Coffee Art

Open Now

Now Closed

識我既朋友都知我一向好鐘情去文青類既cafe坐下, 今日行行下街發現呢間野, 岩晒我今日既心情😌, 坐底無幾耐開始睇下有乜食先.....😯咦！咦！！有好多我鐘意食既野喎！嗯～要點餐啦😊【Art of Bowl $(78)】這是我最喜歡的食物呀, 裡面有提子乾、雜果仁、三色藜麥、牛油果、雜菜、香草牛油法包配柚子青檸汁！完全係滿足我對健康既要求！▼▼▼▼▼▼▼▼▼▼▼【Egg Bendict 配煙三文魚牛油果法包荷蘭汁 $(78)】牛油果含多種維生素,豐富的蛋白質, 加上開胃的荷蘭汁配合鹹鹹的煙三文魚, 味道很是配合。▼▼▼▼▼▼▼▼▼▼▼【焦糖雞翼 3隻 $(20)】把預先煎香的雞翼, 然後加上焦糖, 能保持雞翼外層的雞皮脆身, 而肉質也不會太硬身, 這個我大力推介！▼▼▼▼▼▼▼▼▼▼▼【粗薯條配黑松露醬 $30)】粗薯條配黑松露醬份量真係非常之多, 好濃既黑松露味, nice！▼▼▼▼▼▼▼▼▼▼▼P.S. 整體食物質素尚可。

是日一行3人黎食晚餐，朋友預先拎位，所以去到直接入得，又係好旺場，座無虛席。因為唔想諗直接叫左set dinner入邊既其中3款再另加兩款小食。Set dinner可揀沙律或湯，我地3個都揀左南瓜湯。南瓜湯幾creamy，又食到好足料既南瓜。小食揀左炸粗薯條配黑松露醬同埋焦糖雞翼(3隻)，上次都食過，今次都係心思思想食，果然都係甘好食。然後叫左客黑松露雜菌忌廉汁意粉，忘記左影相。黑松露味好香，意粉軟硬適中，果汁creamy，不過我嫌佢濕左啲。而果蕃茄海鮮意大利飯，其實係好食既，啲飯係有啲咬口既意大利飯，即係唔係淋哂，有啲半生果款意大利飯，我幾中意呢種意大利飯，但可惜果汁我麻麻地，有啲偏酸左啲，海鮮唔錯。成晚3個main入邊我最中意呢個慢煮紅酒牛尾意粉，意粉軟硬度適中，啲牛尾係好淋身，完全唔洗出力咬，牛肉嫩口，根位彈牙，煮得好入味好食，果意粉令我超驚喜，因為超重牛味，食得出有用牛湯煨過下，同埋果牛尾一齊真係好夾。整體黎講，食左幾次都食極唔厭，食物質素高，店員服務又好，朋友剝蝦整污糟左隻手，店員望到仲即刻遞上紙巾，超貼心，下次又會再黎食。

今日星期六，早上約11:23到帶一位婆婆到coffee Art ，我知道鋪頭11:30開，但婆婆想先坐下，我於是問當時餐廳水吧兩名工作的男人，婆婆可否先坐下，其中一名似老闆的男人很大聲喝我餐廳11:30 先開，十分冇禮貌及完全不考慮長者需要！我以為呢間餐廳摩登，服務態度會不錯，我以後一定不會去呢間！

✨中女獨食難肥日誌 ✨CoffeeArt 中女食將軍澳 中女撐黃店系列yellowshopchallenge自從放棄了美心小品後，一直好努力在將軍澳尋找一家輕食cafe，讓我可簡單吃點意粉喝杯咖啡。新都城這家coffee art於觀塘也有分別，但我更喜歡寶林這間，裝修簡潔精美，感覺亦悠閒舒適。是人很多啦，不太好意思坐太久，但獨食個晚餐還是好ok的！黑松露雜菌忌廉汁意大利粉 $78為了健康一點，也為了環保，盡量希望每星期一天吃素，難得餐牌有素食選擇，就要了個黑松露雜菌忌廉汁意大利粉。黑松露醬好大一堆，亦有好多菇菌。份量女生來說還算ok，也許男生要點多個小食，鄰桌說雞翼及薯條仔不錯下次可以試試。不過意粉略為overcook，淋了一點。SeaSaltChocolate $28中月要喝熱飲，本想喝個熱latte算，但看到餐牌這個使用比利時70%純朱古力(無糖)吸引，不知道海鹽朱古力味道如何？好奇一試，有驚喜！拉花是可愛小白兔，一入口微微的咸，再喝下去帶少少苦味的黑朱古力，的確不甜，但十分香濃，滿滿幸福感💕📮地址: 將軍澳貿業路8號新都城中心1期地下G95號舖☎電話: 54037995

是日一行三人黎食晚餐，約晚上7點幾到，果然人好多要等位，等左約十五分鐘先有位。之前食過觀塘果間，比較細，啲位都少同埋比較逼，將軍澳呢間較大，半開放式既感覺，啲位都寬啲，坐落好舒服。睇左陣餐牌，叫左黑松露藍芝士忌廉汁帶子手工薯仔粉，三重蟹肉意粉同埋美國安格斯牛堡跟紫薯沙律，跟餐叫左小食焦糖雞翼 (3隻)同粗薯條配黑松露醬黎share，餐飲要左紅茶。跟餐茶係普通伯爵茶甘，果杯幾靚。先講小食粗薯條配黑松露醬，啲薯條炸得夠熱夠脆，果醬幾香黑松露味，唔錯。跟餐加30蚊黎講，份量都幾大碟，抵食。再黎焦糖雞翼 (3隻)，雞翼仲好脆口，食落甜甜，雞翼又夠嫩，好食。朋友點左美國安格斯牛堡跟紫薯沙律，我忘記左影相，朋友話果包唔錯，我食左果紫薯沙律，入邊仲撈左啲柚子粒，感覺好fresh。然後個三重蟹肉意粉，佢係有蟹籽，蟹肉同埋蟹棒，所以叫三重蟹肉意粉，將啲蟹籽同埋蟹肉撈哂落意粉，一邊撈已經聞到好香，食落因為又有蟹籽同蟹肉，果意粉口感層次好豐富，蟹棒有煎香，所以食落都唔係凍冰冰求其放上去既貨仔，意粉軟硬度適中，冇咩汁，所以要撈埋啲蟹肉蟹籽黎食，好鮮味岩哂中意食蟹既人。呢個黑松露藍芝士忌廉汁帶子手工薯仔粉真係好

Coffee Art先前有啲誤會比人話唔係黃，但之後連登FC左係真黃。85罷市、將軍澳果日開放休息同派水。比人屈真係好慘，仲要係一間好飲既咖啡店。佢拎唔少獎架，放係門面，哥哥仔沖咖啡個認真樣好吸引，唔知係咪老細。黎過幫襯幾次，店員通常都係黑衫黑口罩。拉花杯貼住啲文宣貼紙，唔知佢點洗杯呢？有次見到隔離枱杯咖啡個面係寫住HK，黃到呢～最推介係杯mocha $40 熱莫卡咖啡（比利時70%無糖純朱古力）見佢有一支朱古力醬，用温水坐暖佢，再擠落個咖啡杯到。飲落既朱古力味好濃，真係好似食粒朱古力既味道，唔似開粉果啲咁飲唔出味道。

我支持黃色經濟圈，但會否再次光顧或推介一間餐廳還是要看它的食物質素金。而Coffee ART沒有令我失望。週六放假和媽媽在家附近找吃的，Coffee ART是西餐的好選擇。如果你也想飲杯較好的咖啡和吃一件好味的蛋糕，在寶林附近也沒有更好的了以上兩種食物也是輕食之選，兩者也得我歡心，想吃什麼視乎你想要冷盤或是熱食。不過它的Egg Benedict有改進的空間，尤其是其中一隻蛋黃煮得過熟了。Coffee ART的朱古力類飲品聲稱加入了70%比利時朱古力。我不太清楚比利時朱古力是怎樣的味道，但我飲得出咖啡中有真朱古力，而不是一般店舖用的可可粉，有驚喜！另外，跟餐加$28會有一款蛋糕，蘋果配芝士蛋糕感覺新鮮，雖然蘋果味不突出，但食得出apple crumble的味道和感覺；芝士的部分很creamy很好吃令人回味。

晚餐時段有All Day Menu同Dinner Set Menu選擇Dinner Set Menu比較抵，比All Day Menu多左湯/沙律，但主食的選擇唔多伯爵紅茶☕️基本上每個主食都會跟一杯伯爵紅茶，係採用Dilmah的伯爵茶茶包哩隻茶包味道好濃郁，不過茶包一般黎講都唔會差南瓜忌廉湯個湯係跟Dinner Set Menu的套餐，口感非常豐富濃厚，入面有少少的籽，有啲野咬下我仲飲到蛋黃的味道，成個湯唔知用咩材料製成，但絕對真材實料慢煮紅酒牛尾意大利粉 $98 (Dinner Set)有一大一小的牛尾，份量唔係好多味道印象唔深刻，已經唔記得左，即係味道普通，淨係記得係好食嘅秋葵茄子翠玉瓜(素食)手造PICI $98秋葵好多黏液滑潺潺，為左健康我都會食翠玉瓜爽脆，無印象有食過茄子😂Menu寫PICI係形狀似烏冬麵，口感彈牙，個人就覺得有少少煙韌，唔太鍾意哩隻口感黑松露雜菌忌廉汁意大利粉 $78 (Dinner Set)上面有一篤黑松露，撈勻食幾香口忌廉汁佈滿係每一條的意粉，香滑可口，不錯不錯溫泉蛋日本黑豚肉醬意大利粉 $88隻溫泉蛋都幾生，可以撈勻落意粉度聲稱採用日本黑豚肉醬，當然我

星期六下午約三點前來，需要排隊，等了兩三張枱就到了。侍應放低餐牌，樣樣都想試，可惜只有我一人。下午茶餐牌比較輕盈，還是想吃飽飽，最後點了all day menu三重蟹意粉和凍牛奶咖啡。三重蟹肉意大利粉有蟹籽、蟹肉和蟹柳，蟹柳燒香了，外層煙韌，口感不錯。意粉亦軟硬適中，雖然有一啖食到一兩粒蟹殼碎之類，但整體都好食。凍牛奶咖啡，咖啡味濃，有種烤烤的味道，好飲。仲想試佢個牛油果藜麥法包、漢堡、薯條、雞翼、甜品，下次約朋友一齊食先得。

好野都係會食過翻尋味嘅！再來食一次！今次來到嘅時間過左12點啦！入面已經full曬啦！所以唯有等一等啦！好彩唔洗等好耐。。大概三四個字啦！食好野唔介意等!首先飲個餐湯先：松露忌廉蘑菇湯呢個松露湯好好味，蘑菇味濃，松露唔會一陣煤氣味!再來兩個主菜：三重蟹肉意粉，all day breakfast意粉好creamy!餐廳都唔孤寒架!蟹肉都唔少架!仲有蟹籽!味道口感都好豐富呀！個早餐入面都好足料呀！炒蛋炒得啱啱好！我最鍾意個三文魚他他，煙三文魚下面係薯仔沙律，讚呀！沙律撈左柚子蜜糖汁，酸酸甜甜，好醒胃呀！嚟到呢到梗係唔少得飲品啦！一杯海鹽朱古力，另一杯係latte!咖啡師嘅功夫真係一流呀！無論係味道同拉花都好正，次次都有唔同嘅拉花，靚到唔想整花佢呀！期待下次幫襯呀！

行山前去黃店食番個豐富嘅早餐(*ﾟ∀ﾟ*)Deluxe all day breakfast $98  份量超多呀，食到飽飽去行山(´・ω・`)，材料有煙三文魚他他、牛奶滑蛋、牛油果、豬肉仔、炒雜菇同法包，味道正常，最中意食煙三文魚他他(›´ω`‹ )，口感清新，其他食物都好新鮮~~Egg Benedict $78  兩大片牛油法包配上水波蛋，牛油果同煙三文魚，如果蛋再流心啲再好，不過味道都唔錯(｡•ㅅ•｡)♡～ .Salt chocolate  朱古力多左份咸香，幾特別架ヾ(●゜▽゜●)♡ Coffee Art  地址：將軍澳貿業路8號新都城中心1期地下G95號舖

Coffee Art 把飲咖啡當成藝術，Coffee Art 一名，讓人很想喝上一杯藝術品般的咖啡。落地玻璃內，看到炒豆的過程，一看就是專業的愛啡之人。今天除來喝咖啡，還享用 lunch。Lunch menu 有四款。我選擇了蒜香蜆肉(微辣)意大利粉和煙三文魚蟹籽忌廉汁意大利粉。蒜香蜆肉(微辣)意大利粉屬於比較濃口的口味，帶鹹香的蜆肉。圍住一整排的蜆肉，滋味無窮！也喜歡蒜香的滋味，令整體口味提升不少。煙三文魚蟹籽忌廉汁意大利粉，含滿滿的煙三文魚，蟹籽也是份量豐富。喜歡海鮮的朋友，這是必吃自選。最後，當然唔少得一杯香滑的 latte ！

今晚慶祝朋友生日，為左就大家易D返屋企，但又想食西餐同坐得舒服啲，所以選擇左呢問餐廳。餐廳裝修很用心，整體感覺很不錯，但餐廳話由於我們人太多（6人），所以不能坐卡位，唯有坐近門口的大枱，仲要同其他客人搭枱，其實完全傾唔到計🙈，食完嗱嗱聲走，有d扣分講番食物，真心很不錯，由其是以下的薯條配黑松露沙津醬，薯條熱辣辣，好好味呀下面沙津味道正常Burger ，牛肉幾軟嫩，旁邊配菜紫薯沒有很多調味，食到紫薯原來的香味再來就是意粉和意大利飯共4款，正常味道，不過不失啦～

近來不少食肆進駐將軍澳新都城，今晚來到位於一期嘅coffee art，已經有很多食客在等候座位，等了一會便安排入座。餐廳不算大，但地方很清潔。落單兩份晚餐，另加一客薯條。南瓜忌廉湯金黃幼滑，入口清甜，令人胃口大開。辣肉腸意大利粉鲜紅香辣，意大利粉夠腍滑，煮得啱啱好，份量適中。黑松露忌廉意大利粉十分香口，黑松露清香得嚟令口感提升，忌廉汁掛滿意大利粉，香滑美味。薯條配黑松露醬亦很香口，薯條炸得香脆，點上香滑黑松露醬更為美味。再來伯爵茶餐飲，清淡幽香，整體食物很有水準。

最近烽煙四起估唔到星期六八點先黎都仲要等位好彩五分鐘倒就有都真係幾受歡迎啵Dinner set 都幾抵食 可選南瓜忌廉湯或salad我選左湯 幾好味絕對唔會係罐頭開出黎既hea 貨黑松露雜菌忌廉意大利粉 ($78)份量幾大碟 意粉質地偏硬身岩哂我口味醬汁濃郁入味 推薦^_^另外all day menu有個貴少少少少 但真係幾正既 P 餐三重蟹肉意大利粉 ($98)三重包括 蟹籽 蟹肉 珍寶蟹棒估唔到幾好食 口感豐富惹味可口 比想像出色^_^(+$20 三隻) 焦糖雞翼好抵食 而且好正呀！下次可以試下加配其他snack 先^_^見到都幾多人加點coffee 下次冇咁夜都試番杯先