，可能有良性競爭，質素都唔可以太差先可以生存落去？問過朋友，都有食過呢間餐廳，都覺得唔太差。如果可以裝修下室內環境，唔好浪費左個靚景就更好
continue reading
住左係天水圍二十幾年都未黎過濕地公園，咁岩有遠朋拜訪又唔想出咁遠，就帶朋友順便自己第一次黎濕地公園行下睇下，平日唔會好多人，但最多人影相既浮橋暫停開放略可惜。餐廳唔算多人評價所以我都詳細講講流程，雖然已經有人提過，希望可以幫到第一次黎既人。以公眾設施黎講算係唔錯，係大門左邊買完飛就可以直入展覽館，拍完飛一入黎左邊有飲品同零食販賣機，係左邊行入少少就係園內唯一獨市既餐廳喇~餐牌都算多野食，類似茶餐廳既食物類型，大食既可以叫個二人餐，仲有俾小朋友既兒童餐，望落幾吸引，但兩個女仔食唔到咁多，叫左個雜錦海鮮烏冬+無糖青檸梳打+$15 Movenpick士多啤梨味 (跟餐叫雪糕比出面買平！）、瑞士雞翼+薯條（可轉沙律）+紅豆冰，價錢無特別貴算係有良心。餐牌隔離就係order+取餐區，有兩個阿姐負責但望落有啲唔夠人手，態度算好，右手邊有自助區自取刀叉筷子等，呢度我要重點要求改善下，因為自助區缺左好多野，比如餐紙巾、豉油、辣油、蕃茄醬都無，一定要自備紙巾，因為無醬點個麵有啲淡、薯條都要乾食。然後等叫號就可以了，平日無乜人個個都係坐窗邊，可以順便欣賞美景，坐位幾闊落。食物方面呢就普通唔會難食，但上面有提無醬點所以較淡，但以獨市黎講算係咁，比普通學校飯堂好啲，如果黎濕地公園太趕時間無食野入黎、或者行行下餓都可以入黎頂下肚，有時間就建議係附近私人屋苑wetland樓下或者對面天一商城既餐廳食完野再入去玩。
continue reading
某一天的週末，心血來潮說要同小朋友一起來濕地公園玩一天。那我們就一早出發，左轉車右轉車之後，入到來濕地公園已經是食中午飯的時間了。買了門票，入了場，第一時間就是去找場內唯一的餐廳。找到了，位置很顯眼，同N年前的基本上一樣，不過，經營者就變成了《會所1號》，而餐廳的名字就叫做《Spot Cafe》。這是一間老少咸宜的開心餐廳，有專為兒童而設的套餐，也有專為素食人士而設的餐單。而我就點了一個兒童套餐給女兒，包括了白汁火腿燴意粉，牛油粟米，薯條，雞翼，啫喱同一杯橙汁。意粉好食，雖然小朋友食到污糟邋遢，但看得見是食得開心的，更開心吃的當然是薯條同雞翼，但啫喱同牛油粟米，對我的那位小朋友來說，就一般啦。此外，我發現這一個兒童餐好受年輕女士歡迎，尤其是有一檯似是來做私影 model 的女仔，基本上是人人一份兒童餐。太太點了一個咖喱薯仔素火腿飯。好味的就是咖喱汁夠香夠美味。不好的，就是這一個所謂的素火腿好頹，根本就是不作加工的素火腿漿加咖喱薯仔汁就製成一個飯了。如果沒有素火腿漿，只是咖喱薯仔，會更好食。我點的是咖喱牛腩飯。同一個咖喱汁，但沒有薯仔，味道同樣地香口及微辣。牛腩夠腍，而且是啖啖香香腍腍瘦肉，我更可以說，這是一份零肥肉的牛腩。個咖喱汁夠香口，用來伴飯吃是絕等的 superb。兒子永遠都係眼闊肚窄，係都要叫份巨形的雞扒漢堡餐。不過，這一次佢食得晒，亦證明小朋友開始發育。本來阿仔要魚柳的，而我目見 open kitchen 整緊的魚柳漢堡，比起這雞扒漢堡更加之大。炸雞扒香脆多汁，薯條香脆，沙律新鮮，好味道。這一餐，整體的評價是美味啊。餐廳，雖然是快餐店格局，但勝在坐得舒服，窗外的濕地公園景也是怡人的。再者，免費飲水機的水絕對是透心涼，出發遊園前，回來遊覽展廳前同臨走前都裝一壺冰凍的水.....咦! 我好似讚水多過讚野食啊。
continue reading