Coffee Art

Open Now

Now Closed

巴馬火腿白汁煙三文魚長通粉🍝 $67晚餐set會包一個沙律或多士同一杯飲品😸佢係半自助形式嘅 要自己出去點餐💁🏻‍♀️今次試左呢個長通粉😍幾驚喜係佢個白汁 味道係甜甜地嘅 食落好開胃🤩長通粉嘅軟硬度煮得岩岩好👍🏼份量望落好似比較細 不過食完都幾飽 因為都有番甘上下流🤤

每次來觀塘開工，都會來觀塘廣場搵食，首選都是Coffee Art，他們的午餐價錢非常大眾化，而且即叫即煮，不會像一般快餐店一早整定撈個汁上去，我最喜愛番茄汁，因為維他命豐富亦易消化，今期出了蕃茄羅勒海鮮（藍青口）配意大利粉或長通粉，頭盤是芝麻醬雜菜沙律或綠茶多士，而飲品方面，他們的伯爵紅茶或洋甘菊或柚子物及凍檸水，到時加兩蚊。我鍾情咖啡，點了主菜可半價優惠餐牌上的咖啡，我一杯齋啡$14超值。我的朋友則喜歡白汁，所以他點了斑馬火腿白汁煙三文魚長通粉。

友人想食靚野又想要平價，香港地邊有咁易揾，以前係觀塘返工，就會知道東廣場有好多隱世小店，今日就帶友人去東廣場呢間Cafe食lunch，要好食有好食，要平野有平野。三個人叫左三個唔同既意粉，但大家都有食綠茶多士，記得上一次食比較脆，今日食就淋左少少。我食左蕃茄醬海鮮長通粉，有一粒完整既帶子，三隻青口，兩隻蝦，hk$ 72 蚊，食到呢d都算係咁啦，但長通粉有少少硬，再煮耐d會好d，個醬再濃味少少會更好 唔係第一次coffee art 但今次有少少差左 但呢個價錢我下次都係會返黎食既，希望質素下次可以提高返少少啦！

又到週末~ 約了好耐冇見的朋友，考慮到她有孕在身，便選擇了更方便她的觀塘小聚。是日咖啡癮起，從openrice上搜索，得悉東廣場的Coffee Art好評如潮，便決定一試。進入東廣場，親民食店琳瑯滿目，穿梭一輪之後，終於找到Coffee Art之所在。餐廳佔地兩個鋪位，雖然不算寬敞，但座椅都比較舒適，不是小小凳子那種cafe，而且不限用餐時間，難得的良心cafe。也許是餐廳人手有限，客人需要自行有序地到收銀處落單，然後靜候食物送上。由於朋友未到，我便借了menu，預先揀選食物。中間還有職員看我在研究menu，還細心問候我是否需要提供協助，也沒有敦促我要盡快落單。待我朋友到達，我便前往收銀處落單。來得Coffee Art，點可以唔嗌返杯咖啡呢~ 今日揀咗海鹽焦糖latte。時值初秋，略帶涼意，深萃的濃縮咖啡，酸度正合我意，加入適當比例的牛奶，綿密的奶泡，以點點煙熏海鹽撒面，海鹽并不會完全融化在焦糖中，細微的鹽粒反而给為焦糖咖啡增添了口感；能喚醒味蕾的鹹味不僅不會掩蓋焦糖的濃香和甜味，反而會让焦糖中一些不易捕捉的味道顯得更加突出。由於朋友只會食用全熟的食物，🤦🏿‍♀️🤦🏿‍♀️🤦🏿‍♀️加上當日

約左朋友睇戲前食少少野先費事肚皮打鼓嘈到人啦觀塘區選擇真係好多好多今次去左東廣場見依間幾多人，環境又ok 所以試下啦-叫左個Delux all day breakfast 組成Deluxe 既成員有牛奶炒滑蛋、煙三文魚、英式香草肉腸、香草雜菌、芝麻醬雜菜沙律，仲有多士多士有蜜糖/綠茶口味 二選一綠茶未試過，覺得幾特別試下無妨-食物除左味道賣相都好緊要架-味道不過不失炒滑蛋都幾嫩口多士都香脆但綠茶味唔夠出沙律菜都新鮮😂-

星期五OT到八點幾，就喺公司附近搵食。朋友想食平平地西式野，咁就行過去東廣場睇下。見到呢間小店嘅晚餐都幾抵食，七、八十蚊咁上下有多士/沙律，加個主菜同飲品，咁就入去試下。其實餐廳仔都坐無虛席，我地兩個都係坐門口開出黎嘅枱。講返食物，我點左個蕃茄蘿勒長通粉配綠茶多士，個多士甜甜地，不過唔夠脆。長通粉幾好食，海鮮料都夠多，兩隻蝦都彈牙，帶子冇雪味，仲有幾粒青口，$72蚊餐算係咁。朋友點嘅意大利飯我食左幾啖覺得麻麻地，唔知係野菌出水定點，成碟意大利飯太濕身，唔夠味，但朋友話勝在份量夠多。蝦餅反而幾好食，但細細粒好似龍蝦丸咁嘅size要$20蚊三粒，小貴。東廣場好似仲有好多野食，下次要試下對面間漢堡店。

響觀塘行嚟行去唔知食物鋪頭老闆介紹我哋個隔離東廣場行入去嘩原來咁多嘢食行左幾個圈都唔知食物個人好迷失咁就最尾係細佬決定下是但揀左一間食，佢見有位坐就走入去，我哋坐低就想食對面間素食野（坐這山望那山會一事無成😂），望下個Menu都幾抵食，見到隔離枱人碟意粉直頭好似座山咁😲但我哋兩個都叫咗意大利飯。兩個餐都有餸頭盤細佬叫咗綠茶多士我就要左沙律。我叫咗黑松露原隻大蘑菇雜菌忌廉汁意大利飯。隻大蘑菇潛左底😂煮過頭，失去左佢爽脆嘅口感，個飯忌廉汁多個飲夠軟但係個飯冇乜名。不過飯上面果一匙黑松露醬就一啲都唔吝嗇，好彩嗰劈醬救返個飯吊返個味出嚟。個沙律就流咗啲啦。細佬叫咗澳洲牛柳粒蘆筍松子仁羅勒汁意大利飯， 賣相幾好。松子但有見到烘過先放落去，同一問題個飯冇乜味，成個綠色左無乜羅勒味，蘆筍得好少而且又係無味。牛肉粒有筋🙈唔怪得知枱枱都係咁落芝士粉。綠茶多士唔多脆，個綠茶醬如果甜啲就好啦配左三隻柚子雞翼加＄20三隻雞翼好耐先黎都係燒左隻雞翼查啲柚子醬上碟咁，正常味兩個都飲柚子蜜因為一陣間諗住去買杯芒果冰。宜家先知原來係兩個咖啡師開嘅⋯⋯早知就叫咖啡啦（因為我哋冇睇到間鋪頭叫咩名就衝左入嚟🙈）我覺得佢地食

上星期六放工， 下晝唔知食乜好，諗起東廣場樓下好多嘢食，就去搵間cafe坐下,其實都係諗住Hea食算，不過最後有驚喜。揀咗好耐終於揀到個餐食，叫咗一個日本黑豚肉意大利麵包配黑醋沙律，中間咗個洋甘菊茶，成為＄68。個包嘅賣相非常之靚，用咗意大利麵包去整。個包非常之甘足料，裏面充滿着豚肉，大量惹菌，同埋洋蔥，仲有最緊要嗰個黑松露醬喺裏面。首先試咗個黑醋沙律先，個黑醋沙律個黑醋應該加左砂糖落去，令到個汁結結地，配埋啲蔬菜簡直一流。到食個包了，切開中間見到好多料，個黑遯非常之軟霖，而且啲嘢菌夠多吸收晒個黑松露醬。通常個包有咁多嘅長喺裏面就會食到好家，但係呢個包冇，食完之後唔會覺得好嬲同埋好跩，剛剛好。

細佬一向鍾意食all day breakfast，見到coffee art好評咁多咪試下啦，不過唔算特別出色。先講呢份deluxe all day breakfast ,份量適中，有蜜糖多士同綠茶多士選擇，細佬我穩穩陣陣食個蜜糖味，不過見到呢份野就有d失望，仲以為係西多士添。好彩食落都香脆，有濃郁蜜糖香，還可以。仲有沙律茶同番茄，配上芝麻醬，新鮮爽口。炒蛋磨菇油咗少少，香腸就香口、味道唔錯。我老友就叫咗意粉，味道不過不失。

今日同個朋友去食T啦,,,上網見到評價唔錯當然去試下啦,,,去到間餔唔算大..不過可能係工廠區所以3 點幾唔算多人...好啦叫左個套餐..溫泉蛋忌廉意粉,跟迷你沙律.凍油子蜜(唔記得影)..我朋友話好好食..非常值得推薦..以我就叫左黑松露炒蛋多士.加半價飲莫卡咖啡...整體上都好食既...美中不足係杯飲品都幾細杯..原價3x咁就要大家諗下值唔值啦,,,兩個餐一共要$134,,,,有機會試下個晚餐啦

夜晚要喺附近考試 呢幾日都好大壓力今晚早少少到附近calm down下 溫下書 順便飲下野 始終無咩胃口 個人又攰呢個商場之前都黎過 貪佢d舖細細 野食唔係咁胃一入到黎 見到呢度有幾張好舒服嘅梳化 諗都唔諗就坐低野食都唔貴 但真係無胃口 order杯red mocktail算 有lemon juice, mint,紅莓汁做base梳化位Red mocktail幾唔錯 兩片檸檬 兩塊mint 篤爛佢 出味好refreshing 少少冰 個人都精神d

收工同Honey 去觀塘行街順便醫肚，東廣場呢度食過幾次，每一次都有驚喜。今次都唔例外。餐廳應該係主打咖啡嘅，不過夜晚8點就費事飲啦，下次會去試試。望晒成個menu，價錢全部都好相宜，而家講緊有質素嘅西餐啵，5x蚊起跳真係令人擔心佢點樣營運落去。我哋叫咗一個原隻磨菇意大利飯，All day breakfast 同加咗$30要碟薯條。埋單兩個人都只係$182，係每人$91，仲要飽到捧住個肚腩離開嘅。雖然叫杯Earl Grey 係普通到咁，不過茶味都濃嘅。好大份嘅all day breakfast，一個女仔未必食得晒！滑蛋夠嫩，蜜糖多士夠清新。加$30要咗個黑松露芝士薯條，好香口，食到停唔到口。honey 嘅原隻大磨菇意大利飯成隻菇喺底，唔膩，唔會煮到似生米，好好食。我食咗honey 碟飯好多啖總括嚟講，性價比非常高，下次再去試甜品同咖啡。不過一提，中間張大石檯其實幾唔方便，好難行入去，不過成個裝潢都配合主題嘅。

After i have finished my lunch at Kwun Tong area, I need some coffee as i was feeling quite sleepy and tried. Since i was quite near to E Plaza, I decided to walk in to see if there was any nice coffee for me to grab. As everyone who worked at Kwun Tong knew, G/F of E plaza have alot of small eateries to cater for lunch crowd. After walking for a round, I decided on coffee art. They specialise in coffee as most of their drink menu was related to coffee. They served cakes as well.  While waiting

已經來過Coffee Art幾遍，午餐、晚餐、Brunch都不曾令人失望。同事們對於食物的味道都很滿意，所以這天又來吃午餐了。Lunch menu 好像換得不太頻密，跟上個月來的時候一樣，希望餐廳可以留意這點以免欠缺新意。這天點了一份大蝦翠肉瓜番茄意粉意粉軟硬度剛好，番茄汁味道很足夠，酸酸的挺開胃，蝦也有4隻，絕不吝嗇。跟餐有沙律/多士和餐飲，沙律有一點麻醬但不太多，不怕太膩！洋甘菊茶也很香，$65真的超值！

東廣場的餐廳都試得七七八八，而Coffee Art 係其中值得再去食的餐廳。夜晚去食都比較多人，好彩今晚唔洗等位。餐牌選擇唔多，價錢亦唔貴，仲要唔洗加一，相當抵食，所以都叫多個小食開心下。黑椒燻牛肉米紙卷配黑醋醬 - 個車厘茄好新鮮(錯重點)，而一般燻牛肉會比較咸，但D個牛肉比較重黑椒味，加上蔬菜同黑醋醬，味道都幾夾，只係黑醋醬多左少少，未必個個人都鐘意。巴馬火腿白汁煙三文魚意粉 / 沙律 - 意粉水準維持高質，白汁加少少芝士真係冇得輸，而且巴馬火腿同煙三文魚的分量都合理，仲要質素都唔錯。澳洲牛柳粒露荀松子仁羅勒汁意大利飯 / 綠茶多士 - 綠茶多士味道唔錯，羅勒汁意大利飯睇落好多汁，但食落唔會覺得好水，飯粒粒粒分明，口感都唔錯，羅勒汁有清新的感覺。露荀同松子都提升左飯的口感，反而牛柳粒失色少少，雖然都有牛肉味，但個位置都比較多根位難咬，而成個飯其實都係好味的。另外飲品叫左檸檬水同洋甘菊，味道都係正正常常。整體而言，雖然D度唔係預可以坐得好耐，兩個人來食都要預撘檯多，但環境都叫舒服，最重要係食物質素真係唔錯，性價比相當高，值得推薦。