Video
Read full review
2022-10-27
1408 views
星期日晚喺天后搵食，呢區食肆林立，諗食乜都好煩惱，係幸福嘅煩惱😛。我哋行經有間餐廳坐滿人，名叫「大哥雞飯」，相信人氣咁高，應該無伏。呢度面積唔大，枱與枱之間有少少迫，不過裝修都幾型格。店員們非常忙碌冇停手，不過對客人仍能保持禮貌👍。餐廳主打雞飯同東南亞食品。佢設有二人或四人套餐，內容都幾豐富，只可惜豬頸肉賣晒，我哋又唔想食豬手，就變咗散嗌🙈。其實大約到八點鐘嘅時候，就連雞都全部售罄，所以想食就要趁早！招牌海南雞飯($62)，🐔海南雞飯賣相非常吸引，而且冇諗過份量咁足，有成兩排雞肉。餐廳表示採用清遠麻雞，雞皮爽彈唔肥膩，而雞肉肉質就好嫩滑，就算雞胸都係咁話。同時，雞肉去骨去得乾淨，又有一定厚度，口感唔錯。大哥口水雞飯($65)，🌶口水雞飯啲雞份量同樣有咁多！餐廳自家製作嘅口水雞醬幾惹味，似川辣同泰式嘅混合版，麻同辣兼備，而辣度亦係可接受範圍。旁邊有少許青瓜粒搭伴，如果多啲就好。油飯色澤靚，🍚淺黃色嘅飯粒帶微微雞油香，而且亦夠乾爽。如果唔食油飯，都可以要白飯。大哥無味精住家湯，🥣例湯唔係常見嘅冬瓜湯，反而係青紅蘿蔔蟲草花雞湯，味道都甜嘅，但就稍為油咗啲。我哋另外仲嗌咗幾款沙嗲串燒🍢，每串$
星期日晚喺天后搵食，呢區食肆林立，諗食乜都好煩惱，係幸福嘅煩惱😛。我哋行經有間餐廳坐滿人，名叫「大哥雞飯」，相信人氣咁高，應該無伏。
呢度面積唔大，枱與枱之間有少少迫，不過裝修都幾型格。店員們非常忙碌冇停手，不過對客人仍能保持禮貌👍。
餐廳主打雞飯同東南亞食品。佢設有二人或四人套餐，內容都幾豐富，只可惜豬頸肉賣晒，我哋又唔想食豬手，就變咗散嗌🙈。其實大約到八點鐘嘅時候，就連雞都全部售罄，所以想食就要趁早！
招牌海南雞飯
$62
43 views
0 likes
0 comments
大哥口水雞飯
$65
36 views
0 likes
0 comments
油飯色澤靚，🍚淺黃色嘅飯粒帶微微雞油香，而且亦夠乾爽。如果唔食油飯，都可以要白飯。
大哥無味精住家湯，🥣例湯唔係常見嘅冬瓜湯，反而係青紅蘿蔔蟲草花雞湯，味道都甜嘅，但就稍為油咗啲。
我哋另外仲嗌咗幾款沙嗲串燒🍢，每串$18，分別有雞軟骨、豬肉同雞肉。沙嗲汁再配上芝麻粒，香而不辣，而啲肉燒完都唔會乾身。
飲品方面🥤，雞飯唔包嘢飲，不過可以用優惠價加配。我哋要咗黑糖冬瓜茶(+$11)同凍奶茶(+$8)，兩樣都大大杯，但冬瓜茶偏甜，可能唔加黑糖會好啲。
總括嚟講，大哥雞飯性價比高，難怪火速售罄🔥。佢嘅例牌雞飯咁大碟，我諗未必使嗌半隻或一隻都經已夠食。如果有興趣試吓的話，就記住唔好太晏嚟喇！
Post
