Coffee Art

Open Now

Now Closed

早上去完睇戲，便跟朋友到附近找間餐廳食晏。不用等位便可入座，環境算舒適，是檯與檯之間太近，採光度高。我們傾談到由lunch轉到tea time, 人流不多，服務員很nice, 會主動替我們的茶加熱水。點了個煙三文魚蟹籽忌廉意大利粉 & 有Egg Benedict的All Day BreakfastEgg Benedict整得不錯，是份量少了點。意粉夠熱又夠creamy! 份量都好夠飽！ 這個是lunch set, 可選配沙律或法包，選了柚子汁沙律，值得一讚，柚子汁夠開胃！值得再去的餐廳！

一早唔食早餐就係想食呢間餐廳，聽聞好好食，終於可以一試啦！去到時間尚早，仲可以唔洗等就入座啦！坐位都算寬敞，入到去已經8成滿啦！食物選擇有好多，有burger,pasta,意大利飯，仲有all day breakfast，仲有重點甜品呀！好多都好吸引呀！1)帶子、黑松露、藍芝士、忌廉汁薯仔粉呢個真係不得了我個人本身唔鍾意黑松露個味，好似石油氣咁！但呢個完全無！有d人唔鍾意芝士，呢個仲要係好重味既藍芝士，但鍾意芝士既話，呢個真係至愛呀！至於薯仔粉，第一次食，好得意，食食下就愈食愈多！2)牛小排意大利飯個意大利飯味道好好，飯嘅軟硬度就比正宗既冧一d，迎合返香港人嘅口味！牛小排味道都唔錯，但有少少難咬!佢整體味道都係好評的!3)虎蝦番茄羅勒汁意粉羅勒個味好出色呀！可以好好襯托返個番茄味!虎蝦好爽，唔會太老，個意粉可以冧少少！但都好好味!食完主菜梗係仲有甜品啦！本人鍾意柚子味多過蘋果味！柚子味會清新一d，蘋果入面有蘋果肉，蘋果味香濃！兩款都係好好既選擇！呢個Tiramisu 好正，上面嘅提子浸過冧酒，成個配合得好好！食完可以再食呀！佢既飲品都好出息!個拉花好靚好靚，靚到唔捨得整爛佢呀！尤其係朱

週末的下午 坐在文青風格的咖啡廳 吃早餐 喝著半口咖啡 生活也將軍澳少有這種不是大型連所咖啡廳地鋪 但環境唔錯 坐一整個下午都舒服=Egg Benedict配煙三文魚牛油果法包荷蘭汁=香港就算有All Day Breakfast 的店 都未必有Egg Benedict食 波蛋飽滿多汁 生熟度剛剛好荷蘭汁香滑不膩濃稠剛剛好 夾雜檸檬香及牛油香配著煙三文魚 牛油果法包 口感有層次=秋葵茄子翠肉瓜手造PICI=手造PICI外型似烏冬 口感比較硬彈牙羅勒青醬 味道有個性 清新又濃郁秋葵另到醬汁更稠 =Cappuccino/Flat White=咖啡香氣樸 之後發現他們有炒豆房原來咖啡豆是他們自家炒的 正

咖啡唔夠熱（可能係啲奶凍）。但今日萬聖節有個萬聖節公仔嘅糖塊，都幾驚喜。個沙律用柚子汁，稍甜。多士有啲凍，少少硬/唔脆，上面唔知咩油，唔香，又整到個麵包好油。個炒旦剛炒起，又熱又滑。雖然話tea,但價錢和味道及份量唔成正比。第一次來有啲失望。可能下次食意粉會好啲

今日同男朋友特登黎到新都城搵食，我地叫左兩個意粉，一個蕃茄忌廉汁煙三文魚意粉，另一個係三重蟹忌廉意粉（蟹肉、蟹籽、蟹棒）。本黎我地兩個都好期待，可惜越坐就越失望。服務方面：我地叫左兩次想要水，應就有人應左，但係應完就算，都無俾水我地，最後第三次叫時先好晦氣咁俾我地。食物方面：蕃茄忌廉汁煙三文魚意粉完全唔合格，好咸，份量亦好少，三文魚只有零丁幾件，係30蚊既質素，但呢碟野係80幾蚊既價4，一d都唔值！另外果個三重蟹忌廉意粉就幾好食，份量亦夠多（奇怪點解蕃茄忌廉汁煙三文魚意粉得咁少）。飲品：飲左杯果汁，味道好假好難飲。埋單加埋一超過200蚊，呢個價錢大家可以有好多選擇。

仲有兩日 #小秘書 就要出發去 #袋鼠國🦘過一個暖粒粒嘅假期😎 雖然話就話去探個好朋友啫，但係點都要修補下先見人😉 呢日一收工就去做facial，順便約埋個街坊喺附近食飯🍽 講到食我朋友就最叻叻，佢話附近開咗間 #餐廳 #CoffeeArt 一直都想去試吓，今日有我做伴就最啱喇😊#CoffeeArt 由幾位大男孩處理，佈置以開放式廚房設計，包保食物新鮮衛生、而 #廚師 同 #客人 亦可以保持近距離接觸🤜🏻🤛🏻 呢日我要咗個 #黑松露什菌忌廉汁意粉 配 #南瓜湯、#焦糖雞翼😋 等左一陣，熱辣辣嘅 #南瓜湯 首先嚟到我面前，濃濃嘅南瓜蓉配以忌廉打成湯，口感好好😋 廚師喺 #意粉🍝 上面放上 #黑松露醬、再撈咗啲 #什菌醬汁，好香菇菌味，正合我意😋 不得不提仲有佢嘅 #焦糖雞翼，即叫即炸再配上 #蜜糖醬，味道好夾😋 最後嚟一杯 #伯爵茶，好香茶味☕️ 幫助沖淡食物嘅油膩感... 朋友呢個介紹又真係唔錯喎👍🏻

今日約咗個朋友去寶琳食飯，未夠鐘所以搵咗間咖啡店坐低。原來寶琳有間新開嘅咖啡店，星期日嚟到好多人，等左一陣先有位。我叫咗一杯飲品一件蛋糕，坐低休息下。好多人都叫意粉，下次我都想試吓餐廳嘅咖啡味好香，我叫咗一杯海鹽朱古力，用左正宗比利時朱古力又冇加糖，朱古力味好濃好香，甜到完全唔高。上面仲鋪左朱古力粉添！我叫咗件蛋糕，蘋果芝士蛋糕。餐廳食物都好健康，甜品完全唔會好甜！環境好舒服，好啱放假黎休息一下！

又多一間Cafe - Coffee Art進駐將軍澳，相信有唔少區內嘅人都幾開心，平時有質素嘅Cafe真係少得可憐🥺夜晚選擇set dinner都幾抵食，人均$80-$100，包埋前菜、主菜同一杯茶，特色咖啡額外加錢☕️。兩位友人分別叫咗南瓜湯、雜菌黑松露意粉、香辣腸蕃茄意粉，意粉煙un彈牙，好有咬口，黑松露醬香濃得黎好creamy。另一款蕃茄意粉啲車厘茄亦好甜，配埋份量超足嘅香辣腸，絕對夠飽🥰不得不提一定要食佢哋嘅All Day Breakfast，唔好以為乜都包羅萬有質素就會普普通通，每樣都食得出心機所在👍🏻首先蒜蓉包烘得香口脆身，蘑菇同炒蛋好夠味，唔似出邊嗰啲蘑菇好多時好似白烚咁，最值得一讚係個Salmon Tartare🤤上面三文魚，下面薯仔沙律，淡淡魚香，最適合配埋牛油果一齊食，旁邊嘅沙律醬亦沾滿柚子汁，實在無可挑剔🌟🤤

我家的小豬星期日放假，往往比較休閒，晚餐時間出門找吃，經過寶琳新都城一期，發現這家挺有格調的coffee shop。座位不算很多，但全部都很闊落，看一看晚餐餐牌價錢十分親民。我們點了 一份Set Dinner頭盤點了 南瓜忌廉湯湯底濃稠，南瓜正值當造期，濃滑的忌廉湯，口感幼滑，倍加滋味。主菜點了 辣肉腸墨西哥汁意大利粉墨西哥汁酸酸甜甜，帶一點點辣，意粉🍝份量適中👍🏻辣肉腸外脆口配新鮮車厘茄，輕食晚餐來說不錯。小食方面，焦糖雞翼，我的最愛剛剛焗好，端上枱熱辣辣，雞翼外皮加上蜜糖焗得香脆，外脆內軟，一隻接一隻，停不到口。三重蟹肉意大利粉店員推薦，熱門之選，分別有蟹子、蟹肉、珍寶蟹棒，口感豐富，珍寶蟹棒啖啖肉，蟹子配意大利粉，有驚喜！Hot Chocolate 朱古力濃稠，滴滴掛杯，質感厚身，不會太甜。賣相精美、打卡一流😘

如果係三五知己，同一大班朋友既，絕對推介過呢間一食，佢都係類似cafe食意粉,有位朋友聲稱係到食左人生最好食意粉,我亦推介自己較為有印象既先。三重蟹肉意粉，真心好食，有真蟹棒，my favour,而且個汁都好夾，好想一個人獨享。跟住佢個黑松露薯條又係推介之選，新鮮炸，松露醬岩岩好，唔會太濃太搶味，如果你好黑松露另計，但你點都估唔到最推介係佢既湯阿，必定要加同要食，我無試到人生最好食意粉，但個湯反而有可能係，絕對唔係一般湯🤪

假期一人獨自去食，在門口等了二十分中左右，有一位戴眼鏡的女生問我搭枱可以嗎，我說可以，之後帶去窗口位置是一張二人枱對面是一位男士冇問題，但當我去到梳化座位時，梳化上滿是長長的頭髮好污糟，叫帶位女生比紙巾淸理她沒回應，只行開去送餐，我企在位之後她回來給我紙巾抹，第一呢D服務態度巳不好，座位污糟應是員工清理不是客人。之後我說轉位，情況也是一樣，奈何排隊那麼久又不想再去其他食，只好坐在另一邊。點餐再加啡，期待的咖啡失望，不是熱只是暖，又忘記給咖啡糖。埋單去櫃檯問是否這裡比錢，問了兩次才回覆，太多人但服務真是很一般，冇下次

同太太假日去左coffee art 新都城食brunch. 我叫左Deluxe All Day Breakfast, 太太叫左帶子，黑松露，藍芝士，忌廉汁手造薯仔粉(無晒薯仔粉，改左意粉)。All Day Breakfast幾好食，最有驚喜係個煙三文魚薯仔粒。意粉幾彈牙，帶子好新鮮。Cappuccino好飲過Starbucks 多多聲！

Weekend下午茶時段尼，好好生意，都幾full，人手顯得有啲不足。叫左一杯latte，一杯cappuccino ，咖啡的確係好飲，奶味唔會cover左啲咖啡味。唔似得某兩間s同p字頭嘅連鎖店，好似飲緊有咖啡味嘅奶咁😂意粉都好味😋

成日都覺得有些餐廳在你還未有試過時, 單憑餐廳的門面, 設計, 氛圍及服務員的「面口」, 已經可以給你一種舒服, 好想一試的感覺, Coffee Art 正正滲透這種魔力。 簡潔的裝修,柔和的燈光,寬敞的空間, 舒適的椅子, 很快很快, 我已經代入了 (我估) 店主想帶給食客的悠閒放鬆的自在環境,仲情不自禁「少女心」地打了咭。再看看食物可唔可以帶我到更滿足的境界。 想試是否只是虛有其表, 今次同朋友點的都是比較「基本、踏實」的菜式 – Deluxe All Day Breakfast, 黑松露雜菌忌廉汁意粉同試試柚子芝士蛋糕。 先有跟餐的南瓜湯有南瓜的綿密香甜,飲得好舒服。+$10 想試的青蘋果汁感覺比一般蘋果汁帶多一點酸, 最好是夠凍。 + $25 Latte奄尖朋友竟然全無投訴, 唔怪得叫Coffee Art 啦。 Deluxe All Day Breakfast平均, 食材新鮮。尤其鍾意個略帶天然甜的紫薯蓉及調味出色的三文魚他他。 黑松露雜菌忌廉汁意粉非常香濃的組合, 但好好地平衡了黑松露和忌廉的味道,不會互搶而且混合成美味, 不錯。 柚子芝士蛋糕感謝柚子, 減少了食這個濃郁芝士

今日唔洗返工，同屋企人趁lunch出去食呢間位於新都城一期嘅coffee art：平日有lunch set，送伯爵紅茶，價錢都幾親民：Lunch set唔啱食都可以叫all day menu，都送伯爵紅茶，選擇好多：我哋叫咗兩個set：煙三文魚蟹籽忌廉汁意大利粉（$68）：屋企人叫呢個，份量都幾多：三重蟹肉意大利粉（蟹籽、蟹肉、珍寶蟹棒）（$98）：我見到幾多人叫呢個，所以跟住叫，果然有驚喜！個珍寶蟹棒係煎過嘅，好香，加埋好多蟹籽，令到個意大利粉好有口感！