會所1號 博藝會

Open Now

Now Closed

呢間酒樓唔係唔好食，不過真心覺得唔係好值，雖然可以claim公數，但係就真係唔係好抵。事情是這樣的，話說要去黃埔開會，開會後跟合作伙伴食晚飯，其中有人表示有VIP卡，全單七折，於是就決定試下呢一間酒樓，5個人點了以下幾樣野：順德生煎雞、啫啫唐生菜、涼瓜炒牛肉、梅菜肉鬆蒸豆腐，同埋粟米魚肚羹，最後仲加咗一人一碗杏仁茶。順德生煎雞，其實係炸嘅，不過油算少；啫啫唐生菜都夠香；涼瓜少牛肉嘅牛肉都算嫩；梅菜肉鬆蒸豆腐偏咸，用百福豆腐嘅；粟米魚肚羹正常味；杏仁茶似乎係即叫即做，因為等咗超耐。叫咗4碗白飯，埋單7折後都要差不多$1000，真係嚇了一跳！不過嗰度幾靜，傾計傾野算唔錯。

今晚第一次跟家人來博藝會食飯，有不錯的體驗，博藝會比想像中大，有好多獨立場地，舉行不同的宴會。我們一行6人，叫了一個夏日套餐“菓宴”，感覺幾清新，適合這炎炎夏日🌞🌞菓宴有以下8道菜式:1. 鮑魚柚子沙律:因為沙律除了柚子之外，落了少少果醋，所以酸酸甜甜的味道，令大家格外開胃。2. 螺頭花膠燉蜜果:認真落足料，花膠好大片👍3. 士多啤梨松子魚:炸到香脆鬆軟，酸酸甜好開胃，屋企人話好味，可以連骨食😂4. 珍珠茄浸菜苗: 因可能食完油炸的菜式，所以食呢道菜時覺得不錯，可以清一清油膩感。5.番石榴脆皮燒雞:相比其他菜式，是比較遜色的一道菜，肉質不夠嫰滑。6. 橄欖油香蒜蒸波士頓龍蝦:上枱時家人不禁嘩然，真的好大隻，蒜蓉味濃，啖啖肉，真的好食😋7. 火焰菠蘿肉鬆炒飯:真的是有火的😂有提子同菠蘿肉，炒得好甘香，如果份量多少少會更好。8. MOVENPICK雪糕

中式酒樓是家庭聚會最愛，今次卻預訂了一個新推出的帝皇蟹套餐，看過價錢覺得很經濟實惠，還可以訂半席，適合我們小型家庭聚會。地點選擇在黃埔的博藝會，因為近長輩的家，地點很方便，一出地鐵站就到，而且店內有幾個廳房，地方闊落而且舒適。皇帝蟹佛跳牆盛宴 (六位用)價格為$2088，帝皇蟹有4斤，實在很划算。每圍都有附送汽水及西班牙啤酒。清蒸原隻活帝皇蟹 (約4斤)超大隻的帝皇蟹，店員會先放上枱供大家拍照，然後再為大家拆開蟹肉，還配有醋可以沾上，不過蟹肉非常鮮甜，基本上不用調味料已經很好吃，店員還會把蟹膏放在中間，蟹膏味道很鮮，蟹腳很大條，蟹肉豐富，蟹殼還有蒸蛋白可以吃，不過該部位味道較鹹。沙拉脆皮金豬脆皮金豬外層香脆，旁邊還有芝麻醬伴沙律菜，中和金豬的油膩感。夏日鮑魚佛跳牆佛跳牆材料豐富，除了有鮑魚外，還有雞肉、豬肉、雞腳、花膠、瑤柱、粟米、蘿蔔及茅根。湯底清甜，煲內的湯渣亦可供食用，每人有一隻鮑魚，用料充足。西蘭花炒龍躉球龍躉球炒得很香，入口魚肉好嫩~ 西蘭花好入味，挺香口的。金蒜蒸龍躉骨腩蒜味濃郁，龍躉骨腩啖啖肉，這道菜配碗白飯就最適合不過。會所一号脆皮燒雞燒雞的外皮燒得好香脆，附有脾位，雞

一班人食晚飯，都會選擇酒樓的圍菜，一個套餐全包已經非常豐富，簡單又直接。最近若非朋友介紹，也不知道 Club One 也有抵食圍菜。一直對 Club One 的印像都流於婚宴酒席，雖然知道有晚飯套餐，但也沒有吃過。來到紅磡得藝會，婚宴元素令室內環境好舒服，大量花的擺設，位置寬躺，整體感覺比酒樓晚飯好得多。最近以皇帝蟹作賣點推出皇帝蟹佛跳牆盛宴，亦是選擇這裡的原因。皇帝蟹佛跳牆盛宴 (六位用)清蒸原隻活帝皇蟹 (約4斤)原隻活帝皇蟹勁大隻，看起來已經知道具份量。用清蒸煮法最能夠知道海鮮的新鮮程度，而整個帝皇蟹都有鮮甜的蟹香，蟹身蟹腳都非常多肉。至於蟹羔同樣鮮味，入口即溶。蟹蓋加上蛋白再法清蒸，吸收了蟹蓋的精華，咸香味濃。蟹肉，蟹羔和蟹蓋非常豐富，保證吃到飽。沙拉脆皮金豬金豬燒得不錯，保持金黃色，而且皮脆肉嫩。旁邊伴上沙律菜和芝麻醬清新減膩。夏日鮑魚佛跳牆佛跳牆用上鮑魚，花膠，雞，豬肉等不同材料，非常豐富。湯融合食材的精華，味道鮮甜。湯中有鮑魚，花膠，還有大量其他食材另上，包羅萬有。西蘭花炒龍躉球炒龍躉球非常香口，龍躉肉沒乾身，保持爽嫩口感，西蘭花也炒得一樣入味。金蒜蒸龍躉骨腩一躉二食，龍

朋友生日宴設於此，因為，只有7個人，可以叫半席的春宴春宴半席＄1588，會員價，包加一及酒水，茶芥（非會員$2088）本來，完全沒有期侍，怎知...第一個出場 油鹽水奄仔蟹 ，已經先聲奪人，奄仔蟹殼十分香脆入味，體積不少，多蟹膏，蟹肉新鮮甜美，夠結實，好味到唔停得口八寶冬瓜盅，夠多料，湯清潤解暑氣粉絲蒸元貝，夠大隻，好味道精彩菜式 鴛鴦斑球，一半新鮮石斑，恰到好處，斑球肉質爽滑，另一半椒鹽斑球，好香口，不過火燒鵝，半只，有水凖鮑魚冬菇扒生菜，很不錯，夠林勁薑菜頭炒飯，有炒功，飯粒粒分明，冇黐埋一舊舊巨型壽包，size 好大，蓮蓉餡多，旦黃夠油好滿足又滿意的一餐

家中長輩生日，同屋企人去左Club One博藝會食生日飯，我地揀左半圍壽筵喜讌套餐。 先黎燒味大拼盤 – 有八爪魚、叉燒、切雞、燒肉，叉燒最入味最好食，切雞都唔錯。 翡翠炒蚌柳 – 西斤夠清爽，蚌柳炒得岩岩好，兩者夾埋幾好味。 芝麻脆香多士 - 多士炸到好跪好香口，不過略為太乾身，而且入面冇咩餡，有D齋。 清蒸大海斑 –海斑蒸得岩岩好，唔會過火，所以肉質夠滑，配合鼓油同蔥絲來食~正!  紅燒海味翅 – 呢個翅都唔錯，而且幾多肉絲，但翅就唔係好多啦。  蠔皇花菇玉掌 –玉掌比較普通，反而花菇更入味。  脆皮吊燒雞 –燒雞皮脆肉嫩，平日我比較少食燒雞，估唔到今次有驚喜。 魚湯蕃茄浸翡翠 – 呢味菜可以中和番之前幾味比較油膩嘅餸菜。 生炒糯米飯 –內有花生臘腸，食落好香口。 蝦籽炆伊麵 – 幾滑，而且幾好味。 甜品有紅豆沙 – 紅豆好大粒落足料，不過已經好飽，我就食唔曬啦。 蟠桃 – 因為係生日壽宴就一定有蟠桃，因為太飽就俾曬壽星食，水準正常，唔會過份甜。

今日同同事放工一齊約埋去食春宴半席。可能而家係四月份啦，酒樓晚上唔算多人，呢度裝修都幾靚同乾淨，好適合一家大細嚟食。呢個春宴餐喺黃埔呢間clubOne先有餐。油鹽焗奄仔蟹呢隻奄仔蟹真係不得了，油鹽焗到好入味，打開個蓋超多膏超多肉，食到唔停得口。如果俾我食多隻就好響螺燉冬瓜盅食完隻奄仔蟹，就嚟個清熱嘅冬瓜盅，半席嘅冬瓜盅都好大個，其實六個人係食唔晒。入面啲料非常足，除咗螺肉仲有帶子同蝦。海斑相輝映海斑啖啖肉又夠滑，一邊係炒嘅另外一邊椒鹽炸嘅，兩隻味都咁好食。蒜蓉蒸大扇貝呢隻扇貝撈飯一流，啲粉絲吸晒啲汁好好味，不過小編略嫌隻扇貝細咗少少，再大返d就更完美。原隻鮑魚花菇翡翠大大隻花菇，仲有超入味嘅鮑魚！燙手燒鵝半邊燒鵝都好大隻，六個人真係食唔晒，如果個皮整得脆啲仲正。勁多薑粒蛋白菜粒飯夠哂薑味嘅粒卡粒炒飯大蟠桃拳頭咁大嘅蓮蓉壽包，每個入面仲有成隻鹹蛋黃！小編覺得呢個春宴餐性價比高，半席其實已經夠8個人食，係家庭聚會同生日飯之選！

好難得有個星期6同男友一齊放假，梗係要嘆下茶，於是去左黃埔嘅博藝會Clubone飲茶，尼度嘅環境唔錯，我地11點幾黎到，未係午飯時間，仲未算好多人。呢度有落地玻璃位，陽光曬入窗，一邊嘆茶一邊嘆景，超爽！ 我地一口氣叫左 沙爹金錢肚、迷你珍珠雞、豉汁蒸鳳爪、鮮竹牛肉球， 金錢肚香甜、口感彈牙，肉質厚實飽滿； 迷你珍珠雞嘅餡料好豐富，糯米軟熟，肉質細嫩； 鳳爪入味，牛肉球仲大大粒好足料tim!超推介尼個特色脆竹炸腸，真係大件足料抵食之選！ 腸粉皮夠薄，面頭鋪芝麻，口感豐富，入面有蝦同素菜，蝦肉爽口彈牙，而且每件大大舊，食完好滿足!!香煎蘿白糕有濃濃嘅蘿蔔味，外皮薄脆，咬落口綿軟細滑，軟硬度適中。雖然已經好飽，但男友都要指定食多碗紅豆沙先走，佢話尼度嘅紅豆沙香甜軟糯，唔食唔得！哈哈！

4月4日兒童節，第二日不用上學，所以帶兒子到外面吃晚飯。吃飯地點位於蔡瀾美食坊，很近黃埔地鐵站D出口，很方面。連用其他朋友一行6人，選了半圍——春宴！第一味是螃蟹，很多蟹膏，好味。接住係冬瓜盅，足料，有金華火腿、蝦🦐、等等湯都好鮮味。然後到大斑兩味，味道足，炸的一味有點辣。小朋友可吃腩的味道。一人一隻蒸扇貝，粉絲吸收了帶子的鮮味，唔錯。一人一隻唔多夠。鮑魚花菇🍄翡翠，同平時參加飲宴的菜式是一樣的，但一般都只有飽片，沒有原隻鮑魚。最後是燒鵝和炒飯，但是我已經太飽了⋯⋯應該留前鬥後！整個套餐平日會員價$1588，全包！

與友飯聚，參考了友人 A 的意見，齊往黃埔 ClubONE 試了一席時令「春宴」。這個「春宴」之所以吸引，除了餐單菜餚比傳統宴席富新意外，實價的價錢是更重要因素。平日 $1,588 半席，茶芥加一全包再送六罐啤酒汽水，確實吸引。ClubONE 的會所餐廳主要目標是做婚宴酒席，店內的環境配套也有相應配合，簡單而言多了一些打咭位。在一個平日的晚上，場內的食客不算多，感覺更寧靜寬敞，得到的 (服務) 關注固然也更高。「油鹽焗奄仔蟹」是首道送上的佳餚，六隻奄仔蟹一人一只整齊排列。揭開蟹蓋即見豐盛的金黃蟹羔，趁熱品嚐味道甘香。除蟹蓋外，蟹身中央部份亦填滿了蟹羔，是蟹肉最佳的天然調味料。蟹肉部份亦不比蟹羔遜色，食感鮮甜結實。全枱人也吃得津津有味！冬瓜盅不罕見，但在套餐宴席間則較少有。相比上品魚翅燕窩，小編更喜歡「響螺燉冬瓜盅」。六人一個完整冬瓜盅，每人至少可享用兩三碗。冬瓜盅用料富足，響螺雖然切得比較碎，但無阻甜彈可口滋味的發揮。重點冬瓜清甜吸味，是一道理想湯品。「海斑雙輝映」是大斑兩味的變湊版本。如想品評斑塊的原汁原味，炒斑塊絶對是不二之選，香濃穩實的魚香表露無遺。如想追求風味之選，則應品嚐椒鹽

因為爸爸生日的關係，所以係屋企附近的博藝會訂左個壽筵喜讌套餐，諗住坐得舒服，食得開心。壽筵喜讌有以下3款選擇，我地今次幫襯第一個餐的半圍菜。1. 燒味大拼盤: 分別有乳豬，雞，叉燒，同凍食的八爪魚，乳豬雖然皮脆，但肉比較少，不過叉燒幾好食，剛剛好，唔會太肥同太瘦，而且肉嫩多汁。2. 翡翠炒蚌柳: 比較清新的餸菜，可中和其他較油膩的餸，而且蚌柳唔會炒到好老好靭，頗爽口。3. 芝麻脆香多士: 見到呢味餸菜時，曾經誤會為蝦多士😂不過都幾好食，芝麻炸到鬆脆，多士夠厚，所以幾香口，唔錯。4.清蒸大海斑: 最值得一讚係呢條蒸海斑，可能好鍾意食蒸魚的關係，會好留意酒樓整得好唔好食，會唔會太老，但ClubONE蒸得恰到好處，魚的肉質好滑，但又唔會出現未熟的部分。5.紅燒海味翅: 比較普通🙈6. 蠔皇花菇肉掌: 花菇好厚，好大隻，肉掌都炆到剛剛好，入味夠淋7. 脆皮吊燒雞: 又是值得一讚的餸菜， 皮夠脆而且肉質鮮嫩，唔老8. 魚湯蕃茄浸翡翠: 比較清的一味餸，可以去一去以上其他餸菜的油膩。😂9. 生炒糯米飯: 食到呢度已經feel到好飽，不過因為有臘肉，又炒得幾香口，所以食左一碗😂10. 蝦籽炆伊麵:

適逢三月是爸爸的生日，年長一輩都是喜歡食中菜，所以就一家帶他來到Club One博藝會食生日飯～初初以為Club One只會係擺酒搞婚宴多，但原來平日都幾多客黎食晚飯架～博藝會都幾大，好多個廳，沿路都見到不少婚禮的擺設～我地叫左半圍壽筳喜讌，之後就開始等吃啦！燒味大拼盤：燒味大拼盤內有八爪魚、叉燒、切雞及燒肉，叉燒好入味，肥瘦適中，而切雞醃得好入味，雞肉好鮮嫩，但肉位比較少，而燒肉個表好香脆，口感十足！翡翠炒蚌柳：西芹好清新爽口，炒蚌柳肉好彈牙爽口，唔會太油膩，味道適中唔會太咸！芝麻脆香多士：一口一個，多士炸得金黃香脆，上面的佈滿芝麻，食落好香口，外脆内軟，麵包唔會吸左太多油份，不過如果入面有餡料會更加滋味！清蒸大海斑：清蒸大海斑上枱時有職員幫忙分切，上面佈滿蔥花，海斑蒸得剛剛好，肉質好嫩滑，入口即溶的感覺！紅燒海味翅：紅燒海味翅口感好濃稠，入面混合有肉絲等配料，口感豐富，味道適中！蠔皇花菇玉掌：蠔皇不會太咸，花菇好厚身入味，下面有生菜，幾新鮮爽口，至於鵝掌個人來説唔太喜愛，所以不語置評！脆皮吊燒雞：雞表面煎炸得幾脆身，肉質鮮嫩入味，唔會太咸～魚湯蕃茄浸翡翠：魚湯幾清甜，但魚味不算太濃

大年初二已訂兩圍同家人飲茶, 準時到達很快已有安排, 怎知原來只有一張大檯, 問侍應如何安排, 話等另一檯埋單再返檯俾我, 該檯食客都即刻埋單, 但可惜簽單都等咗半小時, 又要再催促先出到單. 原本想快快食完就走, 點知叫十幾碟點心, 坐咗一個多小時, 只有三碟點心, 幾經追問經理,竟然話一係宜家埋單淨收茶錢, 或是佢到廚房攞一批點心任食免費, 埋單再計. 當點心一出, 其他食客都走過來, 都投訴冇點心到, 結果不消兩分鐘, 點心已被搶晒, 真係好耐未見過這情景.到埋單又混亂, 冇來嘅點心又計算在內,最後我再刪減後跟單結賬, 并沒有甚麼免費點心. 真估唔到咁大集團, 今日有咁差嘅服務同安排, 以後都唔會考慮再來.

博藝會係club one集團旗下餐廳，好多人都以為淨係以婚宴晚飯為主，其實依到有早午市可以飲茶。星期一至五午市同星期六日早午市都好多人，所以最好預先訂位(留意番依到開門時間大約十定十一點，唔似普通茶樓)講到食物，每次都會叫依個特色腸粉，外面腸粉皮，入面有油炸鬼包住蝦紅蘿蔔西芹等，點小小豉油格外野味。大路食物如蝦餃燒賣都有好多蝦肉，用料足夠，大大粒。每樣都新鮮即叫即蒸。因為依到環境，食物水準同服務都唔錯，所以入會成為會員多左黎食，會有額外折扣(平日七折/六日假期八折)。如果原價食的話就會覺得貴小小

今日想去黃埔行吓街 就去咗黃埔飲早茶 咁就試一試呢間啦😼餐廳啲檯放得幾闊落 坐得好舒服 但係冷氣都幾大 怕凍嘅要著外套😛今日未夠十一點就到咗 但係佢有啲野食要十一點後先供應嘅 好似我叫嘅 XO醬煎蝦米腸 同 生滾斑片粥為例🤧 另外我地仲叫咗四個點心 招牌焗雪山叉燒包 外皮都幾鬆脆 個餡都幾足夠🐷迷你珍珠雞 都好熱辣辣斑蘭椰汁糕 原來佢係凍嘅 不過個顏色有少少恐怖 個斑蘭味就唔算好出🤔鮮蝦炸雲吞 炸到脆卜卜好正😻生滾斑片粥 佢啲米幾多 比較似潮州粥😗XO醬煎蝦米腸 XO醬味就冇乜 但係腸粉就煎得唔錯👍🏻總括嚟講係一間坐得幾舒服嘅酒樓 好啱一大堆人嚟🤤