椰子樹泰國餐廳 (Closed)

名稱：抵食泰國餐廳今日同朋友難得黎到泰國餐廳，裏面嘅佈置滿有泰國特色嘅風情氣氛，而且餐廳嘅環境、地方十分舒適，寛鬆，清潔衛生，可以提供一個舒服嘅地方比食客享受及聊天！食物方面，餐廳裏面提供左好多特色嘅泰國食品俾食客選擇，食客可以按自己嘅喜好黎點嘢食！價錢方面亦非常便宜！仲有特色嘅泰式海鮮食品，味道非常濃郁，新鮮美味，配菜亦非常豐富，呢碟係青口，真係好入味呀！份量亦好充足添！呢碟係串燒拼盤，裏面可以選擇有羊肉有雞肉有豬肉，有唔同嘅口味適合唔同嘅食客選擇，而且仲配備特色嘅醬料，入口非常美味，有很多食客都讚口不絕。最後仲有沙律，可以作為前菜，非常新鮮，好爽口，而且仲係好健康！