大哥雞飯去骨海南雞 (愛定商場(H.A.N.D.S) N區)

Open Now

Now Closed

大哥雞飯去骨海南雞，晚上全場滿座，原來是星加坡菜做得真的不錯！最推介這個套餐：招牌海南雞飯加細肉骨茶$94，配魚湯時蔬和飲品，喜歡的話還可以優惠價加小食，真的想多選幾款小食，滿足饞嘴的慾望。海南雞份量很多，皮香肉滑，啖啖肉，咬下又香又新鮮；醬汁有三款口味選擇，最愛蔥蓉，配雞，美味到不行！選了油飯，裏面有炸乾蔥，吃著超香的！還有配菜酸辣青瓜，醬汁微辣很好開胃，青瓜又能清新口腔。細碗肉骨茶其實份量都很多，有兩條大排骨煮到很軟滑，裏面藥材有玉竹、黃芪、桂皮、香葉等等，煮出來是香甜的味道，不苦澀；有很多鴻喜菇，吸收湯的精華，吃著又爽又甜；還有黑木耳，倍添爽口。魚湯浸時蔬非常好味！菜心鮮嫩，魚湯不加味精，很清甜，湯也喝光光。以優惠價$22加配小食，星加坡剁椒無骨鳳爪，醃得很入味，小辣微酸，無骨吃得爽爽的，夏日開胃之選。朋友選的波士頓龍蝦喇沙$108，波士頓龍蝦淆製湯頭後，令湯很鮮甜，不過龍蝦就失去彈滑口感；喇沙有大量椰奶，上桌便聞到香濃的椰汁味，加入特製咖哩調味，微辣帶甜，吃得挺開胃的；麵底選了摻摻，有油麵和米粉，最能滿足口感，而且掛湯力強，開胃得把整碗喇沙連湯吃光。其他配料還有魚片頭、龍蝦丸、

友愛邨附近多左好多野食。今晚求其揀左呢間雞飯。估唔到個湯非常有驚喜。海南雞飯正正常常，不過不失喇！豬頸肉飯都正正常常啦，有下次嘅都呢間。嘢飲比較有少少貴，如果可以平啲就更加好。

屯門的確好多好嘢食，因為要食個勁快晚餐，路過大哥雞飯就入去最鍾意未落單先有例湯奉上嘅食店，好濃嘅紅蘿蔔湯，唔係例水選咗香蒜雞飯，乾蒜鋪滿響雞上面，好驚喜，我呢啲鍾意食蒜嘅就啱哂無骨雞好滑溜，啖啖肉好爽，我叫少飯嘅，見隔離位男士個飯量好足，油飯但絕不油膩，鍾意呢度乜嘢餐都可以選擇油飯，正凍央冲得幾平衝喎，唯一一樣要注意，我可能唔係好識手機落單（最後都搞到🤣），撳到重複落單，之前都試過，要小心啲經常滿座，好在單身狗易搵位，$73好滿足了

真係好難食，所謂既豬頸肉，又un 又厚，好似蒸完再煎，咖喱好似溝咗水，以前剛開業的時候，豬頸肉是招牌菜很好食的，但而家，真係難食到一個點，重要60幾蚊，有得簡唔好再幫襯佢，坐底左，遲過我地既已經食緊，湯都飲緊，知你好忙，但忙唔代表亂，重要的事要說三次，個豬頸肉真係好難食，好難食，好難食🤮

去左大埔大哥雞飯試佢哋嘅海南雞，真係好有風味！啲海南雞煮得啱啱好，帶咗啲椰奶同香料嘅香氣，令人食落好開胃。雖然雞肉只係尚可，唔算特別出色，但係整體黎講，味道都幾唔錯。如果你鐘意海南雞，大埔大哥雞飯係一個值得一試嘅地方。記得落單嗰陣，叫多啲海南雞啦，食多啲會更加滿足！

這碗肉骨茶色澤誘人，湯頭濃郁，散發著香料的芬芳。豬骨熬煮得恰到好處，肉質鮮嫩，入口即化，令人陶醉。湯中還有各種配料，讓風味更加多元。搭配白米飯，吸收了湯汁的美味，令人一口接一口。每一口都帶來溫暖和滿足，讓人忍不住想再來一碗。肉骨茶不僅是美食，更是心靈的慰藉，真是值得推薦的一道佳品！

海南雞飯係我嘅至愛，屯門安定邨H.A.N.D.S商場地下開咗間大哥雞飯，掃二維碼自助落單好方便，店員極力推介我食招牌菜海南雞。每個餐都會包一碗例湯，真材實料絕對冇味精靚湯，每個餐仲可以加錢配一份小食。招牌海南雞飯$62雞肉鮮嫩不肥不瘦啖啖肉，連平時我唔食雞皮都忍唔住食埋，再配搭油飯真的令人回味，三款獨特醬汁好重要，增加雞肉層次感～炭燒豬頸肉飯$62豬頸肉燒得好香肥瘦均勻，配油飯食一流，我仲加咗星洲吉列蝦（3隻）$22海南雞喇沙參參$75喇沙參參湯底有濃郁椰漿味，有一隻溫泉蛋、豆卜，地道喇沙醬做湯特別惹味，另加$22新加坡剁椒無骨鳳爪，少少辣夠醒神。

星馬泰菜都係我口味，今次經過屯門友愛呢一間大哥去骨海南雞飯，呢度嘅食物唔錯除咗招牌菜海南雞飯之外我點咗個炭燒豬頸肉飯都好正都好推薦大家試下呢一款炭燒豬頸肉飯豬頸肉薄薄一片口感唔錯，而且味道仲有燒烤嘅味道，又香又易入口，而且豬頸肉分量仲要唔少，跟餐仲可以加小食同飲品，可以以優惠價去加，飯可以選擇少飯，正常飯嘅份量都好多，呢一個餐真係可以食到好飽。另外我哋仲叫左檳城滷水雙拼麵，有滷水牛肉同滷水豬腩肉，麵質口感唔錯，滷肉味道不算太香濃但整體味道可以的，反而呢種味道已經好適合我，我鍾意呢種味道，太香濃又未必係咁好食，就岩岩好。仲有班蘭咖央多士，咖央多士裏面仲夾住牛油，同班蘭味道好夾同好香，我哋都好快手食曬四件，仲嫌唔夠添，推薦推薦。仲有一碗細碗肉骨茶肉骨茶好足料，有少少辣嘅味道，有肉骨，淮山及紅棗等等，味道都好香濃，我亦都好鍾意這款肉骨茶嘅味道，有d藥材味但好香濃，推薦大家可以試下細碗肉骨茶。兩個套餐跟餐仲送一碗例湯，例湯都有雞肉同粟米，例湯都唔錯好好飲。跟餐可以叫埋飲品我哋叫左龍眼冬瓜茶，而家夏天飲真係一流消暑飲品，可以叫少甜，少甜都好好飲，飲品分量都唔細杯。另外仲有一杯利賓納都唔錯嘅，三杯

（ 屯門必食大哥海南雞飯）囡囡喺附近返學 經過大哥海南雞飯 都會見到大排長龍 今日就同jamie放咗學一齊去試下店舖新裝修都幾光猛 店員亦都好有禮貌海南雞飯店 必定要試下佢哋嘅 海南雞飯估唔到份量都幾多 同埋佢哋嘅雞真係好滑好 嫩 好有雞味另外 仲試埋佢哋嘅豬頸肉飯 即叫即整熱辣辣非常好食 口感仲非常彈牙最期待佢哋嘅南瓜湯 都幾大碗 我覺得整體嚟講性價比都幾高如果喺附近住 或者返工返學 呢一間必定係首選嘅飯堂屯門嘅朋友要搵嘢食不妨嚟試下啦下午茶餐都幾抵食！大哥雞飯去骨海南雞 屯門屯門鄉事會路2A號愛定商場(H.A.N.D.S.) N區1樓N115-N116號舖

安定幾多小店選擇，價錢都幾平民！依間主推海南雞飯，見入得嚟嘅都必叫！今次叫左個海南雞肉骨茶套餐，都係（$94）好抵食！個海南雞飯真係名不虛傳，雞肉已經去晒骨，雞皮薄又香，入口肉質嫩滑柔軟，連個飯都好有雞嘅油香肉骨茶都好有驚喜，好足料，除咗有肉骨同埋藥材之外，仲加左菇、粟米仔、豆卜、油炸鬼、雞腳呀咁，味道好濃郁個餐仲包埋輕盈魚湯浸時菜，入味得黎都煮到好淋另外跟餐+$22叫左半份新加坡剁椒無骨鳳爪，好辣好夠味，入口唔會難咬野飲就揀左龍眼冬瓜茶($23)，龍眼同冬瓜嘅味道都幾夾，清甜又解暑依間嘢食選擇仲有好多，住附近唔想煮飯落嚟食真係幾好！

一向都好鍾意食海南雞飯🐔衝入左呢間專門食海南雞😋🥢另外仲有好多新加坡食物可以選購👍🏻店內裝潢設計簡潔光猛💡🐔招牌海南雞飯海南雞經過慢煮之後✨肉質鮮嫩多汁💦入口即化🍚油飯柔軟可口😋再加上脆爽青瓜🥒配搭一絕～另外還有例湯要配上～湯汁一點也不馬虎👍🏻🐔檳城滷麵撈米粉滷汁濃郁香醇😋能夠充分浸潤入麵條中✨麵條米粉兩者與滷汁融合一起🌀形成獨特滋味小食類別選擇亦不少🍴份量亦算多

爸爸鐘意食海南雞,所以一於同佢去試下💕💦大哥口水雞飯我地選擇汁另上,可以食到四款唔同口味❣️分別係口水雞、蔥油、甜豉油、酸辣.隻雞真係好嫩滑,油飯好香口💕🐟馬六甲炸魚餅（4件）追加小食選擇咗炸魚餅,煎到勁香口🩷沾上酸辣醬,一試就愛上😍🐽豬頸肉喇沙喇沙湯底勁香濃入味😍甜而不辣👍🏻豬頸肉每件大大塊，而且厚度啱啱好,邊邊位有少少焦香,真係忍唔住食完一塊又一塊❤️🌶新加坡剁椒無骨鳳爪（半份）涼拌無骨鳳爪好啱而家炎炎夏日咁去食🥰比我想像中辣🌶愛食辣人士可以不妨試吓🐮沙嗲牛舌+ 沙嗲牛肉沙嗲醬非常濃味,而且唔會蓋過佢嘅牛味👍🏻🍋鹹檸檬梳打, 🍍 菠蘿梳打兩款都好啱而家夏天飲用，生津解渴🥰

今次嚟到屯門友愛安定商場嘅大哥雞飯去骨海南雞，成日都好好奇點解呢度咁多人排隊同埋等位，今日食完終於明白點解喇😄招牌海南雞飯海南雞飯嘅擺盤好精緻，一定要配埋油飯先有儀式感！🤣唔好唔記得要轉埋雞脾🤭雞脾肉嘅肉質真係唔同啲，嫩滑程度係其他部位完全冇得比🤤海南雞飯標配醬汁，每一份醬汁都有佢哋特色🤩椰子雞湯，雖然只係跟餐湯但都好好飲，椰子味撞落雞肉真係絕配🥳檳城滷麵配腩肉+牛腱腩肉同埋牛腱都係我鍾意嘅食材，真係好滿足啊😋大大碗，睇得出配料選用係一啲都唔馬虎👏肉骨茶，湯底好濃郁，瞬間返咗去馬來西亞咁😜獅城粉絲春卷表皮炸得好脆，口感係我鍾意嘅外脆內軟✌️咸檸七+龍眼冬瓜茶除咗一般茶記提供嘅飲品之外，呢度仲有好多其他特色飲品可以選擇😀

大哥雞飯去骨海南雞今次推介喺屯門愛定商場嘅一間新加坡菜餐廳叫「大哥雞飯去骨海南雞」，呢間餐廳門口係有一級，輪椅人士如果要入去食就要自備斜板，入面雖然店舖細細，但店員都好樂意提供協助，下午一點幾入到去幾乎坐滿人，要搵到一張空枱都比較困難，證明呢間餐廳性價比都好高！1.輕盈海南雞飯+配大哥無味精住家湯$62+原味椰子冰$16（9/10）幾乎張張枱都會叫海南雞飯，呢個海南雞飯個雞肉質嫩滑爽彈，而且有光澤，雞件大約有10舊，油飯比較乾身，住家湯飲得出無味精，應該係南瓜雞腳湯，原味椰子冰比較甜咗少少！2.輕型炭燒豬頸肉飯+配大哥無味精住家湯$62+參巴醬炸雞$22+熱咖啡$10（9.5/10）呢個炭燒豬頸肉飯個豬頸肉份量好多，每一塊豬頸肉外皮都燒得好脆，白裏透紅咬落去有少少油脂香，豬頸肉大約有15舊，油飯比較乾身，住家湯飲得出無味精，應該係南瓜雞腳湯，熱咖啡好飲，唔會有少少酸！3.串燒小食拼盤$108（9/10）呢個串燒小食拼盤份量真係多，入面有五款小食，包括有串燒3吋（揀咗牛）、馬六甲炸魚餅4件、獅城粉絲春卷4件、新加坡剁椒無骨鳳爪半份同怡寶脆炸雞翼4件！2人總共價錢$280個人口味總評分：9

天氣太熱，真係連煮都冇心機煮。屯門有嘅皇上今日帶我去屯門食吓星加坡菜。見出邊排晒長龍💖應該味道唔錯。當然要品嚐一下啦。（5⭐️最高）大哥香蒜雞油飯（5⭐️）蒜香味好濃，油飯好香。 雞件非常之滑，而且好入味。 三色醬🥰是傳統海南雞醬當中的辣醬是秘製的，超級惹味。炭燒豬頸肉檳城撈麵（5⭐️）份量好足料，我揀選了參參（油麪加米線）。 當中的滷水汁滲入面中真係好滋味😋。而且的配料包括咗炸豬皮、芽菜等，亦都好特別💋。豬頸肉份量都好足料，而且爽口彈牙👍🏻。配上椰子雞湯， 真係好好飲😘醬爆芝士薯波（5⭐️）咬落有濃厚的車打芝士味道， 當中的薯蓉粒咬落爽口，外脆內軟嘅感覺真係好特別🤩斑斕咖央多士（5⭐️）厚厚的牛油被佈滿咖央醬的多士夾住，每一口， 都充斥着牛油多士嘅鮮味。百香果汁（5⭐️）鮮甜百香果味， 消暑必飲系列薄荷朱古力（5⭐️）朱古力與薄荷是二比一，所以朱古力濃度會較高，飲的時候，會有陣陣的薄荷清涼感覺💖。