大哥雞飯去骨海南雞 (愛定商場(H.A.N.D.S) N區)

Open Now

Now Closed

平時我係港島區天后就幫襯得多，知道屯門都開左分店，梗係要帶埋屋企人俾佢地試下有幾好食啦🤤🤤🤤🐓檳城滷水麵 配 招牌海南雞見到有新野「檳城滷水麵」出左，梗係唔執輸要點～滷水醬汁好香濃，跟傳統潮州滷水好唔同，由於係撈麵，所以佢無調校到好鹹，有藥材味，帶好香花椒八角桂皮甘香味道，有層次感，仲配一隻滷溏心蛋🫰🏼揀左摻摻麵：油麵溝米粉，一粗一幼，口感更加突出又索到醬汁；再加埋邪惡既豬肉渣同炸乾蒜，仲有芽菜，新菜式好有驚喜👍🏻招牌海南雞真係招牌，去骨而且肉質嫩滑、皮薄又爽，再配上三款醬汁(薑蔥、辣醬及黑豉油)，惹味又正宗😋🐓大哥香蒜雞飯 配油飯炸金蒜舖左係海南雞雞件上面，好惹味，岩晒重口味既人；油飯粒粒分明，煙韌幾好食🤤🐓套餐都會連一碗椰子🥥雞湯雞味清甜配清爽椰子味，滋潤美味😆飲得出無味精，連阿媽都話，唔得閒煲黎飲番碗仲方便😁🐓大哥口水雞再試下佢另一個口味嘅海南雞，就點咗口水雞；口水雞汁淋上海南雞面頭，醬汁清爽得黎有少許辣勁，好輕既酸味，又蒜香味比花椒麻香味更重，整體上味較溫和，配個白飯都係好夾🐓斑斕咖央多士鍾意佢件多士比平時烘得夠耐，有斑斕醬既清香同埋「點睛」厚牛油夾埋一齊，外微暖而餡料涼浸浸，

B2招牌海南雞2人套餐 $199招牌海南雞 半隻$199非常豐富，性價比極高。海南雞夠大隻本身亦有調味！就咁食都帶少少鹹，皮煙煙韌韌，皮肉中間亦都唔見有脂肪或者啫喱，有細心處理過！油檳城滷水元蹄 一碟滷水元蹄就非常好食，用筷子輕輕夾都夾得開，滷水非常入味，佢個皮真係不得了，成口都係骨膠原！連埋佢個汁都係非常送飯！就算係單叫都可以試一試，但建議兩個人都係叫返二人餐性價比最高！油大哥無味精住家湯2碗超足料，飲完唔口渴鮮魚湯浸時菜一碟薑蓉香茅油飯 x2味道清香同d送好夾E1炭燒豬頸肉 $50份另一樣非常鍾意嘅食物，外表有dd脆口，入面 肉色仲見到介乎粉紅色同白之間！時間掌握得好好！真係香脆仲有汁！絕對冇得輸鹹檸檬梳打$39菜蜜（熱）$17

屯門美食 人氣必食 🐔 大哥雞飯 🍚點解我咁遲先發現呢間店！🤤🌟🐔招牌海南雞飯套餐配肉骨茶幾抵食呢🤩有飯有湯有飲品海南雞肉質嫩滑，去骨啖啖肉油飯好香，加有肉碎口感豐富唔會勁多油，我喜歡！🌟肉骨茶雖然話細碗，但係都份量十足好香濃真材實料🌟龍眼冬瓜茶清甜解渴😋夏天熱辣辣消暑一流👍🏻🌟沙嗲串燒醬汁好惹味個人推介😛雞、豬、牛舌整體都幾抵食，兩個人share都好飽喇沙和豬頸肉都好吸引！下次再去食屯門安定邨H.A.N.D.S地下輕鐵站一落車就見到！好方便

屯門愛定邨探朋友，朋友帶我去食新加坡餐 – 大哥雞飯! ~ 餐廳以簡約設計，地方十分寛敝，食物擺放喺別緻嘅餐碟，富有特式! 打開餐牌有咁多菜式選擇，無骨海南雞、豬頸肉、喇沙、檳城鹵水麵、肉骨茶，而且每款美食價錢好親民。我地點咗招牌無骨海南雞2人餐♡，2人餐配送一款美食及時菜及飲品，好抵食! 🐔海南雞半隻雞都好大份，配搭薑蓉、紅醬、豉油，雞肉加入醬汁提鮮，雞肉嫩滑連雞皮都好爽脆 ; 配送香茅油飯及絲苗白飯及無味精住家湯，足料湯水好滋潤。♧新加坡美食之一 ~ 檳城滷水元蹄，聞到香噴噴嘅滷水香氣，元蹄肉質軟腍。♤鮮魚湯浸時菜，菜芯清綠爽脆，浸入魚湯更加清甜。◇加配小食 ~ 獅城粉絲春卷，外皮脆卜卜，滿滿粉絲包裏住肉餡料，口感好特別。

開係輕鐵站附近真係太方便了~ 勁多星加波嘅美食，門口亦有好多ꜰᴀɴꜱ喺度等外賣，今次一定無伏了🤭1️⃣ 招牌海南雞飯🐓既然叫得做大哥雞，海南雞又係招牌，點可以唔食下🥳識食一定要揀油飯，海南雞好嫩滑，唔會柴亦一啲都唔老，記得要配埋海南雞三色醬一齊食呀！最驚喜係想食咩部位都可以自己揀❤️‍🔥2️⃣ 南洋咖喱豬頸肉飯🐷鍾意食甜嘅咖喱照揀呢個啦～ 呢度嘅咖喱唔會辣，小朋友都啱食😋而且咖喱入邊都頗多配料，除咗平時見開嘅薯仔、洋蔥、蕃茄仔外，仲有燈籠椒同翠玉瓜添😌 而且豬頸肉嘅份量亦都十分多，鮮嫩又脆口，係抵食精選😚3️⃣ 星洲黃金鹹蛋炸魚皮🐟簡直係邪惡到爆嘅炸魚皮‼️ 每一件嘅炸魚都比鹹蛋醬包裹住，超濃郁嘅味道，食一件就想食第二件👅 仲要係熱辣辣又脆卜卜嫁🥰4️⃣ 小食🥢跟餐加配咗要芝士波波同粉絲春卷，芝士波波係爆醬嫁，所以食嗰陣時真係要小心啲🤣而且佢哋嘅小食都有好多款，相信係款款都唔會失望😚5️⃣ 飲品🥤揀咗久違嘅薄荷朱古力，飲落有淡淡嘅薄荷清新味～ 落完單先見到佢哋呢度仲有椰青，下次一定要試吓‼️

朋友說平日都要早點到，因為都比較多人，我們約7點半到就已經坐滿人，餐廳分隔咗兩邊，我和朋友坐另一個小房間。見到好多人吃海南雞，我們都先點一份$62另一份叫炭燒豬頸肉＄62每份set都有跟湯和飲品，而且還可以加＄22多一份小食，即係全份一百元都不用。海南雞跟有三個汁，有一個好似甜酸醬我比較喜歡，因為特別開胃撈在飯吃一流。而且雞都大大件把骨都洗得很乾淨，吃下去有雞味又滑口。炭燒豬頸肉真的令我很驚訝，豬頸肉嘅份量十分之多，豬頸肉邊有少少脆口大大片，點上甜酸醬很惹味。我們把兩碟甜酸醬也吃光光了。小食我們揀了爆漿芝士波和粉絲春卷。每個set +$22（1份）一咬落去就已經有芝士流出來暖笠笠而春卷炸得剛好，沒有半點炸燶。再配上飲品，椰汁紅豆冰，清涼爽甜，大量紅豆在杯底。鹹檸檬梳打一啖即時解渴，味道一流。

Hailiah 最鍾意食海南雞，呢間大哥雞飯去骨海南雞睇住佢開張，我哋係常客😜新年都喺呢度買全隻雞返去做節架！今次一如既往叫咗去骨海南雞飯套餐，有菜有例湯、肉骨茶，一次過食哂主打嘅去骨海南雞飯同肉骨茶，都係$9x起，雞滑冇骨湯香重料亦都係呢度焦點！呢度啲海南雞真係好滑，小朋友都容易食到，所以Hailiah好鍾意食架，同埋配埋嘅醬食完都唔口乾✌🏻肉骨茶好香藥材味，十分足料，入面嘅肉排仲非常鬆化添！馬來西亞嘅Lor Mee就係檳城滷麵，亦都係呢度都有得食，入面有滷水蛋一隻、芽菜、豆腐角、豬油渣、炸乾蔥、蔥花，你可以揀米粉 / 米線/油麵/擔擔麵/ 兩溝（米粉＋擔擔麵），醬汁係精髓，選用多種藥材及香料調較而成😍另加$22小食獅城粉絲春卷同半份新加坡剁椒無骨鳳爪，都好好食！配上士多啤梨梳打同芒果椰汁冰，即刻勁滿足呀☺️#大哥雞飯去骨海南雞 #海南雞

屯門愛定商場（H.A.N.D.S.）嘅《大哥雞飯去骨海南雞》餐廳嘅裝潢簡潔光猛，餐廳座位足夠，見午市市段一行八人入座都無問題✨例湯足料老火湯，真材實料✨ 招牌海南雞飯（轉雞髀）海南雞皮爽肉嫩，肉汁鮮美，彈牙可口✨炭燒豬頸肉飯豬頸肉非常出色，份量好多，燶邊效果食落香脆惹味，肉質爽口彈牙，配上泰式醬👍🏻✨新加坡剁椒無骨鳳爪(半份）去骨鳳爪酸酸辣辣非常開胃 泰式酸辣汁入味，辣度不算好辣✨菠蘿汁&檸檬利賓納（凍）大大杯😍好解渴，解一解油膩街坊價錢，高水準食物，職員有禮，真係會回頭

大哥雞飯成日心思思想食星馬菜，今日咁屋企冇煮飯，梗係捉老豆老母陪我食返夠本。😊😊雖然大哥雞飯店仔細細，但野食選擇都幾多下。落單後前菜小食好快就送到。剁椒無骨鳳爪唔會好辣，主要酸甜為主，非常醒胃。而參巴醬炸雞，主要取其香，唔會有太勁辣椒味，入口香脆有肉汁。😍😍而主菜，當然要試下佢個海南雞飯啦。雞肉爽彈有光澤，而雞肉就嫩滑有雞味，配上我自己好鐘意既黑醬油，非常搭配。第二樣我地揀咗豬頸肉喇沙摻摻，豬頸肉份量勁多，而且烤得好乾身，點少少泰式酸辣汁，非常惹味。喇沙湯微辣帶濃厚椰香，相當唔錯。😆😆最後我地口痕叫多咗份斑斕咖央多黎，牛油咸香加上甜絲絲既咖央醬，作為飯後甜品真係最適合不過。☺️☺️

去搵朋友食飯，公司附近屯市安定民生區，商場近年翻新開咗好多餐廳，見到有海南雞專門店又試下先！招牌海南雞兩人餐枱枱都知，有招牌海南雞，招牌小食可以二選一，有埋湯同油飯野飲，非常抵食！招牌海南雞半隻雞肉已經去骨，入口即化，鮮嫩多汁。調味也剛剛好，完全突出雞肉本身的鮮美。滷水元蹄滷水汁香濃，口感很Q彈，骨膠原滿滿鮮魚湯浸時菜一碟魚湯頭清甜可口，菜色新鮮爽脆，清爽解膩香茅油飯 香茅香氣四溢，油飯金黃晶瑩剔透，睇到已經流哂口水大哥無味精住家湯雞湯香氣回甘不膩，搭配香茅油飯,整個套餐非常豐富，而且有驚喜！📍大哥雞飯去骨海南雞屯門屯門鄉事會路2A號愛定商場(H.A.N.D.S.) N區1樓N115-N116號舖

我哋只要經過安定附近，都必食“大哥雞飯去骨海南雞”，價錢非常實惠🤑，性價比高🤗。🌈炭燒豬頸肉飯 （油飯）套餐都會跟一碗住家湯🥄，粟米紅蘿蔔南瓜湯清甜無味精👍，油飯香味十足，仲可以揀多飯🍚，炭燒豬頸肉肥瘦適中，少少燶邊夠香口，份量非常多。🌈大哥口水雞🐔飯雞肉嫩滑富彈性😋，口水雞汁辣🌶️味溫和配有花生🥜碎。🌈檳城滷水豬大腸當日新🆕出品既豬大腸，質感軟韌，滷得非常入味😍，醬汁係米醋配蒜蓉粒，點完夠惹味。🌈星洲吉列蝦🍤（6隻）新鮮即炸脆卜卜，檸茶大愛❤️。🌈檸檬利賓納 & 芒果汁🥤炎炎夏日當然要飲返杯凍野解渴。📍大哥雞飯去骨海南雞 (H.A.N.D.S)📌屯門屯門鄉事會路2A號愛定商場(H.A.N.D.S.) N區1樓N115-N116號舖#海南雞飯 #豬頸肉 #豬大腸 #屯門必食 #屯門好去處 #屯門美食地圖 #餐廳推介#假日好去處 #ilovefood #hkfood #美食推介 #美食日記#親子 #全職媽媽 #金牛座 #育兒日記 #育兒 #育兒日常 #寶寶日記 #成長記錄 #lemontea.519 #凍檸茶

今日又入左屯門玩，屋企人鍾意去骨海南雞飯，揀左一間係安定友愛商場地鋪的餐廳醫肚。性價比勁高，60蚊就有真材實料靚湯加嫩滑去骨海南雞飯。餐點非常豐富，大哥精挑細選清遠市清新區走地麻雞。🌟咁足料例湯:椰子雞湯椰香味撲鼻，加入紅棗同豬骨等去煲，真係真材實料！湯頭鮮甜可口，忍唔住飲多幾啖。🌟#招牌海南雞飯套餐海南雞肉肥美嫩滑、夠黃油、色澤金黃，皮爽肉嫩，肉汁鮮美，彈牙可口。配三色醬、大哥袐製海南雞醬料夠風味惹味！🌟#扎肉安格斯牛喇沙材料好豐富，流心蛋好正👍🏻娘惹喇沙湯的口感濃郁，辣度適中，好惹味。扎肉爽口，安格斯牛肉好嫩，牛肉味不錯，好食。

收工後，同老公到安定邨H. A. N. D. S 商場行街食飯，今曰好 lucky，係衣個商埸扭蛋，一扭就俾我扭到咿唷，又俾我買到小明，仲有Pooh Pooh😌晚餐來到《大哥雞飯》，兩個人唔好煩，反正都係想食海南雞，直接點個「招牌海南雞二人套餐」，招牌海南雞半隻，雞肉嫰滑，配上三色醬汁及爽口青瓜，酸酸辣辣，最岩衣個天氣食！當然仲要配埋香氣十足既香茅油飯啦！😉套餐跟上「大哥無味精住家湯」，鮮甜美味，確確實實無味精👍🏻👍🏻👍🏻「鮮魚湯浸菜心」，走油少鹽，非常健康😌「檳城鹵水牛肉」，鮮嫩美味，牛展入口即溶😋「炭燒豬頸肉」，少少濃邊香口。套餐還跟上餐飲，來杯冰凍利賓納，倍感涼快😎

屯門親民人氣海南雞班蘭咖央多士 $30多士烘得好金黃香脆，薄薄嘅多士中間包住濃厚豐富嘅咖央醬同牛油，一口咬落去嗰種爆漿嘅感覺真係好惹味。沙嗲串燒（半打）$90今次叫咗豬肉牛肉雞肉各兩串，重點係仲有重有牛舌揀，佢個沙嗲醬料真係超級滋味，估唔到咁香濃仲有少少椰香味，每款串燒嘅肉都好鮮嫩多汁，配埋濃厚嘅沙嗲醬真係好好味！大哥口水雞（小食） $45口水雞個雞肉好鮮嫩，我哋仲要叫口水醬汁多汁，佢個醬汁濃烈得來，帶有少少微辣，撈埋一齊真係冇比惹味！炭燒豬頸肉飯油飯 $62可以俾你選擇油飯或者白飯，今次我就選擇咗油飯，真心有啲驚喜，估唔到個飯都夠香，加上炭燒豬頸肉味道真心一流，炭燒好香濃燒嘅程度亦都剛剛好，配埋個酸辣醬汁，簡直完美！芒果椰汁冰 （+$20）大哥雞飯去骨海南雞 (H.A.N.D.S) (屯門)屯門屯門鄉事會路2A號愛定商場(H.A.N.D.S.) N區1樓N115-N116號舖

雞是一間價錢商宜嘅東南亞美食餐廳。環境🌿裝修簡漂光猛點餐🌿1炭燒豬頸肉🐷$50👍👍👍上碟大份，表面燒得金黃焦香，肉質爽彈又juicy,十分香口惹味，配上自家製酸辣汁更醒胃2細碗肉骨茶+海南雞飯🍚一碟（要胸）$94特別欣賞海南鷄🐔，皮薄爽滑，雞內嫩滑👍👍輕盈魚湯浸時菜🥬+ $22馬六甲炸魚餅+ $11青檸梳打3 沙嗲串燒半打$90豬，牛（2串），雞，牛舌（2串）特別推介雞肉串嫩滑多汁，蘸上味濃沙嗲醬更惹味今餐最欣賞的一道菜是炭燒豬頸頸肉🐷👍