Cocolo Tokyo Cake Factory (朗豪坊) (Closed)

每次去朗豪坊地庫超市買野，都會經過這間來自日本的蘋果批店，今日終於忍唔住外帶兩件返屋企試下，有酥皮撻和朱古力蛋糕做下午茶確係爽！來自日本的Cocolo Tokyo Cake Factory，由蘋果批到蛋糕甜品都充滿日本風情，外型精緻製作認真，主打的蘋果批更使用青森蘋果做餡呢。品牌目前在香港有4間分店，我之前有去過灣仔利東街那間，旺角朗豪坊這家就有更多堂食坐位，可以坐慢慢嘆。各種批和酥都好吸引呢！想食水果批的話除了蘋果，還有檸檬和甜薯可以揀。法式菠菜酥都好似幾正，適合蛋奶素食者，唔想食飯吃這個當一餐都得。蛋糕都有好多口味選擇架。三角形餅有5、6款口味，我自己心水係朱古力和芝士蛋糕。和歌山檸檬批 HK$38之前有食過蘋果批印象唔錯，今次試下新出的檸檬批，內餡精選日本和歌山檸檬，食落清香唔會好酸。酥皮夠鬆夠脆之餘，仲食到焦糖香，確係唔錯。朱古力蛋糕 HK$30蛋糕走的是輕軟路線，入口幼滑細緻，朱古力味十足。中間海綿蛋糕非常濕潤，朱古力忌廉唔會太甜入口即溶，整個十分有驚喜啊！未有得去日本都可以在香港嘆到日本蘋果批和蛋糕，記得mark實Cocolo Tokyo Cake Factory啦。

呢間Cocolo Tokyo Cake Factory來自日本嘅甜品店，蘋果批出晒名，之前都會買來食，所以今次想試試蛋糕或者其他酥餅。依家外賣嘅包裝簡潔咗，但依然好欣賞裝蛋糕果盒，靚得嚟又實用，貫徹日本style😂法式火腿芝士酥 $20正當我專心一致揀緊食咩酥餅時候，見到呢件法式火腿芝士酥寫明「法國制」，於是二話不說就Target佢。喺搭車返屋企途中，呢件酥餅發出陣陣香氣，簡直想即刻食咗佢。佢嘅酥皮好脆，用上靚牛油，因為唔會食到油冧冧；入面火腿芝士係creamy、帶點鹹香，成件酥餅好light，好香，好食。而且$20/件，好抵食😊榛子摩卡蛋糕 $30屋企人一向鍾意食日本蛋糕，所以今次揀咗呢件摩卡。食完覺得淡淡嘅咖啡味，配上好moist嘅海棉蛋糕，最鍾意、最驚喜係面頭嗰浸cream，實在忍唔住食哂全部cream。

今日去咗旺角行街 行行吓行到好攰想坐低食個小tea 就見到呢間 Cocolo Tokyo Cake Factory 又真係有啲掛住日本🇯🇵 所以都即刻入去坐低食件cake😌 喺門口已經見到呢件 人氣no.1青森蘋果批🤩 就知道一定要食呢個啦 然後佢仲有一個蛋糕櫃 有唔同嘅切件蛋糕🍰😋 都有唔少選擇😀 青森蘋果批 $35落咗單之後好快就嚟到 呢個蘋果批上枱嘅時候仲係暖暖地 可能係新鮮出爐冇耐😬 好香好香 切開果下係聽到酥皮係好脆🤩入面有蘋果蓉同埋一粒粒嘅蘋果肉 當然唔少得嘅就係吉士啦 一啖一啖真係好滿足😋 梳乎厘芝士蛋糕 $30係好鬆軟亦都好濕潤嘅芝士蛋糕🍰 芝士味唔會話超重 加埋蛋糕感覺好輕盈 甜度亦都岩岩好😌 呢度係有一個日本風 環境舒適亦都有叉電位 可以俾我哋坐低抖抖😌 佢仲有其他飲品 不過我哋中午飲左野 下次再嚟試下先😬 整體來講 呢間Cocolo Tokyo Cake Factory都真係比到唔小日本既感覺架 特別係個蘋果批 食完就明點解佢係全店人氣😆 會再黎食呀😋

咁啱經過朗豪坊，從遠處已聞到很香嘅味道，經過Cocolo店舖嘅時候見到店內嘅蘋果批及蛋糕好吸引，心旭旭，想試下。呢度主打百分百日本貨，店內蘋果批外型同平時食嘅好唔同而且蛋糕同飲品都係由日本當地製作然後空運到港，保證味道正宗、原汁原味。店內有部座位設有充電座，大家食緊蘋果批嘅同時，都可以幫手電充下電，好貼心！蘋果批新鮮出爐，香氣撲鼻，蘋果批內餡係用青森蘋果製作；蘋果蓉、蘋果醬同蘋果粒三者合而為一。酥皮外層，焗到金黃色，食落酥脆，果肉大大粒，有咬口；一路食一路品嚐到清甜嘅蘋果味，味道香濃，甜而不膩。三層忌廉蛋糕食完蘋果批未够喉，另外點咗一款三層忌廉蛋糕，忌廉非常香滑，蛋糕口感軟綿綿，味道都幾甜，同西式蛋糕有分別，係一款簡單又可口嘅蛋糕。

喺朗豪坊行完街，落最底層諗住搭地鐵，行經過呢間蛋糕店見佢寫住係日本來源就決定入嚟試下店員推介呢款A5牛肉批另外我亦都揀咗一件三層朱古力蛋糕返屋企估唔到佢個外賣盒係咁美觀淨係睇到啲包裝已經覺得好日本好靚，其實佢店鋪環境都日系舒適，可惜我唔敢堂食返到屋企微微加熱個牛肉批，食落去個牛肉批外層非常之鬆化，睇到好明顯嘅一層層，裏面包住嘅牛肉極都係非常香濃牛肉味，就算加熱咗之後一啲都唔會鞋同乾身，食落去真係好濃郁嘅牛肉味配埋非常香酥脆嘅酥皮，好好食個朱古力蛋糕亦都係美味之作，食起嚟唔會太甜但係朱古力味都係非常濃郁，而且蛋糕係鬆軟濕潤，賣相看似簡單但味道一流

今日又同朋友去旺角朗豪坊行街，行完好攰見到呢間鋪頭的蘋果批好似好吸引，一件件的片裝蛋糕又好精緻，於是就決定入去食個Tea.青森蘋果批（$35）：我選左本店最出名的蘋果批，真係非常好食！個皮好脆口好鬆軟，咬落去脆卜卜，然後入面d蘋果蓉非常Juicy,又香甜又好食。蘋果非常蓉多！佢宜家仲做緊優惠，買蘋果批可以半價加一個咖啡，又幾抵飲。朋友點了黑咖啡，走甜走奶，更加飲到純粹的咖啡味。除左咖啡之外，仲有其他唔同飲品，幾多選擇。另外我朋友還點了一件梳乎尼芝士蛋糕🍰（$30）D芝士又幾香濃，唔會溜，又唔會太甜，幾好食。然後叫蛋糕可以用優惠價加配雪糕，我點了朱古力雪糕朱古力雪糕非常香甜，仲配埋脆脆，好香口好脆。另外我們還點了一件朱古力樹莓蛋糕，少少酸酸地又甜甜地，好好食。

my apple pieee!!So tired after work today, pass by langham place and a pretty lady stopped me: hey! do you want to try an apple pie? it’s freshly baked and hot!! japanese aomori apple!! please come in and have a try!!attracted by her energetic voice, me and my friend decided to give it a try. we ordered a chocolate cake, apple pie, and a cup of iced chocolateour favourite would no doubt be the apple pie!!🥧 really hot and fresh, the apple inside are also very sweet🥰 the puff was also super crunch

經過朗豪坊地下嗅到陣陣酥皮味，原來係青森蘋果批。店內主要係木系嘅裝修，簡單整潔，有點日本嘅感覺。店內嘅蛋糕類型都唔少，有cheesecake 同蒙布朗蛋糕，今次選擇左青森蘋果批同cheesecake 同我閨蜜係屋企慢慢嘆。包裝好精美，一打開就嗅到酥皮味。青森蘋果批好出名，之前係日本食過一次，念念不忘。店員推介話係日本店整再空運到港。望到酥皮層層分明非常蓬鬆，食落唔油，酥皮香脆鬆化再加埋青森蘋果餡同吉士達奶油，又甜又香。只可惜蘋果批有點細，2個人分享一口就食完，下一次食2個先滿足到我嘅思鄉之情。香橙芝士蛋糕上層係糖漬香橙，甜甜地帶點橙味嘅口甘，cheesecake 有淡淡嘅橙味，餅底都唔算好硬。味道算正常，但唔算突出。相較之下蘋果批更出色。店內仲有好多唔同嘅甜品，下次再同閨蜜試其他野。

記得之前朋友推介過一間位於西貢嘅蘋果批，好多人都特地慕名而來⋯但西貢對我嚟講實在太遠、太隔涉，所以一直以嚟都無機會去潮聖！咁啱同朋友講起蘋果批，原來呢間人氣蘋果批店經已衝出西貢，分別喺灣仔、元朗同旺角都有分店⋯咁啱朋友約出旺角，一於去潮聖一吓！Cocolo Tokyo Cake Factory旺角店位於朗豪坊B2樓層，未行到去，已經被蘋果批香味吸引，形成一條引路，帶領我哋前往⋯青森蘋果批熱辣辣，脹卜卜，賣相非常吸引！蘋果批蓬鬆飽滿，層層起酥，咬落香脆鬆化。蘋果吉士醬濃稠甜蜜，食落帶點果肉，又香又甜，一啲都唔覺得膩！三層抹茶蛋糕蛋糕口感軟滑，淡淡抹茶香氣，而且好有層次，完全唔膩！蘋果批果然係令人一試難忘嘅招牌甜品。以後想食蘋果批，唔使長途跋涉入西貢喇！

📍疫情之下已經好耐冇去過旅行，今日行朗豪坊時俾佢「日本直送」、「全人手製作」吸引咗，俾我思鄉一下。店裡面有堂食位，果然麻雀雖小，五臟俱全。舖頭行日式簡約設計，木間紋增添舒適感。張櫈設有小小嘅底籃俾你放袋，好啱shopping行到攰時落腳。🔻Cocolo Tokyo Cake Factory雖然大Sell青森蘋果批/酥，但亦有三角型切件蛋糕、生日蛋糕、mont blanc、飲品等，好多選擇。🔻1. 日式焙茶蛋糕 - $30個兜仔packing好得意🥰焙茶忌廉質感好軟滑，淡淡焙茶味又唔會好甜好膩，清新感💯。🔻2. 日式甜薯批 - $38金黃色嘅批邊超級酥脆，好夾甜薯嘅軟屬質感。甜薯喺入面嘅比例做得好好👍🏻🔻鍾意食甜食嘅話不妨一試，話唔定你會有驚喜！😀

是晚約咗朋友喺朗豪坊食晚餐…但係未夠鐘…我又早到咗…唯有周圍行下啦…行下行下行到b2地庫…一整行都係買甜品蛋糕嘅靚靚店舖…睇到我流曬口水🤤🤤 突然見到呢間有東京嚟嘅甜點店…我忍唔住要出手啦💸💸說服自己先買定甜品…食完晚飯再返屋企慢慢食都未遲🐽🍎 青森蘋果批 🍏 $35因為剛剛見到啱啱出爐…點可以錯過呢個招牌產品呀😍😍 青森蘋果一向出名有質素啦…批入面有粒粒酸甜蘋果肉…外層則為香脆酥皮…一路食一路聞到香噴噴☺️味覺＋嗅覺嘅雙重享受…🧀 梳乎厘芝士蛋糕 🥧 $30本人最愛就係cheesecake啦❤️ 雖然呢款唔係最喜愛嘅實心款…但芝士味濃郁芳香又軟熟🤤🤤係另一回事嘅滋味…

星期六係朗豪坊睇完戲，口癢癢想搵野食，就嚟到位於B2嘅Cocolo Tokyo Cake Factory食件cake。🍰一嚟到就比佢地既日式裝修吸引，鋪內有幾張枱櫈比人休息食件餅。可惜今次外賣返屋企無得坐下。之前已經食過佢哋出晒名既青森蘋果批🍎同梳乎厘芝士蛋糕🧀今次試下其他野先!榛子摩卡蛋糕🍰首先不得不提佢個靚靚包裝盒，個盒仔好有特色，又將個蛋糕保護得好好。用叉已經感受到蛋糕非常鬆軟，入口淡淡咖啡香，配上香濃棒子同朱古力味，甜而不膩。甜薯批🍠由於太大個唔可以用靚靚位盒裝，但都有提供紙袋包好，唔好睇佢普通紙袋普通薯下薯下，打開包裝紙放入口卻十分驚喜! 甜薯批外層脆而不硬，裡面有軟綿綿既甜薯蓉，一剛一柔非常之夾!外皮既甜同甜薯蓉既又係兩種不同既甜，為甜薯批帶來層次。下次要再試多幾種糕點先!!

🎎🍎 【 𝑪𝒐𝒄𝒐𝒍𝒐 𝑻𝒐𝒌𝒚𝒐 𝑪𝒂𝒌𝒆 𝑭𝒂𝒄𝒕𝒐𝒓𝒚 】🍎🎏⋄—————⧫♟⧫—————⋄𝑪𝒐𝒄𝒐𝒍𝒐 𝑻𝒐𝒌𝒚𝒐 𝑪𝒂𝒌𝒆 𝑭𝒂𝒄𝒕𝒐𝒓𝒚 起源於日本池袋，以售賣「青森蘋果批」聞名🥧🤩而家喺香港共有四間分店，遍及港九新界👏🏻「青森蘋果批」用上青森縣蘋果、北海道黃油、和歌山直送的吉士醬製作👩🏻‍🍳在日本做好，冷凍後運送到香港，再分批焗製，百分百日本貨，原汁原味💯😚新鮮出爐嘅蘋果批上手後仲係熱辣辣，酥皮色澤金黃，口感蓬鬆香脆，帶牛油香🧈內裏吉士奶油濃稠甜蜜，蘋果餡則有果蓉嘅顆粒感，又香又甜，令人一試難忘💞⋄┄ ┄ ┄ ┄ ❖ ┄ ┄ ┄ ┄ ⋄🍎青森蘋果批🥧（$35）🧀疏乎厘芝士蛋糕🍰（$30）⋄┄ ┄ ┄ ┄ ❖ ┄ ┄ ┄ ┄ ⋄📍地址：旺角亞皆老街8號朗豪坊B2層19號舖⋄⋄#hkig #hkfoodie #hongkongfood #hkfood #hongkongfoodie #instafood #foodblogger #hkfoodbloggers #hkfoodies #相機食先 #hkiger #hkigers #ilovesharingfood #openr

喺朗豪坊行街行到攰同朋友想食少少嘢抖下😆就嚟咗呢度食一直都好想試嘅招牌蘋果批🥧好有日系感覺嘅小清新裝修，木枱凳🪑、裝飾襯白色令人好舒服門口有熱爐放唔同嘅批，店內仲有雪櫃放各式各樣嘅蛋糕🍰同飲品🧃我地最後揀咗一個蘋果批同一件cake share☺️🍴青森🍎蘋果批🥧 ($35)新鮮出爐嘅蘋果批熱辣辣外層嘅酥皮超鬆脆，好香牛油味👍🏻餡料嘅蘋果粒粒份量都唔少，好清甜好fresh👍🏻👍🏻同吉士醬一齊食唔會太甜，好夾😋🍴紅茶奶油蛋糕🍰 ($30)蛋糕層次分明，口感鬆軟Cream都好軟滑茶味濃郁，整體唔算太甜我地都覺得唔錯👍🏻食緊期間見好多人買蘋果批外賣見會有盒裝住，就唔怕整爛外層脆脆嘅批👍🏻

旺角朗豪坊B2層有好多甜品店多數都係外賣為主但依間有位置座底堂食架店鋪裝潢好精緻，簡約木系台椅普遍依家啲cafe都係簡約木系裝潢吸引人打卡座位都好闊落,環境都好舒服依家堂食做緊優惠凡買一個青森蘋果批,可以半價買一杯咖啡下午茶多左個選擇呀!食物方面都有好多選擇除左有最出名既批之外,仲有切件蛋糕選擇今次買左餐廳名物青森蘋果批 $35同埋tiramisu切件蛋糕 $30青森蘋果批由日本直送係屋企食之前一定要焗返熱先蘋果批一層層酥皮，外脆內軟，焗返熱後聞到香噴噴雖然切開後會甩咁啲酥皮，正常既但切半既蘋果批都仲好漲卜卜架中間夾心既蘋果果肉同吉士醬好夾唔會太甜，當然係餐廳皇牌產品呀tiramisu切件蛋糕好濃既咖啡味係用左海綿蛋糕代替cream cheese罪惡感即刻少左好多呀Cocolo Tokyo Cake Factory (朗豪坊)旺角亞皆老街8號朗豪坊B2層19號舖