Cocolo Tokyo Cake Factory (朗豪坊) (Closed)

經過朗豪坊地下嗅到陣陣酥皮味，原來係青森蘋果批。店內主要係木系嘅裝修，簡單整潔，有點日本嘅感覺。店內嘅蛋糕類型都唔少，有cheesecake 同蒙布朗蛋糕，今次選擇左青森蘋果批同cheesecake 同我閨蜜係屋企慢慢嘆。包裝好精美，一打開就嗅到酥皮味。青森蘋果批好出名，之前係日本食過一次，念念不忘。店員推介話係日本店整再空運到港。望到酥皮層層分明非常蓬鬆，食落唔油，酥皮香脆鬆化再加埋青森蘋果餡同吉士達奶油，又甜又香。只可惜蘋果批有點細，2個人分享一口就食完，下一次食2個先滿足到我嘅思鄉之情。香橙芝士蛋糕上層係糖漬香橙，甜甜地帶點橙味嘅口甘，cheesecake 有淡淡嘅橙味，餅底都唔算好硬。味道算正常，但唔算突出。相較之下蘋果批更出色。店內仲有好多唔同嘅甜品，下次再同閨蜜試其他野。