Coffee Art

Open Now

Now Closed

今日黎到觀塘東廣場搵嘢食，呢度有好多價錢實惠而又好味嘅小型食店，Coffee Art就係心水之選。環境上面，用左型格工業風裝修，座位闊落，坐得幾舒服。雖然夜晚收工去食，不過都唔使等位。食物方面就叫左個Dinner set，前菜可以揀綠茶多士或沙律，今次想揀左沙律，酸酸地嘅芝麻醬開開胃先。跟住就輪到主角出場，就係蒜香蜆肉意大利粉，意大利粉軟硬度剛好，每條都沾上蒜香，蜆肉亦保持到鮮味同Juicy，值得一食！另外再order左小食- 香草忌廉智利藍青口，一上檯已經聞到好香忌廉牛油味，食落青口嘅鮮味同奶油香味爆發出黎，十分滋味！最後仲叫左個鐵板焦糖香蕉雪糕班尼，呢個甜品真係整得十分出色，Brownie用鐵板熱住，凍冰冰嘅雪糕就慢慢因為Brownie嘅熱力溶化，雪糕連埋Brownie一齊食，口腔充滿住冰火嘅口感。而且仲有得淋朱古力醬落雪糕Brownie上，朱古力濃度Double，朱古力控一定好愛食。朱古力同香蕉有幾夾就不用多說，成個甜品令到呢餐大滿足！ 

行街行到肚餓，走左東廣場打算食個Burger King, 但行到入去見到有咁多新開既食店，就入去兜個圈先。行左一個圈之後，都係比coffee art個門面吸引左，而我又想食all day breakfast, 所以就試試你啦！但坐低左之後發覺都就黎食晚飯，咁就輕食算喇。最後揀左三文魚沙律配沙律菜。最上層是三文魚粒，中層是薯仔，低部有黑松露，配上多士，吃多點也不會膩。一口多士配上一口沙律菜，在有點疲態的下午休息一下，加加油。

觀塘區俾我嘅感覺就係有好多工廠大廈，裡面收收埋埋隱世小店同餐廳，前排就同朋友去尋下寶，發掘一下美食行行下去到一個商場，見到有十幾間餐廳聚集，下午茶時段都坐滿好多人，我地就揀左食西式嘢，不過因為鋪仔細細，要等一陣位，而且要同其他人搭枱食物價錢唔貴，我地點左all day breakfast 同牛肉露荀松子仁意大利飯，意大利飯可配上一片綠茶多士All day breakfast 嘅食材同其他餐廳差唔多，有炒蛋、蘑菇、腸、煙三文魚及沙律🥗，再加上綠茶多士，味道正常，能夠悠閒地嘆個下午茶已經好滿足，套餐其實仲有一杯飲品，我揀左熱洋甘菊，因為其他餐廳比較少見而牛肉露荀松子仁意大利飯就一般般，牛肉份量較少，意大利飯味道偏淡，反而綠茶多士嘅綠茶醬幾香始終餐廳嘅環境比較迫，我地食完傾左陣計就走，下次再發掘下觀塘其他小店啦

一支公去搵野食，又想食意粉，就去左東廣場，一黎小店多d，唔洗食連鎖店，二黎有唔少實惠選擇之前weekend都黎食過兩次lunch，次次都爆，weekday六點幾黎無咩人，得一兩枱，所以野食黎得好快。點左set沙律（前菜）+辣蜆肉意粉（主菜）+玫瑰咖啡$84（因為飲special drink 所以+$19）前菜可以揀綠茶多士或沙律，見親個個都會嗌，有機會會試下綠茶多士第三次黎都係食意粉，其實味道真係唔錯，食親都係熱辣辣，不過略嫌意粉水分多，似烚完意粉未瀝乾水就再煮，所以次次食都似汁浸意粉，呢個就可惜左d，同埋蜆肉有丁點沙（沙律及辣蜆肉意粉）無咩大驚喜，但見店員用心拉花，（玫瑰咖啡）整體黎講，係值得回頭，畢竟近地鐵站，同時晚餐價錢在一百以內，味道亦好唔錯！不過人多嘅時候就會嘈一d，亦同鄰座會坐得好近，比較適合兩至三人黎食，一大班人可能就坐得唔太舒服了。

今日好想食。All Day Breakfast！突然醒起東廣場呢間未試過！會一會佢！去到都滿座！等左一陣答枱！有位就好 👍🏻👍🏻睇 Menu 後要出去買單！再番位等！防走數應該係呢個場既做法 👍🏻Yeah 有野食喇！因為滿座，都等左陣先有得食！個 All Day 有得選多士好正！有牛油蜜糖同綠茶醬！我選左 牛油蜜糖！勁足料！入面勁多醬 😍😍😍好正！勁多菜！個醋汁甜酸好平均！煙三文魚有兩塊 👍🏻👍🏻 菇就仲有少少草青味！再熟多少少就好喇！個蛋係滑蛋黎架！好開心！仲有腸仔添，係高價腸仔黎，瘦多過肥！好開心 🤣 豬肉味好夠 👍🏻餐可以加一個小食，我選左黑醋牛肉米紙卷，黑醋味我大愛，酸味多過甜味！唔係太高年份 🤣 青瓜好似醃左醋！牛肉味不足！俾胡椒味蓋哂！男友叫左 Mocha 佢一口飲走左一個拉花 🤣🤣🙈 而我就叫左個洋甘菊茶 👍🏻

這小店位於觀塘工業區的某廣場, 而這廣場地下基本上全部都係食店為主,有好多好嘢食主菜點了溫泉蛋煙肉白菌忌廉汁意大利粉和黑松露原隻大蘑菇雜菌忌廉汁意大利飯。意粉軟硬適中,香濃的忌廉汁與蛋汁混合後十分好味!黑松露原隻大蘑菇雜菌忌廉汁意大利飯, 基本上個忌廉汁調製唔錯, 而汁和飯的乾濕度剛剛好! 好味!至於個沙律就比較一般。加配柚子雞翼($20/3pcs)、泰式蝦餅($20/3pcs)、炸薯條配黑松露醬($30)。柚子蜜糖雞翼，淋上柚子汁，帶有香濃柚子味， 酸酸地，使人幾開胃。可惜的是柚子遮蓋了蜜糖的味道!泰式蝦餅口感彈牙。炸薯條基本上不難煮，因都是即叫即便，上枱時熱度十足,十分脆口和好味!小店主打咖啡, 但因晚上不想影響睡眠, 所以叫了其他飲品! 但其他飲品比較平凡，所以點左朱古力和凍檸水, 飲品味道就一般, 但都知不是咖啡, 不是佢的主力。結帳時201元, 以此環境和質素, 合情合理!

觀塘呢個商場基本上全部都係食店為主，一行入去你會花多眼亂、心大心細食邊間好，正當好多間都細細間又坐滿人之，一路行入去你會發現其中一間望落都算大間而且燈光暗暗地都幾有格調既西餐cafe會不其然吸引到你停低想去試試。 餐牌食物既選擇都吾小，而且賣相靚，影相一流，食落味道仲好吾錯，以呢個價錢黎講，可以話係真係幾滿意既一次消費，食物份量適中，吾算多但都吾小，夠飽，而且佢地會有啲特色既健康飲品，例如：洋甘菊茶，食飽飲一飲可以幫助消化之餘又健康提神。 總括黎講會想再去食第2次。

晚上到觀塘吃晚飯，看見這間餐廳選擇多且挺吸引，便選擇了這間Cafe，雖然是平日晚上，但餐廳都坐滿了人，剛好有人埋單離開才有位子。主菜點了溫泉蛋煙肉白菌忌廉汁意大利粉($58)，和蒜香日本黑豚肉野菌粟米意大利粉($72)，前菜可選芝麻醬雜菜沙律或綠茶多士，跟餐點了一杯熱柚子蜜，和一杯熱情果芒果梳打(+$22)，加配柚子雞翼($20/3pcs)、泰式蝦餅($20/3pcs)、炸薯條配黑松露醬($30)。前菜選了芝麻醬雜菜沙律，雜菜清新爽脆，麻醬是日式芝麻醬，味道酸酸甜甜，而且每層菜都會淋上醬汁，不會吃到最後沒有味道。溫泉蛋煙肉白菌忌廉汁意粉，意粉軟硬適中，煙韌有嚼勁，甘甜清新的洋蔥和香脆的煙肉令口感更豐富，意粉白菌忌廉汁香濃不油膩，加上蛋汁，醬汁口感更滑順。蒜香黑豚肉野菌粟米意粉，蒜蓉香味濃郁，微辣的黑椒令意粉更惹味，加上蘑菇和粟米的清甜，味道有層次，而黑豚肉肉質鬆軟嫩滑，肉味香濃，沒有油膩感。柚子雞翼皮脆肉嫩，除了雞翼的鹹香，還有柚子香氣清新，搭配蜜糖味道酸酸甜甜，十分惹味。泰式蝦餅口感彈牙，加上酸酸甜甜的醬汁，絲毫沒有油膩感，唯獨是份量有點少。炸薯條配黑松露醬，薯條外脆內軟，但味道真的

本身book 了另一間工廠大廈內的餐廳，點知去到，竟然close 咗電話都冇個，不負責任，blacklist！之後就來到東廣場揾食，食店琳琅滿目，好在都target 了食coffee art😝😝😝坐低了，再慢慢看餐牌, dinner set 就底食👍🏽👍🏽👍🏽👍🏽前菜可選綠茶多士或沙律，分量很少的，可是愛綠茶的朋友不要錯過烤得香脆的綠茶多主菜有蒜香黑豚肉雜菌粟米意粉成個意粉做得好balance , 好香口，又不會太多汁黑豚肉切絲不錯粟米份量如加多d 必定更好😍😍😍另一款主菜有蕃茄汁海鮮長通粉有帶子，青口，同蝦，粉量不少，亦夠味，個人比較喜歡蒜香意粉餐仲包埋餐飲，真係好底食👍🏽👍🏽👍🏽

孜孜不倦地繼續來到東廣場揾食。每當要趕時間，而又得一支公去開飯的時候，小弟的首選開餐地方一定是這裡....上幾次分別在此吃過漢堡包、牛腩粉麵以及茶記，今次就輪到場內的一間頗具人氣的西餐小cafe.....拿著menu參詳研究一下，套餐價位實在相宜，最便宜的，五十多大洋就可以享受一個有頭盤、主菜及飲品的餐。說實在，真的是無敵地抵食....點了餐，看著電話慢慢等待。不久，熱柚子蜜送來。呷一口，味太淡了。初時還以為是未將蜜糖搗勻之緣故。但在花時間弄勻後，效果仍是不佳。這就讓我有點失望了.....頭盤之選中有一個綠茶多士挺特別的，但是為了能有機會吃到更多的菜蔬，所以最終還是選了更"行"的沙律。味道果然如所料，很"行"，只是在現成買回來的沙律菜上添上一堆沙律醬而已，正常來講，不會太難吃的....這裡做的是以輕食為主，所以dinner set內就只有意粉類以及risotto可揀，只是在材料配搭上作不同的組合。今天選的，是這碟蒜香日本黑豚肉野菌粟米意粉....基本上整體水準是可以的，蒜味足；豚肉嫩滑；粟米粒及菇正正常常份量亦夠；只是意粉做不到最基本的有咬勁的效果。於我而言，是太軟身了....姍姍來遲

每逢每星期的team lunch佢都係我哋嘅首選之一，基乎10次都有8次揀佢，無他嘅佢哋嘅食物係唔錯㗎，老板娘又親切，而且間中個set lunch都有其他唔同嘅選擇而且價錢又唔算太貴其實佢嘅set lunch前菜有沙律同埋多士你揀，跟住一個主菜，然後又有一杯野飲我通常都會揀開胃啲蜆肉意粉，佢啲意粉係乾身有咬口，不過有時啲蜆肉係有殼，有時又冇好搞笑，味道同賣相都幾唔錯，其實都可以媲美樓上cafe嘅水準，再加一個僵啡走奶，正唯一唔好係成日都要等位😆😆

話說放工一枝公去觀塘買野，咪順便食埋飯啦！ 因為帶女番playgroup 的關係，認識左東廣場呢個食肆小店林立的地方，所以晚飯就決定係個度食了！ 行了一圈，因為時間尚早，各食店的入座率都不高，難以知道邊間好食，最後吸引到我的就是這間小店，因為門口全是龍珠擺設😂這小店是西餐為主，店員友善，我有選擇困難症，諗唔到食咩，店員都很用心機推介一些菜式俾我。 佢有分套餐同輕食，套餐可以揀沙律或綠茶多士做前菜，跟一個主食，配 西式花茶飲品，轉飲其他飲品只要俾飲品的半價。我怕輕食唔夠，最後我叫左巴馬火腿白汁煙三文魚意粉配綠茶多士的套餐，加一個薯條配黑松露醬做小食同埋加左錢配海鹽朱古力熱飲。意粉一黎到，就俾佢既綠茶多士吸引住了，因為我係綠茶控，急不及待就食塊多士先！ 烘得熱辣辣的多士，一咬入口好香綠茶味，好清新唔太甜，佢的味道唔似台式奶茶店的綠茶多士咁假，綠茶醬又搽得滿滿，每啖多士都有綠茶味！唔錯！ 意粉見佢碟仔細細，諗住份量唔多，點知原來隻碟都幾深！ 意粉好足料，有多塊煙三文魚同巴馬火腿，而且雖然個意粉係白汁，但撈左好重芝士，所以個意粉都有芝士拉絲的效果！果然份量十足！加左$30的薯條都黎到，都係一d

大家去親CAFE都可能會叫個ALL DAY BREAKFAST加杯咖啡，成件事好似好RELAX咁!我都唔例外!!但係而家出面正正常一個ALL DAY BREAKFAST都過百蚊!都唔算平, 因為其實材料都唔係貴野，所以有時都覺得好唔抵!誰知觀塘東廣場竟然發現到好東西!!一個ALL DAY BREAKFAST 再加熱飲都係$70左右!!今次已經係第二次光顧啦!因為都係晚餐時間，比較難搵位，同埋坐得唔耐，不過勝在夠抵食~如果有機會非繁忙時間同好姐妹上黎坐坐都唔錯!講返個ALL DAY BREAKFAST!!!超豐富!!!見唔到碟底架!!=D有滑蛋, 雜菇, 煙三文魚, 腸仔, 沙律菜, 車厘茄, 同埋綠茶多士最正係個綠茶多士, 兩塊三角形, 綠茶醬, 仲要加左蜜糖!!又好味又飽肚!!跟住就係個滑蛋, 超滑, 又大份, 我覺得好味過快餐店同埋茶餐廳個啲好多!!!!!其他材料都好好味!!物超所值!!一定會再黎!!!

在觀塘工作了一段短時間, 的確會認同這裡真的甚麼都有。而最瘋狂的是, 在下班的時間, 觀塘真的好似動物大遷徙, 有夠可怕的。不過, 轉一個彎, 來到東廣場, 又是另一種不一樣感覺的觀塘。因為這個廣場是個比較慢活一點點的地方。雖然也是很多人, 但就是有一種遠離觀塘的感覺。所以常常會放工之後來到這裡, 為辛苦了一整日的自己打打氣。當天跟我家肥膏約在這裡等, 他想吃鹽水雞, 而我也只好點了一杯外賣的咖啡陪他了。Flavored Latte( Rose) HKD 38.00一直都很有水準的咖啡店, 是我常來。咖啡真的很香, 很濃醇。這次點的是玫瑰口味的, 想不到花香也很濃, 感覺用料很足。口感一如以往的很滑, 這就是一直食客不斷的原因吧。唯一覺得不好的, 可能是店家的位置吧。因為這樣好喝的咖啡, 應該要有一個大落地玻璃窗, 看到街景才對!

可達度十分高，方便輪椅使用者，係APM(地鐵A2出口)落地下過條馬路行2-3分鐘就到。環境舒適，座位充裕，牆上以麻繩製作出藝術裝飾，簡樸中帶藝術感，坐係度舒適嘅感覺完全掃走哂一星期嘅煩惱。試左個黑松露忌廉汁雜菌意大利粉($64)同黑松露原隻大蘑菇意大利飯($72)，仲係跟set，可以揀芝麻醬野菜沙律或者芝麻醬多士做頭盤，同埋跟一杯野飲，食物真材實料，驚喜嘅係個蘑菇意大利飯有兩隻超大蘑菇，仲好juicy，個人覺得十分抵食。