Coffee Art

Open Now

Now Closed

與姊妹淘一行四人，星期三晚上再到東廣場吃晚飯，四個女人最適合去cafe食四餐！很快便選了coffee art，方便談天說地！這裡食物的種類頗多，我們大家各有心水，選擇了便一同分享食用。蒜香蜆肉（微辣）意大利粉蜆肉合格，尚有鮮味，微辣令人覺得很開胃！Deluxe All Day Breakfast 友人大愛炒蛋，香滑，個人認為蜜糖多士較特別，吃得岀蜂蜜的香甜。巴馬火腿白汁煙三文魚長通粉喜歡白汁不會膩，咸咸的巴馬火腿和煙三文魚跟較淡口的白汁配合得不錯。香草龍蝦包配黑醋汁沙律、脆薯格龍蝦包最有驚喜，包香軟微燙帶點脆口，啖啖厚厚的龍蝦肉，好評。配飲料再追加黑松露薯條，人均消費$93，抵食！

又黎到觀塘搵好味野喇～見到menu，樣樣野都只係around $60-70，勁抵食👍🏻五分鐘左右已經上左第一碟意粉！蒜香蜆肉意粉（$65），小小辣都幾惹味，蜆肉就唔算好新鮮，不過都無沙又幾多隻，呢個價錢都合格以上。粗薯條配黑松露醬（$30）：呢個小食好有驚喜！薯條好香脆，完全唔油，比好多貴價餐廳更好食！香草龍蝦包配黑醋沙律脆薯格（$108）：一百蚊左右就食到龍蝦包，仲要肉質彈牙鮮甜，一上菜我地成班女仔都即刻影相😂Deluxe All day breakfast（$78）：估唔到入面最好食係塊蜜糖多士，食得出係真蜜糖，加埋脆脆既多士，勁正巴馬火腿白汁長通粉（$69）：雖然佢既賣相係咁多道菜入面最醜，不過佢d長通粉煮得岩岩好，勁入味！巴馬火腿就一般般啦～呢個價錢咁既質素，真心超推介👍🏻食得到係有誠意既小店～

天氣欠佳，最安全是入商場用膳。這間Coffee Art，小弟想試良久，如今見有空餘座位，就走進去。先由店員安排座位，然後看了一遍餐牌，就出收銀處點餐。方便至極！只須安坐原位，等待食物臨到你面前。溫泉蛋煙肉意粉 配 沙律creamy的醬汁與熱呼呼的煙肉相互輝映，加上一大個溫泉蛋，一插穿它，不得了蕃茄羅勒海鮮長通粉 配 綠茶多士長通粉鮮茄眾多，愛新鮮海鮮（青口、貝、蝦）和蕃茄控的朋友，可考慮一嘗至於多士，不得不提！用綠茶醬塗上多士，大大的新鮮感，自拔不能決定下次跟餐再嚐！黑松露醬粗薯條🍟 沒什麼特別，但重點即叫即整，熱呼呼的，誠意十足雖然店鋪沒太大冷氣，愈食愈熱，但愈食愈覺好味，一試難忘。下次必再臨Coffee Art，一嚐其他撚手小菜

呢間轉角咖啡店年前就已經試過它的早餐和咖啡，念念不忘，今天又經過觀塘特地來這東廣場尋找以前的味道。想不到現在這間餐廳已非常受歡迎！lunch時間人頭湧湧非常熱鬧，想找個位子都難看看餐牌，價錢相宜，一個意粉六十到快百元都有，任君挑選，難怪這麼多人！我們點的👇🏻蕃茄青口意粉賣相很吸引！特別在意粉還配了片綠茶味麵包，哈哈！單吃是可以，雖然和意粉不太配，但創意十足！意粉夠汁夠味道，雖怕那淡茅茅無味道的意粉。口感偏軟身。還有三隻大大隻好搶眼的青口！紅彤彤的鮮蕃茄配上翠綠的碎沙律菜做裝飾，又紅又綠非常奪目！這道性價比不錯，推介！溫泉蛋煙肉白菌忌廉汁意粉見到溫泉蛋心情已大好！試一口，味道濃郁但不會太膩太heavy!好吃！煙肉不少吃落不會太寡不會單調。柚子雞翼大大隻啖啖肉既雞翼so yummy! 雞肉嫩滑能香口，大啖大啖食爽得很！海鹽咖啡這間餐廳出名咖啡，咖啡當然就。粒粒海鹽在咖啡中非常特別! 抵食！下次會再來吃！

觀塘有好多出色Café，呢間餐廳係其中之一! 試過佢唔同菜式，最鍾意都係黑松露炒蛋多士! 作為一個滑蛋控，呢度嘅滑蛋應該係我食過嘅滑蛋入面，炒得最出色! 個蛋本身已經炒得非常香而且滑，加上黑松露，將香味同味道層次進一步提升，唔係誇張，每一啖都覺得好好味! 個多士又鬆軟又香脆，無論係伴住滑蛋一齊食，定分開食，都非常好味! 個雜菜沙律亦好認真，雜菜新鮮，無苦味，用芝麻醬做沙律，伴多士又係另一種味道。 呢個屬於輕食餐，$58包一杯飲品，女士食嘅話份量應該足夠。餐飲方面，多數我都唔加錢，點佢嘅柚子蜜，講真就係普通柚子蜜，無咩驚喜，不過個多士已經好出色，所以清清地飲杯柚子蜜已經夠喇。 至於餐廳環境，面積唔算大，裝修簡單，不過亦好乾淨，建議如果可以，盡量避過1-2pm嘅午餐時間，同7-8:30pm嘅晚餐時間，因為人太多，會坐得辛苦啲。

東廣場有大大小小唔同既餐廳，見Coffee Art格調唔錯又唔係好多人，所以試下溫泉蛋煙肉白菌意粉（＄58） 溫泉蛋生熟做得唔錯，蛋汁撈埋意粉，好食！意粉做到al dente，美中不足係飛水時間可能唔夠，變到有啲水留左係碟，整稀左個醬汁～煙肉同菇都有唔少份量蒜香蜆肉意粉（＄65）微辣同蒜味既配合十分好！蜆都有唔少，食下食下都有十隻！前菜芝麻醬沙律，雖然細細盤，但芝麻醬比得唔gu寒綠茶多士，雖然樣貌唔係好好，但味道唔錯～兩個人食左＄142，好食既西餐依個價錢抵！

觀塘有好多好嘢食好多人都知，唔想淨係食商場入邊啲貴野？咁就要行出嚟，捐窿捐啦食好嘢！今次嚟到東廣場，入面有好多唔同嘅食嘢鋪頭小店，今次揀左♥Coffee Art♥雖然鋪頭唔係特別大，嘢食都唔係特別平，但叫做比較有特色既鋪頭。黑松露原隻大蘑菇雜菌忌廉汁意大利飯 芝麻醬雜菜沙律 $78一上菜就想嘩一聲，因為個大蘑菇真係好大隻！哈哈！大蘑菇咸咸地，有菇既香，整得幾好食！黑松露雜菌忌廉汁呢個組合實冇死，完全好MATCH好入味！而且黑松露有好多，令到個飯提升左唔少味道。呢個飯唔算好大，但食落都好飽。配左個芝麻醬雜菜沙律，都幾fresh，好開胃。蒜香日本黑豚肉野菌粟米(微辣)意粉 綠茶多士 $72以為呢個意粉會好重口味，因為又蒜香又有啲辣辣地，但食出來個感覺又好岩岩好，可能因為配左啲粟米。佢成個意粉都鋪滿左蒜，鐘意蒜既唔好錯過！黑豚肉好易入口，加埋啲蒜味道更佳。呢個餐配左綠茶多士 ，配搭幾特別！烤香草大啡菇配迷你蟹肉漢堡飽 黑醋汁沙律 $48呢個大啡菇同頭先個大蘑菇真係好大分別。。。。。。。望到有啲O左咀，因為比起頭先果隻SIZE真係差太遠了，職員都話咁岩得咁橋😅成個餐個份量都好細份，唔係好肚餓但

其實已經來過coffee art 好幾次了。之前幾次同朋友來，今次就得自己一個，因為我掛住呢度既咖啡啊！今次點了「烤香草大啡菇配迷你蟹肉意大利包」及Ice hazelnut Latte。大啡菇夠曬juicy ,蟹肉意大利包亦都好好味，蟹肉調味唔會太喊，味道剛剛好。👍🏻而Ice hazelnut Latte也是好香濃，保持到咖啡既水準，正！雖然我去呢段時間是午市超忙，但店員都好有禮貌，食物亦都好快送到。享受了一頓開心午餐🍽🍄🥖☕️

甚少到觀塘覓食，貶眼間觀塘已發展成一個蓬勃的工商廈區。觀塘中午飯時間人潮特別多，周圍食肆門口堆滿食客，隨便走進東廣場內的一間café。幸好先來一步，剛好未到人流高峰期，能靜靜吃個午飯。Lunch set有七款選擇，以意大利粉及飯為主。向來偏好risotto的我點了 澳洲牛柳粒蘆筍松子仁羅勒汁意大利飯 $80見每位客人的前菜沙律跟主菜一起端上，肚子餓壞的我等得逼不及待，餐廳可考慮先送上沙律，再到主菜。意大利飯飯粒硬度適中，青醬並沒有傳統的蒜味和羅勒味，反而多了一份蘆筍的清甜，醬汁偏濕像是燴飯，牛柳粒份量少且顆粒細、有筋，跟這種青醬不太相配，幸有大量芝士做出拉絲效果，提升味道層次，整體味道不俗，完成了大半碟。飯後慢慢嘆一杯Shakerato，冰涼透心，由兩杯espresso製成的冰搖咖啡沒有苦澀味，冰塊與糖的份量配合得剛好，做得不錯。

今日無無聊聊係觀塘行街街順便等人，經過東廣場行到攰就搵左間cafe坐底嗌左一杯咖啡同甜品是常識吧玫瑰鮮奶咖啡: 咖啡味突出，玫瑰唔太甜，微暖，好容易入口。奶泡打得好靚，食落口好綿，拉花圖案應該係玫瑰, 襯返杯咖啡既名檸檬tart: 我明白檸檬係酸，但我冇唸過咁酸，咬左一啖lemon mousse, 完全覺得好似放左個檸檬入口。tart皮好香牛油味，而且賣相好靚。呢間咖啡微暖，飲落好舒服，下次黎可以再試下其他咖啡

呢日上 whole day training，中午放飯當然要搵間好食既幫自己打打氣，叉叉電黎迎接下午餘下既課堂啦。呢度個set lunch都幾多選擇，starter 可以揀綠茶多士或者沙律，仲有飲品送，一百有找，唔算太貴。我地一人叫左個餐，朋友都一樣叫左綠茶多士，綠茶味香濃，配烘過既多士，味道非常夾，我覺得好食過我叫既沙律囉羅勒汁意海鮮意大利粉，見到豐富既海鮮已經令人食指大動，朋友話茄味香濃，海鮮味道好，整體好味。另一朋友叫左澳洲牛柳粒露筍松子仁羅勒汁意大利飯，露筍好健康，啖啖飯都好creamy 好食。而我就叫左蒜香黑豚肉野菌粟米長通粉，蒜味香，微辣但甜甜既粟米中和份辣味。記得加配柚子雞翼，清新柚子味配香口雞翼好食。加杯咖啡作總結，大滿足，哈哈

1. Deluxe All Day Breakfast 配蜜糖多士（$75）相比起街外嘅All Day Breakfast平，份量適中，值得一讚嘅係一D都唔馬虎嘅炒蛋加左牛奶更濕滑🤤其他食物就中規中矩啦彤樂評分：7.5/102. 澳洲牛柳粒露荀松子仁羅勒汁意大利飯配抹茶多士（$80）🍲牛柳粒雖然細粒，但軟淋，而松子仁好脆口，連濕潤又香羅勒汁意大利飯一齊食，幾唔錯嘅配搭👏🏻👏🏻👏🏻綠茶醬塗得滿滿嘅香脆多士，好香抹茶味，又唔會澀口😋彤樂評分：8.5/103. 溫泉蛋煙肉白菌忌廉汁意大利粉配芝麻醬雜菜沙律（$58）🍝🥗麵身有嚼勁，白菌忌廉汁幾香濃，但偏淡味😅而加左芝麻醬嘅雜菜沙律，而沙律菜又清新爽脆，點都唔差😂彤樂評分：7/104. 柚子雞翼（跟餐＋$20）身為雞翼控嘅我必點！雞翼皮沾滿柚子，酸酸甜甜，加上肉嫩雞翼嘅鹹香，好清新嘅感覺😍彤樂評分：9/10

由佢開張開始幫襯，食物質素各樣都ok。初時午餐set有三至四款$5x價位既，包前菜餐飲，都算唔錯。附近開左好多新餐廳～所以事隔多月先再嚟光顧，今日來到發現價位升左，六十蚊内選擇只有A餐$60內既選擇小咗雖說有前菜餐飲，但觀塘食肆林立，質素相約的都不少，價格上升令我光顧意欲下降。溫泉蛋煙肉白菌忌廉汁長通粉調味和長通粉的口感都不錯，溫泉蛋亦煮得好靚仔～但忌廉汁過稀，未能掛於通粉上⋯⋯就咁望落去好似白烚完上碟另外，跟餐可選沙律或半塊綠茶多士，餐飲的柚子茶改善咗。以往光顧每次都叫柚子茶，每次到飲嗰刻先記得好淡味，對面個間餐廳就相反，一杯可以開兩杯撥開通粉見忌廉，完全流質，枱面餐具盒係無湯匙的，每口都用長通粉來撈起啲汁，食完仲淨返半碟汁⋯⋯嘥左價錢加，質素都要加緊留意囉～

位於地鐵附近，位置一點都不難找。一進商場有點像foodcourt 的感覺,還好餐廳的位置跟裝飾別樹一格，給人悠閒又舒適的環境，會忍不住想多坐一會。點餐方面有別於其他咖啡店，要先到櫃臺點餐再去找位子。不過還是由店員送餐，未至於全自助。我點了個溫泉蛋煙肉白菌長通粉（$58）配熱的伯爵紅茶（+$0）份量適中，不過由於加上溫泉蛋又是白汁，能覺挺飽的。某些飲品不用加錢，午餐來說是又便宜又享受。朋友陪我用餐，點了一杯熱的Mocha($38)價錢不比某大連鎖咖啡店便宜哦不過看看拉花而味道也是專業調制的。還有環境可以享受一下，價格也是值得的。總結：商場內這個咖啡店算是裝修最好的了，而價格也是物有所值，午餐這種享受，絕對算是化算。

Coffee Lover不容錯過，小店有驚喜！由於受同事長年累月的薰陶，雖不至於無咖啡不歡，卻由當年只喝雀O罐裝咖啡的學生妹，變成愛喝即磨咖啡的OL🤦🏻‍♀️以往Starxxxxs 已能滿足我的脾胃，現在則偏愛手沖咖啡或是即磨咖啡沖的Cappuccino/Latte。這家小店無論是即磨咖啡沖調的拉花或是手沖咖啡也極有驚喜！因為晚上容易睡不好，所以甚少下午三點過後喝咖啡，但此店叫Coffee Art，而且套餐加配咖啡只需半價，怎能不喝？於是點了杯Mocha🌹一看到Mocha的拉花就心花怒放，臉譜造型極精緻連同事也說拉花功夫非常不俗，我說簡直靚得捨不得喝掉！用70%比利時無糖純朱古力沖調的Mocha，香濃咖啡底，可可味濃，奶泡綿密，不加糖也很好喝！食物方面也不馬虎這份輕食套餐烤香草大啡菇配迷你蟹肉漢堡飽🍔，香草大啡菇肉汁豐富😋黑醋汁沙律酸甜開胃又新鮮而漢堡飽的餡料很足，每啖都是新鮮拆的蟹肉和青瓜，清新爽口👍🏻這份輕食套餐適合運動前後、食量不大或需要On diet 女士，價錢更驚喜，配Mocha 才$67😱後記： 後來跟老闆娘閒談了幾句有關喝咖啡喜好，喜獲一杯手沖咖啡，真幸運😍！平日在Offi