會所1號 紅樹林岸

Open Now

Now Closed

第一次去濕地公園食午飯。點咗個$59東坡肉飯。加$18換多個movenpick雪糕。飯品係熱奶茶。個東坡肉好美味，汁多肥肉少。混入白飯一齊食，好美味。出面食唔到咁靚既東坡肉。杯熱奶茶好重港式茶餐廳風味。另外個movenpick雪糕係士多啤梨味。微甜，入口香滑。間餐廳最好既賣點係可以對住個濕地公園。全景好正。

那天聖誕節，跟兩位好姊妹在酒店 check out 及食完早餐之後，我們3人便行過去濕地公園！在濕地公園，這裡有不少餐廳，我們經過看似美食廣場格局的 <Spot Cafe 會所1號 紅樹林岸>，便走入去看看 menu，價錢合理，就決定這裡食 lunch 吧！賞紅樹林Menu由於，早上的沙嗲王早餐令我未飽完，所以點一份小食餐已足夠！小食餐 雞脾配雜果沙律 $35雞脾不算細隻，熱辣辣多汁又入味！雜果沙律包括：最多是粟米、菠蘿、蜜桃肉、車厘子...等！熱好立克 (熱飲+$5)中規中矩，沒有什麼特別！

12月底又到濕地紅葉🍁見頃日子，第一次來濕地公園參觀。一直知道入面有間餐廳，座位很多，比較密集，餐廳感覺似茶餐廳，但其實種類豐富，有健康的沙律餐，聖誕限定的燒雞餐，連酸辣米線都有😍，加15蚊仲有movenpick 雪糕食！總之，實搵到岩食既野！我地叫左⭐️鹵水雞翼蛋撈丁同⭐️酸辣米線。⭐️雞翼非常大隻入味！⭐️酸辣米線夠酸！肉碎多，米線份量足！盲點兩樣都好食，下次參觀會再光顧！可能本身對餐廳冇咩期望，所以食完真係有驚喜。其實濕地公園近年周圍多左好多新餐廳，可能有良性競爭，質素都唔可以太差先可以生存落去？問過朋友，都有食過呢間餐廳，都覺得唔太差。如果可以裝修下室內環境，唔好浪費左個靚景就更好

住左係天水圍二十幾年都未黎過濕地公園，咁岩有遠朋拜訪又唔想出咁遠，就帶朋友順便自己第一次黎濕地公園行下睇下，平日唔會好多人，但最多人影相既浮橋暫停開放略可惜。餐廳唔算多人評價所以我都詳細講講流程，雖然已經有人提過，希望可以幫到第一次黎既人。以公眾設施黎講算係唔錯，係大門左邊買完飛就可以直入展覽館，拍完飛一入黎左邊有飲品同零食販賣機，係左邊行入少少就係園內唯一獨市既餐廳喇~餐牌都算多野食，類似茶餐廳既食物類型，大食既可以叫個二人餐，仲有俾小朋友既兒童餐，望落幾吸引，但兩個女仔食唔到咁多，叫左個雜錦海鮮烏冬+無糖青檸梳打+$15 Movenpick士多啤梨味 (跟餐叫雪糕比出面買平！）、瑞士雞翼+薯條（可轉沙律）+紅豆冰，價錢無特別貴算係有良心。餐牌隔離就係order+取餐區，有兩個阿姐負責但望落有啲唔夠人手，態度算好，右手邊有自助區自取刀叉筷子等，呢度我要重點要求改善下，因為自助區缺左好多野，比如餐紙巾、豉油、辣油、蕃茄醬都無，一定要自備紙巾，因為無醬點個麵有啲淡、薯條都要乾食。然後等叫號就可以了，平日無乜人個個都係坐窗邊，可以順便欣賞美景，坐位幾闊落。食物方面呢就普通唔會難食，但上面有

某一天的週末，心血來潮說要同小朋友一起來濕地公園玩一天。那我們就一早出發，左轉車右轉車之後，入到來濕地公園已經是食中午飯的時間了。買了門票，入了場，第一時間就是去找場內唯一的餐廳。找到了，位置很顯眼，同N年前的基本上一樣，不過，經營者就變成了《會所1號》，而餐廳的名字就叫做《Spot Cafe》。這是一間老少咸宜的開心餐廳，有專為兒童而設的套餐，也有專為素食人士而設的餐單。而我就點了一個兒童套餐給女兒，包括了白汁火腿燴意粉，牛油粟米，薯條，雞翼，啫喱同一杯橙汁。意粉好食，雖然小朋友食到污糟邋遢，但看得見是食得開心的，更開心吃的當然是薯條同雞翼，但啫喱同牛油粟米，對我的那位小朋友來說，就一般啦。此外，我發現這一個兒童餐好受年輕女士歡迎，尤其是有一檯似是來做私影 model 的女仔，基本上是人人一份兒童餐。太太點了一個咖喱薯仔素火腿飯。好味的就是咖喱汁夠香夠美味。不好的，就是這一個所謂的素火腿好頹，根本就是不作加工的素火腿漿加咖喱薯仔汁就製成一個飯了。如果沒有素火腿漿，只是咖喱薯仔，會更好食。我點的是咖喱牛腩飯。同一個咖喱汁，但沒有薯仔，味道同樣地香口及微辣。牛腩夠腍，而且是啖啖香香腍腍瘦

呢一刻寫食評我先知呢間原來係CLUB ONE！因為當日用餐既環境係令我感到好「有趣地格格不入」，原因係佢喺採用香港大集團連鎖快餐大x樂咁既自助形式，食物用膠盤盛著，自己攞位和拿餐具，但坐既椅就係中式酒樓個種經典椅子😂十個趣！雖然有少許古怪，但我會想讚呢間餐廳，原因如下：佢坐落於紅樹林之中，坐窗口位可以望到美麗的大自然風景，十分寫意位置充足，我假日兩點來到都找到位食物份量充足，而且應該真係即叫即做。我地點了焗豬扒飯，等了十五分鐘，是熱辣辣的；日式雞扒烏冬都等了約五分鐘。兩個大人一個小孩都好飽了。有些卡位可以望到隔離既小朋友樹屋，可以邊吃東西邊看著自己的小孩遊玩套餐可以$15追加movenpick 雪糕，小朋友最愛雖然喺濕地公園做獨市生意，但價格十分合理，每個餐平均$50P.S.食物質素不過不失啦，不要expect好好味

估唔到原來濕地公園入面有餐廳以為頂多有啲小食亭賣下三文治更估唔到嘅🥪🥪🥪係閒日下午3點幾濕地公園就嚟關都咁多人再估唔到嘅係居然有素食🥒🥬🫑🥦選擇都唔少添起碼4，5款先講講個素食選擇先我覺得多啲嘢分享咖喱素牛肉意粉🥘啲麵好鬼多我應該可以分3餐食個咖喱汁其實無咩咖喱味得咸味最頂癮係個素肉我平生未食過素肉係咁嘅質地佢對比新豬肉新餐肉果啲真係似塊膠😅😅😅😅但放心，只係質地比較古怪味道正正常常無咩嘢之後係個日式照燒雞扒烏冬咁大個女未見過咁大塊雞扒真係大過我塊面燒得幾香脆🍗啲通粉又係勁多相信係為咗滿足啲家庭客♥️提提大家♥️個canteen真係勁多人我等咗近20分鐘都未有位最終逃唔過搭枱命運而上嘢食速度亦唔算快都要10幾分鐘先出齊嘢所以如果趕參觀嘅朋友仔建議你早啲入嚟食嘢好似我咁3點幾先到等得嚟，食完嘢都就4點幾無咩時間參觀lu🤣🤣🤣😅😅😅另外再同大家分享下我買咗個半年證🤗🤗🤗場內仲有即日證同年票可以買但提醒返買半年全年要即場影相都要等10至15分鐘不等(為返平過一次票好多)有興趣可以上返官網睇

終於可以入西北的濕地公園。只因出門至公園，需時二小時，來回就是四小時。去濕地公園，真係好濕滯！　　來到濕地公園，剛好是午飯時段，順便在此午餐吧！　　真久久没有來訪濕地公園了！餐牌都變了！ 自己不大喜歡份量勁大的肉類款式，但素食系列卻不太吸引。剛好在肉類系列中，發現有麻婆豆腐飯。軟綿綿，不用咬，可能是豆腐多過肉碎的配搭，加上有香辣調味，決定選這款。＜麻婆豆腐飯＞    真身：豆腐少，肉碎多。豆腐表面有布紋，即是街市豆腐檔那種一板一板的傳統豆腐。　還以為是超級市場凍櫃獨立包裝，可以長期保存，以凝固劑定形的低鈣質豆腐。　在補鈣方面，個人比較喜歡傳統的豆腐。　先嚐清淡的豆腐，滑滑口感，有豆的清香，單食豆腐已經很美味。麻婆肉醬夠香辣，用作撈飯一流，很快就消滅這碗飯了。 熱檸水　　不加糖，扮健康。  小米選了白汁意粉。   幸好午餐不算太飽，返回市區時，巴士左揈右揈，没有感到想嘔。

放假帶小米到濕地公園，可是坐MTR再轉輕鐵，每程二個鐘，來回合共四個鐘。真濕滯！　小米就是為了最喜歡的樹屋。享用樹屋多個玩樂時段，在中午稍作休息，於旁邊的餐廳午膳。小米選擇白汁意粉，又是Show Me Your Love的朋友！自己想食清少少，本想要沙律，可是沙律已停售多時，唯有改選三文治。 吞拿魚青瓜沙律三文治   三文治大大件，三層白包夾著雙層不同的餡料：包／青瓜＆吞拿魚沙律／包／蕃茄＆吞拿魚沙律／包    色彩尚算豐富，感覺好健康。　包包軟棉棉，手指掐下去再放手，仍有一定彈性，回復原狀。　但三文治是多層結構，也要張大嘴巴～咬！    多澱粉質很豐富，吞拿魚沙律份量恰到好處，仍嚐到青瓜和蕃茄的清新。  雖然青瓜和蕃茄的纖維是有限度供應，但也自覺很健康。　來回四小時的車程，真係好濕滯！幸好有健康又清新，肉都唔多條的三文治。

今天來到濕地公園，只是午餐吃不夠，剛好走得累了，就在這公園內的餐廳，稍作休息。發現這餐廳已易手，變為CLUB ONE經營。餐牌不同了，內裡枱椅排列也不同。點了熱奶茶及燒賣一份，在內堂找個靚位享用。可是今天客人很多，几經努力才找到個吉位。　原來取食物後，還要自己取餐具。　　熱奶茶14蚊　不鞋口，可是無茶香，無茶味，完全不知道自己在飲什麼東西。飲到一半就放棄了！　　燒賣15蚊5粒，都是那種中間充滿ＸＸ來扮魚肉的貨色。看到CLUB ONE，就會猜到食物質素。下次入濕地公園前，一定要食飽飽！

由於平日，餐廳內人很少。香腸很厚身，烤得個皮很脆口，意粉同香腸都算煮得夠熱，味道都唔錯。但可惜雜菜是凍的魚柳熱辣辣，魚柳雖不算很厚身，但也未至於薄到無肉，唔錯。意粉都算煮得夠熱，但可惜雜菜是凍的