椰子樹泰國餐廳 (Closed)

上星期去左Bangkok🇹🇭泰菜實在太美味了仍然念念不忘有朋友約食飯 食乜好呢？即刻諗起食泰菜巳解我懷念泰菜之苦當然問問朋友有冇好介紹啦！朋友立即推介椰子樹泰國餐廳🏝咁就不妨去試吓啦！我的必食之選當然就係泰式生蝦🦐 又新鮮又肥大肉厚 醬汁又掂 我搶食左半碟再黎鹽燒烏頭🐟 燒得剛剛好 仍然保留魚嘅肉汁 魚肉亦肥大但不會過 肥 加埋醬汁 簡直一絕紫蘇芒果脆炸筍殻魚 筍殼魚就真係食得多 好有心機咁起肉再炸 再加埋芒果紫蘇 外脆內軟 咖哩大蜆加蒜蓉包🍞 咖哩與蒜蓉包當然係絕配啦 鬆脆好味 好鬼正 炒椰菜苗🥬 略為細碟左小小及菜苗不夠幼嫩 芒果糯米飯🥭 一餐飯嘅完結點可以冇甜品呢？ 不過今次芒果就唔夠甜 糯米飯亦硬左小小 加油改進吧過總括而言 : 的確係一間直得一去再去嘅餐廳 而且環境舒服 三五知已傾計好地方✌👍

六點多，全場唔夠四個客，我兩個人隨意坐，叫埋嘢食，老闆走嚟問係咪加到六個，我話唔係但食完好快走，佢得我一句話人人食完都走㗎啦。結果我兩個走時全場六個人都冇。坐邊，唔係問題，咁嘅態度，仲已經加一，貼錢買難受！冇下次

世界級難題莫過於今日食咩好返工外食黨其其日日諗食咩都有啲難但自從食左呢間椰子樹 我地office嘅人幾乎每個星期都有黎報到 haha最大嘅原因就緊係因為佢抵食而且好味啦價錢由48起跳 講真呢個價錢平時除左茶記都食唔到啲乜 仲要包一支椰青水 很好呢我係到食過太陽蛋肉碎飯，小小辣，但肉碎炒得超香！超好送飯 個人係幾鐘意呢個飯嘅！另外食過牛油果沙律 啲菜苦嘅... 強烈唔建議大家嗌呢個 至於泰式豬頸肉撈檬 不過不失 佢嘅豬頸肉其實燒得唔夠香 但整體可接受最後仲食過一個咖哩雞扒飯 咖啡汁好香 濃度適中 唔會太水 岩岩好可以掛住雞扒上面 所以推介嘅！服務態度唔錯 而且多位🤣

今日八號風球都係呢間食完先搭地鐵返屋企～ 😆 一般係同同事lunch過來食 係佐敦 呢間算係比較平同埋 質素都比較高嘅泰國嘢～平時lunch 有分星期一至五 有AB set可以揀 48蚊包埋椰青水～撈檬好好味 但係唔記得叫走蔥🤣 如果唔食蔥要記得提前叫走蔥 不然要夾好耐😭海南雞飯都好正 有同事超鍾意食😆豬頸肉真係好好味 超鍾意食～😙之所以咁鍾意來呢間係 第一 係因為價錢ok 第二係好味 最重要嘅第三係因為 佢會送coupon呀🥳🥳🥳 每次食超過兩百都會送二十蚊coupon 超過一百送十蚊。相當於九折～ 🤣

同同學去上堂前係樓下哩間泰國菜館EE肚先，店員見我地二人，分別先後尤說我們不如叫個2人套餐食，但我們唔想食得太飽以免一陣間上堂時瞓著覺，於是我地各自叫了自己想食的東西便算，我叫的是豬扒冬陰湯金邊粉，問落單的店員塊豬扒是否香芧豬扒定系咩豬扒，個店員答應該係。。。過左十分鐘左右，一碗小湯送上，應該是餐牌上的是日例湯吧，我們分左黎飲，第一啖飲落去，味道百感交雜，唔知點形容好，我和同學都猜不到當中加了什麼，只飲到當中有魚露和胡椒的味道，跟住送上一小碟菜心、炭燒豬頸肉和白食反，豬頸肉味道一般，無太特別，然後叫的豬扒冬陰湯金邊粉也到了，份量是普通一人正常的份量，唔算太大碗，食完也只是剛剛好夠飽，至於塊豬扒，食唔出有香芧的味道，只是普通醃製過的豬扒然後拎去炸左變成吉列豬扒，但又連埋金邊粉浸住一起上，黎到都食唔到鬆脆的口感了，至於個湯，味道一般，好淡、而且酸味重過辣味，金邊粉就正正常常，無特別，如果話今晚食的是泰國菜的話，本人就不太認同了。

本黎想食泰式野開胃啲，入左黎呢間椰子樹餐廳。EE 見我一個人比張大圓枱我坐，地方都好闊落，坐得幾舒服，唔會迫住迫坐。入到去都幾多人幫襯。點知簡唔啱，其實都好多野揀既。。。食左個濕粉豬肉粉河，仲有個中湯中湯係冬瓜湯，略為重味左啲。個濕炒河，好多餸同菜食，都好大碟，唔好以為只係面頭多餸，菜下面都有好多多豬肉片架，唔怕慳住慳住咁。下面既河粉條條都上到汁，唔會一忽有一忽冇。碟河係抵讚既！！食完野，埋單好多方法都可以找數。好方便埋左單，臨走先見到，老闆話下次要比錢前掃一掃就有得減5蚊啦～

今晚和愛人在佐敦一帶揾食，看見店內那張巨形Tony Jaa 海報，就被這店吸引進去吃泰國菜。大約七時，店內不算太多食客。由於我們趕著上堂，所以各人選擇了一人套餐，預計應該可以快、靚、正。是日餐湯~冬瓜豆腐肉碎湯，味道不過不失，應該不是味精湯，喝完不會口渴。愛人那碗還有大大隻草菇在內。是日時蔬~當日是小棠菜，其實如果一個人來吃，這個餐有湯、有菜、有肉、飯，確實不錯。海南雞飯套餐~雞夠滑，可惜有雪味。油飯~不會太油。香辣肉碎套餐~這道菜其實加隻荷包蛋上面會更美味，問店員，如加一隻荷包蛋附加$10, 由於當日筆者早餐已吃了兩隻荷包蛋，所以打消加蛋的念頭。這道菜是非當合適配飯，筆者看見鄰坐的熟客一人到來吃這個餐，二話不說，將整碗白飯倒落在那碟香辣肉碎之內，撈起撈起地吃著，看著她吃，美味極了。沒有加一，結賬時還送上一張$10現金卷待下次用，所以這裡合適一個人的飯堂。但兩口子的話，佐敦的泰國菜實在太多選擇了。

lunch 同老公搵食到佐敦，經過見到間泰食鋪啲員工好泰國人樣，應該ok 既，入去食質素唔錯，價錢超值，我個脆豬腩冬陰公金邊粉👍🏻👍🏻👍🏻，個湯我飲晒，豬唔似燒腩仔，唔太重豬味又唔肥，個皮好脆；老公既雞扒唔熟要再煮，都充滿肉汁，無乜味精味道；沙嗲豬串個汁出色，花生香加油香👍🏻蝦餅就我整得好食啲.二個人$152仲包野飲，會再去既！

一早就約咗老公元宵節要一齊開餐但係其實我哋仲未諗到食咩嘅不過就一早諗定一定要食湯圓所以就揀咗佐敦食晚飯行嚟行去都唔知食咩好之際就見到呢間泰國餐廳老公二話不說就入咗去啦😅見到個餐牌二人餐價錢都好抵但係我同老公又唔係好肚餓掙扎左一段時間之後都係決定叫二人餐首先來個通菜，唔係講笑都幾辣，不過份量就略嫌細咗少少但其實又好適合我同老公今晚嘅胃口牛油雞翼每人兩隻👍🏻老公叫左例牌豬手，佢以為係好似德國嗰啲豬手咁🤣🤣我話泰國係咁個喎😅味道唔錯嘅，不過就略嫌多咗少少肥膏因為我哋唔係好肚餓所以我哋兩個就叫咗金邊粉，金邊粉好細碗不過裏面有一舊好大舊嘅蘿蔔😆個湯都ok👍🏻總括來講我覺得還可以，不過如果平時呢我哋就一定唔夠食，今晚剛剛好而且冇加一👍🏻

泰國菜真係令人百吃不厭呀！呢間位於佐敦既椰子樹泰國餐廳，有好多特色泰國菜選擇，我地點左燒豬頸肉，海南雞，串燒，冬蔭功火鍋海南雞就一般般無咩特別，唔會太乾但係無咩雞味，唔推薦。串燒都係正常發揮，肉質的香都鎖住到係串燒裡面，如果可以燒得再juicy d就更加好啦。因為唔係好多地方有得食冬蔭功火鍋，所以就點左黎試下。火鍋料都幾多有好多海鮮。d海鮮吸晒冬蔭功湯的味，好香辣好惹味。個人最鍾意燒豬頸肉，燒得剛剛好，唔會好乾，而且都幾嫩滑。

我真係好鍾意食泰國菜🇹🇭今次去到呢間椰子樹泰國餐廳，menu有好多選擇，樣樣野都想食 結果就叫到成檯食物😆點左燒豬頸肉，海南雞，串燒，冬蔭功火鍋，咖哩軟殼蟹，薄餅天寒地凍最like既冬蔭功火鍋🥘雖然而家天氣唔凍，不過食冬蔭功火鍋都正，火鍋料都幾多、d海鮮吸晒冬蔭功湯的味，好香辣好惹味。咖哩軟殼蟹🦀 都好正，軟殼蟹超大隻～好有泰國風味，個咖哩唔會好辣，反而帶少少甜味，好適合配埋蒜蓉包或者薄餅一齊食。燒豬頸肉都好推薦🐖好juicy估唔到成檯食物最後2個人慢慢食都食得晒 哈哈

蒜蓉包唔脆兼好小料生蝦係急凍蝦，無味仲有小小腥生菜包更加唔想講，d菜爛之餘，d肉只係夠包2條菜，入面d配料係生，完全無炒過，食完都吞唔落吐哂出黎最後以為馬拉盞炒菜唔會衰得去邊，結果都係伏總而言之，如果大家中意食無味泰國菜可以去試。本人覺得唔知俾錢買難受。。。

一向相機📷食先既我因為實在太好味既關係竟然忘記左淨係掛住食🐷只有一兩張從友人借來用吧十多人的飯聚最開心因為可以咩都食d樣樣都試生蝦超新鮮🦐醬汁不太辣怕辣的朋友都食到串燒香口沙嗲醬超級惹味😋豬頸肉不能不試爽口入味泰式拼盤我試左春卷唔洗加汁都好好味～仲有冬陰公湯底同椰汁雞湯底打邊爐一人鍋份量啱啱好、個湯浄飲都勁正椰汁🥥雞湯香滑鮮味忍不住一口接一口加埋新鮮肥牛無得輸呀冬陰公湯就偏辣啱曬愛辣既我再加入大量菇類非常入味又香又辣正👍🏻到咖哩蟹上埸❤️❤️❤️我一向係愛蟹之人大大隻厚肉鮮嫩又超級爆膏仲非常之窩心大大隻蟹鉗已經整碎咗上台用筷子輕輕一開就食得❤️❤️❤️❤️❤️個咖哩汁仲驚喜d蟹膏混入汁加埋蒜蓉包我真係停唔到口不理儀態咁一塊接一塊!大家真係一定一定一定要試仲食咗青咖喱雞好香好濃d雞又滑又係冇得輸我忍不住又食多碗飯😂係我記得要影相嘅時候已經食到成枱都係😂勁唔美觀觀不過都要影返張其實仲食咗好多嘢不過實在太多冇影相😭好彩最後記得影個甜品及芒果勁甜去買個糯米飯我又係食曬～勁飽勁滿足！❤️喺香港好耐冇食過咁好嘅泰國嘢👍🏻仲要好抵食每人都係二百幾蚊CP值超高呢～～～

名稱：抵食泰國餐廳今日同朋友難得黎到泰國餐廳，裏面嘅佈置滿有泰國特色嘅風情氣氛，而且餐廳嘅環境、地方十分舒適，寛鬆，清潔衛生，可以提供一個舒服嘅地方比食客享受及聊天！食物方面，餐廳裏面提供左好多特色嘅泰國食品俾食客選擇，食客可以按自己嘅喜好黎點嘢食！價錢方面亦非常便宜！仲有特色嘅泰式海鮮食品，味道非常濃郁，新鮮美味，配菜亦非常豐富，呢碟係青口，真係好入味呀！份量亦好充足添！呢碟係串燒拼盤，裏面可以選擇有羊肉有雞肉有豬肉，有唔同嘅口味適合唔同嘅食客選擇，而且仲配備特色嘅醬料，入口非常美味，有很多食客都讚口不絕。最後仲有沙律，可以作為前菜，非常新鮮，好爽口，而且仲係好健康！

星期日難得放假，訓到日上三桿係無可避免！放假有咩做？梗係去佐敦按個摩「疏乎」呀啦！按之前，去一去友人介紹，話「海南雞飯」整得幾出色嘅「椰子樹泰國餐廳」食個飯醫肚先！紅色既招牌非常搶眼，好容易就搵到。臨近下午茶時段，餐廳內顧客相對繁忙時段少，店舖內嘅空間比較多同寬松。翻開午市餐牌，食物選擇非常多，配搭亦豐富，既可配小食，粉麵類亦有唔同既粉底同湯底畀客人揀。而我就叫左個「海南雞飯」配「凍檸茶」。香港既「凍檸茶」就係有仲魔力令你百喝不厭！紅茶茶底味道純厚，同檸檬比例完美，不帶酸澀。海南雞飯份量非常夠！因為減緊肥，唯有將心愛既「油飯」轉為「白飯」！碟上仲備有秘製醬汁，好期待呀！雞件肉質嫩滑，食下又一舊，食下又一舊！配埋呢個酸酸辣辣既醬汁，簡直就upgrade 左成個飯！超正！套餐配有湯，唔好睇佢碗仔細細，非常足料！有冬瓜、豆腐、雜菌⋯好味！整體嚟講呢間餐廳cp 值都高，食物味道同份量一D都唔hea!經過附近嘅朋友不妨試試！