大哥雞飯去骨海南雞 (銀幕街)

Open Now

Now Closed

同外國朋友仔出街帶佢食啲中式野，佢又好中意食雞肉，咁緊係帶佢食海南雞啦，天后呢間有聽朋友介紹過就黎試下，小食叫左串沙嗲雞肉因為朋友宗教唔食豬，沙嗲醬好食喎，甜辣度適中，我個人喜歡佢花生味濃郁，雞肉彈牙，主菜大力推介海南雞喇沙，椰奶香好正，米線十分足料，有豬皮、豆卜、溏心蛋、芽菜等，全部吸曬個喇沙湯底好好食，加左少少秘製辣醬再惹味啲，飯有白飯同油飯揀，油飯會較香，主角海南雞一定要讚，皮滑肉嫩，原隻雞脾啖啖肉，三隻醬溝埋黎食呀一定要，雞皮又處理乾淨，加埋個凍檸檬茶少甜少冰，食住飲爽呀！

今日嚟到天后 - 大哥雞飯食個2人套餐 ($175), 套餐內容相當豐富，招牌海南雞(半隻)，海南雞肉質相當幼嫩，完全冇骨，仲配有三款醬料，我就最鍾意薑蔥醬。炭燒豬頸肉唔會太肥膩，食落帶點焦香。鮮魚湯浸時菜，菜心翠綠爽口，用鮮魚湯煮提味不少。跟餐仲附上兩碗南瓜粟米湯，係住家湯嘅味道，無味精。米飯有兩大碗，可以揀香茅油飯或白飯，我地當然揀左油飯，粒粒分明充滿香噴噴嘅香茅味。另外點左串沙嗲牛肉($18/串)，肉味香濃，沙嗲醬花生味好夠。

當日同朋友經過北角維多利亞公園， 留意到這間溫馨小店有laksa, 著名的馬來西亞拉沙。lalsa 用料唔會太辣很適合香港人口味。女士都很適合。🌈🌈最主要用料豐富配合他們著名的肉骨茶，令人垂涎三分。肉骨茶裏面有很多名貴中藥例如龍眼, 杞子, 當歸,肉竹, 香料如八角甘草蒜頭, 超過12小時熬出來的上等靚湯, 實在令女士身體健康。而海南雞更是非常正宗, 最主要肉質非常嫩滑, 很適合老人家以及一家大細在佳節享用。餐廳地理位置鄰近地鐵站, very convenient..🌈🌈衛生: *****服務: *****環境: *****

天氣凍有少少感冒於是去這間以肉骨茶為著名的飯店。我很喜歡他們的肉骨茶,原因是配料非常豐富,藥材味唔太重,很適合女生在冬天補身。裏邊見到有當歸,龍眼,排骨,以及十多種中藥,在冬天時對女生很有益。亦很適合家庭一家大細好好享用。招牌海南雞油飯這款海南鷄嘅最特別之處是肉質非常非常鮮嫩,而且好有營養。對老人家身體好,極有滋補作用。配上佢哋嘅特製薑蓉可謂相得益彰。這間餐廳無論地理位置環境各樣都很適合一家大細。😄😄衛生: *****服務: *****環境: *****

招牌海南雞飯68 黎講好抵食 食海南雞飯第一件事就係試下佢個油飯先，油飯粒粒分明，就咁食都唔會太油。然後就食雞件，雞件肉身幾爽，唯一就係要自己咬番D脂肪出黎。 但脂肪唔會算太多。 三色汁幾好食，整體黎講幾好👍🏻

今日喺北角呢頭開工 入咗呢間餐廳食下午茶 三個人每人叫咗一個下午茶餐。叫得大哥雞飯 應該呢到嘅雞比較出名 於是我叫咗做輕型海南雞飯$40 飯底可以揀正常或者油飯 食得海南雞當然要配油飯啦 天氣凍凍地食碗熱辣辣嘅油飯確實冇得頂 金黃色嘅米粒粒分明 雞油味十足 不知不覺會越吃越多 讓人停不下口雞嘅份量都幾多 重點係已去骨 啖啖肉 雞皮爽脆 肉味清得嚟帶鮮味輕型炭燒豬頸肉飯$40 豬頸肉做得非常出色 有微微燶邊效果食落特別香脆惹味 肉質爽口而且彈牙 配泰式醬汁可去除油膩感 同樣可以選擇油飯唷細碗海南雞喇沙$43 喇沙湯底濃郁 超好喝 附有雞蛋和豆卜仲有吸湯一流嘅豬皮 完全好好利用了食材嘅特質 沒有浪費了這麼棒的湯底海南雞另上 雞件同樣滑溜無比 個人喜好配搭薑蔥蓉吃 別有一番風味每一餐可加22蚊追加小食系列 吉列鳳尾蝦三隻 吉列蝦炸得非常乾身 不會吃到成口油 外層酥脆可口 內裏蝦肉彈牙生炸香茅雞中翼 雞翼醃得好入味 加咗芝麻零舍香 有滿滿的肉汁 很juicy泰式無骨鳳爪 泰式酸辣汁入曬未 又酸又辣非常開胃 鳳爪以去骨 吃得方便又好吃另外想提一提這家的餐湯是老火湯哦 完全沒有加味精 飲完唔口渴下

約左朋友去炮台山東岸公園行下，遊玩完畢，即興過嚟天后呢邊食晚飯。喺銀幕街搵到間主打海南雞嘅新餐廳，看了門外餐牌，晚餐價錢合理，決定一試。餐廳嘅裝修好骨子，地方雖然不算很大，但環境乾淨企理，坐得都幾舒服。頭先喺門口已經睇左菜牌，所以一坐低就即刻可以點餐，揀左個招牌海南雞 2 人套餐 ($175)。份套餐嘅陣容好豐富，有半隻海南雞，炭燒豬頸肉或滷水元蹄一碟，另外仲有鮮魚湯浸時菜、無味精住家湯、香茅油飯或絲苗白飯 2 碗同港式熱飲 2 杯。招牌海南雞選用了清遠走地麻雞，送上時斬到大大件，色澤亮麗，而且排列得很美觀！食落肉質好滑溜，皮爽肉嫩又無骨，配三色醬吃，更添風味。配菜炭燒豬頸肉亦唔輸蝕，燒得啱啱好，外皮帶脆，入口唔會乾爭爭，既爽彈又有肉汁，配埋個酸酸辣辣嘅醬汁食，真係勁惹味！鮮魚湯浸時菜：菜心好新鮮，爽脆嫩綠，加埋鮮甜嘅魚湯，清淡得嚟又唔寡，夠晒天然！另外 2 碗住家湯味道亦非常可口，內有合掌瓜、粟米、紅蘿蔔、雪耳、蟲草花和雞肉等，足料又夠火喉，香濃味美，而且飲得出無落味精。米飯可選香茅油飯或絲苗白飯，油飯用香茅同蔥油炒過，色水好靚，呈金黃色，入口香氣十足，粒粒分明又夠乾身，味道和質感與

海南雞一直是個人的最愛，所以無論任何地方，見到有新開的海南雞飯，必定一試。2人套餐$175、鮮魚湯浸時菜（餐），招牌海南雞（半隻）、滷水元蹄、轉肉骨茶（細碗）另加$30，大哥無味精佳家湯，熱咖啡熱鴛騺、香茅油飯（一碗）。大約$200就食到咁多嘢，呢餐都算抵。招牌海南雞（半隻），配泰式酸辣汁、蔥油，豉油，其中以泰式酸辣汁，酸酸辣辣，最為開胃。招牌海南雞已經去骨，雞皮爽口，雞肉鮮嫩，雖然是冰鮮雞，不過雞味已經算不錯了。滷水元蹄，元蹄的皮和肉都炆煮得很軟淋，差不多入口溶化，加上酸酸甜甜的醬汁，可以減少油膩感。肉骨茶，藥材份量十足，味道甘甜而不太濃郁，喝完渾身都有一種熱騰騰的感覺。鮮魚湯浸時菜，魚湯味道鮮甜，頓時令到菜心的味道更加可口。大哥無味精佳家湯，味道鮮甜，喝得出沒有添加任何味精，非常用心。香茅油飯，香茅味道十足，合乎水準。熱鴛鴦，咖啡味道香濃，如果茶味再多一點更好。熱咖啡味道甘香，奶味十足。

開完OT已經好疲累，在公司附近找間餐廳食晚飯才回家。經過銀幕街，見一間燈火通明嘅飯店吸引住。主打雞飯，正合我心意。今晚正正就係想食飯。招牌海南雞油飯雞皮金黃色澤，脂肪位不多，爽口。肉質嫰滑，肉味香濃。有三款醬汁，蔥油，醬油和辣醬，蘸少許令雞肉更添味美。雞油飯有淡淡的油香，最重要的是不油膩。自家煲製嘅老火湯真了得，味道濃郁，真材實料，絕對沒有味精，住家的味道啊！整體來說，質量優，服務殷勤，價錢合理。

大哥雞飯 天后銀幕街23號地舖香港人做海南雞確是有一手, 好多小店其貌不揚, 卻是卧虎藏龍,幾十元食到好味道。新開小店, 入到去有主打海南雞外, 仲有其他星馬美食, 好似LAKSA, 肉骨茶同串燒, 當唔知點乜食心大心細時, 二人餐$175 抵食。包括了海南雞半隻, 另外有小食2選1, (滷水元蹄/炭燒豬頸肉), 鮮魚湯時蔬,住家湯X2, 飯X2, 同飲品X2海南雞好滑, 其實雞就食嫩, 而醬料就是提升味道架主睦, 濃醬油,、薑蓉同個酸酸地架汁, 蘸著吃極之美味。鮮魚湯蔬時同住家湯,簡單好飲, 廣東人最偉大又滋潤架湯水,。炭燒豬頸肉好彈牙, 薄必食入口唔好有油膩感, 仲有股BBQ 炭火香添。飯要油飯才是完美啦, 米粒吸了雞湯精華仲有香茅味, 東南亞風味十呎又好芳香。

人愈大就愈鍾意雞飯好食嘅海南雞飯，都唔係成日遇到，今次發現正野，一定會再食🔥🔥同事介紹天后既「大哥雞飯」見佢地間中都會買海南雞返屋企加送餸點都要會一會佢既😎除咗海南雞之外，佢哋仲有肉骨茶，同埋一啲香口小食，價錢都幾經濟招牌海南雞飯可以選擇油飯/白飯海南雞好靚無得彈！真心皮薄、肥膏少肉質嫩滑，雞胸既肉都唔會死實出色👍🏼👍🏼油飯又一出色之作👍🏼唔會太油，粒粒分明做到淡淡咸香效果，好好食！例湯亦好有誠意，大大碗，有新鮮淮山，甘筍，陳皮等等清甜滋潤❤️唔夠喉嘅話，仲可以追加小食生炸香茅雞中翼香噴噴，應該係即叫即炸，熱辣辣，香茅味突出，夠過癮😎😎

今次試這間新開的星馬菜餐廳，主打海南雞飯，晚市時間滿座，人氣不錯。餐廳環境乾淨企理，燈光光猛，座位寬敞舒適，適合朋友或家庭聚會🥂 用QR code下單店員服務態度很好，食物價錢親民，質素很不錯，份量多，食物選擇多，食唔晒可以打包喔👍🏻 難得有一間超乎水準的海南雞小店，大家絕對要多多支持晚市二人消費：$197 🫧不設加一服務費🫧💖💖食評💖💖招牌海南雞二人套餐 ($175)✨超抵食嘅二人餐，又豐富又健康！食到超飽😆 🍗招牌海南雞 (半隻) 可選擇走胸、要胸、走翼、要翼必食推薦，海南雞賣相吸引，份量多，醬料味道一流👍🏻 雞肉肉質好有驚喜，件件都好新鮮嫩滑，亦有配上青瓜，好飽肚 好滿足🍖滷水元蹄推薦，有驚喜！份量多，肥美又厚身，醬料調味很好，香濃惹味🤤 元蹄煮得十分軟腍，口感極佳😍 🥬鮮魚湯浸時菜份量好多的菜芯👍🏻 🥣大哥無味精住家湯香濃而不鹹，好足料，有粟米、紅蘿蔔、雞絲🍚香茅油飯 (2碗) 可選擇油飯或白飯油香味十足，粒粒入味☕️熱檸檬茶☕️熱檸檬水 🧀醬爆芝士薯波 (餐套加配價 $22/3粒)✨外脆內軟，芝士味香濃，好味👍🏻

今晚嚟到位於天后新開嘅專食雞嘅餐廳。餐廳都好多嘢食，喇沙、海南雞飯、肉骨茶、小食等應有盡有。以QR code落單，放便快捷。細碗肉骨茶+海南雞飯（$94）- 呢個價錢又食到肉骨茶又食到海南雞飯非常好，啱晒一個人食。先講個肉骨茶，一啲都唔細碗，都真係幾大碗。仲好多料，有兩條大肉骨，仲有豆卜同油炸鬼，個湯藥材味都幾濃，非常好飲。海南雞飯份量都大，仲可以揀走胸、要胸、走翼、要翼。我就揀咗雞胸，個雞胸都好嫩滑新鮮。飯都可揀油飯或白飯，更可以揀半飯或走飯，非常彈性。個餐仲包個鮮魚湯浸娃娃菜，真係健康。+$6 仲有熱飲添。

星期日晚喺天后搵食，呢區食肆林立，諗食乜都好煩惱，係幸福嘅煩惱😛。我哋行經有間餐廳坐滿人，名叫「大哥雞飯」，相信人氣咁高，應該無伏。呢度面積唔大，枱與枱之間有少少迫，不過裝修都幾型格。店員們非常忙碌冇停手，不過對客人仍能保持禮貌👍。餐廳主打雞飯同東南亞食品。佢設有二人或四人套餐，內容都幾豐富，只可惜豬頸肉賣晒，我哋又唔想食豬手，就變咗散嗌🙈。其實大約到八點鐘嘅時候，就連雞都全部售罄，所以想食就要趁早！招牌海南雞飯($62)，🐔海南雞飯賣相非常吸引，而且冇諗過份量咁足，有成兩排雞肉。餐廳表示採用清遠麻雞，雞皮爽彈唔肥膩，而雞肉肉質就好嫩滑，就算雞胸都係咁話。同時，雞肉去骨去得乾淨，又有一定厚度，口感唔錯。大哥口水雞飯($65)，🌶口水雞飯啲雞份量同樣有咁多！餐廳自家製作嘅口水雞醬幾惹味，似川辣同泰式嘅混合版，麻同辣兼備，而辣度亦係可接受範圍。旁邊有少許青瓜粒搭伴，如果多啲就好。油飯色澤靚，🍚淺黃色嘅飯粒帶微微雞油香，而且亦夠乾爽。如果唔食油飯，都可以要白飯。大哥無味精住家湯，🥣例湯唔係常見嘅冬瓜湯，反而係青紅蘿蔔蟲草花雞湯，味道都甜嘅，但就稍為油咗啲。我哋另外仲嗌咗幾款沙嗲串燒🍢，每串$

嫩滑海南雞專門店呢間天後的海南雞專門店好好食！好嫩的海南雞肉，專登叫左個雞胸肉，好嫩滑，一d都吾老！配埋醬汁好好味道呢！呢個真係好食，平時食的海南雞都好老，難得呢間好正！份量又大份，好飽好滿足！另外又叫左個肉骨茶，好多材料，陣陣藥材香味，好香藥膳湯味，材料用雞骨，雞腳同排骨煲成，有益又好味，配合埋油炸鬼，好地道馬拉菜風味呢！跟海南雞套仲有例湯，排骨粟米，味道都好好！好似去左新加坡食飯感！呢間評分不錯呢！