龍華軒咖啡室 (Closed)

呢個出晒位既雞翼放題 講左好耐終於有朋友陪我試喇好滾動..... （各位請留意 假日去最好約兩星期前預約 walk-in 99.9%系冇位ga 平日我就吾知 ）約早兩星期前透個wtsapp預約 一來有圖有真相 二來佢地真系爭繁忙未必聽到你電話的2點開始 我同朋友就兩點上到去 已經滿座咁濟 雞翼放題 一開始會俾晒四款味道你食 每款約有5至6隻 你只需要order飲品就ok na 其後encore 既份量都約大 記得量力而為吾好浪費牙......N咁多個post 都已經提及到有邊四隻味 我就吾多講 但雞翼即整夠晒熱辣辣 雞翼吾乾身 好juice 本人最愛蜜糖雞翼🖖🏻

出去做野做到lunch都無時間食，咁岩諗起旺角有間cafe做下午茶雞翼放題，仲要星期1～5都有得食，無理由唔上去試下啦！間cafe喺潮流特區對面馬路，高氏大廈隔離條巷仔入去再上樓，勁隱閉，走過左幾次先搵岩路，不過無損雞翼控細寶要食雞翼的決心😂龍華軒有2層，每層座位唔算多，下午4點去到，8張檯坐左5張。店員安排左細寶坐角落位，好舒服，又唔會顯得一個人好突兀，空間感營造得唔錯，每檯都有自己既空間。既然上得黎，梗係試下個雞翼放題啦，一共有鹽香雞翼、蜜糖雞翼、香草雞翼同蒜香雞翼4款可以任食，可惜當日無蒜香雞翼，試唔晒咁多隻味。首先3款雞翼會一次過送黎，每碟都8～10隻，見到都好滿足，不過細寶一個人就食唔晒咁多喇，唯有叫店員每碟既份量減半先，唔夠再加，駛事做大晒鬼。3款入面細寶最鐘意鹽香雞翼，炸完再灑上椒鹽，香口惹味！蜜糖雞翼唔會過甜，食多幾隻都唔會膩😍香草雞翼就無乜特別出色之處。本身驚放題形式，雞翼會唔會好un呢，但又唔係喎，都幾厚肉架喎，單人匹馬KO左16隻，好滿足😋由於雞翼全部都係炸過，所以會有啲口渴，放題唔包飲品，需要另外order，除左咖啡，都有唔同的紅茶綠茶梳打。墊杯的木板仔仲有ca

其實Cafe Lowa 唔係淨係得雞翼，仲有格式嘅意粉，焗飯，同好有多種嘅咖啡同飲品。雞翼放題係每日嘅2pm - 6pm ONLY. 記得一定要預早打電話book枱。老闆好 nice。沖嘅飲品都好好飲。果日我同朋友點咗oreo chocolate，iced mocha，水蜜桃紅茶， 同蜂蜜綠茶。雞翼有三種味道：蜜糖，香草，同蒜香。三種都好好食。我本人就最鍾意蜜糖。我本身非常，非常怕太甜嘅食物同飲品，但係連我都覺得味道洽到好處。 雞翼唔晒食客出生就立刻到面前。食落口就知道雞翼係新鮮整出來。Server 會係你清碟之後嘅9秒9 立刻到你面前收吉碟，然後再放三碟新鮮又熱辣辣嘅雞翼係你面前。一定會有下次。只怕難book 位。

呢間cafe近期推出左個＄72雞翼放題，時段係下午兩點到六點而雞翼就有四款口味：蜜糖雞翼、香草雞翼、鹽香雞翼、蒜香雞翼，全部即叫即炸蜜糖雞翼加左蜜糖，一鹹一甜；蒜香雞翼就滿炸蒜，非常香口；鹽香雞翼就灑左香草同鹽，味道正常唔算特別；香草雞翼就淡口d, 感覺無咁油膩同heavy呢間cafe有上下兩層，兩層都擺滿好多得意野，完完全全係真.文青cafe，大家上到嚟不妨盡情selfie po上網呃like！

最近喺facebook都有唔少朋友share呢間樓上cafe嘅post，標題都相當亮眼，「雞翼放題，$72」。朋友都知我係雞翼控，所以急忙打去預約同我食。咖啡店位置唔多，裝潢都幾特別，放左唔少樂器，座位間空間感多，唔會好逼狹。餐單以意粉為主，一般cafe嘅價錢，不過點意粉要七、八十蚊，冇優惠價配飲品，確係令人有多少卻步。我都怕朋友齋食雞翼會好dry，不過睇左主餐價錢，都係決定主力食雞翼算。任砌雞翼 $72一坐低，店員已經送上雞翼，雞翼共有四款味道：蜜糖、香草、蒜蓉、鹽（我自己咁樣形容咋，冇留意到佢地有名堂）雞翼雖然有幾個味道，但由於都係焗好，再作調味，除左塊皮有少少味道，其實雞肉都係一樣。所以食多幾隻真係會覺得dry，連我咁鐘意食雞翼都有少少頂唔順。蜜糖雞翼用嘅係好似沖蜜糖水嘅honey，食落非常甜。蒜蓉味嘅會比較熱氣。我覺得比較好食係香草、鹽。五個人去，我諗…食左一百隻左右啦，有冇著數自己計。不過講真，齋隊雞翼都會又乾又鹹又鞋，所以點都會叫飲品，變相我就覺得唔係咁抵食喇，除非你死頂唔飲野，食到幾十隻就有so。水蜜桃綠茶 $38朋友點嘅水蜜桃綠茶，未飲過已經係得咁大杯。焦糖咖啡 $45

之前成日同朋友黎食因為呢到都幾舒服今日係旺角行完街搵下野食突然好想食生蝦但放棄左傳統既泰國餐廳-臨上去打左個電話問下有無位問左叫我去16樓第一次黎到16樓 我都知我太耐無上黎連開左下面果層都唔知-入到去已經有店員熱情招待 忙著要介紹菜色不過因為我已經食過好多次而我今次黎已經有心目中既選擇-今次係帶男朋友黎食生蝦一定走唔甩 因為係CAFÉ食到生蝦好少有賣相都唔差架 個汁先係重點不過今次食 個味太咸 應該落既魚露太多了而另一個係泰式碎牛肉意粉亦係我既至愛酸酸辣辣既味道 食落好開胃 留意返呢個意粉係凍食 所以唔會熱果然無令我失望 哈哈希望自己都整到甘好食既野最後一樣野食係小食併盤 本身諗住叫個雞翼算架啦但係又心思思食埋其他小食併盤分別有雞翼,薯角,咖哩角同春卷 係阿我都知好熱氣食埋今次唔食啦 我會節制下架啦-今次無叫野飲 因為覺得有D貴不過店員好好,倒左2杯水俾我地 又同我地加水男朋友話呢到好舒服下次HEA既時候可以試下黎飲野

環境係吾錯，有各式各樣的樂器擺設，比人既感覺係幾舒服。佢既餐牌以飲料居多，野食就有意粉，飯既選擇比較少。呢到係冇board game玩，所以有少少失望。叫左個牛柳粒意粉，外貌不錯，但係份量真的少左d，牛肉粒好少，一半都係紅椒青椒等，意粉過硬，吾係太好食。朋友就係叫左卡邦尼意粉同埋西蘭花煙肉意粉，份量都係比較少。

本來都冇諗過話去咩coffee shop,但因為星期六既關係，係出面想搵間好食冇人等位又可以慢慢坐唔急既餐廳真係一件難事。而又因為朋友既同事介紹之下，我地就簡左黎，最估唔到既係真係有驚喜。去之前就要先打上去book位先，而大廈大門有啲難搵，但上到去都幾開心。一來，個日16樓淨係得我地一台客人，已經唔洗諗咩'有人等位就啦啦聲走人'。我地舒舒服服坐左兩三個鐘。二來鋪頭感覺都幾warm同幾有feel 咁,越坐越想訓，可惜張櫈係硬，哈哈。三來，客人可以借ukulele, guitar彈。店長（其實唔知係咪，但佢負責service 我地）會係度彈下吉他。如果我ukulele學有所成都想同店主一齊玩下四來，呢度個邦哥尼意粉真係好好食！如果你都我一樣鐘意芝士又鐘意濃濃既邦哥尼意粉既話，一定要一試！唔係誇張，我好大機會因為呢一個意粉再上去食。因為去親coffee shop都好自然咁對食物既期望冇咁高，純粹想同朋友聚下玩下棋個啲。我地三個女仔好快咁ko左呢碟邦哥尼

如果你不是太肚餓又有時間的話，即管來挑戰一下耐性吧！又或者只來喝東西傾下計也可！但食物如何説不到給大家知⋯因為本人在星期日下午2:30到來，與另外一家三口一齊到達，一家三口先點餐，跟著到我們，大家都先來飲品，那一家三口之後亦來了一客雞翼，但主菜卻一直未有，最可笑的是，門口的木牌寫著''煮嘢食係需要時間⋯咪催''，所以大家都耐心地等，但那一等便是將近一個小時⋯⋯一家三口的爸爸此時埋單了，但仍然繼續坐，我們十分鐘後決定不再等，也埋單離開！因為飲品已喝光，但已肚餓得很！我一向都很支持年輕人創業，只要用心，總會有成果會有一班顧客支持，但這家餐廳開門並不是做生意，只任由顧客在等，我們在等待時完全沒有交代為何要等這麼久，只感覺到負責煮食的職員仍未返到，原來落單那位弄好飲品與小食後便一直坐在店中沒工作做，其實解釋說一句，或交代情況，等顧客自行決定，總比單照落，但你慢慢等但又不知道要你等幾耐好得多啦！究竟他們開這間餐廳的目的是什麼？還有他們這一句''煮嘢食係需要時間⋯咪催''做擋箭牌是否就可以不負責任地要顧客不斷地等？！真的做了這麼多年人，第一次遇到如此令人失望的餐廳啊！

去開旺角睇戲～順便去試下save 左好耐既呢間cafe~位置都算幾難搵因為要入條小巷先見到棟大廈既門口果棟大廈成棟都係cafe ~上到17樓 好似入到懷舊餐廳咁 可能6點幾時間尚早冇咩人 好似包左場咁肚仔餓即刻點返返個佢最出名既卡邦尼意粉一上台真係好鬼死香 好濃既cheese 味意粉好夠爽～如果愛好濃味既呢個岩曬你～醬汁唔會太稀係我食過既最好味既卡邦尼！難怪佢門口寫住世界第一卡邦尼😁不過如果再大碟d就好嚕-3-我同朋友每人再叫杯朱古力～特濃朱古力唔算話好濃呢度靜靜地～好適合傾計～

好傷心 用手機app影完相寫完諗住暫存既時候唔小心禁左出去 無晒啲相 卡邦尼意粉: 一上黎香噴噴 香料十足 + 濃汁! 美味白汁海鮮焗飯: 芝味之選 千絲萬縷既芝士絲連住每一啖 讚海鮮料*蠔蜆蝦帶子*亦足本另外叫左焦糖咖啡&榛子咖啡呢度既咖啡無咩奶味 焦糖既苦味幾重 榛子味幾香香香蜜糖味 以為好甜 原來都唔係只係面層煎完淋落去 雞翼本身煎得幾咸 外皮好脆

因為book左枱，去到唔洗等位，第一次黎覺得環境不錯，擺設好得意，地方細細但枱櫈濶落，坐落都唔會好迫，老闆風趣講得笑，點完餐後上菜速度可接受，以2個人運作黎講已經不錯了蜜糖雞翼 - 入口少少甜，雞肉入味，一人一隻岩岩好芝士焗西蘭花 - 落芝士唔手軟，佈滿一絲絲芝士，西蘭花分量足，每人都食到幾粒蒜香雞絲炒意粉 - 蒜味濃郁，味道剛好，意粉軟硬適中卡邦尼意粉 - 芝士味一流，多汁，煙肉一片片，平時食幾啖已經飽，但呢個好味到飽都想繼續食飲品叫左焦糖朱古力，青檸梳打，水蜜桃茶，每杯都夠味，今晚同朋友又食飽又傾飽

第一次去，佢無寫到cafe入面系有狗，本人比較怕狗 亦都無諗過食肆會有狗。佢一打開門，隻狗就跑出黎，我朋友就同我講「 依乜而到有狗架」，我無出聲，個服務生就話「你地驚狗架？」我以為佢會好好心甘放番落狗袋，點知佢就笑笑口答「甘你地走啦！」我真系o左，咩態度？因為隻狗應該同店入面個兩個服務生幾熟 佢又抱 又攬 。我地食野時候，隻狗仲周圍甘走，又跳上格離張椅上面。有少少五衛生，雖然隻狗size 五大，但系好活潑周圍跑。問題五系我介五介意隻狗，而系服務生個態度。應該五會再去！

完全是lowa fans,平均一個月去一次，每次都會帶唔同既朋友去，每個食完都會愛上。由最初開鋪，無咩人識唔洗訂位，到現在要訂，walk in都無位，就個佢地食物既實力，可以吸引到人，一去再去。👍👍食物既份量夠大，多啲朋友一齊share食都無問題，店鋪設計特別，環境休靜，又有玩具可玩放鬆心情一流，係我最鍾意既原因。

旺角★Coffee Lowa龍華軒咖啡室又係恆威商業中心依座CAFÉ大樓有開心大發現！book左7點但同sis行街行到腳仔軟都係早d黎坐下…好彩有book先可以入黎,見有n個組合想walk-in都被告知夜晚已經full booking環境：間café細細地，應該得9-10張2人枱。出自音樂人既設計好有”feel”，牆漆用左藍綠色，同佢掛起既結他同鼓好襯（6點幾hea緊/食完飯吹緊水既時候都見到疑似老闆係到練結他！）櫈就揀左黃色，令成間café仔好colourful充滿生氣飲品：好肚餓但未夠鐘食飯叫住杯咖啡頂住肚先..- Caffe latte ($45)：嘩嘩嘩，賣相吸引唔洗講，味道真係頂瓜瓜！Unexpectedly超香濃咖啡味，唔會好似平時咁比d奶搶晒味盛讚左成晚..哈哈！不過唯一係以$4x黎講，佢真係幾細杯下(S-size)…要好好珍惜每一啖- 蜂蜜玫瑰花蜜桃茶 ($78)：未倒出黎已經聞到好香玫瑰味，好搞鬼咁配個中式小茶杯。飲落好舒服，微甜剛剛好雖然$7x都係偏貴，不過其實個壺好大可以夠2個人share＆可以加水（我地加左1次水，係無咁濃但都仲出到味）食物：8個人叫左3個晚