咖啡弄 (Closed)

這個非常出名的台灣過江龍食物雖然不是非常出眾但整體來說都非常不錯特別是窩夫，質地非常可口一個女仔都食唔晒！非常大份！可惜是咖啡偏甜！有點扣分！整體環境OK！但因為限時嘅關係不能坐太久。

咖啡弄黎過5-6次了，頭幾次都係星期六、日去，終於今次平日去，唔洗等位，入坐前姐姐又冇話限時（但其實差不多時間就會比張單你🤣）。同埋每人要叫一杯飲品。每次都叫鮮果茶，唔想飲奶類，因為驚會好飽，但次次都飲呢個有D悶，睇吓下次會唔會改變主意試其他😊。鮮果茶入面有好多生果，橙、蘋果、大量passion fruit 、青檸、話梅、最特別有一片醃製過嘅菠蘿乾。一小jar 上，個細杯入面有粒新鮮檸檬冰！鹽酥雞係每次黎都要叫嘅，即炸，外脆內軟，配埋蒜同金不換一起吃，真係好夾，好好味！呢個係MUST 點！叫左一個燻雞肉三文治今日食時覺得塊面包有D奇怪，睇返D相，原來今日塊面包冇烘到金黃，好似快烘咁🤣 仲有塊方包好多好大嘅洞，塊面包今日差左小小，但內餡依然好美，雞扒甜甜地，同蕃茄及青瓜一齊食好味。 仲有蛋沙律在碟傍，我會將佢放入面包一齊食🤣另外仲有幾塊青瓜同生菜，上面個一小匙千島醬，好好好味！！

本來打算放假去食個下午茶，出開尖沙咀所以就去咗咖啡弄，點知去到老實講嘢食真係麻麻，我哋叫咗一份三文治+1個waffle仲有兩杯野飲。佢哋啲嘢食同野飲都要等好耐先有得食，所以我哋等到份三文治上嘅時候我哋已經叫佢起埋個waffle但係個waffle等左超過20分鐘,中間其實追過兩次但係啲店員都係冇跟進過。而且個waffle有一面係好硬，另外一邊就好似唔係好熟咁！真係好差以後都唔會再幫襯佢哋，完全同台灣嘅簡直係相反

與朋友行完街街，煩惱緊食乜好既時候，望見咖啡弄，見好耐冇食過，決定晚餐就食呢間。還記得數年前，咖啡弄風靡香港好多人在街上大排長龍，冒著落大雨，甚至暴曬住，等候超過一小時都要食佢。不過小妹覺得唔值排咁耐上去食得果90分鐘，食物雖然唔錯，但不至於好味到咁緊要，幸好現在不用排長龍就食到夏日炎炎，先點個冰鮮果茶涼下個喉嚨，煙鴨胸沙律勁大盆，若果叫呢盆沙律食，切勿點太多食物，以免眼闊肚窄，浪費食物。咖喱牛腩好惹味好辣，唔食得辣既朋友要注意龍蝦堡勁多蝦甜品抹茶雪糕窩夫唔洗講，一如以往咁好食

因為臺灣，所以愛上咖啡弄原來尖沙咀都有，而且係地鐵站隔離，比銅鑼灣好好多依舊限時90分鐘，人一樣的多，排隊繼續係signature 我地訂左檯🙋唔洗等可能主打cafe唄…點了咖喱牛腩飯，認真麻麻實際上係辣椒油牛腩才是，整碗都係辣椒油蒲面，辣椒既辣味，想食咖喱的人要考慮考慮牛腩都算有咬感，又不致於un ge 都like牛肉三文治，麵包比牛肉既份量多丁點兒的肉，食唔曬成個包好彩有伴碟既碎蛋沙律，掂埋就岩岩好好搞笑既係…一份有3舊三文治，每份既包包都焗得…有最燶，半燶，同埋唔燶…係咪特意架？到左無得輸既窩夫烘得外脆內軟香蕉粒配朱古力醬更加惹味食甜品係有第2個胃既…幾大份都食到凍熱水果茶都好好飲，食埋生果超健康似的仲有個抹茶latte，不過就無乜抹茶味食物…大愛❤服務就差d... 成日想叫人點野食啊…拎野啊…都無人理可能因為太多人呱

咖啡弄係銅鑼灣起家，永永遠遠都有條長長長長的隊伍在等待，不過我倒是喜歡在尖沙咀下午茶時段過來，雖然限時，但點都有機會去試下！墨爾本龍蝦堡$ 152外脆內軟厚多士上堆滿龍蝦肉，彈牙又夠鮮味，再將蛋黃醬撈埋一齊，外表好吸引，另外薯仔新鮮香脆，兩個夾埋都好好食，2人一份都好飽肚(上次黎係冇架，今次終於有機會試到)草莓冰淇淋鬆餅$60鬆餅厚身，蛋香味濃郁，口感比較扎實，如果更鬆軟會好些，而士多啤梨比較香甜，配上吉士醬，令整體味道更豐富，值70分！鮮果茶$58鮮果茶是個人認為必點飲品之一，味道新鮮刺激，可以食到不同果肉，像是比較健康！

下午茶時間，行街行到攰攰地，梗係要搵番個坐得舒服既地方來嘆一嘆放鬆一下啦，我同朋友最愛去既餐廳之一就係咖啡弄啦，哩度環境OK，同埋最緊要坐得舒服啊嘛！每次去都係排長龍呀，等左差唔多三十分鐘終於可以坐下啦！外面天氣好熱，就點左杯芒果冰沙來解下暑啦，賣相幾好喔，但食落就麻麻啦，太甜啦，仲係糖漿果種甜，相反，個士多啤梨冰淇淋鬆餅就無得輸啦！鬆餅外脆內嫩，仲好厚身，士多啤梨都幾大粒，但有少少酸噢，兩個人食都食到好飽喔！鬆餅一如既往既好評呀！

水果茶係我每次都嚟嘅原因！🍏🍒🍒🍎🍐🍓🍍🍍🍓🍋🥝街邊鋪唔好味？又唔係只係我覺得佢嘅水果茶，係真係台灣風味🙈🙈🙈🙈同埋大大枝好似飲極都飲完，再食埋佢啲生果就會覺得夠晒飽！另外，有一個都係必食嘅，就係佢嘅公司三文治！ ！ ！ ！！其實平時我嚟，都係點呢兩樣野多！因為每次都會同朋友傾計坐好耐，同埋佢碟碟嘢都好大碟，所以其實叫幾款幾個人分，坐低傾住食咩都夠飽！今次我哋去嘅時候大概三點，唔使排隊，我記得好多年前要排成一個鐘到去食！真係回憶啊啊啊！

食物係唔錯既不過咖啡弄有一個限時嘅洗手間夜晚2130清潔左就唔俾得客人用比個建議你地你地可以考慮直接封左個洗手間咁除左你地班後生仔女咪唔駛清潔咁煩lor又唔會有人投訴你地唔俾洗手間人用

星期六難得唔使返工，就約咗friends去食野。上個星期食咗dazzling cafe，覺得質素幾好，不過就貴咗d，所以諗住食另一間平d 嘅台灣餐廳-coffee alley，同埋我有個friend未食過，話想試好耐。我哋差唔多12：00去到，出面已經要排隊等位，不過未算話好多人，大概等咗一陣就有位。我哋叫咗2個甜品：草莓冰奇淋鬆餅、法式草莓千層批，仲有一個熱熔起司蒜香蝦。首先黎嘅係個草莓冰奇淋鬆餅，值得讚嘅係佢個份量係大到連3個幾大食嘅女仔都食唔哂，另外士多啤梨都好甜，幾大粒，唔會酸；同埋我哋都覺得d士多啤梨醬令到個味道再豐富咗。不過，waffle嘅口感太實，唔夠鬆軟，我哋都覺得唔好食。另外一個甜品千層批好普通，反而呢到d士多啤梨唔係waffle嗰d咁甜，有d酸反而個熱熔起司蒜香蝦幾好食，好香口，cheese嘅份量好多，鋪滿哂個toast面，而且佢係有3件，每人一件啱啱好！飲品方面我哋叫咗white chocolate mocha, iced wienner coffee同milk ice stick chocolate, 我嗰杯維也納咖啡偏酸，另外嗰杯朱古力我個friend話唔加d

難得星期六可以放假，一於同朋友搵個地方食下野吹下水。今次簡咗食咖啡弄。雖然，開咗好耐，但去到都有好多人排隊。都要排左15分鐘左右。叫左杯海鹽焦糖latte。冇想像中咁甜，都唔錯。2個女仔點會唔叫甜品，我地就再叫多左個香蕉朱古力鬆餅。2個人分就岩岩好。除左有新鮮水果之外，仲有香蕉乾，口感都幾夾。大致上都係一個唔錯嘅選擇同朋友chill一chill。

同姊妹食完自助餐，想搵達地方繼續吹水，立即諗起上次因為包場去唔到嘅咖啡弄，雖然唔係坐窗口位，但係微微嘅天然光，令人感覺好舒服。侍應生都好有禮貌，雖然佢哋冇着制服，為咗唔令客人混淆，係腰間有一條綠色絲巾以作識別。我哋叫咗兩個小食同野飲，味道都唔錯！果茶買相好吸引，食下飲下傾下，不經不覺二個鐘，果然係一個好嘅傾計聚會勝地！

Weekend同朋友聚下，選左黎尖沙嘴既咖啡弄。人龍已經無之前咁多啦，不過野食既質素都仲keep得好好。朋友選左冰凍既水果茶，我就要左咖啡，鬆餅選左宇治綠茶同鮮果口味，份量好足，鬆餅厚厚的，好有質感，好滿足😋

下午茶想食鬆餅，去邊好？必然諗到鬆餅始祖 - 咖啡弄。好耐無食，食物同飲品都多元化左好多！鬆餅、鹹食、飲品種類都多左。而等位嘅人龍亦短左，但味道同質素都跌左。👎🏻👎🏻👎🏻當日點左一客”什果口味鬆餅配芒果雪糕”，很多水果，而且新鮮香甜。鬆餅份量同以往一樣-4大舊，但無咩味道，仲死實實，外皮仲一點都唔脆！另外仲點左個菩提子花草茶，又一大個伏！🙄賣相一流ga，但味道好怪！合埋眼飲仲以為自己飲緊”活骼油”😰。價錢仲一點都不便宜，成48蚊！總括黎講：好失望！

在尖沙咀覆診後 吃咖啡弄去🍴大家都知道這裡的最低消費是每人一杯飲料🍹我點的是凍榛子咖啡☕️第一次點 心裡是有點擔心 飲左一啖 有點小驚喜 味道不淡 有咖啡香 點了少冰 所以一杯份量也不算少真的做到少冰.🥛Oreo沙冰已飲過無數次今次水準一般 送到時 可飲到的實在太少大部分仍是沙冰狀 需要等一會兒才能飲用.香蕉朱古力冰淇淋鬆餅🥞水準有保持.總匯三文治🥪雖然都是招牌菜可惜今天比較乾平日必點的原因是喜歡它的汁醬配上肉的味道十分好吃但今天上菜時一看到已經覺得很乾吃上去更不用說令人有點失望😶